ኢትዮ ቴሌኮም ለ66 ሁለተኛ ደረጃ ት/ቤቶች የዲጂታል መማሪያ ማዕከላትን አቋቋመ።

ኢትዮ ቴሌኮም በ45 ሚሊዮን ብር ወጪ በአዲስ አበባ እና በክልል ባሉ በ66 የመንግስት ሁለተኛ ደረጃ ትምህርት ቤቶች ከ140ሺህ በላይ ተማሪዎችን መድረስ የሚችል የዲጂታል መማሪያ ማዕከላትን ገንብቶ በዛሬው ዕለት አስመርቋል።

ማዕከላቱ "ተማሪዎች ከሌላ ት/ቤት ተማሪዎች ጋር መረጃ በቀላሉ መለዋወጥ እንዲችሉ ፣ የምርምር ስራዎችን ለማከናወን እዲሁም የመማር ማስተማር ሂደቱን ውጤታማና የተሻለ ለማድረግ አስተዋጽኦ ይኖራቸዋል ተብሏል።

ለእያንዳንዱ ትምህርት ቤት 21 ብሮድባንድ ኮምፒውተሮች የተከፋፈለ ሲሆን በአጠቃላይ 1 ሽህ 386 ኮምፒውተሮች ለትምህርት ቤቶቹን ተሠጥተዋል።

እነዚህ ትምህርት ቤቶች ከአዲስ አበባ እና ከክልል ትምህርት ቢሮዎች በተገኘ መረጃ መሠረት የተመረጡ ሲሆን ከ66ቱ ትምህርት ቤቶች 18ቱ በአዲስአበባ ቀሪዎቹ 48 ትምህርት ቤቶች ደግሞ በክልሎች ይገኛሉ።

ኢትዮ ቴሌኮም ማዕከላቱን ከመገንባት በተጨማሪ በቀጣይ በጥገናም እንደሚያግዝ ሀላፊዋ ገልፀዋል።

#TikvahFamily

@tikvahethmagazine @tikvahmagbot

📸Photo: የማዕድን ሚኒስቴር በሚኒስቴር መስሪያ ቤቱ ያዘጋጀው "ማዕድን ጋለሪ" በዛሬው እለት በይፋ መከፈቱን ሚኒስቴሩ ኢ/ር ታከለ ኡማ አስታውቀዋል። ይህ ዘመናዊ ቴክኖሎጂዎችን አካቶ ይዟል የተባለለት የማዕድን ጋለሪ ከዛሬ ጀምሮም ስለኢትዮጵያ የማዕድን ሀብት የማወቅ ፍላጎት ላለው ሁሉ ክፍት ሆኖ አገልግሎት እንደሚሰጥም ነው የጠቆሙት።

📸 #TikvahFamily

@tikvahethmagazine @tikvahmagbot

በሁለተኛው ዙር የመፅሀፍት እና የትምህርት መርጃ ቁሳቁስ ማሰባሰብ ስራ ፦

- አንድ የቲክቫህ ቤተሰብ አባል (ስሙ እንዲገለፅ ያልፈለገ) አንድ Hp ላፕቶፕ ኮምፒዩተር አበርክቷል።

- አንድ የቤተሰባችን አባል 3000 ብር ወጪ የተደረገባቸውን አጋዥ መፅሀፍት ገዝቶ አበርክቷል።

በዚሁ አጋጣሚ ጃፋር መፅሀፍት ቤትን እናመሰግናለን።

ውድ ቤተሰቦቻችን የሁለተኛው ዙር የማሰባሰብ ስራ ጦርነት ለጎዳቸው ት/ቤቶች የሚውል ሲሆን ፦

- ከ9-12 ክፍል ያሉ ማንኛውም መፅሀፍት
- ከ1-8 ያሉ አጋዥ መፅሀፍት
- ቤት ውስጥ ያገለገለ ኮምፒዩተር
- ፕሪንተር
- የፕሪንተር ቀለም
- ነጭ ወረቀት

በተጨማሪ ለአንድ የህዝብ ቤተ መፅሀፍ ትውልድን የሚያንፁ ልብወልደ ሆነ ማንኛውም መፅሀፍ ማበርከት ትችላላችሁ።

አዲስ አበባ ያላችሁ ነገ ቅዳሜ እና እሁድ ያላችሁበት ድረስ መምጣት እንችላለን ደውሉልን ፦ 0919743630

ከሰሞኑን በሀዋሳ ያሉ አስተባባሪዎችን እናሳውቃለን።

#TikvahFamily
@tikvahethiopia

ችግሩ የማነው?

