👏🏻 АПБ першай ва ўсходняй Еўропе стала членам Wetlands International – глабальнай некамерцыйнай арганізацыі, якая займаецца захаваннем і аднаўленнем водна-балотных угоддзяў. Wetlands International працуе ў 100 краінах і мае 20 офісаў па ўсім свеце.

🌱 Партнёрства з Wetlands International Europe дае “зялёнае святло” для сумесных новых ініцыятыў, імпрэз, праграм і праектаў, доступ да міжнароднай сеткі экспертаў, удзелу ў дыялогу па ключавых пытаннях заканадаўства.

🙌🏻 Сёння АПБ – паўнамоцны партнёр ужо трох міжнародных прыродаахоўных асацыяцый: BirdLife International, Coalition Clean Baltic і Wetlands International.

📷 Фота: Марыя Шуманская.

Якія вушы! 🐇😍

У зайца добра развіты слых, трохі горш – нюх і зрок. Ён добра адрознівае рухомыя прадметы, а да чалавека, які нерухома стаіць, можа падбегчы амаль ушчыльную і толькі тады, разглядзеўшы яго, "даць драпака".

🐾 Хуткі бег і заблытванне слядоў, бадай, адзіны сродак абароны ад пераследу, але ў экстрэмальных сітуацыях, асабліва пры нападзенні птушак-драпежнікаў, русак пераварочваецца на спіну і бароніцца моцнымі ўдарамі задніх лап.

📷 Фота: instagram wildlife.group.

❗️ Упаў свіргуль? Нагадваем, што рабіць.

🔺1. Ніколі не падкідвай свіргуля ўгору над асфальтам, не скідвай з акна ці балкона. 🙅‍♀️ Вынесі яго на адкрытую прастору, падымі на далоні: здаровы свіргуль зляціць і па спіралі пачне падымацца ўгору.

Калі ў свіргуля ёсць траўмы, пералом крыла, ці недзе выступіла кроў, звяртайся да ветэрынара-арнітолага: ptushki.org/helpbird.

🔺2. Птушаня ці дарослы?
Ва ўсіх малодзенькіх сёлетніх свіргулёў лапкі светла-ружовыя, пёркі па крайчыку белыя, на канцы пёраў ёсць пух, пёры крылаў і хваста часткова ці цалкам у трубачках. Падабранае птушаня трэба шмат і правільна карміць.

🔺3. Дзе ператрымаць свіргуля?
Пакладзі свіргуля ў чыстую скрынку памерам не меней за 30x20 см, каб птушка магла расправіць крылы. Вышыня мусіць быць не меншая за 15 см, каб птушка не выбралася. ☝️ У клетку ні ў якім разе не саджай: папсуюцца пёры. На дно скрынкі пакладзі папяровы ручнік.

🔺4. З кім параіцца наконт догляду за свіргулём? 🙌
Парады могуць даць у групе дапамогі свіргулям: vk.com/strizh_by.

Новае жыццё. Птушаняты шэрых жураўлёў. ❤️

Але гэта не проста два маленькія птушаняты, магчыма, гэта першыя шэрыя жураўлі, якія вылупіліся ў Бельгіі! https://www.birdlife.org/europe-and-central-asia/news/cuteness-alert-first-crane-chicks-are-born-belgium

📷 Фота: Wim Dirckx.

❓Прыляцела акальцаваная птушка: што рабіць?

🕊 Калі гэта акальцаваны голуб, то паведаміць пра знаходку ў Клуб галубаводаў, +375296819912 (Бялькевіч Юрый).

🦢 Калі трапілася акальцаваная дзікая птушка (нават загінулая), патрэбна паведаміць пра знаходку ў Беларускі цэнтр кальцавання птушак НАН Беларусі. Перапішы ўсе дадзеныя з кольца, калі ёсць магчымасць, сфатаграфуй птушку, апішы ўмовы і месца, дзе яна была знойдзена. Інфармацыю можна адправіць на e-mail: [email protected].

😯 Падчас экспедыцыі арнітолагі АПБ выявілі вельмі рэдкую з'яву – гняздо з двума птушанятамі вялікага арляца (большого подорлика) – і ўпершыню знялі яго з дрона!

Вялікія арляцы – птушкі, якім пагражае глабальнае знікненне, яны засталіся толькі ў пяці краінах Еўропы. У Беларусі гняздуецца 120-160 пар вялікага арляца. Поспех гнездавання – 60-70%, з гнязда вылятае ў лепшым выпадку адно птушаня.

Але гэтым разам арляцы зрабілі нам вялікую прыемную неспадзеўку: гняздо ажно з двума птушанятамі! За дваццацігадовы досвед вывучэння гэтага віду спецыялістамі ў Беларусі вядомыя толькі адзінкавыя такія выпадкі. Звычайна выжывае толькі старэйшае і найдужэйшае птушаня.

🙏🏻 Спадзяемся, што абодва птушаняты паспяхова выляцяць з гнязда!

❗️Працы па ратаванню віду працягваюцца. Хочаш дапамагчы нам? Зрабі ахвяраванне на сайце АПБ ptushki.org/helpus/how_to_pay. Любая сума важная!

📷 Фота Сямёна Левага (АПБ).

🦉Совы – выдатныя начныя драпежнікі. Яны могуць заўважыць сваю ахвяру нават у цемры.

Але совы маюць вузкае поле зроку, а іх вочы амаль не могуць рухацца. 👀 Таму, каб бесперапынку сачыць за сваёй ахвярай, куды б тая ні пабегла, совы вымушаны паварочваць галаву ўслед за ёй, часцяком здзяйсняючы паварот на 270 градусаў! #птушыныяцікавосткі

⚡️ Цікавае назіранне – у Мінскім раёне Антон Жылюк сустрэў чаплю-квакву!😮
У Беларусі гэта вельмі рэдкі на гнездаванні пералётны від.

