Islom va subyektivlik. Hafize Sherenning “Ayol islomi” kitobidan

Bugungi Misrda sekulyarizm va din aniq bir-biri bilan aralashgan va qatlamlashgan toifalar sifatida ko‘rinadi, bunda G‘arb nuqtayi nazaridagi sekulyarizm va din o‘rtasidagi keskin chegaralar noto‘g‘ri ekanligini ko‘rsatmoqda. Jamoat va shaxsiy sohalarning o‘zaro bog‘langanligi ham “din”ni chegaralangan va o‘zgarmas tahliliy toifalar sifatida qo‘llashga qarshilik qiladi.

Bir tomondan, islomlashuv jamoat hayotini qamrab olmoqda; ayollar islomiy harakatlari tinch holatda davom etmoqda; siyosiy islomiy partiyalar esa parlamentdan chetlashtirilgan. Boshqa tomondan, dunyoviy mutafakkirlarning erkinligi ham diniy kuchlar tomonidan cheklanmoqda. Qohira universitetida dunyoviy qarashlari tufayli lavozimi qayta tasdiqlanmagan Nasr Homed Abu Zaydning holati, islomning rasmiy jamoaviy rolini e’tiborsiz qoldirib bo‘lmasligini ko‘rsatadi.

Hozir u Gollandiyada surgunda yashamoqda, chunki sud musulmon ayollarni dinsizlar bilan nikohlanishini Islom qonunlariga zid deb topganligi sababli unga rafiqasidan ajralish hukmi chiqarilgan. Davlat diniy partiyalarning o‘zini parlamentda “diniy tabiati” sababli vakillik huquqini inkor etsa ham, diniy hokimiyat jamoat hayotiga sezilarli taʼsir koʻrsatmoqda.

Boshqacha qilib aytganda, siyosiy jarayondan chetlashtirilganligi, diniy kuchlar siyosatga hech qanday hissa qo‘shmayapti degani emas. O‘zaro manfaatlar shaxsiy va jamoat sohalari hamda davlat va islomiy guruhlar o‘rtasidagi uzluksiz chegaralarni kesib o‘tadi.

To‘liq matn saytimizda: https://nemolchi.uz/uz/islom-va-subyektivlik-hafize-sherenning-ayol-islomi-kitobidan/

#SukutSaqlama #AyollarKitobKlubi

Nemolchi.uz tahririyatiga sobiq turmush o‘rtog‘i Ravshan Abdullayevdan zo‘ravonlik ko‘rgan ayol murojaat qildi. Uning so‘zlariga ko‘ra hozirda erkak xorijda va ayol uning qonun bo‘yicha jazolanishiga shubha qilishini bildirdi.

Ayolning so‘zlariga ko‘ra, 2025-yil 7-fevral kuni ertalab uning sobiq eri uyda unga hujum qildi. U avval yuziga tarsaki tushirib, so‘ng butun tanasiga bir necha marta urgan. Jabrlanuvchi o‘z chamadonini olmoqchi bo‘lgan, biroq Abdullayev uni faqat buyumlarsiz ketishi mumkinligini aytib, pichoq bilan po‘pisa qilgan. U yordam so‘ramoqchi bo‘lganida vaziyat fojeali tus olib, erkak uni bo‘g‘ib, bo‘g‘ziga pichoq turayid. Jabrlanuvchi kvartirani tark eta oldi, lekin buyumlari qoladi.

O‘sha kuni kechqurun u 102 raqamiga qo‘ng‘iroq qilgan va xodimlar darhol yetib kelishini kutgan, biroq bir soat davomida javob bo‘lmagan. Keyin Yunusobod tumani uchastkasiga o‘zi borishga qaror qildi. Uning arizasi joyida qabul qilindi, lekin ko‘rib chiqish uchun o‘sha zahoti ro‘yxatdan o‘tkazilmadi. Xodim zo‘rlagan shaxs haqida ma’lumot so‘ramagan va Abdullayev bilan bog‘lanishga urinmagan. O‘sha kuni kechqurun erkak mamlakatni tark etishga muvaffaq bo‘ldi.

Ertasi kuni u ekspertizadan o‘tganidan keyin uning ishi hali ham ro‘yxatga olinmagani ma’lum bo‘ldi. Nihoyat unga ekspertiza uchun yo‘llanma berilgach, zo‘rlagan shaxs chiqib ketgani, Abdullayev bilan video aloqa orqali bog‘lanishga muvaffaq bo‘lishdi, u jabrlanuvchini tanimasligi va ayni damda Xitoyda ekanligini bildirgan.

