#СучаснаяБеларусь
#ЛюдзіБеларусь

Дзмітрый вырашыў заняцца вырошчваннем батата і цяпер прадае гэту цуда-гародніну ўсім жадаючым.

Вырашыла зрабіць рэкламу тут. Па-першае, хлопец проста маладзец, што мае сваю справу, а па-другое, можа каму трэба гэта.

У тыкток шукайце тут
https://www.tiktok.com/@batat_market?_t=ZM-8sOTgz2zJbi&_r=1

#СучаснаяБеларусь

❌ YouTube у Расіі плануюць заблакаваць татальна

Першыя званочкі прагучалі 19 снежня, калі ў многіх карыстальнікаў загружалася толькі некалькі секунд відэа, пасля чаго працэс спыняўся.

Айчынныя юзэры пакуль могуць не напружвацца. Міністр інфармацыі Марат Маркаў сказаў, што пакуль дадзены відэахосцінг працуе на карысць дзяржавы, яго закрываць не плануюць.

Правільна, бо як тады мы Рыгора глядзець будзем без Ютуба!? 😁

#СучаснаяБеларусь
#ЗробленаЎБеларусі

А вы ведалі пра шакаладную майстэрню ў Мінску на Сталетава 1а?

Дарэчы, іх шакалад атрымаў некалькі вышэйшых узнагарод на міжнародным конкурсе ў Лондане!

Шукайце акаунт у тыкток
https://www.tiktok.com/@prime_chocolate.by?_t=ZM-8sYaA2TGFTp&_r=1

#СучаснаяБеларусь
#ПрыродаБеларусі

Мы ўжо пісалі тут, што ў Беларусь завезлі тарпанаў.
А вось трапілася відэа, дзе гэтыя жывёлы пасвяцца на нашых прасторах.

Крыніца відэа ў тыкток

#СучаснаяБеларусь

З 1 студзеня 2025 года Беларусь афіцыйна стала партнёрам БРІКС.

Да арганізацыі далучаюцца таксама Балівія, Інданезія, Казахстан, Куба, Малайзія, Тайланд, Уганда, Узбекістан.

🤔 Дарэчы, хто ведае, па-беларуску БРІКС так і будзе, ці неяк інакш?

#СучаснаяБеларусь

"Белавія" - лідэр рэйтынгу пунктуальнасці Perfect Timing Awards 2024 ад міжнароднага аэрапорта Шарамецьева (Масква)

У рэйтынг увайшлі авіякампаніі з найбольш высокімі паказчыкамі за мінулы год.

Лідэраў вызначалі па такіх параметрах, як:
пункт пунктуальнасць прыбыцця і пасадкі,
пункт пунктуальнасць адпраўлення і ўзлёту паветраных судоў.

"Белавія" стала першай у намінацыі "Самая пунктуальная замежная авіякампанія з аб'ёмам звыш 1500 узлётна-пасадачных аперацый»

У цяперашні час з Шарамецьева выконваюць палёты 42 авіякампаніі па 150 напрамках.

Трымаем планку💙

Крыніца

#СучаснаяБеларусь

Рэальныя праблемы, пра якія маўчаць прапагандысты:

📌 У 2024 годзе ў Беларусі працавала 3.721 установа дашкольнай адукацыі - гэта на 29 менш, чым у 2023-м.

📌 Агульная колькасць дзяцей, якія наведваюць дзіцячыя сады, таксама скарацілася. Калі ў 2023 годзе іх было 355,7 тысячы, то ў 2024 годзе — 338,3 тысячы дзяцей (менш на 17,4 тысячы, або на 4,9%).

📌 Таксама на 600 чалавек скарацілася колькасць педагагічных работнікаў ва ўстановах дашкольнай адукацыі: з 55,7 тысячы чалавек у 2023 годзе да 55,1 тысячы чалавек у 2024 годзе.

📌 На пачатак 2024/2025 навучальнага года ў Беларусі налічвалася 2.848 школ з колькасцю навучэнцаў 1,1 мільёна чалавек. А ў 2023 годзе ў Беларусі працавала больш школ, але вучылася менш дзяцей: так, школ па ўсёй краіне было 2.872 (на 24 больш), а колькасць навучэнцаў — 1,09 мільёна чалавек.

📌 За год колькасць настаўнікаў у беларускіх школах скарацілася на тысячу - з 103,3 тысячы чалавек да 102,3 тысячы. Прычым на аднаго настаўніка ў гарадскіх школах прыходзіцца ў сярэднім 12 вучняў, а ў сельскіх — 6 вучняў.

