ኢትዮጵያ ባህርተኞችን አሰልጥና በመላክ በየዓመቱ 50 ሚሊዮን ዶላር ገቢ እንደምታገኝ ተገለጸ።

ኢትዮጵያ ባህርተኞችን አሰልጥና  ወደ ተለያዩ አገራት በመላክ በየዓመቱ በአማካይ 50 ሚሊዮን ዶላር ገቢ እያገኘች መሆኑን የኢትዮጵያ ማሪታይም ባለስልጣን አስታውቋል።

የዓለም አቀፉ የማሪታይም ድርጅት አባል አገር የሆነችው ኢትዮጵያ ዓለም አቀፍ ደረጃውን በጠበቀ መልኩ በማሰልጠን ለዓለም ገበያ አቅርባ የውጭ ምንዛሬ ገቢ እንድታገኝ እያደረጋት መሆኑ ነው የተገለጸው።

የውጭ ምንዛሬው ባህርተኞች ከደሞዛቸው ላይ ወደ አገር ቤት ከሚልኩት ገንዘብ የሚገኝ መሆኑን የባለስልጣኑ ዋና ዳይሬክተር አቶ አብዱልበር ሸምሱ አመልክተዋል።

በ2016 ዓ.ም በጀት ዓመት ስምንት ወራት ከ36 ሚሊዮን ዶላር በላይ ገቢ መገኘቱንም ነው ዋና ዳይሬክተሩ ለኢዜአ ተናግረዋል።

በዘርፉ ገና ያልተነካ የኢኮኖሚ አቅም መኖሩን ያነሱት ዋና ዳይሬክተሩ፤ ኢትዮጵያ በአሁኑ ሰዓት ሕጋዊ እውቅና ያላቸው 7 ሺህ 500 ባህርተኞች እንዳሏት እና በ5 ዓመት ይህንን አሃዝ 40 ሺህ ከፍ ለማድርግ ታቅዶ እየተሰራ እንደሚገኝ ተናግረዋል።

በተጨማሪም ልምድ እያላቸው ነገር ግን ሕጋዊ እውቅናና ተገቢው ክህሎት የሌላቸው ኢትዮጵያውያን በአነስተኛ ክፍያ በተለያዩ የዓለም ክፍሎች በተለይም በአረቡ ዓለም መርከበኛ ሆነው እየሰሩ መሆኑን አንስተዋል።

ዋና ዳይሬክተሩ፥ ባህርተኞቹ ወደ ሕጋዊ አካሄዱ ቢመጡ በሕጋዊ መንገድ የመቀበልና ክፍያቸውን በየጊዜው የማሳደግ እድል እንደሚያገኙና ሕጋዊ የስራ ዋስትና እንደሚሰጣቸውም አመልክተዋል።

ባህርተኞች በቢሾፍቱና ባህር ዳር ከተሞች በሚገኙ ትምህርት ቤቶች ስልጠና እየወሰዱ እንደሚገኝና የማሰልጠኛዎችን ቁጥር ለማሳደግ እየተሰራም ነው ተብሏል።

@TikvahethMagazine

በፎቶው የምንመለከታት እህታችን ውቤ (ውባለም በለጠ) ትባላለች።

ከቤት እንደወጣች አልተመለሰችም።

የመኖሪያ አድራሻዋ የረር ቅዱስ ገብርኤል ቤተክርስቲያን አካባቢ ነው።

ቤተሰቦቿ ለሚ ኩራ ክ/ከተማ ወረዳ 09  ጎሮ ፖሊስ ጣቢያ መጥፋቷን አስመልክቶ ለፖሊስ አመልክተዋል።

ቤተሰብ በሙሉ ፍለጋ ላይ ናቸው።
ሽማግሌ ወላጆች የሚጭበጡትን አጥተዋል።

+251-900-100-765 -/ወንድም
+251-901944453 -/ ወንድም
+251-921941774 -  /እናት
+251-91 052 4661 -/አባት

ይህንን መልዕክት ሼር በማድረግ አፋልጓቸው፤ ከጭንቀት ገላግሏቸዉ።

@tikvahethmagazine

#ለጥንቃቄ

" ትላንት ማታ ሚያዚያ 13 ከምሽቱ 2:30 አካባቢ እኔና ባለቤቴ ዘመድ ጥየቃ ቆይተን ጉዞአችንን ከቄራ ወደ ወሎ ሰፈር አድርገን ስንሄድ ድንገት ጎተራ ማሳለጫ መንገድ ላይ አስደንጋጭ ክስተት ተመለከትን።

