Прывітанне. Чарговы тыдзень — чарговы спіс праектаў для вас.

Разнастайныя праекты 🔍

Go to Belarus │ #вандроўкі
У праекта "Go to Belarus" партала 34travel.me цяпер ёсць і беларускамоўная версія. Гайды, маршруты, славутасці, парады і ідэі для падарожжаў па родных мясцінах на роднай мове.

Будзьма разам! │ #падзеі
Грамадская кампанія “Будзьма беларусамі!” стварыла Тэлеграм-бот, які дапаможа даведацца пра беларускія мерапрыемствы, што ладзяцца ў пэўным горадзе, краіне ці па ўсім свеце.

Belgaming │ #відэагульні
Даволі малады Тэлеграм-канал па тэме відэагульняў. Аўтары абяцаюць дзяліцца мемамі і навінамі індустрыі.

Vanya in Japan │ #влогі
Відэаблог пра Японію на платформе Youtube. Паездкі і шпацыры па краіне, а таксама тэматычныя размоўныя ролікі. Відэа выходзяць па серадах 1 раз на два тыдні.

sekktor │ #мастацтва
Тэлеграм-канал з анонсамі прафесійных і адукацыйных праграм на любы густ: рэзідэнцыі, стажыроўкі, конкурсы праектаў і воркшопы — для беларускіх творцаў і культменеджараў.

КнігТок │ #літаратура
Аматарскія скарочаныя пераклады лепшых сусветных кніг па самаразвіццю ў Тэлеграме.

#праекты

Дзень добры, спадарства! Свежая парада добрага праекта для вас.

💎 Праект тыдня — Супер мова.
Праект пра беларускае і для беларусаў.

У канале вы знойдзеце шмат карысных публікацый пра годных асоб Беларусі і сімвалічныя для краіны падзеі, тэматычныя рубрыкі (напрыклад, па вывучэнні правіл беларускай лацінкі), а таксама штотыднёвую афішу анлайн- і афлайн-мерапрыемстваў.

Апроч згаданага вышэй Тэлеграм-канала ініцыятыва прадстаўленая і на іншых пляцоўках: у Інстаграме, Твітэры, Фэйсбуку і ТыкТоку.

Шчыра запрашаем!

#абранае #белмова #гісторыя #падзеі