Ayni paytda ayol ishi qaysi bosqichda ekanligini bilmaydi. Zo‘ravon u bilan bog‘lanmagan va unga qidiruv e'lon qilinganmi yoki yo‘q – noma'lum.

Biz bu ayolning adolat uchun ochiq kurash olib borgan jasorati uchun faxrlanamiz. Umid qilamizki, xodimlar ham aybdorning munosib jazosini olishi uchun barcha imkoniyatlarni ishga soladi.

#SukutSaqlama #AdolatTalabQilamiz

Samarqand viloyatida bolani qo‘rqitib yechintirganlik uchun 5 sutka qamoq jazosi

Bu voqea o‘tgan yilning 13-may kuni Samarqand viloyatining Paxtachi tumanida sodir bo‘lgan. 4-sinf o‘quvchisi maktab hojatxonasiga tashqariga chiqadi. Qaytishda uni 1998-yilda tug‘ilgan Nurmonov Zuxriddin Mehriddin o‘g‘li ismli shaxs ushlab oldi va o‘zini unga profilaktika inspektori sifatida tanishtirdi.

U qizga sababsiz darsdan tashqarida bo‘lgani uchun qiz uning talablarini bajarmasa, uni maktabdan haydash bilan tahdid qiladi. Ish materiallariga ko‘ra, Nurmanov qo‘rqib ketgan bolani maktab hududidagi kimsasiz joyga olib borib, kiyimini yechishga majburlagan va unga nisbatan uyatsiz-buzuq harakatlar sodir etgan. Oradan bir necha oy o‘tgach, tuman sudi uni shahvoniy shilqimlikda aybdor deb topdi va Ma’muriy javobgarlik to‘g‘risidagi kodeksning 41-1-moddasiga asosan 5 sutkaga ma’muriy qamoq jazosini tayinladi.

Bu bolalarga shilqimlik qilgan kattalar o‘z harakatlari uchun maksimal 5 sutka olgan ilk holat emas. Garchi ularning harakatlari Jinoyat kodeksining "16 yoshga to‘lmagan shaxsga nisbatan uyatsiz-buzuq harakatlar" 129-moddasi (8 yilgacha ozodlikdan mahrum qilishni nazarda tutadi) yoki boshqa jinoiy huquqbuzarliklarga mos kelishi mumkin. Avvalroq Andijon viloyatining Asaka tumanida 13 yoshli qizni pul evaziga zo‘rlamoqchi bo‘lgan erkak haqida yozgan edik – unga ham shahvoniy shilqimlik uchun 5 sutka qamoq jazosi berilgan edi. Kun.Uz jurnalisti Ruslan Saburov bir necha shunday holatlarni tahlil qildi. Nemolchi.uz tahririyati ushbu muammoga bir necha bor e'tibor qaratgan va bu kabi qarorlarni qayta ko‘rib chiqishni so‘rab ikki marta Bosh prokuraturaga murojaat qilgan.

#SukutSaqlama #AdolatTalabQilamiz #Bolalar

Toshkent shahar IIBB Axborot xizmati sobiq eri Ravshan Abdullayev tomonidan zo'ravonlikka uchragan ayol voqeasiga munosabat bildirdi.

Axborot multimedia markazi boshlig'i Nilufar Isaxonovaning Nemolchi.Uz tahririyatiga ma'lum qilishicha, ayolning murojaati o'sha zahotiyoq ro'yxatga olingan. 102 raqamiga tushgan barcha murojaatlar majburiy tartibda ro'yxatga olinadi. O'sha kuni ayolga sudga oid tibbiy ekspertizaga yo'llanma berilgan.

Hozirgi vaqtda tergovga qadar tekshiruv ishlari olib borilmoqda. Holat nazoratga olingan.

#SukutSaqlama #update

​30 dollar evaziga issiq suv: sakkiz yoshli qiz mintaqa muammosini hal qilgani haqida

Sochitl Gvadelupe Kruz Lopes endigina 8 yoshga to‘lganida, ularning uyida issiq suv ko‘pincha o‘chib qolardi. Bu Meksikaning Chiapas shtatidagi San-Kristobal-de-las-Kasas shahridagi odatiy hol edi. U yerda odamlar sovuq suvda yuvinishga majbur bo‘lishadi, bu esa aholi tez-tez kasallanishiga olib kelardi. Ammo qiz bunga chidash o‘rniga, yechim topishga qaror qildi.

