​​Водным шляхам Е40 хочуць злучыць у адзіны канал Віслу, Прыпяць і Днепр. Для гэтага спатрэбяцца інфраструктурныя работы і паглыбленне дна, на якім ляжыць забруджаны радыёнуклідамі глей: шлях праляжа праз зону адчужэння і зусім побач з рэактарамі ЧАЭС.

❗ Пад пагрозай здароўе каля 28 мільёнаў чалавек і дзікая прырода Палесся! #wildPolesia 🆘

Напярэдадні гадавіны аварыі на ЧАЭС апублікавана навуковае даследаванне, якое высветліць, як будаўніцтва Е40 можа паўплываць на радыяцыйную сітуацыю ў рэгіёне. 👇

Над ім працавала незалежная каманда экспертаў Лабараторыі па кантролі за радыеактыўнасцю Францыі ACRO сумесна з прадстаўнікамі Аховы птушак Бацькаўшчыны і Багна.

#Stop_E40 #savePolesia

ptushki.org/news/686614.html

​​Е40 ператворыць Віслу, Прыпяць і Днепр у суднаходны канал, які пройдзе па мностве асабліва ахоўных прыродных тэрыторый і адбярэ ў многіх рэдкіх відаў апошні прыстанак. 🥺

Але ёсць і яшчэ адна небяспека: водны шлях пройдзе за 2,5 кіламетраў ад чарнобыльскіх ядзерных рэактараў, праз раёны, якія ў выніку выбуху на ЧАЭС сталі аднымі з самых забруджаных на Зямлі. ☢😥

Чытай незалежнае экспертнае даследаванне ад Лабараторыі па кантролі за радыеактыўнасцю Францыі ACRO. ⬇
ptushki.org/news/686614.html

📷 Фота Даніэля Розэнгрэна, ФЗТ.
#Stop_E40 #savePolesia

Запланаваны водны шлях E40 уздоўж зоны адчужэння можа зноў распаўсюдзіць радыеактыўныя рэчывы – гэта пагражае здароўю каля 28 мільёнаў чалавек, а таксама знішчыць дзікую прыроду Палесся! #wildPolesia

⚠ Паслухай, што кажа ядзерны фізік Дэвід Бойлі з Лабараторыі па кантролі за радыеактыўнасцю Францыі ACRO.

#Stop_E40 #savePolesia

https://www.youtube.com/watch?v=rAJoVR9TY-A&feature=emb_logo

22 сакавіка – Сусветны дзень водных рэсурсаў. 💧Давай ахоўваць і шанаваць тое, што стварыла прырода, і не дадзім ператварыць нашу прыгожую і каштоўную Прыпяць у канал. 🙌🏻

❗️Падпішы петыцыю за захаванне гэтай дзікай ракі і падзяліся з сябрамі! 👉🏻 https://bit.ly/2QwS4KN.

📷 Фота: Віктар Малышчыц. #savepolesia #wildpolesia #stope40 #stop_E40

У 2020-м The Guardian напісала пра "Амазонку Еўропы" – Прыпяць і палескі рэгіён, дзе збіраюцца будаваць водны шлях Е40.

@mediaIQBelarus спыталі ў эксперта ініцыятывы "Захаваем Палессе", чаму журналістам важна крытычна ставіцца да заяў палітыкаў і чыноўнікаў, як будаўніцтва Е40 асвятляюць замежныя СМІ і ці могуць публікацыі ў медыя змяніць сітуацыю. #savepolesia #wildpolesia #stope40 #stop_E40

Чытай вельмі важны матэрыял па спасылцы. 👇🏻
ptushki.org/news/702878.html

📷 Фота: Аляксей Зайцаў.

🛶 Сапраўдны марафон на каяках зрабілі захавальнікі дзікай прыроды Палесся – яны адправіліся ўлічваць птушак уздоўж берагоў Случы і Прыпяці!

Маршрут у 65 кіламетраў пераадолелі за дзень – уражвае! Але яшчэ больш уражвае дзікая прырода поймаў і самі дзікія рэкі Палесся.💚

Праўда, прыгожай Прыпяці пагражае патэнцыйнае будаванне воднага шляху E40. Раку плануюць ператварыць у канал!
❗️ Ты можаш падпісаць петыцыю супраць гэтага 👉🏻 https://bit.ly/2QwS4KN.