የፍሳሽ ማስተላለፊያዎች በቆሻሻዎች ተደፍነው፤ ቆሻሻዎች በየመፍሰሻው ተጥለው መተላለፊያውን ዘግተውታል። ይህ ተግባር መሰረተ ልማቶቹን ከማበላሸት በተጨማሪ ከፍተኛ ብክለት ይፈጥራሉ።

ህብረተሰቡ ተጠያቂ ነው?

አዎ ተጠያቂ ነው! ቆሻሻ የሚያስወግድበት መንገድ ትክክል አይደለም። በተለይ ለአከባቢ ንጽሕና የማኅበረሰብ መፍትሔ መስጠት ላይ የሚሰጠው ትኩረት አነስተኛ ነው።

የአከባቢ ጽዳት ልክ ህብረተሰቡ በእድር እንደሚረዳዳው በራሱ ተነሳሽነት በየጊዜው ሊያከናውነው የሚገባ ተግባር ነው።

መንግስትስ?

መንግስትም አዎ ተጠያቂ ነው! መንግስት በመጀመሪያ ደረጃ ከፍተኛ የቆሻሻ አወጋገድ ሥርዓት መዘርጋት አለበት። አንዳንድ ከተሞች ላይ ቆሻሻን እንኳን በአግባቡ የሚሰበሰብበት ሥርዓት የለም።

ቆሻሻ የሚሰበስብ መኪና በ2 ወር የሚመጣበት አከባቢ አለ፤ ታዲያ ሰው ቆሻሻውን በበቤቱ 2 ወር ሊያስቀምጠው ነው? ይሄ ህብረተሰቡ ቆሻሻን ወደ ውጪ አውጥቶ የሚጥልበት ዋነኛው ገፊ ምክንያት ጭምር ስለሆነ መስተካከል አለበት።

የትምህርት ተቋማት ?

የትምህርት ተቋማት የጽዳት ደረጃ ዝቅተኛ ከሆነ ጽዳትን የሚወድ ትውልድ መፍጠር አስቸጋሪ ነው። የትምህርት ተቋማቶቻችን መጸዳጃ ቤቶችን መመልከት እንደ ሀገር ያለብንን ችግር በጥቂቱም የሚጠቁም ነው።

ትምህርት ቤቶች ማሳያዎች ናቸው፤ ማስተማሪያዎች ናቸው። እዛ ውጤታማ የሆነ ወደ ሌሎች ቦታዎች ወስዶ መተግበር ቀላል ነው።

ዘመቻ!

አሁን ላይ ጽዳትን በዘመቻ ለመተግበር ሙከራ ይደረጋል። በየአካባቢው የግዴታ ዘመቻዎች ይጠራሉ። ኃላፊዎች ይመጣሉ ከፊት ቀድመው ሲያጸዱ ፎቶ ይነሳሉ የሚቀጥለው ጊዜም ተመሳሳይ ነገር ይደረጋል ለውጥ ማየት ግን ከባድ ነው።

ይህ በራሱ ግንዛቤ ለመፍጠር ጥሩ አማራጭ ሊሆን ይችላል፤ ሆኖም መሰረታዊ ችግሩ ሥርዓት ሳይዘረጋለት ከምን ወደ ምን መቀየር እንደሚቻል በቂ ዝግጅት ሳይደረግበት፤ ዋና ተሳታፊ የሆነውን ማኅበረሰብን ሳያወያይ በሆታ የሚሰራ ሥራ የሪፖርት ፍጆታ እንጂ መደበኛ ለውጥ ያመጣል የሚል እምነት የለኝም። በዚህ ረገድ በፌደራል ደረጃ ያለው ተሞክሮ ጥሩ ማሳያ ይሆናል።

የመፍትሔ ሀሳቦች ፦

- ዘመቻዎቻችን በግልጽ ዓላማ እና ግብ መካሄድ አለባቸው!

- ጽዱ ትምህርት ቤት ሳይኖረን ጽዱ ከተማ አይኖረንም!

- በከተሞቻችን ህብረተሰቡ ቆሻሻን በቀላሉ የሚያስወግድበት ሥርዓት ይዘርጋ!

- ንጽሕና ፖለቲካ አይደለም!

