#ማስተካከያ

በደቡብ ኦሞ ዞን ዳሰነች ወረዳ 20 ሚሊዮን ብር ወጪ ለሚገነባው ሁለተኛ ደረጃ ትምህርት ቤት የመሰረት ድንጋይ መቀመጡን ተዘግቦ ነበር።

ለትምህርት ቤቱ የሚውለው ወጪ ሙሉ ለሙሉ የሚሸፈኘው ሰዎች ለሰዎች (Menschen für Menschen)  በተሰኘው ድርጅት መሆኑን የድርጅቱ የኢትዮጵያ ተጠሪ አቶ ይልማ ታዬ ለቲክቫህ ኢትዮጵያ ገልጸዋል።

"ወጪው በደቡብ ክልል መንግስትና ሰዎች ለሰዎች በተሰኘው ግብረ-ሠናይ ድርጅት በጋራ እንደሚሸፈን ተገልጿል።" በሚለው ዘገባ ላይ ማስተካከያ እንዲደረግም ጠይቀዋል።

ሰዎች ለሰዎች (Menschen für Menschen) ድርጅት የኢትዮጵያ እውነተኛ ወዳጅ በሆኑት በዶ/ር ካርል ሄይንዝ በም ተቋቁሞ ላለፉት 40 ዓመት በላይ የተለያዩ የልማት ሥራዎችን እና ድጋፎችን ሲያከናውን ቆይቷል።

@tikvahethmagazine

የሩዋንዳ የፓርላማ አባላት የአባትነት የሥራ ፍቃድ ወደ አንድ ወር ከፍ እንዲል ጥያቄ ማቅረባቸው ተሰምቷል።

ህግ አውጭዎች ለታችኛው ምክር ቤት የማኅበራዊ ጉዳዮች ቋሚ ኮሚቴ ባቀረቡት ረቂቅ አሁን በሀገሪቱ ያለው የ4 ቀን የአባትነት የሥራ ፍቃድ (Paternity leave)በቂ እንዳልሆነና የሥራ ፈቃዱ ወደ 30 ቀን ከፍ እንዲል ነው የጠየቁት።

ይህም እናት ከወሊድ በኋላ በሚኖራት ጊዜ በቂ የሆነ የባሏ [አባት] እንክብካቤ እንድታገኝና አባት አዲሱ ከሚወለደው ልጁ ጋር የመጀመሪያዎቹን ወቅቶች በአግባቡ እንዲያሳልፍና ጠንካራ ግንኙነት እንዲኖረው በማሰብ እንደሆነ አስታውቀዋል።

በሀገሪቱ የወሊድ ፈቃድ በተመለከተ እ.ኤ.አ በ2018  ለእናትም ሆነ ለአባት በሰራተኛ ህጉ ላይ በግልጽ የተቀመጠ ነገር የለም።

የዕረፍት ቀናቶቹ ውሳኔም በሚኒስቴሩ በኩል የወጡ ህጎች ናቸው። ጠያቂዎቹ ይኽ እንዲሻሻልና የወሊድ ፍቃድ ለእናትም ለአባትም በሰራተኛ ህጉ በግልጽ እንዲቀመጥም ጠይቀዋል።

ጋንቢያ፣ ሲሼልስና ኬንያ ለአባቶች የ2 ሳምንታት የሥራ ፈቃድ ከሙሉ ክፍያ ጋር ፈቃድ የሰጡ ሀገራት ናቸው። [ከላይ የተያያዘውን ቁጥራዊ መረጃ ይመልከቱ #WB]

በኢትዮጵያ የመጀመሪያው የመንግስት ሰራተኞች አዋጅ 515/1999 መሰረት የወሊድ ፍቃድ [የእናቶች] ሦስት ወር ነበር፤ በ2010 ዓ.ም በተሻሻለው አዋጅ ይህ ወደ 120 ተከታታይ ቀናት ማደግ ችሏል። ይህ በግሉ ዘርፍ ያሉ ሴቶችን የሚያካትት አይደለም።

ከአባቶች ጋር ተያይዞ በሀገራችን በሰራተኛ ህጉ የተቀመጠው #አስር የሥራ ቀናት ከሙሉ ክፍያ ጋር እንዲያገኙ ነው።

[#ማስተካከያ፦ በኢትዮጵያ ማንኛውም የመንግሥት ሠራተኛ የትዳር ጓደኛው ስትወልድ ደመወዝ የሚከፈልበት 10 የሥራ ቀን ፈቃድ ይሰጠዋል፡፡ ]

@tikvahethmagazine

#ማስተካከያ

የየካቲት 12 ሆስፒታል ሜዲካል ኮሌጅ  " በኢትዮጲያ የመጀመሪያ ነው " ያለውን የሙሉ ዳሌ መገጣጠሚያ ቅየራ ከፍተኛ ቀዶ ጥገና  በኘራይቬት ዊንግ ማከናወኑን በመግለፅ በፌስቡክ ገጹ መረጃውን አስተላልፎ ነበር።

@tikvahethmagazine ቻናልን ጨምሮ በርካቶች ይህንን የሆስፒታሉን መረጃ አጋርተው የነበረ ሲሆን የጤና ባለሞያ የሆኑ የቲክቫህ ኢትዮጵያ ቤተሰብ አባላት ህክምናው የመጀመሪያ ባለመሆኑ እና " መረጃው የቀረበበት መንገድ #አሳሳች ነው " በማለት ተጨማሪ ማብራያ ጠይቀዋል።

ለዚህ ጉዳይ ምላሽ እንዲሰጡ ቲክቫህ ኢትዮጵያ የየካቲት 12 ሆስፒታል ሜዲካል ኮሌጅ የኮሚኒኬሽን ክፍል ኃላፊ የሆኑትን አቶ ቤንኦን ጌታቸውን ጠይቋል። 

አቶ ቤንኦን ጌታቸውን ምን አሉ ?