📌 У 2024 годзе ў Беларусі дзейнічала 47 ВНУ - на два менш, чым у 2023 годзе. Навучалася там 224,2 тысячы студэнтаў, а ў 2023-м іх было 222,5 тысячы.

Крыніца

#СучаснаяБеларусь

🔥 Мінск трапіў у спіс самых бяспечных гарадоў свету.

Аналітычны партал Global Residence Index абнавіў рэйтынг самых бяспечных гарадоў свету.
У яго трапіў і Мінск.

У рэйтынгу ўлічваецца мноства параметраў: дадзеныя Глабальнага індэкса свету (GPI), індэкса бяспекі Numbeo, статыстыку выкраданняў і забойстваў, дадзеныя па аўтааварыях і прыродных катаклізмах.

На першым месцы апынулася сталіца Ліхтэнштэйна горад Вадуц з рэйтынгам 0,97 (чым вышэй, тым бяспечней).

У цэлым у топе рэйтынгу размясціліся гарады карлікавых дзяржаў і утварэнняў: пасля Вадуца ідуць Андора-ла-Велья (сталіца Андоры, рэйтынг 0,96), Дуглас (Востраў Мэн, 0,96), Манака (Княства Манака, 0,94), Сэнт-Хеліер (брытанскае кароннае валоданне Джэрсі, 0,91), Гібралтар (0,9), Сінгапур (0,9), Цюрых (Швейцарыя, 0,9), Рэйк'явік (Ісландыя, 0,89) і Токіа (Японія, 0,89).

Крыніца

#СучаснаяБеларусь

Міністэрства антыманапольнага рэгулявання і гандлю ўстанавіла тарыфы для атрымання пенсіі на пошце.

Гэта прадугледжана пастановай МАРГ ад 30 снежня 2024 года нумар 80, якая афіцыйна апублікавана на Нацыянальным прававым інтэрнет-партале, паведамляе БЕЛТА.

Так, выплата пенсіі ў аперацыйнай касе аб'екта паштовай сувязі будзе каштаваць Br1,8, а з дастаўкай дадому - Br8,5.

Плата спаганяецца за кожную выплату (дастаўку) сум пенсіі грамадзянам, якія пражываюць у Мінску, гарадах абласнога падпарадкавання або ў населеных пунктах, якія з'яўляюцца адміністрацыйнымі цэнтрамі раёнаў.

Пастанова набывае моц пасля афіцыйнага апублікавання.

#СучаснаяБеларусь

Смалявічскі метыярыт

Спадзяюся, вы ўжо чулі, што ў канцы снежня недалёка ад Смалявіч упаў метэарыт.
Пра тое, як шукалі яго абломкі, глядзіце на відэа.

А яшчэ існуе чат пра пошукі гэтага метыярыта. Даем спасылку, можа і вам цікава 👇
https://yangx.top/+AQzmo1mRPORkNDMy

Крыніца відэа ў Інстаграм

#СучаснаяБеларусь
#ЛюдзіБеларусі

🔥 Конкурс на помнік Валянціну Таўлаю завершаны

Падвялі вынікі адкрытага конкурсу на стварэнне помніка паэту Валянціну Таўлаю (1914-1947) у Лідзе.

Паводле рашэння журы яго аўтарам будзе скульптар Сяргей Логвін. Яго эскіз перамог сярод васьмі іншых праектаў.👍👍👍

Сяргей Логвін вядомы як аўтар і суаўтар помніка Якубу Коласу ў Стоўбцах і Льву Сапегу ў Слоніме.🔥🔥🔥

❗️Адкрыццё новага помніка прымеркавана да сёлетняга Дня беларускага пісьменства.

#СучаснаяБеларусь

Улады просяць беларусаў аддаць рэшткі метэарыта, які ўпаў пад Смалявічамі

Ведамства звярнула ўвагу насельніцтва на Кодэкс аб нетрах, дзе нябесныя целы ставяцца да ўнікальных геалагічных матэрыялаў. Гэта значыць, што яны падлягаюць дзяржуліку, апісанню, а таксама рацыянальнаму выкарыстанню і ахове.

У ведамстве заклікалі тых, хто выявіў метэарыт або мае пра яго інфармацыю, паведаміць пра гэта органам улады.

