#AddisAbaba

የ20ሚሊዮን ብር የዋጋ ግምት ያለው በህገወጥ መንገድ ወደ ሀገር ውስጥ የገቡ የተለያዩ መድሃኒቶች በቁጥጥር ስር መዋሉን የአዲስ አበባ ፖሊስ ኮሚሽን አስታውቋል።

ፖሊስ መድሃኒት የማከፋፈል ሆነ የመሸጥ ፍቃድ የለውም ያለው ተጠርጣሪ የህገ-ወጥ መድሃኒቱን አዲስ ከተማ ክፍለ ከተማ ወረዳ 8 ዱባይ ተራ ህንፃ የታችኛው ክፍል ደብቆት ነበር ብሏል።

ግለሰቡ፥ የካቲት 10 ቀን 2016 ዓ/ም መድሀኒቱን ወደ ጉለሌ ክፍለ ከተማ ወረዳ 10 ልዩ ቦታው ታደሰ ብሩ 2ኛ ደረጃ ትምህርት ቤት ጀርባ ወዳለው የግል መኖሪያ ቤት በመውሰድ በዚያ አከማችቶ መያዙን ፖሊስ አስታውቋል።

@TikvahethMagazine

#AddisAbaba

በአዲስ አበባ ከተማ ቦሌ ቡልቡላና አካባቢው ያሉ ደንበኞችን የኤሌክትሪክ ኃይል ተጠቃሚ የሚያደርግ የ14 ኪሎ ሜትር የመካከለኛ መስመር ዝርጋታ ከኮየ-አቦ እስከ ቦሌ ቡልቡላ እየተከናወነ መሆኑን የኢትዮጵያ ኤሌክትሪክ አገልግሎት አስታውቋል።

172 ሚሊየን ብር ወጪ የሚፈጅው ፕሮጀክቱ፤
ጥር 1 ቀን 2016 ዓ.ም ተጀምሮ አሁን ላይ 14 ኪ.ሜ የሚሸፍን 320 የኮንክሪት ምሰሶ ተከላ ስራ ተከናውኗል። ቀድም ሲል በአካባቢው ተደጋጋሚ የኃይል መቆራረጥ የነበረ ሲሆን፤ የተጀመረው ሥራ ሲጠናቀቅ በቦሌ ቡልቡላና አካባቢው የነበረውን ችግር በከፍተኛ ደረጃ መቅረፍ የሚያስችል ይሆናል ብሏል ተቋሙ።

@TikvahethMagazine

#AddisAbaba

የኢትዮ ቴሌኮም ንብረት የሆነውን ገመድ በመቁረጥ በማዳበሪያ ውስጥ ጠቅልሎ ሲጓዝ በቁጥጥር ሥር የዋለውን ተጠርጣሪ መሰረት አድርጎ ፖሊስ ባደረገው ምርመራ ተጨማሪ 6 ተጠርጣሪዎችን በቁጥጥር ሥር ማዋል ችያለሁ ብሏል።

ተጠርጣሪዎቹ በቁጥጥር ስር በዋሉበት ወቅትም ፖሊስ ከ1 ሺህ ሜትር በላይ የሚሆን የኢትዮ ቴሌኮምና የኢትዮጵያ ኤሌክትሪክ ሃይል አገልግሎት ንብረት የሆነ ገመድን ከነመቁረጫቸው አብሮ መያዙን ገልጿል፡፡

በየካ ክፍለ ከተማ ወረዳ 9 አካባቢ የኢትዮ ቴሌኮምና የኤሌክትሪክ ሃይል ማስተላለፊያ ገመድን ከሚቀበሉ ግለሰቦች ቤት ውስጥ 3 ጀነሬተሮች፣ 4 የሃይል ማስነሻ ባትሪ እና ባለሙያዎች ለስራ የሚጠቀሙባቸውን ቀበቶዎች መያዙንም ነው ያስታወቀው፡፡

@tikvahethmagazine

#AddisAbaba

° "ልጆቻችንን ካስመዘገብን በኋላ መዋጮ ካልከፈላችሁ አይማሩም ተባልን" - ቅሬታ አቅራቢ

° "እችላለሁ የሚል መክፈል ይችላል አልችልም የሚል መንግሥት የሚሰራውን ይጠብቅ" - የጋራ ፉሪ ት/ቤት የወላጅ ኮሚቴ ሰብሳቢ

በአዲስ አበባ ኮልፌ ቀራንዮ ክፍለ ከተማ ወረዳ 2 የሚገኘው የ ጋራ ፉሪ አንደኛ ደረጃ ት/ቤት ለመጪው የ ትምህርት ዘመን በቅድመ መደበኛ ለማስተማር ከመዘገበ በኋላ ለተማሪዎች መማሪያ ቦታ መስሪያ ከ 3 ሺ ብር በላይ እንድናዋጣ ተጠይቀናል ያሉ ወላጆች ቅሬታቸውን ለቲክቫህ ኢትዮጵያ አቅርበዋል።

ትምህርት ቤቱ የተቋቋመው በ 2016 ዓም ሲሆን በአንደኛ ደረጃ ከ 1-8ኛ ክፍል ተማሪዎችን በመቀበል በማስተማር ላይ ይገኛል።

በቅድመ አንደኛ ደረጃ የመማሪያ ቦታ ሳይኖር "ሊማሩም ላይማሩም ይችላሉ ለማንኛውም አስመዝገቡ እና ለሚመለከተው አካል እናመለክታለን" ተብለን ከ 15 ቀን በፊት ልጆቻችንን አስመዝግበናል ሲሉ ቅሬታ አቅራቢው ገልጸዋል።