- ሆስፒታሉ ያጋራውን መረጃ " የተወሰነ ስህተት አለው ፅሁፉ " ብለዋል። ህክምናው ' በኢትዮጵያ የመጀመሪያ ነው ' ተብሎ የተገለፀውን በተመለከተ " በኢትዮጵያ በግልም በመንግስትም ይሄ አገልግሎት ይሰጣል " በማለት አዲስ እንዳልሆነ አስረድተዋል።

ኃላፊው አክለውም " በመንግስት ሆስፒታሎች የፕራይቬት ዊንግ የሚባል አለ። ፕራይቬት ዊንግ ማለት ከ11 ሰዓት በኋላ በግል እንደ ቅዳሜ እና እሁድ እንደ ግል መስራት ማለት ነው " በማለት " ስለዚህ ህክምናው በፕራይቬት ዊንግ የመጀመሪያው ነው " ሲሉ ጠቁመዋል።

በተጨማሪም " በመንግስት ሆስፒታሎች ከዚህ በፊት የትም እየተሰራ አይደለም። አሁንም እየተሰራ አይደለም [በፕራይቬት ዊንግ] የዚህ የዳሌ አጥንት የዳሌ አጥንት እና የጉልበት መገጣጠሚያ ገጠማ " ሲሉ አክለዋል።

" ስለዚህ በመንግስት ሆስፒታሎች በፕራይቬት ዊንግ ነው እንጂ በሌሎች ሆስፒታሎች አሁንም እየተሰጠ ነው። መሰጠት ከጀመረም በጣም ቆይቷል። የመጀመሪያው አይደለም " በማለት ማስተካከያ ሰጥተዋል።

@tikvahethmagazine

#Update

ከጥቅምት 1 እስክ ህዳር 30 በሁሉም ክፍለ ከተሞች በሚገኙ ጤና ጣቢያዎች የሚካሄደውን የ2017 ዓ.ም የማህበረሰብ አቀፍ ጤና መድህን የአባልነት የምዝገባ አስመልክቶ የአዲስ አበባ ጤና ቢሮ ኃላፊ ዶክተር ዮሐንስ ጫላ መግለጫ ሰጥተዋል።

ኃላፊው፥ በዘንድሮው ዓመት አዳዲስ አባላቶችን ጨምሮ በአጠቃላይ ከ2.5 ሚሊዮን በላይ የከተማዋን ነዋሪዎች ተጠቃሚ ለማድረግ እቅድ መያዙን ነው የገለጹት።

ክፍያው ስንት ነው ?

በከተማ አስተዳደሩ በጸደቀው መዋጮ መጠን መሠረት መደበኛ መዋጮ መጠን አንድ ሺህ 500 ብር ሲሆን የድሀ ድሃ ለሆኑ የህብረተሰብ ክፍሎች ሙሉ በሙሉ በከተማ አስተዳደሩ እንደሚሸፈን ተናግረዋል።

ይህ ማለት - ነባር አባል መዋጮ 1,500 ብር፣ አዲስ አባል መዋጮ 1,500 ብር እና የመመዝገቢያ 200 ብር በአጠቃላይ 1,700 ብር አመታዊ መዋጮ ይክፍላል ነው ያሉት፡፡

ዕድሜያቸው ከ18 ዓመት በላይ ለሆነ ልጆች እና በአባሉ ጥላ ስር ለሚኖሩ ተጨማሪ ቤተሰብ 750 ብር ይከፈላል ብለዋል።

በኢ-መደበኛ ክፍለ ኢኮኖሚ የተሰማሩ የህብረተሰብ ክፍሎች የተቀመጠውን መዋጮ በመክፈል ዓመቱን ሙሉ በሁሉም ውል በተገባባቸው የጤና ተቋማቶች አገልግሎት ማግኘት እንደሚችሉም ተናግረዋል።

በ2016 ዓ.ም ከ2 ነጥብ 3 ሚሊዮን ዜጎች በላይ በማህበረሰብ አቀፍ ጤና መድህን አባል የሆኑ ሲሆን ከ2 ነጥብ 5 ሚሊየን በላይ አባላትና ቤተሰቦቻቸው በተመላላሽ እና በተኝቶ ህክምና ከጤና ጣቢያ ጀምሮ እስከ ፌደራል ሆስፒታሎች ባሉት የጤና ተቋሞች የጤና አገልግሎት ተጠቃሚ ሆነዋል ተብሏል።

#ማስተካከያ : ቢሮው ከቀናት በፊት በይፋዊ የፌስቡክ ገጹ በአዲስ አበባ መደበኛ የጤና መድህን የመዋጮ መጠን 1,500 ብር እንደሆነ እንዲሁም 500 ብር በከተማ አስተዳደሩ የሚሸፈን የገለጸ ቢሆንም በዛሬው መግለጫ ተስተካክሏል።

ይህ መረጃ እስከወጣበት ድረስ ግን ቀድሞ የወጣው መረጃ በተቋሙ የፌስቡክ እንዲሁም የቴሌግራም ገጽ ላይ ይገኛል።

credit : EPA

@tikvahethmagazine