🙋‍♀️ І далучыцца да акцыі "Прыпяць, дай пяць", каб прыцягнуць увагу да праблемы будаўніцтва Е40. Маршруты, па якіх можна сплавіцца, знойдзеш тут: ptushki.org/news/691149.html.
#savepolesia #stop_e40 #wildpolesia

😇Добрая навіна: Польшча блакуе будаўніцтва воднага шляху Е40, які хочуць правесці ў тым ліку і праз Беларусь па рацэ Прыпяць!

💦Польскі міністр клімату і навакольнага асяроддзя пад ціскам экалагічных арганізацый, сярод якіх міжнародная кааліцыя "Захаваем Палессе", адклікаў раней выдадзены дазвол на будаўніцтва плаціны «Сяжэва» на буйной рацэ Вісла.

🚢Гэты праект разглядаўся як ключавы для польскага ўчастка суднаходнага воднага шляху Е40, якім хочуць злучыць Балтыйскае і Чорнае моры. У Сяжэва збіраліся ўзвесці цэлы каскад плацін і стварыць новыя магутнасці ГЭС.

З рашэння міністра вынікае, што раней падрыхтаваная ацэнка ўздзеяння на навакольнае асяроддзе была праведзена са шматлікімі парушэннямі заканадаўства і не ўлічвала ўсіх аспектаў. 😞

Без пабудовы каскадаў на Вісле і будаўніцтва канала Вісла - Мухавец немагчыма паўнавартаснае злучэнне ўнутраных водных шляхоў Польшчы, Беларусі і Украіны ў рамках Е40.

#stop_e40 #savepolesia

📷Фота Віслы ў натуральным стане: amber.international.

💙Сёння адзначаюць Сусветны дзень рэк, мэта якога - захаванне і паляпшэнне становішчаў водных артэрый планеты. Кожны год гэтая дата выпадае на апошнюю нядзелю верасня.

👆Свята стварыў актывіст аховы прыроды з Калумбіі Марк Анджэла ў 2005 годзе. А ўжо ў 2012 годзе больш за 60 краін свету сталі штогод далучацца да мерапрыемстваў з нагоды гэтай цудоўнай даты.☺️

АПБ таксама паўдзельнічала ў Сусветным дні рэк: у нас адбыўся надзвычай ажыўлены і цікавы круглы стол пра будаўніцтва суднаходнага шляху Е40 і будучыні ракі Прыпяць.💦🌿

Хочаш таксама зрабіць нешта карыснае ў дзень рэк? Далучыцца да святкаванняў можа кожн_ая! Напрыклад, прыбяры смецце з берага ракі або пачытай нашыя матэрыялы і раскажы пра Прыпяць і Е40 знаёмым: https://ptushki.org/tag/stope40.✨

Дзякуем за фота Прыпяці Івану Мураўёву.
#stop_e40 #savepolesia

​​Убачыць поймавыя дубровы падчас разліву – гэта нешта неверагоднае, можна плаваць на лодцы паміж дрэвамі, быццам у лесе на вадзе! 💧😍

🌳 Поймавыя дубровы Палесся – гэта дубовыя гаі, якія растуць у пойме ракі Прыпяць. Пойма – гэта месца, якое затапляецца вадой падчас паводкі. Поймавыя дубы прыстасаваліся да такіх умоў: іх вегетацыя пачынаецца пасля паводкі, то бок увесну яны ажываюць пасля разліву.

Палескія дубровы – найбольш захаваныя ў натуральным стане поймавыя лясы ва ўсёй Еўропе. Гэта ўнікальны прыродны комплекс, дзе сустракаюцца рэдкія віды раслін і жывёл. 🌱

Поймавыя дубы шырокія, з разгалістымі кронамі. Ствалы некаторых дубоў дасягаюць метра ў дыяметры! У дуплах гэтых дрэваў любяць сяліцца "чырванакніжныя" птушкі: пугач (филин), сіваграк (сизоворонка), белая сініца (белая лазоревка). 🦉 З сысуноў можна сустрэць розныя віды кажаноў і "чырванакніжніка" соню-палчка. У дубровах растуць рэдкія віды раслін: шпажнік чарапіцавы, касач сібірскі.