U “Warm Bath” nomi bilan arzon quyosh suv isitgichini ishlab chiqdi, uni qo‘l ostidagi materiallardan yig‘ish mumkin: plastik idishlar, rezina shlanglar, kabel styajkalari va hattoki eski muzlatgichdagi eshiklar. Qurilmaning narxi taxminan 30 dollarni tashkil etadi va uning samaradorligi atrof-muhitga zarar yetkazmasdan issiq suv bilan ta'minlash imkonini beradi. An'anaviy o‘tinlar yordamida isitishdan farqli o‘laroq, u zararli tutun chiqarmaydi va o‘rmonlarni kesishga hissa qo‘shmaydi.

Sochitl o‘z ixtirosini Meksika milliy avtonom universiteti huzuridagi PAUTA ilmiy dasturi doirasida yaratdi. 2018-yilda u Yadro fanlari institutining “Fandagi ayollar” mukofotini olgan tarixdagi ilk qiz bo‘ldi. U hozir 11 yoshda va qurilmasini patentlashni rejalashtirmoqda.

#SukutSaqlama #IlmFandaAyollar #girlspower

​Yomonligi oldindan ayon munosabatlarda bola tug‘ilishi — keng ommaga oilaviy zo‘ravonlik holatlarida nega ayollar ketmasligini tushuntirish qiyin bo‘lgan holat.
⠀
"Erim birinchi homiladorligimda, tuqqanimdan keyin ham urardi, keyin bolamga ham qo‘l ko‘tardi. Endi ketaman deganimda homiladorligimni bilganman" kabi holatlarni nega ko‘p kuzatamiz? Bu ayollarga "yoqqani" uchun sodir bo‘lmaydi. Hammasi "undan uchta bola tug‘dimi, demak unga shunday yashash yoqadi" deyishdan-da murakkab. Yo‘q, yo‘q va yana yo‘q.
⠀
"Hammasi shunchalik yomon bo‘lsa, eri bilan qanday er-xotinlik qilgan" deb so‘rayapsizmi? Hammasi juda oddiy. Xotinlik vazifasini bajargach oqshom sokin o‘tishi bilan rad etganga janjal o‘rtasida ayol nimani tanlashini bilsangiz kerak. Bunday holatlarda homiladorlikdan saqlanish so‘nggi masala bo‘lib qolishi aniq.
⠀
Ikkinchidan, oilaviy zo‘ravondan birontasi ilk uchrashuvda seni kaltaklayman, deb aytmasa kerak, to‘g‘rimi? Aksincha bunday toifadagi odamlar juda yaxshi taassurot qoldirishadi. Va zo‘ravonlik tsiklidan keyin bunday nusxalar qurbonini shunaqangi eritadiki, bechora ayol yegan kaltaklarini unutadi-qo‘yadi.
⠀
Uchinchidan, aksariyat ayollar bolajon bo‘ladi. Va bu masalaga eri qanday bo‘lishidan qat'iy nazar yonimda bolalar qoladi pozitsiyasini egallaydi. ⠀

Vanihoyat, homiladorlik davrida ayollar o‘zlarini tashqi muammolardan cheklaydi. Ular uchun muhimi qornilaridagi murg‘ak qalb. Boshqa muammolar ikkinchi planga o‘tadi. Doimiy stressdan charchagan ayol uchun homiladorlik go‘yoki o‘zini himoyaga muhtoj bo‘lib his qilish uchun bir fursat - men ayni damda zaifman, menga teginmang. Aqlan u holatini battar chigallashtirayotganini tushunadi, lekin vaqtincha dam olish uchun barchasiga ko‘z yumadi. Oilaviy zo‘ravonlik muammosini tushunish uchun bu eng muhim jihatdir: qurbon o‘z nuqtai nazaridan o‘zini mantiqan tutmoqda. U ayni damda va shu yerda o‘ziga zararni kamaytirish va omon qolishga harakat qilmoqda.
⠀
U ahmoq bo‘lgani uchun uzoq muddatli rejalashtirishdan yiroq emas - u uzoq vaqt davomida noaniqlik va doimiy stress sharoitida bo‘lib, bu shartlar unga munosabatlarning ikkinchi ishtirokchisi tomonidan ataylab va aniq shu maqsadda yaratilmoqda.
⠀
Anna Ivanova
⠀
#SukutSaqlama #BilishMuhim

2024-yilning sentyabr oyida Toshkent viloyatida 1998-yilda tug‘ilgan G‘ulomov A’zam Hasan o‘g‘li mehmonxonaga 17 yoshli qizni olib kelgan. Sud qaroriga ko‘ra, u qizga nisbatan shahvoniy tusdagi xatti-harakatlar sodir etganligi, buning natijasida qizga yengil tan jarohati yetkazilganligi sud-tibbiy ekspertizasi natijalari bilan tasdiqlangan.