ጎተራ ማሳለጫ በላይኛው መስመር አንድ ሰው ከሶስት ሰዎች ጋ ሲታገል ተመለከትን። ቦታው እና ሁኔታው እጅግ አደገኛ ነው።

እግረኛ የማይጓዝበት እና መኪኖች በፍጥነት የሚያልፉበት መንገድ ከመሆኑ የተነሳ ለኛ በዚህ ሁኔታ መቆም እጅግ ፈተኝ ነበር።

ነገር ግን ቢያንስ የተጎጂው ሰው ሕይወት ለማትረፍ በቦታው ቀድመን የደረስን እኛ ብቻ መስሎ ስለታየን እና መኪና አስቁሞ በዚህ ልክ ይዘርፋሉ ብለን ስላልገመትን 7 ሜትር በሚሆን ርቀት ላይ ቆምን።

ይህን ሰው አንዱ መሬት ላይ አስተኝቶ አንቆታል ፤ ሌላኛው በተደጋጋሚ ይደበድበዋ አንደኛው በእጁ በያዘው ስለት ያለው መሳርያ ደጋግሞ ሲወጋው ተመለከትን።

ሰውዬው በዚህ መሀል ከፍ ባለ ድምፅ የሰቀቀን ጩኸት ያሰማ ነበር።

ከመኪናችን መውረድ ስለማንችል ያለን አማራጭ ሀዛርድ አብርተን ያለማቋረጥ ክላክስ ማድረግ ብቻ ነበር። ከኋላ ሌሎች መኪኖች ደረሱብን እነሱም ሁኔታው በግልፅ ስለሚታይ ከመኪናቸው ሳይወርዱ ያለማቋረጥ ክላክ ማድረግ ጀመሩ።

ያኔ ነው ከሌቤቹ/ነብሰ በላዎቹ አንዱ ወደ እኛ መቶ ጮኸብን በእግሩ መኪናውን ደበደበ ፊቱ በደንብ ይታያል። ሌሎች 2ቱ ሰውዬውን ይታገሉታል።

ሪስክ ወስጄ መኪናዬን በጣም ሳቀርብባቸው ሰውዬውን ለቀውት ሶስቱም መንገድ ዳር ያስቀመጡትን ድንጋይ አንስተው ሲያስፈራሩኝ መኪናዬ እንዳይጎዳብኝ ፈጣሪን እየተማፀንኩ በፍጥነት አለፍኩ። ነገር ግን በቀላሉ መስታወቱ ላይ ጉዳት ማድረስ ይችሉ ነበር።

ሰውዬውም ከወደቀበት ተነስቶ በተቃራኒ መስመር እየተንገዳገደ ለመሸሽ ሲሞክር በስፖኪዬ ተመለከትኩት።

ክስተቱን መረጃ ለመስጠት ለፌዴራል ፖሊስ ስንደውል አዲስ አበባ ፖሊስ ጋር መረጃ ስጡ ባሉን መሰረት በ +251111110111 ደውለን አሳወቅን። ቤት ደርሰን ሁኔታው በጣም ስለረበሸን በድጋሚ ስንደውል ፖሊሶች ተልከው " በአከባቢው ምንም የተፈጠረ ነገር የለም " ተባልን።

ይህን ከሰማን በኋላ ሁለት ሀሳብ መጣብን ፤
° ምናልባት ተበዳዩ ሰውዬ የነሱ ተባባሪ እና ግርግር ፈጥረው ከመኪና የወረደ አሽከርካሪ ላይ ጉዳት ለማድረስ እና መኪና እና ሌሎች ንብረቶችን ለመስረቅ ታቅዶ የተሰራ ይሆን ?
° ምናልባት ያለምህረት ሲደበድቡት ሱወጉት እውነትም ተበዳይ ይሆን ?

የሚመለከተው የፀጥታ አካል ትኩረት ሰጥቶ ቢሰራበት እንለለን። የደህንነት ካሜራዎችም የህብረተሰቡን ስጋት መከታተል አለባቸው።

ጎተራ አከባቢ እና ሌሎች ተጋላጭ ቦታዎች ላይ በምሽት የምታሽከረክሩት ጥንቃቄ አይለያችሁ!

(አንተነህ ክ.)

@tikvahethiopia @tikvahethmagazine