❗️Будаўніцтва воднага шляху E40 нанясе непапраўную шкоду гэтым дубровам, якім патрэбен натуральны гідралагічны рэжым, каб вада прыходзіла і сыходзіла. Калі Прыпяць зарэгулююць – ператвораць у канал, то ўнікальны рэгіён, які і існуе дзякуючы разлівам гэтай ракі, знікне.

🙌🏻 Мы выступаем за захаванне Палесся і за яго альтэрнатыўнае развіццё. Спадзяёмся, што менавіта такім шляхам будзе развівацца гэты рэгіён 👉🏻 ptushki.org/news/700793.html

📷 Фота: Вольга Каскевіч. #savepolesia #wildpolesia #stop_e40

​​Добрая навіна! Мы з кааліцыяй “Захаваем Палессе” вельмі перажывалі, ці ўключаць водны шлях Е40 у абноўлены стратэгічны дакумент па стварэнні эфектыўнай транспартнай сеткі ў Еўрасаюзе – TEN-T. І вось на мінулым тыдні стала вядома, што не ўключылі. 🙌🏻

❓Чаму гэта добра? Таму што Е40, якім хочуць злучыць Балтыйскае і Чорнае мора, ператворыць у каналы апошнія буйныя дзікія рэкі Еўропы і знішчыць дзікую прыроду на вялізных тэрыторыях у Польшчы, Беларусі і Украіне.

Еўракамісія адзначыла немэтазгоднасць польскага ўчастка Е40: акрамя вельмі высокага кошту – блізу 12 млрд еўра – будаўніцтва несумяшчальнае з аховай прыроды і ўстойлівым развіццём. Альтэрнатывай Е40 Камісія лічыць кліматычна ўстойлівую высокахуткасную чыгунку. Таму фінансаваць Е40 у Польшчы ЕС не будзе.

Для беларускага і ўкраінскага ўчасткаў Е40 вердыкту ў дакуменце няма: хутчэй за ўсё, еўрачыноўнікі будуць рашаць гэтае пытанне на ўзроўні Усходняга партнёрства ў 2022 годзе.
Хай рашэнне будзе правільным – на карысць дзікай прыроды!🐦

📷 На фота крывок (кулик-сорока), які жыве на Палессі. Аўтар – Сяргей Зуёнак.
#savepolesia #wildpolesia #stop_e40

Баталёны ў Telegram! 😍

Кааліцыя "Захаваем Палессе" падрыхтавала падарунак на святы: стыкерпак з прыгожай заўважнай птушкай – баталёнам (турухтаном)! Цяпер дзякаваць калегам, дамаўляцца на сустрэчу з сябрамі і зычыць родным добрай ночы можна разам з баталёнам! 🤗

Каб дадаць стыкеры, пераходзь па спасылцы 👉🏻 t.me/addstickers/savepolesia.

❓Чаму менавіта баталён?
Каля паўмільёна гэтых птушак пралятае праз Палессе за год падчас міграцыі. Гэта адно з найважнейшых месцаў на шляху іх доўгага падарожжа.

Баталёны моцна залежаць ад Прыпяці. Яе разлівы, што ўтвараюць мноства выспачак на мелкаводдзі, даюць ім бяспеку ад драпежнікаў і ежу. Будаўніцтва воднага шляху Е40 ставіць пад пагрозу іх выжыванне, бо змяняе натуральны стан ракі.

🙌🏻 Кааліцыя "Захаваем Палессе" выступае за тое, каб Прыпяць заставалася дзікай ракой і хай баталёны радуюць нас і будучыя пакленні ў дзікай прыродзе.
#savepolesia #wildpolesia #stop_e40

Існуе міф, што дзякуючы E40 Беларусь магла атрымаць выйсце адразу да двух мораў (Балтыйскага і Чорнага) за мінімальную цану, што гэта эканамічна выгадны праект. 🤔

❗️Але новае эканамічнае даследаванне зноў паказвае, што нават аптымістычныя сцэнары не могуць выратаваць запланаваны водны шлях E40 ад банкруцтва.

У справаздачы Langhout Ecologisch Advies апісваюцца доўгатэрміновыя страты ў мільярды еўра, якія могуць узнікнуць у выніку будавання ключавой часткі прапанаванага воднага шляху, што ідзе з польскага Гданьска ў беларускі Брэст 👉🏻 ptushki.org/news/711787.html.

📷 Фота: Віктар Малышчыц. #savepolesia #wildpolesia #stop_e40