Sudda ayblanuvchi qizning voyaga yetmaganligini bilmaganligi (garchi u bilan anchadan beri tanish bo‘lsa-da) va qiz o‘z xohishi bilan mehmonxonaga kelganini aytdi. Shuningdek, materiallarga jinoyat ishi qo‘zg‘atishni rad etish to‘g‘risidagi qaror ilova qilingan. 2025-yil 13-fevralda Jinoyat ishlari bo‘yicha Olmazor tuman sudi G‘ulomovni shahvoniy shilqimlik (Ma’muriy javobgarlik to‘g‘risidagi kodeksning 41-1-moddasi) va badanga yengil shikast yetkazish (Ma’muriy javobgarlik to‘g‘risidagi kodeksning 52-moddasi)da aybdor deb topib, unga 5 sutka ma’muriy qamoq jazosi tayinlagan.

Jinoyat kodeksining “Nomusga tegish” 118-moddasida zo‘rlik ishlatib, qo‘rqitib yoki jabrlanuvchining ojizligidan foydalanib, jinsiy aloqa qilish jinoyat sifatida belgilangan. Agar zo‘rlash 18 yoshga to‘lmagan shaxsga nisbatan sodir etilgan bo'lsa (eslaylik, ushbu voqeada jabrlanuvchi 17 yoshda), bu 3-qismga muvofiq o‘ta og‘ir jinoyat hisoblanadi. Jinoyat kodeksining 118-moddasi 10 yildan 15 yilgacha ozodlikdan mahrum qilish tarzidagi jazoni nazarda tutadi. Bunda ayblanuvchi jabrlanuvchining yoshini bilish-bilmasligi ahamiyatga ega emas.

Biroq, shilqimlik bilan bir vaqtda qizga nisbatan kuch ishlatilganligini hisobga olsak, bu zo‘rlashga urinish bo‘lishi mumkin va Jinoyat kodeksining Jinoyat kodeksining 25-moddasi (Jinoyatga urinish) orqali 118-moddasi (Nomusga tegish) bilan ko‘rib chiqilishi kerak.

Shahvoniy shilqimlik - bu shaxsning irodasiga qarshi har qanday shahvoniy xususiyatga ega harakatlardir. Zo‘rlash paytidagi zo‘ravonlik deganda jabrlanuvchining qarshiligini yengib o'tishga qaratilgan harakatlarni (zarba berish, nafas yo'llarini siqish, qo‘llarini, oyoqlarini ushlab turish, kiyimlarini yirtib tashlash va hokazo) qilish tushunilishi kerak. Bundan kelib chiqqan holda, jismoniy kuch ishlatish bilan birga sodir etilgan shahvoniy tusdagi xatti-harakatlar ko‘p hollarda zo‘rlashga urinish bo‘lib, Jinoyat kodeksining 118-moddasida (Jinoyat kodeksining 25-moddasi orqali) tegishli jinoyat sifatida baholanishi kerak, deb hisoblashga asos bor.

Afsuski, bu O‘zbekistonda zo‘rlashga urinish va uzoq muddatli qamoq jazosi sifatida baholanadigan harakatlar universal #5sutkani nazarda tutuvchi shahvoniy shilqimlik sifatida tasniflangan birinchi holat emas. So‘nggi yillarda mamlakatimizda nima o‘zgardi? Haqiqatan ham tergovchilar va sudlar jinoiy ish qo‘zg‘atish uchun ayol yoki qiz zo‘rlanishi kerakmi? Jinoyat kodeksining jinoyatga suiqasd uchun 25-moddasi haqiqatan ham bekor qilinganmi?

Biz O‘zbekiston Bosh prokuraturasiga sud qarori ustidan kassatsiya shikoyati berish va ushbu ish materiallari bilan tanishib chiqishini so‘rab qolamiz.

