#monitoring #Qoraqalpogiston #bolalar

🇺🇿🇺🇿🇺🇿 Oliy Majlisning Bola huquqlari bo‘yicha vakili Qoraqalpog‘iston Respublikasiga monitoringi davomida bir qator maktab-internatlar va maktabgacha ta’lim tashkilotlarini ko‘zdan kechirdi.

🔸Jumladan, Qoraqalpog‘iston Respublikasi maktabgacha va maktab ta’limi vazirligi skolioz bilan kasallangan bolalar uchun sanatoriy tipidagi 6-sonli maktab-internati faoliyati bilan tanishildi. Ushbu muassasada hozirda 7 yoshdan 18 yoshgacha bo‘lgan 164 nafar bola tarbiyalanmoqda.

🔹Shuningdek, Xo‘jayli tumani 3-sonli aqli zaif bolalar uchun ixtisoslashtirilgan davlat ta’lim muassasasi ham o‘rganilib, bu maskanda 7 yoshdan 16 yoshgacha bo‘lgan 395 nafar bola tarbiyalanmoqda.
Monitoring doirasida bolalar soni ko‘pligi tufayli o‘quv darsliklariga bo‘lgan ehtiyoj ham yuqori ekanligi aniqlandi. Shuningdek, yotoqxona koridorlari ta’mirtalab darajada ekanligi, yotoqxonaning isitish tizimini yaxshilash, tibbiyot xonasini zamonaviy jixoz va vositalar bilan ta’minlash zarurligi ma'lum bo‘ldi.

🖇 Shu bilan birga, internat ma’muriyati 1-9-sinflar uchun darsliklarni qoraqalpoq tilida chop etish borasida ko‘mak kerakligini bildirdi.
Mazkur masalalar yechimi yuzasidan hudud mutasaddilariga tegishli ko‘rsatma va tavsiyalar berildi.

Monitoring keyingi manzili Xo‘jayli tumani Maktabgacha va maktab ta’lim bo‘limiga qarashli 17-sonli Davlat ko‘p tarmoqli ixtisoslashtirilgan maktabgacha ta’lim tashkiloti bo‘ldi.

🏬 1995-yilda tashkil topgan bu muassasada hozirda 90 nafar bola tarbiyalanmoqda. Ushbu maskanda sport zali yo‘qligi tufayli jismoniy tarbiya mashg‘ulotlari musiqa zalida olib borilayotgani ma’lum bo‘ldi.
Shu bilan birga, bir nechta guruh xonalarida konditsioner yo‘qligi, tibbiyot xonasida esa dori-darmonlar uchun maxsus jihozlar ta’minlanmagani aniqlandi.
Bolalar ovqatlanishi shart-sharoitlarini ham jiddiy ravishda qayta ko‘rib chiqish ehtiyoji bor❕

Hudud mutassadilariga mazkur muassasalardagi shart-sharoitlarni tubdan yaxshilashga oid ko‘rsatmalar hamda bolalar bilan ishlashda zamonaviy usullarni tatbiq etish uchun mutaxassislar malakasini oshirishga oid tegishli tavsiyalar berildi✅.

Telegram|Facebook|Instagram|X