አክለውም፥ ባሳለፍነው እሁድ ስብሰባ ጠርተው የሚማሩበትን ክፍል ለመስራት 3,731 ብር #እንዲያዋጡ መጠየቃቸውን ተናግረዋል።

"መንግሥት ከታህሳስ በኋላ በራሱ በጅት ስለሚሰራ እስከዛ የተጠየቀውን ገንዘብ አዋጥታቹ ሰርታቹ አስተምሩ ከታህሳስ በኋላ ተማሪ አንቀበልም ስለማለቱ ከትምህርት ቤተ ተነግሮናል" ብለዋል።

እስከ አርብ ግማሹን እስከ መስከረም 20 ደግሞ ሙሉውን ከፍላችሁ አጠናቁ ተብለናል መባላቸውን የገለጹት ቅሬታ አቅራቢው፥ "አቅም ያለው እየከፈለ ነው የሌለው ዝም ብሏል" ሲሉ አክለዋል።

እኛም ቅሬታቸውን ሰምተን በትምህርት ቤቱ የወላጅ ኮሚቴ ሰብሳቢ የሆኑትን ሃጂ አብራር ሁሴንን ጠይቀናል።

እንደ ሰብሳቢው ገለጻ፥ ተማሪዎች የመማሪያ ቦታ ሳይኖር የመዘገብነው በወላጅ ኮሚቴ በኩል ሰርተው ለማስተማር ባቀረቡት ጥያቄ መሰረት ነው ሲሉ ገልጸዋል።

አክለውም፥ የወላጆችን ጥያቄ ይዘን ከሚመለከተው አካል ለትምህርት ቤት መስሪያ ቦታ የሚውል ቦታ እንዲሰጣቸው በማመልከት 2,500 ካሬ ቦታ እንደተሰጠ ተናግረዋል።

ጥያቄውን ያቀረቡት 14 የሚሆኑ የወላጅ ተወካዮች ነበሩ የተባለ ሲሆን ይሄ ውሳኔ ከመወሰኑ በፊት ሁለት ጊዜ ስብሰባ መቀመጣቸውንም አስረድተዋል።

ቦታው እንደተፈቀደ ለወላጆች፥ መንግሥት የመማሪያ ክፍል ለመስራት ጨረታ አውጥቶ እየተንቀሳቀሰ በመሆኑ እንዲታገሱ ወይም አዋጥተን እንሰራለን ብለው ባስመዘገቡት መሰረት ሰርተው እንዲያስተምሩ እንደተነገራቸው ጠቁመዋል።

ከዚያም በተሰጠው ቦታ ላይ ት/ቤት ሰርቶ ለማስረከብ መንግሥት የራሱን እንቅስቃሴ እያደረገ ቢሆንም ሰርቶ እስከሚያስረክብ የአመቱ አጋማሽ ስለሚሆን በዚህ ጊዜ ተማሪን መመዝገብ ስለማይቻል አዋጥተው በመስራት ልጆቻቸውን እንዲያስተምሩ መግባባት ላይ ደረስን ሲሉ አስረድተዋል።

በቅድመ አንደኛ ደረጃ ትምህርታቸውን ለመከታተል የተመዘገቡት ህጻናት በቁጥር ከ 540 በላይ ይሆናሉ የተባለ ሲሆን 6 ዓመት በላይ የሆናቸው ህጻናትም ይገኙበታል።

በራሳቸው ለመስራት በተስማሙት መሰረት በባለሞያ ግመታ 12 ክፍል የሆነ ስድስት ሜትር በስድስት ሜትር የቆርቆሮ መማሪያ ክፍል ለመስራት 2 ሚሊየን ብር እንደተገመተና ለወላጆች የሚደርስባቸውን በማካፈል እንደተነገራቸው ተናግረዋል።

ወላጆች ክፍያውን ለትምህርት ቤቱ ከከፈሉ በኋላ አስተባብሮ ሰርቶ ያስረክባል ተብሏል።

አሁን የተያዘው እቅድ መስከረም 30 ድረስ አልቆ ጥቅምት አንድ ትምህርት ለማስጀመር ነው ያሉት ሰብሳቢው "እችላለሁ የሚል መክፈል ይችላል አልችልም የሚል መንግሥት የሚሰራውን ይጠብቅ" ሲሉ አክለዋል።

ወላጆች ቅሬታ ያቀረቡት ጉዳዩ አዲስ ሆኖባቸው ሳይሆን መንግስት ይሰራዋል የሚል ተስፋ ስለነበራቸው ነው ያሉት ሃጂ አብራር ሁለትም ሦስትም ልጅ ያላቸው ወላጆች የተተመነው ገንዘብ በልጆቻቸው ብዛት መክፈል እንደከበዳቸው ጠቅሰዋል።

ይህን አስመልክቶም፥ መክፈል ለማይችሉ እንዲሁም አቅሙ ለሌላቸው ወላጆች በመፍትሄው ላይ ለመነጋገር እና ገንዘቡን በሌሎች እንዲሸፈን ለማድረግ ለመስከረም 26/2017 ወላጆችን ት/ቤቱ ስብሰባ መጥራቱ ተነግሯል።

#TikvahEthiopiaFamilyAA

@tikvahethmagazine

#AddisAbaba

በመዲናችን የሚገኝ አንድ በርበሬ ከባዕድ ነገር ጋር ተቀላቅሎ የሚመረትበት መጋዘን ላይ እርምጃ መወሰዱ ተገልጿል።

በኮልፌ ቀራኒዮ ክፍለ ከተማ ወረዳ 07 ሚካኤል ቤተክርስቲያን ጀርባ የሚገኘው ይኸው መጋዘን በህገወጥ መልኩ በርበሬን ከባዕድ ነገር ጋር በመቀላቀል ምርት ሲመረት በቁጥጥር ስር መዋሉን ወረዳው አስታውቋል።

@tikvahethmagazine