የኢትዮጵያ ንግድ ባንክ ሻምፒዮን ሆኗል !

የኢትዮጵያ ንግድ ባንክ ሴቶች ቡድን በሀገራችን ኢትዮጵያ የተዘጋጀውን የካፍ የሴቶች ሻምፒየንስ ሊግ የሴካፋ ሀገራት ማጣሪያ ውድድር በአሸናፊነት አጠናቋል።

ንግድ ባንክ የውድድሩን የፍፃሜ ጨዋታ ከኬንያ ፖሊስ ቡሌትስ ጋር አድርጎ በሴናፍ ዋቁማ ግብ 1ለ0 በማሸነፍ ሻምፒዮን መሆን ችሏል።

የኢትዮጵያ ንግድ ባንክ በኢትዮጵያ ሴቶች እግር ኳስ ታሪክ ለመጀመሪያ ጊዜ ኢትዮጵያን ወክሎ በአፍሪካ ሴቶች ሻምፒየንስ ሊግ ውድድር የሚሳተፍ ይሆናል።

በውድድሩ ኬንያ ፖሊስ ቡሌትስ ሁለተኛ እንዲሁም የዩጋንዳው ክለብ ካዌምፔ ሙስሊም ሌዲስ ሶስተኛ ደረጃን በመያዝ አጠናቀዋል።

የኢትዮጵያ ንግድ ባንኳ ተጨዋች ሴናፍ ዋቁማ በስድስት ግቦች የውድድሩ ከፍተኛ ግብ አስቆጣሪ በመሆን ማጠናቀቅ ችላለች።

የኢትዮጵያ ንግድ ባንክ ከዚህ በፊት በውድድሩ ሁለት ጊዜ ሁለተኛ ደረጃን በመያዝ ሲያጠናቅቅ አንድ ጊዜ ደግሞ ሶስተኛ ደረጃን ይዞ አጠናቋል። 

የ 2025 የአፍሪካ ሴቶች ሻምፒየንስ ሊግ ውድድር የሚካሄድበት ሀገር በሚቀጥለው ሳምንት ዲሞክራቲክ ኮንጎ ላይ በሚደረገው የካፍ ስራ አስፈፃሚ ስብስባ ላይ የሚታወቅ ይሆናል።

@tikvahethsport     @kidusyoftahe