#SukutSaqlama #AdolatTalabQilamiz

Samarqandda qaynona o‘ta shafqatsizlik bilan kelinini o‘ldirdi

Samarqand viloyatida qaynona o‘z yosh kelinini vahshiylarcha o‘ldirdi. Oliy sud bergan maʼlumotga ko‘ra, voqea 2024-yil 4-oktyabr kuni Narpay tumanida sodir bo‘lgan.

Ma’lum bo‘lishicha, ayblanuvchi avvalroq ota-onalik huquqidan mahrum bo‘lib, farzandlarini mehribonlik uyiga tashlab ketgan. Biroq voyaga yetgan o‘g‘lining to‘yidan so‘ng u yashashga joyi yo‘qligini vaj qilib uyiga qaytdi. O‘tmishdagi voqealarga qaramay, o‘g‘li tinch-totuv yashashlariga umid qilib, onasini qabul qildi.

Biroq, ayol birinchi kunlardanoq kelinini kamsitib, haqorat qila boshladi. Yosh kelin onasiga doimiy haqoratlar haqida shikoyat qilardi.

Bir kuni o‘g‘lining yo‘qligidan foydalanib, ayol mojaro boshlaydi. O‘zaro janjal davomida kelinini zaryadlovchi shnuri bilan bo‘g‘ib o‘ldiradi, so‘ng shisha idish, qaychi va oshxona pichog‘i bilan jarohatlaydi. Yosh ayol olgan tan jarohatlari tufayli voqea joyida vafot etgan.

Qaynona qochishga urindi, lekin qo‘lga olindi. Sud unga 97-moddaning 2-qismi “g” bandi (o‘ta shafqatsizlik bilan qasddan odam o‘ldirish) bilan aybdor deb topib, 57-moddadagi jazoni yengillashtiruvchi holatlarni hisobga olib, 13 yil muddatga ozodlikdan mahrum qilish jazosini tayinladi.

#SukutSaqlama #qaynona

​Gosting

Dilnoza nihoyat orzumdagi yigitni uchratdim, deb o‘ylaydi. Kamol bilan uzoq suhbatlarda vaqt qanday o‘tgani sezilmasdi, u o‘zini baxtiyor his qilib, kelajak uchun rejalar tuzardi.

Ammo bir kuni u shunchaki yo‘q bo‘lib ketdi. Qo‘ng‘iroqlarga javob bermasdi, xabarlarni o‘qimasdi.

Dilnoza nima bo‘lganini tushunishga urinardi: “Balki men noto‘g‘ri ish qilgandirman? Yoki muammolari bormikan? ” U Kamolning ijtimoiy tarmoqlardagi sahifalarini qidirdi, lekin u yerda hamma narsa odatdagidek edi - Kamol do‘stlari bilan suratlarni joylashtirishda davom etdi.

Gosting - har qanday munosabatlarni ogohlantirishsiz yoki sabablarni tushuntirmasdan keskin tugatish.

Sizningcha, nega bunday yo‘l tutish noto‘g‘ri?

Minimizary

#SukutSaqlama #Seksizm_ensiklopediyasi

​Men Xorazmdanman. Qo‘shnim 6 yashar qizmga o‘ta uyatsiz shahvoniy harakatlar qildi. Qo‘shnim mast holatda qizimga "kel, shokolad beraman" deb aldab, ishtonini yechib hech kimga aytmasligini aytib jinsiy azosini o‘pib yalagan.

Zo‘rg‘a advokat yollab 2024-yil oxirida sud bo‘lib, 2025-yil yanvar oyida bizning ishtirokimizsiz sud majlisi o‘tkazilib, ayblanuvchiga 129-modda bilan 3 yilga manzilli kolloniyada o‘taladigan qamok jazosi berilibdi.

Men bundan noroziman, Bolalar ombudsmaniga shikoyatimni qanday yetkazsam bo‘ladi? Jinoyatchiga bundan og‘irroq jazo berishlarini so‘rayman, yordam beringlar.