Гэта невялікая чапля – тыпова начная птушка, таму нават у месцах гнездавання не асабліва заўважная.

Чаплі-кваквы, якія жывуць у Еўропе, – пералётныя. Зімуюць у экватарыяльнай Афрыцы.🌍

🐸 Назву яна атрымала праз свой "квакаючы" голас. Толькі паслухай ptushki.org/bird/58.html!

Як так атрымліваецца, што птушкі з прыстаўкай "звычайны_ая" самай незвычайнай прыгажосці? ☺️

😍 На фота Віталя Некрашэвіч звычайны гіль.

Сокалы-пустэльгі ўжо 40 гадоў паспяхова асвойваюць беларускія гарады. Самі гнёзд яны не будуюць, найчасцей селяцца ў нішах на апошніх паверхах шматпавярховак, часам займаюць гнёзды іншых птушак.

Сакаляняты часам выпадаюць з гнёзд падчас гульні, або іх саштурхоўваюць старэйшыя браты ці сёстры. На зямлі яны могуць стаць ахвярай катоў і сабак, трапіць пад колы машын.

❓ Што рабіць, убачыўшы птушаня сокала-пустальгі на зямлі? Глядзі інструкцыю 👉🏻 ptushki.org/news/705083.html.

📷 Відэа: Доктар Шон МакКормак.

🌳 Водна-балотны цэнтр АПБ правёў Школу дрэваў!

Галоўны плюс летняй Школы – можна вучыцца вызначаць дрэвы па лісці і ацаніць флору Беларусі ва ўсёй красе! 😍

Уражанні выпускнікоў 👉🏻 ptushki.org/news/705342.html.

Калі ты таксама хочаш лепей спазнаць прыроду і даведацца больш пра дрэвы Беларусі – падавай заяўку, і мы звяжамся з табой, як толькі адкрыецца новы набор у Школу дрэваў https://docs.google.com/forms/d/e/1FAIpQLSctb7KRp1AQQXpgAlOa9FlvBOI-JpAk9AUcduOhKssePYWKFA/viewform!

📷 Фота: Аксана Суботка.

Добрай раніцы! Панядзелак – дзень цяжкі, але прачынацца трэба.😴
Подлетак малінаўкі (зарянки) прапануе пачаць яго з ранішняй гімнастыкі! 🤸

Прадуктыўнага працоўнага тыдня, дружа! 🙌🏻

📷 Фота: Іна Шкурко, @ptushkafota.

😍 Які прыгажун – птушаня вялікага арляца (большого подорлика) з цікавым колерам пёраў! Такіх птушак каля 10% у беларускай папуляцыі.

Дзякуючы фотапастцы, усталяванай у межах праекта АПБ "Палессе – дзікая прырода без межаў", мы ведаем, што гэта гняздо спачатку заняла барадатая кугакаўка, але яго спустошылі крумкачы. Калі прыляцелі бацькі нашага героя – яно ўжо было свабоднае.

Птушаня расце і ўжо атрымала кольца! 👌🏻 #wildpolesia

Шчуркі-пчалаедкі (золотистые щурки) – экзотыка ў чыстым выглядзе! 😍

Але, шчыра кажучы, не такія ўжо гэтыя шчуркі і заўзятыя пчалаедкі. 😅 Зразумела, калі побач з ярам альбо кар'ерам, дзе яны ўладкавалі сваё паселішча, апынецца пара-другая вулляў, дык грэх не харчавацца пчоламі! 🐝

А калі з пчоламі не вельмі, дык любая казурка будзе даспадобы, галоўнае, каб лётала і памерамі, пажадана, была паболей! Матылі, стракозы, нават зладзюга шэршань – усё падыдзе да стала птушанятам. 😋 #птушыныяцікавосткі

Маладыя рачныя крычкі яшчэ працяглы час, пасля таго як стануць на крыло, выпрошваюць корм у бацькоў. 🐟

Дарослыя крычкі спрабуюць стымуляваць моладзь да самастойнага палявання, пры гэтым праносяць злоўленую рыбку міма рота дзіцяці, якое лямантуе. 🙈

📷 Фота Уладзіміра Бондара.

🌾 Проста цяпер праходзіць валанцёрскі летнік па рамонце экасцяжыны на старажытным верхавым балоце Ельня.

Штогод турыстаў на балоце становіцца ўсё больш. Тысячы людзей праходзяць па экасцяжыне кожныя выходныя і яна натуральным чынам "зношваецца". Каб працягваць радаваць турыстаў камфортным знаходжаннем у гэтым цудоўным месцы без шкоды для самаго балота, мы праводзім рамонтныя работы на асобных участках экасцяжыны.

❤️ Вялікі дзякуй усім валанцёрам!

📍 Летнік адбываецца ў межах праекта Разам для грамады і прыроды: Мiёрскi раён, які рэалізуецца Міёрскім раённым выканаўчым камітэтам, АПБ і Латвійскім сельскім форумам пры фінансавай падтрымцы Еўрапейскага саюза. #ЕСдляБеларусі

Гэтую птушку бачылі ўсе! Вялікая сініца – шырока распаўсюджаны від. Яна жыве ў лесе, парках, садах, часта пасяляецца ў вялікіх і малых населеных пунктах побач з чалавекам.

Але наколькі добра ты ведаеш гэтую птушку? Давай праверым!

Чаму птушка так завецца – вялікая сініца?

📷 Фота: Валер Пясецкі, @ptushkafota.

Максімальны зарэгістраваны ўзрост вялікай сініцы ў Еўропе?

📷 Фота: Кацярына Букас, @ptushkafota.