#ПобытБеларусаў

Пра сподняе, якое насілі беларусы

Праект Stroy

У тыкток

#ГісторыяБеларусі

4 снежня 1939 года у складзе БССР была ўтворана Беластоцкая вобласць.

Фармальна існавала ў 1939–1944 гадах, дэ-факта — у 1939–1941-м.

Адміністрацыйным цэнтрам быў горад Беласток.

Паводле савецка-польскай дамовы наконт меж ад 16 жніўня 1945 года, 17 раёнаў вобласці былі аддадзеныя Польскай Народнай Рэспубліцы разам з трыма раёнамі Брэсцкай вобласці. Пры гэтым падрыхтоўка, падпісанне і ратыфікацыя дамовы былі ажыццёўлены без удзелу ўпаўнаважаных прадстаўнікоў БССР.

Пасля перадачы тэрыторый вобласць была ліквідавана, а з астатняй часткі, што засталася ў Беларускай ССР, была створана Гродзенская вобласць.

Фільм на рускай мове але пра гісторыю падзела беларускіх зямель паслухаць цікава

https://youtu.be/yYt04EpA9AA?si=_uSu4vGo9JcoDU-S

#ДумкіЎслых
#МоваНашаРодная

Як мне абрыдлі такія вось выпраўлякі "разумныя"!
Зайшла да яе на старонку - шэсць пастоў толькі і ўсе на рускай мове. Але павучыць іншых яна ў першых радах!

👉 Спадарства, не звяртайце ўвагу на такіх дарадчыкаў, бо пераважная большасць з іх - невукі, якія самі па-беларуску і двух слоў не завяжуць!

Размаўляйце, гаварыце, гутарце, гаманіце, расказвайце, распавядайце, байце і нават балбачыце па-беларуску. Проста мова наша настолькі багатая і разнастайная, што ў невукаў у галаве мазгі бурбалкамі ідуць, вось і лезуць яны са сваімі парадамі!

Зоя С

#Літаратура

Ілья Шынкарэнка на шпацыры з апытанкай.
На гэты раз весялей, мінулым разам хлопец ледзь не задыхнуўся!))

Крыніца відэа ў тыкток

Меандры – выгібы рэчышча ракі – гэта не толькі прыродная прыгажосць.

💧 Меандры запавольваюць рух вады і павялічваюць працягласць ракі. Па рацэ, якую пераўтварылі ў канал, вада сплывае хутка, не затрымліваючыся, а па звілістым рэчышчы вада цячэ марудна – гэта дапамагае зменшыць негатыўныя наступствы палаводдзяў, пікі паводак, іх інтэнсіўнасць і ўрон ад іх.

Калі аднавіць меандры рэк, якія былі ператвораны ў каналы, можна павялічыць воднасць рэгіёну, прадухіліць засухі, палепшыць якасць вады, захаваць біяразнастайнасць. 💙

Дзікія рэкі могуць дапамагчы змякчыць наступствы змены клімату, калі захоўваць іх у натуральным стане.

📷 Выява з сайта aquaportail.com

#дзікіярэкі #свабодныярэкі #freerivers #wildrivers

💔💔💔Трапілася такая вось сумная і прыгожая песня, проста сэрца наскрозь!
Дзялюся з вамі, упэўнена, што раўнадушных не будзе.

https://www.tiktok.com/@archivveske?_t=8rw5pGyqwC7&_r=1

Падзея!

Беларускую выцінанку ўключылі ў спіс нематэрыяльнай культурнай спадчыны ЮНЕСКА

Добрага дня добрым людзям!

#КухняБеларусі

Капуста ў вілках па-старабеларуску

Прадукты:
● капуста белакачанная,
● вада (10 л),
● соль (500 г),
● лаўровы ліст, корань хрэна, перац чорны, перац духмяны.

Гатаванне
Існуе некалькі асноўных спосабаў квасіць капусту ў хатніх умовах, але вельмі рэдка карыстаюцца старадаўнім рэцэптам квашання капусты, разрэзанай на чвэртачкі, палоўкі, і нават цэлымі качанамі. Для засолкі выбіраюць познія гатункі капусты. Вілкі капусты павінны быць з белым, сакавітым і храбусткім лісцем. Калі выкарыстоўваць цэлыя, палоўкі або чвэртачкі качана, то для больш раўнамернага прасольвання капусты храпку з яе можна выразаць.

Квашанне капусты на зіму трэба рабіць у адмысловым посудзе. Здаўна для гэтых мэтаў выкарыстоўвалася драўляная тара розных абʼёмаў, многія да такога варыянту вяртаюцца і цяпер.

З аднаго боку, прыгатаванне квашанай капусты ў драўлянай тары (акрамя хваёвых парод) дае свой, спецыфічны прыемны водар, а з другога – драўніна – гэта экалагічны матэрыял, які не аказвае адмоўнага ўздзеяння на арганізм чалавека.

Разнастаіць смак квашанай капусты дапамогуць рэзаныя дзелькамі буйныя або цэлыя дробныя яблычкі кіслых гатункаў, слівы, брусніцы і журавіны. Нялішнім дадаткам крамянага капуснага смаку стануць духмяны перац гарошкам і кмен, гваздзіка і лаўровы ліст, хрэн і салера, лісце дуба.

Першапачаткова вілкі капусты трэба запякаць у печцы пры тэмпературы 200–220 °С прыкладна 6–8 гадзін. Дастаць капусту, зняць верхні абгарэлы ліст і апусціць у халодную ваду да поўнага астывання.