===============
Sukut saqlama.uz ga kelgan maktublardan. Siz ham o‘z hikoyangizni anonim tarzda yuborishingiz mumkin: https://forms.gle/ZKCabhpzFM3ewTUz9

❗️❗️Hurmatli anonim, Bolalar Ombudsmani quyidagi manzilda qabul qiladi: Toshkent shahri, I.Karimov shoh ko‘chasi, 55-uy, 6-qavat. Binoning birinchi qavatida Poytaxt bank joylashgan. Qabulxona telefon raqami (71) 259 74 12. Yoki bizga Telegram bot orqali murojaat qilishingiz mumkin: @nemolchilaw_bot
_______
#SukutSaqlama #O‘quvchilardan

​Islom va subyektivlik. Hafize Sherenning “Ayol islomi” kitobidan

Misrdagi ayollar islomiy harakatlari haqidagi etnografik ma’lumotlar diniy harakatlar va faollikdagi nozik jihatlarni e’tiborsiz qoldiradigan nazariy taxminlarni rad etadi. Garchi ushbu normativ tasavvurlar islomiy subyektivlik haqidagi baʼzi ilmiy ishlarda yetakchilik qilsa-da, mening tadqiqotim shuni koʻrsatadiki, Misrda islomiy harakatlardagi ayol faollarning istaklari turli ijtimoiy, siyosiy va iqtisodiy jarayonlar, shuningdek, islomchilik va dunyoviylashuvning birgalikdagi tamoyillari hamda qatlamli istaklar koʻpligi orqali shakllanadi.

Islomiy ayollarning istaklariga singib ketgan bu qirralarni ajratib ko‘rsatishga urinishlar mohiyatlarni moddiylashtirishga (reifikatsiya) olib keladi va noaniqlikni keltirib chiqaradi. “Diniy subyektlar”ning ifodalanishi ushbu normativ tushunchalar tomonidan qanday diskursiv shakllantirilganligini kuzatgan holda, men diniy an’analarning diskursiv ifodalaridan hokimiyatni ajratib bo‘lmasligini ta’kidladim. Diniy amaliyotga kirishadigan subyekt haqidagi dastlabki antropologik tushuncha, din va uning G‘arb jamiyatlaridagi o‘rni tarixan belgilab berilgan tushuncha va farazlardan kelib chiqqan.

Gʻarb tarixida dunyoviylik, fan va mantiqiylikni dindan ajratishga qaratilgan eʼtibor adabiyotlarda qabul qilingan diniy va dunyoviy subyektivliklar oʻrtasidagi ikkilik qarama-qarshilikni shakllantirgan. Bu tushunchalar tarixiy fikr kategoriyalari sifatida dunyoni va uning aholisini tartibga solishda kuchli vositalardir. Xavf shundaki, din va uning izdoshlari haqidagi bunday keng umumiylashtirishning universallashtiruvchi tabiati hamma narsani bir xil qolipga solishga urinishda davom etadi. Ushbu farazlarning G‘arb va G‘arbdan tashqari jamiyatlarda subyektlarning shakllanishini tahlil qilishga ta’siri juda kattadir.

Din bilan mantiqsizlik, hissiyot va orqada qolish o‘rtasidagi bog‘lanish ushbu bobda tilga olingan ko‘pgina dastlabki tadqiqotlarda (Tailor, Dyurkgeym, Weber va Malinovskiylar) kuzatiladi. Ular diniy faollik va islomiy harakatlarga ko‘pincha tanqidiy tahlilsiz yondashadigan tadqiqotlar uchun asos yaratdgan.

To‘liq matn saytimizda: https://nemolchi.uz/uz/islom-va-subyektivlik-hafize-sherenning-ayol-islomi-kitobidan/

