Вітаем! Дзелімся спасылкамі для тых, каму не хапае спасылак, — ініцыятывамі, якія таксама шукаюць беларускамоўны кантэнт у сеціве.

Knizhnia
Старонка ў Інстаграме, дзе публікуюцца сайты, каналы і сацсеткі з матэрыяламі па-беларуску. Тут знойдзеце допісы пра фолк-музыкаў, часопісы, вандроўкі і шмат іншага.

Сейбіты беларушчыны
Даволі вялікі каталог беларускамоўных крыніц у Тэлеграме. Крышку незвычайны фармат навігацыі, але шмат цікавага знутры.

Беларускі інтэрнэт
Суполка ў Фэйсбуку для распаўсюджвання і абмеркавання беларускамоўнага сегменту інтэрнэта. Апроч суполкі аўтары ствараюць тэматычныя спісы спасылак, на сёння існуюць Беларускамоўны Фэйсбук і Беларускамоўны Ютуб.

Блакіт
Сайт, на якім знойдзеце, што глядзець, чытаць і слухаць на беларускай мове. Спасылак пакуль не шмат, але спадзяемся, што аўтар працягвае працу.

Ведаеце больш падобных праектаў — скантактуйцеся з намі :)

#праекты #кантэнт

Вітаначкі! Зычым вам добрых выхадных і раім некалькі Тэлеграм-каналаў, што з'явіліся за апошні час.

Разнастайныя праекты 🔍

Мала кантэнту │ #кантэнт
Тэлеграм-канал, мэта якога, — прасоўванне беларускага кантэнту. Падпісвайцеся, калі ў вас раз-пораз узнікае праблема выбару таго, што паслухаць і пачытаць у вольны час на беларускай мове, ці вы папросту хочаце больш пільна сачыць за беларускамоўнай анлайн-прасторай.

Хочаш пра кіно распавяду? │ #кіно
Канал па тэме кіно, які ў фармаце блога вядзе адзін з аўтараў праекта «Ружовая Купіна». Раім аматарам кінематографа і ўсім, каго цікавяць чужыя меркаванні пра той ці іншы фільм.

Arte et humanitate │ #мастацтва
Чытачоў гэтага маладога Тэлеграм-канала чакае нон-фікшн кантэнт на беларускай мове па тэме мастацтва, у першую чаргу еўрапейскага. Аўтары плануюць пісаць пра жывапіс, літаратуру, музыку, тэатр і любую іншую дзейнасць, у якой ёсць элемент творчасці.

Беларускі фронтэнд і іншая трасца │ #тэхналогіі
Ініцыятыва, што, хутчэй за ўсё, прыдасца пачаткоўцам у камп'ютарных тэхналогіях. Аўтар дзеліцца ўласным досведам па распрацоўцы франтэнду — праграм, якія звычайна працуюць у браўзеры, ці, кажучы спрошчана, сайтаў. Ладзіць эфіры і дасылае карысныя матэрыялы ў Тэлеграме.

Alovak │ #падкасты
Тэлеграм-канал анлайн-часопіса пра творчасць і творчых людзей «ALOVAK». Стваральнікі часопіса знаёмяць чытачоў з творчасцю ва ўсіх яе праявах, размаўляюць з таленавітымі людзьмі Беларусі і публікуюць парады прафесіяналаў. У Тэлеграме плануюць дзяліцца прыгажосцю ад беларускіх творцаў і ілюстрацыямі кніг беларускіх выдавецтваў.

Rok Vožyk | Рок і Беларусь │ #музыка
Тэлеграм-канал для тых, хто цікавіцца музыкай, а дакладней музыкай у стылі рок. Аўтары абяцаюць, што цікава будзе ўсім: ад блюзменаў да фанатаў GG Allin, і запрашаюць далучацца да свайго канала і суполкі.

#праекты

Добрага панядзелка, даражэнькія! Працягваем распавядаць пра добрае і беларускае.

💎 Праект тыдня — Тадэвуш Падкасцюшка.
Тэлеграм-канал з парадамі беларускіх праектаў.

Калі вам падабаецца тое, чым займаемся мы, то хутчэй за ўсё гэты канал вас таксама парадуе. Праект, што пачынаўся як каталог падкастаў, зараз змяшчае шмат спасылак на разнастайны кантэнт на беларускай мове: блогі, YouTube-каналы і, вядома ж, падкасты.

Аўтары робяць акцэнт на якасці сваіх прапаноў і спрабуюць сярод мноства беларускіх ініцыятыў абіраць найлепшыя.

Далучайцеся.

#абранае #кантэнт

Вітаем, панове! На гэтым тыдні ў нас праект для тых, каму па-ранейшаму не стае кантэнту на беларускай мове.

💎 Праект тыдня — Мала кантэнту.
Штодзённыя парады беларускага кантэнту.

Аўтар сочыць за вялікай колькасцю каналаў і ініцыятыў і кожны дзень публікуе падборкі з новымі матэрыяламі: фільмамі, падкастамі, інтэрв'ю.

За мінулы час у канале згадваюцца:
‣ Гутарка пра кнігу «Па што ідзеш, воўча?»;
‣ Серыял «Чарнобыль»;
‣ Разбор творчасці Макса Каржа.

Калі ласка, падпісвайцеся і падтрымлівайце беларускіх аўтараў праглядамі.

#абранае #кантэнт