አንድ ወር ያስቆጠረውና መጨረሻው ያለየለት የUSAID እግድ

የትራምፕ አስተዳደር ወደ ሥልጣን ከመጣ በኋላ ካሳለፋቸው ውሳኔዎች መካከል የUSAID እንቅስቃሴ ላይ የ90 ቀን እቅድ መጣል ሲሆን ይህ እግድ ከተጣለ 35 ቀናት አልፈዋል።

ኢትዮጵያ ከአሜሪካ በUSAID በኩል የምታገኘው ድጋፍ ከሰሃራ በታች ባሉ የአፍሪካ አገሮች ውስጥ ትልቁ ነው። በድርቅና በርስ በርስ ግጭት ውጥ ላሉ ዜጎች የአሜሪካ መንግስት በ2023 1.77 ቢሊዮን ዶላር እርዳታ አድርጓል።

USAID በኢትዮጵያ ከምግብ እርዳታ ቀጥሎ ሁለተኛው ትልቁ ቅድሚያ የሚሰጠው ዘርፍ ጤና ሲሆን በዓመት 200 ሚሊዮን ዶላር ፈሰስ ይደረግበታል።

USAID በዓመት 200 ሚሊዮን ዶላር ለጤናው ዘርፍ በሚኒስቴር መስሪያ ቤቱ በኩል ፈሰስ ያያደርጋል። ጤና ሚኒስቴር ይህንን ለክልሎች የማከፋፈሉን ሥራ ይሰራል። በተጨማሪም ተላላፊ በሽታዎችና የተመጣጠነ ምግብ ላይ የሚሰሩ ፕሮጀክቶችንም ይደግፋል። ይህ አሁን ላይ ቆሟል።

በኢትዮጵያ በግጭት፣ በአየር ንብረት ለውጥ እና የገንዘብ እጥረት ምክንያት የወባ ተጠቂዎች በ2019 ከነበረው 900 ሺ በ2024 ወደ 7.3 ሚሊዮን ተጠቂዎች ከፍ ብሏል። የኩፍኝ በሽታም ከ2021 ከ 1,941 ተጠቂዎች ወደ በ2024 ወደ 28,129 ከፍ ብሏል።

ሌላው ትልቁ ጉዳይ ደግሞ የኤችአይቪ ኤድስ የመከላከልና የመቆጣጠር ሥራዎች ላይ ያለው ድርሻ ነው። ለዚህ ተግባር በ2023 ብቻ 3 ቢሊዮን ዶላር ከአሜሪካ መንግስት ፈሰስ ተደርጓል።

በተጨማሪም በUSAID የሚደገፉ ፕሮግራሞች ለኤች አይ ቪ፣ ለሳንባ ነቀርሳ እና ለወባ መድኃኒቶችን ወደ ገጠር ክሊኒኮች ማድረስም ቆመዋል።

የኢትዮጵያ ጤና ሚኒስቴር በአሜሪካ እርዳታ የተቀጠሩ ከ 5,000 በላይ ሰራተኞችን ለማባረር ሊገደድ እንደሚችልም መገለጹ ይታወሳል።

በሰብዓዊ እርዳታው በኩልም በተመሳሳይ አሁን ባለው ተጨባጭ ኹኔታ፣ የዓለም ምግብ ፕሮግራም የምግብ አቅርቦቶቹን ከጨረሰ፣ ተጨማሪ የዕርዳታ ምግብ መግዛት እንደማይችል ገልጿል።

ዘጋርዲያን ይዞት በወጣው ዘገባ ማሽላና የምግብ ዘይትን ጨምሮ 2 ነጥብ 1 ሚሊዮን የሚሆኑ ዜጎችን ለአንድ ወር መመገብ የሚችል 34 ሺሕ 800 ሜትሪክ ቶን እህል፣ ወደ አገር ውስጥ ለሚያስገቡ አካላት የሚከፈል ገንዘብ ባለመኖሩ ጅቡቲ ወደብ ላይ መቆሙን ገልጿል።

ከዚህ በተጨማሪ ኢትዮጵያ ከፍተኛውን የስደተኞች ቁጥር የምታስተናግድ ሀገር እንደመሆኗ ነገሮችን ከባድ ያደርጉታል።

USAID ለኢትዮጵያ በ2023 የ1.8 ቢሊዮን ዶላር ድጋፍ ሲያደርግ በዚሁ ጊዜ ኢትዮጵያ 1.4 ቢሊዮን ዶላር የእዳ ክፍያ ፈጽማለች። የUSAID ድጋፍ መቆም ኢትዮጵያ በጀመረችሁ ኢኮኖሚክ ሪፎርም ላይ የሚኖረው ተጽዕኖም ቀላል አይደለም።