#SukutSaqlama #AyollarKitobKlubi

Stalking hali ham iltifot sifatida ko‘rib chiqiladi. Ammo bu depressiya rivojlanishiga olib keladigan zo‘ravonlikning bir turi bo‘lib, ayollar ham, erkaklar ham buni muntazam ravishda boshdan kechiradilar.
⠀
Stalking - zo‘ravonlikning bir turi bo‘lib, bir kishidan boshqasiga nisbatan istalmagan e'tiborni o‘z ichiga oladi. Har qanday yoshdagi va ijtimoiy guruhdagi odamlar bunga moyil. Amerika ta'qiblarning oldini olish resurs markazi (SPARK) ma'lumotlariga ko‘ra, har uchinchi ayol va har oltinchi erkak kamida bir marta zo‘ravonlikning bunday shaklini boshdan kechirgan. Ko‘pincha, stalkerlar sobiq yoki hozirgi partnyorlardir (42% hollarda). Ular munosabatlar uzilganiga chida olmaydilar va sobiq partnyor ustidan hokimiyatni qayta tiklashga harakat qilishadi. Yana 40% hollarda ta'qiblar sobiq hamkasblar tomonidan boshlanadi.
⠀
Stalking, ya'ni ta'qib qilish har doim zo‘ravonlikdir. Shakldan qat'iy nazar. Va zo‘ravonlik xavfsiz bo‘lishi mumkin emas. Agar siz o‘zingizda ta'qib qilishga moyillik sezsangiz va odam haqida doimiy o‘y-hayollardan xalos bo‘lolmasangiz, psixolog yoki psixiatrga murojaat qilishingiz kerak. Ba'zi hollarda, stalking ayrim ruhiy kasalliklarning alomati bo‘lishi mumkin.
⠀
Haqiqiy hayotda ta'qib qilishdan tashqari, kiberstalking keng tarqalgan: shaxsning ijtimoiy tarmoqlarini kuzatish, u haqida ma'lumot to‘plash, akkauntlarni buzish, ularning harakatlarini kuzatish imkonini beruvchi dasturlarni ulash.
⠀
2018-yilda Shotlandiyada o‘tkazilgan so‘rovga ko‘ra, stalking qurbonlarining 55 foizi ta'qib haqidagi xotiralarini saqlab qolgan, 24 foizi esa o‘z joniga qasd qilish haqida o‘ylagan. Bundan tashqari, ta'qib qilish karyera va odatiy hayot tarziga zarar yetkazishi mumkin. Shunday qilib, ta'qib qurbonlarining 53 foizi ish joyini o‘zgartirishga yoki ketishga majbur bo‘ldi, 39 foizi - ko‘chib o‘tishga.
⠀
— Agar sizni nimadir bezovta qilsa, imkon qadar o‘sha odam bilan muloqotni darhol cheklash kerak. Ikkinchi bosqich - bu oshkoralik. Atrofingizdagilarga ta'qiblar haqida aytib berishingiz kerak. Stalking ko‘pincha sukunat va zulmatda gullab-yashnaydi.
⠀
Stalking ko‘pincha ayyorona bo‘lishi mumkin va atrofdagilar buni iltifot deb qabul qiladi. Kimgadir bunchalar yoqayotganing zo‘r-ku, deydi ular. Lekin bu unday emas.
⠀
Manba: daily.afisha.ru
⠀
#SukutSaqlama

Erkak boshqaruvchi o‘z maqsadlariga qanday erishishni biladigan kuchli lider hisoblanadi. Ayol rahbarga esa munosabat butkul boshqacha: agar u erkak kabi qattiqqo‘l va talabchan bo‘lsa, uni shafqatsiz, sovuqqon yoki hatto shallaqi deb atashadi.

Sevinch

#SukutSaqlama #gendernotenglik

Joriy yilning 22-fevral kuni soat 11.00 da shahrimizdagi Xilton mehmonxonasida "Yangi asr avlodi" nashriyoti tomonidan chop etilgan "AKS" kitoblar to‘plamining taqdimoti bo‘lib o‘tadi.

Quvonarlisi, mazkur olti muallifning 4 nafari ayol-qizlardir. Jumladan, "Havo" she’riy to‘plami muallifi Gulnoz Mo‘minova, "Tongotar" romani muallifi Raxshona Ahmedova, "Oqdan qizilga" she’riy to‘plami muallifi Anif, "Shakl" romani muallifi Tillaniso bugungi kunda ayol dardlarini, muammolarini ko‘rsatib kelayotgan, ularga yechim izlayotgan ijodkorlardir.

Barchangizni ushbu taqdimotga taklif etamiz. Zamondosh shoira va adibalarimizning asarlarini mutolaa qiling, ularni qo‘llab-quvvatlang!

✍️Ro‘yxatdan o‘tish: https://docs.google.com/forms/d/e/1FAIpQLSdwuo5TlFHiL99x6PclrDE-9OD8N0M2tcjw3pc8KD0KO4iVCQ/viewform?usp=dialog

#SukutSaqlama

Dekretdan imperiyagacha: Dubay shokoladini yaratgan ayol hikoyasi

Dubay shokoladi shirinliklar olamida haqiqiy shov-shuvga aylanib, g‘ayrioddiy ta'mi va qarsildoq teksturasi bilan millionlar qalbini zabt etdi. Ammo bu muvaffaqiyat tarixi ortida nafaqat iste'dodli qandolatchi, balki shokoladga bo‘lgan ishtiyoqini muvaffaqiyatli biznesga aylantira olgan onalik ta'tilidagi ayolning ilhomlantiruvchi hikoyasi ham bor.