Наколькі я ведаю, імя тых, хто знайшоў і здаў метыярыт будзе зафіксавана ў дакументах. Можна ўвайсці ў гісторыю айчыннай навукі! 😁

Нагадаем, што 25 снежня адбылося падзенне метыярыта паблізу Смалявіч. Атрады валанцёраў і аматараў арганізавалі выязды і рэйды па пошуку камянёў, якія могуць быць рэшткамі гэтага каляднага метыярыта.

Крыніца

#СучаснаяБеларусь

Маладыя навукоўцы і стартапы: як Беларусь развівае інавацыі ў галіне звышцвёрдых матэрыялаў 🚀 👩 🔬

Важную ролю ў развіцці звышцвёрдых матэрыялаў і новых тэхналогій у Беларусі адыгрываюць маладыя навукоўцы. Яны не толькі ўносяць свежыя ідэі, але і ўдзельнічаюць у стварэнні стартапаў, якія актыўна распрацоўваюць і ўкараняюць інавацыйныя рашэнні.

Сістэма падтрымкі маладых навукоўцаў, стартапаў і інавацыйных праектаў дазваляе Беларусі хутка рэагаваць на выклікі часу і ўкараняць новыя ідэі ў вытворчасць.

Гэтыя стартапы могуць быць выдатным драйверам для эканомікі, забяспечваючы развіццё новых тэхналогій і стварэнне высокатэхналагічных прадуктаў.

Інжынірынгава-сэрвісны цэнтр па звышцвёрдых матэрыялах актыўна падтрымлівае таленавітых маладых спецыялістаў, даючы ім магчымасць працаваць над актуальнымі праектамі і рэалізоўваць свае ідэі.

Больш падрабязна пачытаць можна тут

#СучаснаяБеларусь

Нацыянальны гістарычны музей Беларусі і парк Народнага адзінства плануецца пабудаваць у 2025-2027 гадах.

Прэзідэнт Беларусі Аляксандр Лукашэнка 5 лютага падпісаў указ нумар 50, якім прадугледжваецца будаўніцтва ў 2025-2027 гадах у раёне вуліцы Арлоўскай у Мінску Нацыянальнага гістарычнага музея Беларусі, парку Народнага адзінства і стварэнне пастаяннай экспазіцыі музея.

Музею прысвоены статус Усебеларускай маладзёжнай будоўлі, удзел у якой могуць прыняць маладыя людзі ва ўзросце да 31 года, у тым ліку ў складзе студэнцкіх атрадаў.

Рэалізацыя ўказа будзе садзейнічаць фарміраванню ў беларусаў пачуцця гонару за сваю краіну і прыналежнасці да яе гісторыі, культурнай і духоўнай спадчыны.

Крыніца

#СучаснаяБеларусь
#Літаратура

А што вы скажаце? Ці чытаеце сучасную беларускую літаратуру? Дзе яе набываеце? Якія аўтары вам вядомыя і хто з іх падабаецца?

Крыніца відэа ў тыкток

#СучаснаяБеларусь

Беларускія навукоўцы прапануюць забараніць металашукальнікі

Гаворка ідзе пра забарону выкарыстання для фізічных асоб, распавёў дырэктар Інстытута гісторыі НАН Беларусі Вадзім Лакіза. Гэта стане адным з крокаў у рамках плана процідзеяння незаконнаму пошуку і абароту археалагічных артэфактаў у Беларусі на 2024-2027 гады.

@SPUTNIKBY

#СучаснаяБеларусь

⭐️ Радаводныя таямніцы Адама Міцкевіча

Дзяржаўны музей гісторыі беларускай літаратуры запрашае 12 лютага на аўтарскую лекцыю даследчыка і архівіста Змітра Юркевіча ў межах цыкла “Па мячы і па кудзелі. Гісторыя сям’і – гісторыя асобы”.👍👍👍

Вы пачуеце адказ на наступныя пытанні:
✏️ Калі насамрэч нарадзіўся Адам Міцкевіч?
✏️ Якія дачынненні мелі Міцкевічы да роду Рымвідаў?
✏️ Гісторыя Рамэа і Джульеты Наваградскага ваяводства – трагедыя гісторыі сям’і прабабулі Адама Міцкевіча.
✏️ Як гісторыкі ледзь не выключылі з радаводнага дрэва Міцкевічаў імя яго бабулі.
✏️ Чаму Міцкевічаў абвінавачвалі ў сялянскім паходжанні?.. І якія дачыненні да гэтага мае маёнтак Завоссе.🔥🔥🔥

❗️Пачатак а 19:00