በኢትዮጵያ ከ5 ሺ በላይ የሲቪክ ማኅበራት በUSAID ድጋፍ የጀመሯቸው ፕሮጀክቶች ጭምር በመቆማቸው በእነዚህ ተቋማት እና በየፕሮጀክቱ የሚሰሩ ሰራተኞች ላይ ከፍተኛ ጫናም የፈጠረ ነው።

ሀገራት ለአሜሪካ ድንገተኛ ውሳኔ አማራጭ እቅዶችን መንደፍ ግድ ይላቸዋል። ኢትዮጵያም ከዲፕሎማሲያዊ እስከ ሀገር ውስጥ ገቢን እስከማሳደግ እንዲሁም ወጪ ቅነሳ እና የበጀት ዝውውር እቅዶችን እንደ አማራጭ ልትመለከት ትችላለች።

እውን ይህ ክስተት እንደ የዛምቢያው ፕሬዝዳንት ሃካይንዴ ሂቺሌማ አገላለጽ "የማንቂያ ደውል" ይሆን ?

የትራምፕ አስተዳደር የ90 ቀኑን እግድ ሲጠናቀቅ የመጨረሻ ውሳኔው ምን ይሆን ? የኢትዮጵያ መንግስትስ መፍትሔ?

@tikvahethmagazine

በአዲስ አበባ አገልጋዮች ሞባይል ስልክ ይዘው ወደ ቤተ ክርስቲያን እንዳይገቡ ተከለከሉ።

በኢኦተቤ የአዲስ አበባ ሀገረ ስብከት አገልጋዮች በቅዳሴና ለሌሎች መንፈሳዊ አገልግሎት ሰዓት ሞባይል ስልክ ይዘው ወደ ቤተ ክርስቲያን እንዳይገቡ መከልከሉን አስታውቋል።

ሀገረ ስብከቱ ለሁሉም ገዳማትና አድባራት በላከው የመመሪያ ደብዳቤ በቤተ ክርስቲያን ውስጥ በሚከናወኑ  የጸሎተ ቅዳሴና ሌሎች መንፈሳዊ አገልግሎቶች የእጅ ሞባይል ስልክ ይዞ መግባት በጥብቅ መከልከሉን ይገልጻል።

የገዳማትና አድባራት አስደዳሪዎችና ሰበካ ጉባኤያት ጥብቅ ክትትል በማድረግ መመሪያውን እንዲያስፈጽሙ ታዘዋል።

መረጃው ከሀገረ ስብከቱ ሚዲያ ክፍል የተገኘ ነው።

@tikvahethmagazine

በሀገር አቀፍ ደረጃ የዲጂታል የጤና ክፍያን ለመጀመር የሚያስችል ስምምነት ተደረገ።

የጤና አገልግሎት ክፍያዎችን ሙሉ በሙሉ ዲጂታል ለማድረግ የሚያስችል የመግባቢያ ስምምነት ጤና ሚኒስቴር ከፋይናንሺያል አገልግሎት ሰጪ ተቋማት ጋር ተፈራርሟል።

ትግበራውም በአዲስ አበባ እና በድሬዳዋ ከተማ አስተዳደሮች በተመረጡ የጤና አገልግሎት ማዕከላት የሚጀመር እና ለጤና አገልግሎት ሰጪዎች እና ለተጠቃሚዎች የፋይናንሻል እውቀት ማሻሻያ ስልጠናንም የሚያካትት ነው ተብሏል። 

ይህ ትግበራም በኢትዮጵያ ብሔራዊ ባንክ፣ በገንዘብ ሚኒስቴር፣ በጤና መድኅን አገልግሎት እንዲሁም በዩኤንዲፒ ቤተር ካሽ አላያንስ በጋራ የሚደገፍ መሆኑ ተገልጿል።

@tikvahethmagazine

ዲጅታል የትራፊክ አደጋ መረጃ መሰብሰቢያ ሥርዓት ተግባራዊ ሊደረግ መሆኑ ተገለፀ።

የመንገድ ደኅንነትና መድን ፈንድ አገልግሎት ከፌድራል ፖሊስ ጋር ያለሙት ዲጅታል የመንገድ ትራፊክ አደጋ መረጃ መመዝገቢያ ስርዓት የሙከራ ትግበራ ተጠናቆ በሀገር አቀፍ ደረጃ ሊተገበር መሆኑ ተገልጿል።