FIX brendi asoschisi Sara Xamuda tug‘ruq ta’tilida Dubay shokoladini yaratish ustida ish boshladi. Yangi tuqqan ayol sifatida uning ta'mga bo‘lgan munosabati o‘zgarib, yangilik yaratishga juda ishtiyoqmand edi. Aynan o‘sha paytda u sharqona tus va zamonaviy tendentsiyalarni birlashtirgan shokolad yaratish g‘oyasini o‘ylab topdi.

Sara o‘z shokoladi uchun turli noyob masalliqlarni yaratib, o‘z tajribasini boshladi. U shunchaki betakror shirinlik yaratish emas, balki yorqin hotiralarga sabab bo‘la oladigan haqiqiy asar yaratishni maqsad qilib oldi.

Shunday qilib FIX nomi bilan Dubay shokoladi yaratildi, u bugungi kunda nafaqat Dubay, balki butun dunyoda mashhur.
Ushbu shirinlik Sara Xamuda uchun haqiqiy muvaffaqiyat ramzi va o‘z biznesini boshlashni orzu qilgan ko‘plab ayollar uchun ilhom manbai bo'ldi.

Rina

#SukutSaqlama

Shisha shift

Nilufar kompaniyada olti yildan beri ishlardi. Uning loyihalari foydaga hissa qo‘shar va hamkasblari maslahat olish uchun tez-tez unga murojaat qilishardi. Ammo rahbarlik lavozimiga tanlov ochilganda uning o‘rniga kompaniyada ikki yilgina ishlagan hamkasbi Kamol tanlandi.

“Sen zo‘r mutaxassissan, Nilufar, lekin bu lavozimga qattiqqo‘lroq odam kerak”, dedi boshliq uning ko‘ziga qaramay.

Nilufar ayol bo‘lgani uchun uning kasbiy mahorati yetarlicha baholanmaganini tushundi. U rahbar sifatida emas, balki faqat "ijrochi" sifatida ko‘rilgan.

Shisha shift — ayollarning (yoki ma'lum ozchilik guruhlarining) muhim qarorlar qabul qilish jarayonlariga va har qanday sohada rahbarligini cheklaydigan sun'iy to‘siqlar va ko‘rinmas to‘siqlar.

Siz bu kabi kamsitishga uchraganmisiz?

Minimizary

#SukutSaqlama #seksizm_ensiklopediyasi

Ayol yig‘lasa, unga achinib, tasalli berishadi va ko‘z yoshlari ularga yengillik berishini aytishadi. Ammo erkak yig‘lasa, unga "erkaklar yig‘lamasligini", eslatib his-tuyg‘ularini yashirishga va "kuchli bo‘lishga" undashadi.
Nima uchun his-tuyg‘ularni ko‘rsatish ba'zilar uchun tabiiy reaksiya, boshqalar uchun esa zaiflik belgisi?

Sevinch

#SukutSaqlama #gendernotenglik

Bizda ishda janjal bo‘ldi. Jamoada to‘rt kishi bor, ulardan yagona ayol – men. Ish rejasi bajarilishi bo‘yicha 50% aynan mening hissam edi, lekin bonus hammaga teng miqdorda berildi. Men bunga norozilik bildirdim.

Rahbar esa noroziligimga javoban: “Axir, ayolsiz, erkaklar esa oilasini boqishi kerak” dedi. Natijada, menga hech qanday qo‘shimcha bonus to‘lanmadi. Hay mayli.

Keyingi safar men aynan o‘z planimni bajardim – ortiqcha emas. Natija: reja bajarilmadi. Shunda rahbar : “Hamma mukofotdan mahrum qilinadi!” deb e'lon qilganida jim turmadim.

Bu safar men ochiqchasiga aytdim: “Men o‘z rejani bajardim, hamma ishni o‘z vaqtida topshirdim va birovning mukofoti uchun ishlashga rozi emasman. Boshqalarning dangasaligi uchun o‘zimning mukofotimdan mahrum bo‘lishni ham xohlamayman”.

Erkaklar shov-shuv ko‘tarishdi, albatta. Lekin nega?! O‘tgan safar hech kim ovoz chiqarmagan edi, pulni hech qanday mehnatsiz olganlarida jim turishgan-ku!

===============
Sukut saqlama.uz ga kelgan maktublardan. Siz ham o‘z hikoyangizni anonim tarzda yuborishingiz mumkin: https://forms.gle/ZKCabhpzFM3ewTUz9

_______
#SukutSaqlama #O‘quvchilardan