[ ይህ ጹሑፍ ከፎቶ ጋር ከ #አሰላ የቲክቫህ ኢትዮጵያ ቤተሰብ የተላከ ሲሆን የይዘት ማስተካከያ ሳይደረግበት የተወሰነ ቅርጽ ለውጥ ተደርጎበታል ]

የእርሶንም ትዝብት ይላኩልን 👉 @tikvahmagbot

#TikvahFamily

@tikvahethmagazine

#FireAlert

በቦሌ ክፍለ ከተማ ወረዳ 12 ልዩ ስሙ ማርያም ማዞሪያ አካባቢ በመኖሪያ ቤቶች ላይ እሳት አደጋ አጋጥሟል።

ዛሬ ከቀኑ 6:38 ላይ ቆርቆሮ በቆርቆሮ ከሆኑ መኖሪያ ቤቶች የተነሳው እሳቱን ለመቆጣጠር ርብርብ እየተደረገ መሆኑን የአዲስ አበባ የእሳት እና አደጋ ሥጋት ሥራ አመራር ኮሚሽን የህዝብ ግንኙነት ባለሞያ አቶ ንጋቱ ማሞ ለቲክቫህ ኢትዮጵያ ተናግረዋል።

አደጋውን ለመቆጣጠር 11 የአደጋ መቆጣጠር ተሽከርካሪዎች ተሰማርተዋል ተብሏል።

እሳቱ ከዚህ በኋላ ሊስፋፋ የሚችልበት እድል አለመኖሩን የጠቆሙት አቶ ንጋቱ እሳቱ በተነሳበት አካባቢ ት/ቤት እንዳለ እና ወደዛ የመስፋፋት እድሉ ዜሮ መሆኑን ነግረውናል።

እሳቱ ምክንያት እስካሁን በሰው ላይ ያጋጠመ ጉዳት የለም።

ተጨማሪ ይኖረናል።

📹 AbenezerMat / #TikvahFamily

@tikvahethmagazine

የመርካቶ ቁጥር 1 መካከለኛ ግብር ከፋዮች ቅ/ጽ/ቤት 2 ሰራተኞች በቁጥጥር ሥር ዋሉ።

የግብር ተመን በአስተያየት እንገምትላችኋለን በማለት ከ1.7 ሚሊዮን ብር በላይ የተቀበሉ ሁለት የመርካቶ ቁጥር 1 መካከለኛ ግብር ከፋዮች ቅርንጫፍ ፅ/ቤት ተጠርጣሪ ሰራተኞችና ገንዘቡን ከንግዱ ማህበረሰብ ሲያሰባስቡ የነበሩ አምስት ተጠርጣሪ ነጋዴዎችን በቁጥጥር ስር ማዋሉን ፖሊስ ገልጿል።

በአዲስ ከተማ ክፍለ ከተማ ወረዳ 1 ልዩ ቦታው ሲዳሞ ተራ እየተባለ በሚጠራው አካባቢ ከሚገኙ አሮጌ ዕቃ እየገዙ ከሚሸጡ ነጋዴዎች ሁለት የመርካቶ ቁጥር 1 መካከለኛ ግብር ከፋዮች ቅርንጫፍ ፅ/ቤት ሰራተኞች ነጋዴዎቹን በማነጋገር ለመንግስት የምትከፍሉትን የግብር የዋጋ ተመን አስተካክለን እንሰራላችኋለን በማለት ይነግሯቸዋል።

የቅርንጫፍ ፅ/ቤት ሰራተኞቹም ይህንን ለማስፈጸም እናንተ በአምስት ሰዎች አስተባባሪነት ከእያንዳንዱ ነጋዴ ብር አሰባስባችሁ የድርሻችንን ስጡን በማለት ከ89 ነጋዴዎች ከ1.7 ሚሊዮን ብር በላይ መሰብሰባቸው ተገልጿል።

ይህ መረጃ እንደደረሰው የገለጸው ፖሊስ፥ የአዲስ ከተማ ክፍለ ከተማ ፖሊስ መምሪያ ሁለቱን የመርካቶ ቁጥር 1 መካከለኛ ግብር ከፋዮች ቅርንጫፍ ፅ/ቤት ሰራተኞችና አምስቱን ነጋዴዎች መጋቢት 9 ቀን 2017 ዓ/ም ከነ ኤግዚቢቱ በቁጥጥር ስር በማዋል ምርመራ እያጣራባቸው እንደሚገኝ አስታውቋል።

ሰሞኑን ቲክቫህ ኢትዮጵያ ለአዲስ አበባ ከተማ አስተዳደር ገቢዎች ቢሮ ከቤተሰቦቹ የሚቀርቡ ጥያቄዎችን እየሰበሰበ እንደሚገኝ ይታወሳል አሁንም ጥያቄዎቻችሁን በዚሁ ፖስት ኮመንት ስር ወይም በውስጥ መስመር በ @tikvahmagbot ላይ ማቅረብ ይቻላል።

#Ask_AACARB
#TikvahFamily 🩵

@Tikvahethmagazine