ይህንን አስመልክቶ የአገልግሎቱ የተቋም ሪፎርም ሥራ አስፈፃሚና የትራፊክ መቆጣጠር ማዕከል ኃላፊ አቶ ባዩ ሙሉጌታን ተጨማሪ ማብራሪያ ጠይቀናል።

እንደ ኃላፊው ገለጻ የመረጃ ሥርዓቱ ቀልጣፍ፣ ውጤታማ እና ታማኝነት ያለው የትራፊክ አደጋ መረጃ ለመሰብሰብ ታሳቢ በማድረግ የተጀመረ ነው።

ይኽም የዓለም ጤና ድርጅትን ጨምሮ በዓለም አቀፍ ተቋማት የትራፊክ አደጋ መረጃዎች ላይ ይነሱ የነበሩ ቅሬታዎችንም ይቀርፍል ብለዋል።

አቶ ባዩ አክለውም፥ ትራፊክ አደጋው የት ደረሰ፣ በምን ምክንያት፣ ማን አደረሰው፣ ምን ያህል ሰው ጉዳት ደረሰበትና ሌሎች መሰል የትራፊክ አደጋ መረጃዎችን በዲጂታል መልኩ ለመመዝገብ ያግዛል ብለዋል።

በዚህም ተጎጂ አካላት ከካሳ ክፍያ፣ ከህክምና ጋር በተያያዘ መረጃ ለማግኘት ያለውን  መጉላላት በመቅረፍ በቀላሉ እስከ ፍርድ ቤት ላሉ ጉዳዮች ጭምር ትክክለኛ መረጃ ለማግኘት የሚያስችል መሆኑን ገልፀዋል።

በተጨማሪም አደጋ በተደጋጋሚ እሚደርስባቸውን ቦታዎች በመለየት አደጋን ለመቀነስ፣ አሽከርካሪና ተሽከርካሪ ላይ ያሉ ጉድለቶችን በመለየት እርምጃ ለመውሰድ እንደሚጠቀምም ተናግረዋል።

አሁን ላይ የመረጃ ሥርዓቱ ከኢንፎርሜሽን መረብ ደኅንነት አስተዳደር ወደስራ እንድንገባ የሚያስችል እውቅና ማግኘቱን ገልጸው በሙከራ ትግበራውንም ተጠናቋል ብለዋል።

ኃላፊው የሙከራ ትግበራው በአዲስ አበባ ተደጋጋሚ የትራፊክ አደጋ በሚደርስባቸው 3 ክፍለ ከተሞች ቦሌ፣ አቃቂ ቃሊቲ እና የካ እንዲሁም በድሬዳዋ፤ ባህርዳር፤ ጅማን ጨምሮ በኦላይን እንዲሁም በኦፍላይን እንደሚሰራ መሞከሩን አስረድተዋል።

በሙከራ ትግበራውም ጥሩ ውጤት በመገኘቱ ሲስተሙን ወደ ሥራ ለማስገባት በአሁኑ ሰዓት ከታች ጀምሮ የአሰልጣኞች ስልጠና በየክልሉ እየሰጠን ነው ሲሉ አቶ ባዩ ሙሉጌታ ለቲክቫህ ኢትዮጵያ ገልጸዋል።

ሲስተሙም ሙሉ በሙሉ ወደስራ ሲገባ በቅርቡ ለማህበረሰቡ የማሳወቅ ስራ እንደሚሰራም አክለዋል።

#TikvahEthiopia

@tikvahethmagazine

🏫ከስቱድዮ እስከ ባለ 4 መኝታ ከተጨማሪ የሰራተኛ፣ ላውንደሪ ክፍል እና የዕቃ ክፍል ያካተቱ ቤቶች

💎 ባለ 1 መኝታ በ 215 ሺ ብር
💎ባለ 2 መኝታ በ 308 ሺ ብር
💎ባለ 3 መኝታ በ 368 ሺ ብር ቅድመ ክፍያ

🛍️🛒ሱቆች ከ 20 ካሬ ጀምሮ

🏦60% የባንክ ብድር የተመቻቸላቸው (እየኖሩበት ወይም አከራይተውት እስከ 20 አመት ቀስ ብለው የሚከፍሉት)