Пакласці капусту ў драўляную бочку. Заліць халодным расолам (на 10 літраў вады бяром 500 г солі), зверху пакласці цяжар. У бочку для водару дадаць прыправы: лаўровы ліст, корань хрэна, перац чорны і духмяны. Ёмістасць з капустай пакінуць на 5–7 дзён пры хатняй тэмпературы, кожны дзень збіраць утвораную пену. Затым бочкі адправіць у халоднае месца.

Аптымальная тэмпература захоўвання квашанай капусты каля 0 °С.

Крыніца

#МоваНашаРодная

Не магу сказаць адкуль гэтыя дадзеныя, спёрла ў НЕпадпісчыкаў, але яны даволі паказальныя і сумныя.

Чаму? Таму што лічба адлюстроўвае яшчэ адзін спосаб дэбеларусізацыі праз выкарыстанне інтэрнэт-асяроддзя.

👉 Усё проста. Нават калі ты набіраеш запыт па-беларуску, то выдача інфармацыі масавага прыўначэння на беларускай мове вельмі абмежаваная, або зусім не адпавядае запыту. У выніку карыстальніку прыходзіцца пераходзіць на рускую мову, каб атрымаць інфармацыю.

🤔 Пішыце, ці згодныя вы з такімі вывадамі і наколькі ўдалымі былі вашыя спробы знаходзіць нешта патрэбнае, пакінуўшы запыт па-беларуску?

Праверыць трэнды пошуку можна тут
https://trends.google.ru/trending?geo=BY&hl=ru&hours=168

#Падарожжа
#ГісторыяВКЛ

Нясвіжскі палац

Гэты цудоўны палац быў рэзідэнцыяй магутнага роду Радзівілаў, які адыгрываў ключавую ролю ў палітыцы Вялікага Княства Літоўскага.

Рэзідэнцыя магутнага роду Радзівілаў - гэта не проста палац, гэта цэнтр культуры, навукі і мастацтва таго часу.

Радзівілы былі заступнікамі мастацтваў, і менавіта дзякуючы іх патранажу ў Нясвіжы развіваліся ТЭАТР, музыка і літаратура.

Парада: не прапусціце экскурсію па падзямеллях палаца, дзе размешчана старадаўняя крыпта Радзівілаў. Пасля агляду палаца абавязкова прагуляйцеся па прылеглым парку, які быў разбіты па лепшых еўрапейскіх узорах эпохі Адраджэння.

#НамПішуць

Ну якія разумныя падпісчыкі на нашым канале! Во што выдаюць! 👇

Я б не хапаўся за сэрца ад гэтых лічбаў па простай прычыне, google наўрадці вызначае мову запросу, бо гэта будзе патрабаваць шмат рэсурсаў, скарэй за ўсе бярэцца мова якая ўсталяваная ў якасці мовы абсталявання, ці вылічваецца вельмі прыблізна.
Крыху тэхнічных дэталяў для тых каму гэта інтарэсна. 
Сервер атрымлівае ад браўзера радок накштал гэтага: Accept-Language ru-RU,ru;q=0.8,en-US;q=0.5,en;q=0.3
Запыт Accept-Language паведамляе серверу, якія мовы кліент разумее і якая лакаль пераважней (маюцца на ўвазе сапраўдныя мовы, такія як англійская, а не мовы праграмавання). Выкарыстоўваючы механізм абмеркавання змесціва (content negotiation), сервер выбірае адзін з прапанаваных варыянтаў, выкарыстоўвае яго і інфармуе кліента аб сваім выбары пры дапамозе загалоўка адказу Content-Language. Браўзеры ўсталёўваюць адпаведныя значэнні для дадзенага загалоўка, зыходзячы з мовы карыстацкага інтэрфейсу, і, нават калі ў карыстача ёсць магчымасць змяніць значэнне загалоўка Accept-Language, гэта адбываецца рэдка (і не ўхваляецца, бо вядзе да недакладнай ідэнтыфікацыі).
https://developer.mozilla.org/ru/docs/Web/HTTP/Headers/Accept-Language?utm_source=mozilla&utm_medium=devtools-netmonitor&utm_campaign=default

5–6 снежня 2024 г. Інстытут гісторыі НАН Беларусі сумесна з Цэнтрам даследаванняў беларускай культуры, мовы і літаратуры НАН Беларусі і Аб’яднанай галіновай прафсаюзнай арганізацыяй работнікаў НАН Беларусі праводзіць навукова-практычную канферэнцыю “Гістарычнае краязнаўства Беларусі: вопыт, праблемы і перспектывы развіцця”, прысвечаную 100-годдзю Цэнтральнага бюро краязнаўства.

У працы канферэнцыі бяруць удзел больш за 100 акадэмічных вучоных і выкладчыкаў, супрацоўнікаў музеяў і бібліятэк, настаўнікаў і студэнтаў, краязнаўцаў і школьнікаў з усіх абласцей краіны. У рамках навуковага форуму арганізавана работа трох секцый.

Падчас канферэнцыі будуць прадстаўлены тэматычная выстава архіўных дакументаў з фондаў Цэнтральнага навуковага архіва НАН Беларусі і кніжная выстава з фондаў Цэнтральнай навуковай бібліятэкі імя Якуба Коласа НАН Беларусі.

Чытаць праграму