Гэты прадстаўнік сямейства вядомы тым, што падчас сталення ў яго змяняецца колер райка вока. Так, у маладых птушак колер вачэй можа быць ярка-блакітным, а пазней набывае шараватае ці серабрыста-белае адценне. У каго такая асаблівасць?

Мам, глядзі, калі я вырасту, у мяне будуць вось такііія вусы!

📷 Палявы верабей, Іна Шкурко, @ptushkafota.

Люстраныя і шкляныя гарадскія канструкцыі тысячамі забіваюць птушак. У прыродзе няма нічога аналагічнага шклу, і за сотні гадоў птушкі так і не прыстасаваліся яго абмінаць, яны не заўважаюць і ўразаюцца ў яго. 😔

🙌🏻 АПБ упершыню ў Беларусі правяла прафілактычную "ратавальную акцыю" па новай методыцы.
❤️ Дзякуючы школьнікам і валанцёрам адзін вялізны шумазасцерагальны экран у Мінску стаў бяспечным для птушак.

Як самастойна зладзіць такую акцыю – чытай на ptushki.org/news/708450.html.

Наш месячнік па прыборцы хмызняку на Тураўскім балонні прайшоў плённа: разам з мясцовымі актывістамі АПБ і валанцёрамі з Мінска, супрацоўнікамі ААТ "Тураўшчына" і НПС "Тураў" прыбралі 5 гектар! 👏🏻

❓Чаму гэта важна?
Пойма Прыпяці – важнае месца для гнездавання птушак, але яна хутка зарастае кустамі, гэта забірае "жылплошчу" ў птушак: кулікам і іншым рэдкім відам няма дзе рабіць гнёзды. Таму мы ўжо дзесяць гадоў запар разам з валанцёрамі чысцім Тураўскае балонне, каб яно заставалася прывабным і прыдатным для птушак.

🐦 Увесну гэтыя мясціны зноў гасцінна сустрэнуць пералётных птушак, што вернуцца ў Беларусь.

Летнікі прайшлі ў межах праекта "Палессе – дзікая прырода без межаў". #wildpolesia

Найлепшыя натуральныя кармушкі! 😍

🌾 Пакінь на лецішчы ці любым сваім участку насенне чартапалоху, сланечніку і іншых раслін, дазволь ім натуральна вянуць: так ты забяспечыш ежай і сховішчам птушак у самыя халодныя месяцы.

🐦 Паласавацца насеннем прылятуць юркі (вьюрки), зелянушкі, шчыглы, чыжы, таўстадзюбы (дубоносы), сініцы, вераб’і, стрынаткі (овсянки), сойкі, папаўзні.

🤗 А яшчэ чытай пра перавагі "лянівага" саду і матай на вус: ptushki.org/news/707540.html

📷 Дзякуй за фота Віктару Рындзевічу.

Удзельнікі чэмпіянату па фотабёрдынгу, які адбыўся ў мінулую суботу, сфатаграфавалі 90 відаў птушак – гэта адзін з найлепшых вынікаў за ўсе гады! 🙌🏻

🦆 Самай папулярнай птушкай-фотамадэллю стала вялікая сініца. Сярод рэдкіх сфатаграфаваных птушак – нырок-маранка (морянка), нырок-свірок (турпан), зялёная жаўна (зелёный дятел), глушэц (глухарь), вусатыя сініцы (усатые синицы), качка-шылахвостка (шилохвость).

На нашай старонцы ў Facebook пачалося галасаванне за найлепшы здымак у намінацыі "Народнае фота" https://www.facebook.com/media/set?vanity=APB.BirdLife.Belarus&set=a.4535827166465154. Удзельнічай і ты, пакідай свае галасы-падабайкі! ❤️

📷 На фота: качка-крыжанка (Дзмітрый Конеў).

Ніагара, Ігуасу, Вікторыя… Павяцце! У Беларусі таксама ёсць вадаспад. 😍 💦

Каб яго знайсці, раней трэба было рабіць практычна дэтэктыўны вышук ці мець знаёмых сярод мясцовых.

Але цяпер у турыстаў з'явілася цудоўная падказка. На сцяне Павяцкай школы мастак Яўген Сасюра намаляваў мурал з выявай вадаспаду на рацэ Вята і карту з пад'ездамі да яго. Ужо не заблукаеш! 🤗

❓Мурал атрымаў шмат станоўчых водгукаў ад мясцовых жыхароў, а як табе, падабаецца? Паедзеш глядзець вадаспад?

Мурал створаны ў межах праекта Разам для грамады і прыроды: Мiёрскi раён, які рэалізуецца Міёрскім раённым выканаўчым камітэтам, АПБ і Латвійскім сельскім форумам пры фінансавай падтрымцы Еўрапейскага саюза. #ЕСдляБеларусі

🦉 Касматаногі сыч (мохноногий сыч) – адна з наймілейшых соў Беларусі. ☺️
Падрыхтавалі 10 цікавых фактаў пра яго, правярай, колькі з іх ты не ведаў(ла).

🔸 Сыч атрымаў такую назву за яго лапы, густа апераныя да кіпцюроў.
🔸 Памер птушкі ў сярэднім не перавышае памеры голуба.
🔸 Самкі буйнейшыя за самцоў.
🔸 Палюе толькі ў цёмны час сутак на мышэй. Узімку робіць запасы.
🔸 Гняздуецца ў дуплах, аддаючы перавагу старым дуплам чорнай жаўны.
🔸 Кладка з 4-7 (да 10) яек.🥚
🔸 Подлеткі аднатонна шакаладна-карычневыя, амаль без плям і крапін.
🔸 Максімальны зарэгістраваны ў Еўропе ўзрост 15 гадоў.
🔸 Шлюбны голас здалёк нагадвае "у-пу-пу-пу", таму некаторыя блытаюць яго з удодам.
🔸 У адрозненне ад вераб'інага сычыка рэдка прысаджваецца на вяршыні дрэваў, аддаючы перавагу затойванню ў іх кронах.