-በ 8% ቅድመ ክፍያ

- እስከ መጋቢት 6 ለሚመጡ ደንበኞች እስከ 30% በሚደርስ ቅናሽ ዋጋ (ለውስን ቤቶች) በመጠቀም
የዘመናዊ መንደራችን አካል ይሁኑ

📌ከዚህ በፊት በዲያስፖራ ቁጥር 1 የፈለጋችሁት ካሬ ወይንም ዝቅተኛ ፍሎር ፈልጋችሁ ላጣችሁ ደንበኞቻችን እነሆ ዲያስፖራ ብሎክ ቁጥር 2 ተለቀቀሎ

ለተጨማሪ መረጃ እንዲሁም ለጉብኝት

☎️ 09 00 02 50 97
@SamuelDMCRealtor (telegram) #WhatsApp

በህፃን ልጀ እገታ ወንጀል የተከሰሱ 2 ግለሰቦች በ21 ዓመት እና 19 ዓመት ጽኑ እስራት ተቀጡ።

በህፃን ልጅ አግተው ከወላጆቹ 7መቶ ሽህ ብር እሰከ 1ሚሊዮን ብር በመጠዬቅ ሲደራደሩ የነበሩ ወንጀለኞች በ21 ዓመት እና በ19 ዓመት ፁኑ እሰራት ተቀጥተዋል።

ሁለቱ ተከሳሾች ህጻኑን መስከረም 11 ከለሊቱ 7:00 ሰዓት ላይ ደሴ ከተማ ጢጣ አዲሱ ሰፈር ተብሎ ከሚጠራው አካባቢ ከተኛበት በመውሰድ ነው ከቤተሰቦቹ ጋር መደራደር የጀመሩት።

የህፃኑ ወላጇችም ተደናግጠው ወዲያውኑ  ለፖሊስ በማሳወቃቸው በተደረገ ክትትል ህጻኑን ሲያዘዋውሩ መስከረም 12 ቀን በቁጥጥር ስር ውለዋል።

የክስ መዝገቡ ከደሴ ከተማ አስተዳደር ፖሊሰ መምሪያ የ4ኛ ዋና  ፖሊሰ ጣቢያ የደረሰው የደቡብ ወሎ ዞን ክፍተኛ ፍ/ቤት የካቲት 27/2017 ዓ/ም በዋለው ችሎት በሁለቱ ተከሳሾች ላይ የቅጣት ውሳኔውን አስተላልፏል።

@tikvahethmagazine

#AskAAU

በሀገሪቱ የመጀመሪያው ራስ ገዝ ከፍተኛ ትምህርት ተቋም የሆነው የአዲስ አበባ ዩኒቨርስቲ 75ኛው የአልማዝ እዩቤልዩ በዓሉን ለማክበር ዝግጅት ላይ ይገኛል።

አንጋፋው አዲስ አበባ ዩኒቨርስቲ ራስ ገዝ መሆኑን ተከትሎ የተለያዩ ተቋማዊ ሪፎርሞችን በማካሄድ ላይ ነው።

ታዲያ ይህ ልምምድ በሀገራችን የመጀመሪያው ከመሆኑም አንጻር እንዲሁም ተቋማዊ የአሰራር ለውጥ በሚኖርበት ወቅት ብዙ ግልጽ መደረግ ያለባቸው ጉዳዮች መኖራቸው እሙን ነው።

ቲክቫህ ኢትዮጵያም ከዚህ ቀደም ከቤተሰቦቹ ሲቀርቡ በነበሩ ጥያቄዎች መነሻ በማድረግ ዩኒቨርስቲው በእስካሁኑ የራስ ገዝነት ጉዞው ከቲክቫህ ኢትዮጵያ ቤተሰቦች ለሚቀርቡ ጥያቄዎች ምላሽ ለመሰጠት ፈቃደኝነቱን ገልጾልናል።

በመሆኑም የዩኒቨርስቲው ማኅበረሰብ ሰራተኞች፣ መምህራንና ተማሪዎች እንዲሁም በዚህ ሂደት ላይ ጥያቄና ማብራሪያ የምትፈልጉ የቲክቫህ ኢትዮጵያ ቤተሰቦች በሙሉ ጥያቄዎቻችሁን እንድታቀርቡ እንጠይቃለን።

ጥያቄዎቻችሁ ተሰብስበው ለዩኒቨርስቲው የበላይ አመራሮች የሚቀርቡና ምላሽ የሚሰጥባቸው ይሆናል።

ጥያቄዎችን ለማቅረብ @tikvahmagbot ይጠቀሙ።

#TikvahFamily🩵

@tikvahethmagazine