📷 Фота: Bouke ten Cate, Wikimedia Commons. #птушыныяцікавосткі

Трохі ветрана сёння. 😅🦉

📷 Гомельская вушатая сава трапіла ў кадр да Наталлі Бачурынскай. ❤️

☝🏻У адрозненне ад людзей, птушкі ўспрымаюць ультрафіялет.
Навукоўцы правялі даследаванне з белабровымі драздамі (белобровиками), якое даказала, што зрок ва ўльтрафіялетавым дыяпазоне дае птушкам перавагу ў пошуках ежы.

🍒 Васковая паверхня шмат якой садавіны і ягад адлюстроўвае ўльтрафіялетавае выпраменьванне, і птушкам прасцей знайсці плады. 😋 Гэта таксама і адмысловая рэклама з боку саміх ягад для таго, каб птушка іх з'ела і спрыяла такім чынам рассяленню насення.

📷 Фота: Marko Hankkila. #птушыныяцікавосткі

Гэтае фота глушыцы з Налібоцкай пушчы – пераможца ажно ў дзвюх намінацыях восеньскага чэмпіянату па фотабёрдынгу! Прыгажосць, ну? 😍

👏🏻 Шчыра віншуем каманду "Несибирские завирушки" ў складзе Аляксандра Анкуды і Ганны Ільінковай!

☝🏻А яшчэ глушэц раней ніколі не трапляў на кадры ўдзельнікаў за ўсе гады спаборніцтваў!

Калі пакрыўдзіўся і ўжо гатовы прабачыць, але чакаеш ад другога чалавека першага кроку. 👀

📷💛 Жоўтагаловы каралёк, Віталь Некрашэвіч.

🦉З халадамі ў гарады падцягваюцца совы. У некаторых парках, у тым ліку мінскіх, іх ужо можна выглядаць на дрэвах. У Лошыцкім парку мінулую зіму правялі больш за дзясятак вушатых соў. Шукаць іх – цікавы спорт.

☝🏻Улічвай, што турбаваць соў нельга. Спудзіш удзень – іх могуць заўважыць і пакрыўдзіць крумкачовыя.

📷 Фота Сямён Левы зрабіў у Кобрыне. На ім больш за адну вушатую саву.
❓Колькі налічыш ты?

Больш цікавостак пра птушак на зімоўцы – у матэрыяле Onliner people.onliner.by/2021/10/11/ptichku-zhalko. #птушыныяцікавосткі

Нашы фотапасткі цэлы год здымалі жыццё дзікіх лясоў Палесся. 🌳

Каго “лавілі” гэтым разам? У цэнтры ўвагі – капытныя жывёлы. 🦌 Яны – асноўная крыніца харчавання для буйных драпежнікаў Палесся, такіх як воўк і рысь, а да таго ж моцна ўплываюць на лясныя экасістэмы. Таму вельмі важна вывучаць колькасць і паводзіны капытных у ахоўных прыродных зонах.

👀 Капытныя пазбягаюць сустрэч з чалавекам, часта хаваюцца ў цяжкадаступных мясцінах. Фотапасткі ж дазваляюць сачыць за жывёламі удзень і ўночы, не турбуючы іх.

Якую інфармацыю ўдалося здабыць пры дапамозе фотапастак гэтым разам – пакуль сакрэт нават для саміх даследчыкаў. Мы вельмі чакаем вынікаў і абавязкова раскажам пра іх. 🙌

Вывучэнне папуляцый капытных на Альманскіх балотах ажыццяўляецца спецыялістамі АПБ ў межах праекта “Палессе - дзікая прырода без межаў”. #wildpolesia

🦉На фатаграфіі схавалася 6 вушатых соў!

Гэтыя модныя крыклівыя птушкі могуць з'яўляцца ў гарадах ужо з кастрычніка. Яны натоўпамі сядзяць на рабінах, нешта горача абмяркоўваюць. І кожны раз – ужо дзясяткі гадоў – гараджане, убачыўшы іх, нязменна пачынаюць высвятляць, што за дзіва такое прыляцела. 🤔

Расказваем! Амялушкі (свиристели) гняздуюць у паўночнай тайзе і лесатундры Еўропы і Азіі. З надыходам восені адкачоўваюць у больш паўднёвыя рэгіёны, у тым ліку і Беларусь.

Ляцяць туды, дзе засталіся рабіны, каліны, амяла. Абʼелі дрэва – паляцелі далей. Птушкі нармальна пераносяць нізкую тэмпературу. Асноўная прычына міграцый – гэта не халады самі па сабе, а пагоня за кармавой базай.

Ходзяць легенды пра тое, што амялушкі ўмеюць пʼянець, падʼеўшы закіслых ягад. Пачынаюцца праблемы з каардынацыяй, валяцца з галінак… Потым адыходзяць, сорамна за ўчорашняе.😄 Убачыш такое – раскажы нам.

Больш цікавостак пра птушак на зімоўцы – у матэрыяле Onliner people.onliner.by/2021/10/11/ptichku-zhalko. #птушыныяцікавосткі
📷 Фота: Markus Varesvuo.

Чорная пятніца, чорная пятніца… Паслухай зялёную жаўну – зрабі сваю пятніцу зялёнай! 🐤💚

Ахвяруй на ахову дзікай прыроды – падтрымай птушак, якія так радуюць цябе. 😉
👇🏻
ptushki.org/helpus/how_to_pay

📷 Фота: Donatas Vidutis.