Сойкі маюць добрую візуальную памяць

Вучоныя з універсітэту Кембрыджа (Вялікабрытанія) нечакана прадэманстравалі, што сойкі памятаюць нават выпадковыя і нязначныя дэталі.

🐦 Навукоўцы правяралі эпізадычную памяць у сямі соек. Птушка назірала за тым, як ежу хавалі пад адзін з чатырох аднолькавых кубачкаў. Сойка ўзнагароджвалася, калі праз нейкі час адразу знаходзіла ежу. Мэтай было навучыць соек запомніць правільную пазіцыю кубачка ў іх шэрагу.

У наступнай серыі эксперыментаў на ўсіх кубачках былі нанесены ўнікальныя пазнакі. Ежу пры птушцы хавалі пад кубачкам у “правільным” месцы ў шэрагу. Пасля гэтага птушак на 10 хвілін забіралі з пакоя і мянялі кубачкі месцамі.

🤩 Нечакана сойкі ў 70% выпадкаў знаходзілі кубачак з ежай пад ім! Гэта даказвае, што птушкі запомнілі маркіроўку на “правільным” кубачку, хаця іх трэніравалі зусім на іншае.

Навукоўцы лічаць, што такія асаблівасці соек хутчэй за ўсё дапамагаюць ім прыхоўваць і потым знаходзіць жалуды ў прыродзе.

Паводле перакладу Дзмітрыя Вінчэўскага, birdwatch.by

📷 Фота Віталя Некрашэвіча.

#Дзікіфакт

#Дзікіфакт: Калі качка знаходзіцца на краі чарады, у яе спіць толькі адно паўшар'е галаўнога мозгу, а на другім баку ў гэты час адкрыта вока і працуе палова мозгу, каб пільнаваць магчымую небяспеку. Ну, а ў цэнтры чарады качкі могуць заплюшчыць вочы і адпачнуць на ўсе 100!

Вось бы людзям такую суперздольнасць, каб адна палова мозгу адпачывала, пакуль другая ў гэты час працуе ці вучыцца. 😅

Малюнак Justyna Kierat.

#птушкажарт

Як справы ў беларускіх барсукоў?

Увосень самая галоўная задача кожнага прыстойнага барсука – назапасіць паболей тлушчу, каб хапіла перажыць зіму. Грыбы, арэхі, жалуды, карані, насякомыя, дажджавыя чарвякі, грызуны, рыба, амфібіі – барсук не брыдзіцца нічога, звер ён усёедны.

#дзікіфакт Перад тым, як залегчы ў спячку, барсук ператвараецца ў самы натуральны мяшок з тлушчам – яго набіраецца больш за траціну масы звера!

🦡 Яшчэ з канца лета барсукі рыхтуюць свае норы да зімы. А з пачаткам халадоў пераўтвараюцца ў дамаседаў: выходзяць з нары па вечарах нерэгулярна. Бывае, што не паказваюцца па некалькі дзён.

Засынаюць барсукі ў сярэдзіне лістапада. Цягам зімовай спячкі яны патрацяць да 60% восеньскай вагі.

Вось і наш барсук Ясь зараз актыўна корміцца і запасаецца тлушчам, каб у лістападзе ўтульненька ўлегчыся ў сваёй норцы і глядзець чароўныя лясныя сны. ✨

📷 Фота Сaroline Legg, Flickr.

А што гэта за мышка? Ой, гэта птушка!

🐦 Звычайны паўзунок (обыкновенная пищуха) – невялікая і скрытная птушка, якая лазіць па кары дрэў. Да таго ж у птушкі тоненькая ціхая пазыўка, якая нагадвае мышыны піск.

#Дзікіфакт Паўзунок – выдатны дрэвалаз. У яго моцныя кіпцюры, якімі ён чапляецца за кару, і доўгі жорсткі хвост, на які ён абапіраецца, як дзяцел. Перамяшчаецца паўзунок па ствале знізу ўверх па спіралі. Але не можа лазіць уніз галавой, як папаўзень. На дрэвах паўзунок шукае насякомых, якіх выцягвае з трэшчын у кары сваёй тоненькай выгнутай дзюбай.

🌲 Птушка насяляе розныя тыпы лясоў, любіць старыя дрэвастоі, дзе за адсталай карой можна зладзіць гняздо. Увосень і ўзімку паўзункоў можна сустрэць нават у гарадах. Часта яны трымаюцца разам з сініцамі.

А ты сустракаў_ла звычайнага паўзунка?

📷 Дзякуем за фота Данатасу Відуцісу.

Любіш фатаграфаваць птушак ці любіш разглядаць іх – далучайся да чату "Птушкі з фотастужкі" @ptushkafota

#галасыптушак

Крумкач – прыгожая і велічная птушка, якая часцей за ўсё асацыюецца з містыкай і тым светам. Сёння людзі ў свеце святкуюць Хэлаўін! 🎃

#Дзікіфакт Інтэлект крумкачоў – адзін з самых выдатных сярод жывёл. Крумкачы могуць карыстацца прыладамі, адрозніваць сябе ў люстэрку, маюць прасторавае мысленне, здольныя падманваць, запамінаюць добрыя і злыя ўчынкі, якія ім зрабілі, і могуць помсціць або падзякаваць у адказ.

📷 Дзякуем за фота Паўлу Лычкоўскаму, чат “Птушкі з фотастужкі” @ptushkafota

#галасыптушак

🍁🦉 Чароўная сава на фота – даўгахвостая кугакаўка (длиннохвостая неясыть).

Гэта буйная сава, нашмат буйнейшая за шэрую кугакаўку, з доўгім паласатым хвастом. Дыск твару аднатонны, на яго фоне ярка вылучаецца жоўтая дзюба.

#Дзікіфакт Даўгахвостая кугакаўка – страшны сон для мышападобных грызуноў і подлеткаў птушак, але можа злавіць і каго буйнейшага, напрыклад, вавёрку. Як ва ўсіх начных драпежнікаў, у яе выдатныя слых і зрок, а адмысловае апярэнне робіць яе палёт цалкам бясшумным.

У Беларусі даўгахвостая кугакаўка – рэдкі від, уключаны ў Чырвоную кнігу.

☝🏻 Улічвай, што турбаваць соў нельга. Спудзіш удзень – іх могуць заўважыць і пакрыўдзіць крумкачовыя.

📷 Дзякуем за фота Віктару Выскварку, @ptushkafota

🐦 Чорнагаловы шчыгел (черноголовый щегол) жыве ў Беларусі круглы год.

З гэтай прыгожай птушкай прасцей за ўсё пазнаёміцца якраз увосень ці ўзімку. Пусткі з зараснікамі чартапалоху – улюбёныя месцы шчыглоў.

Іх любімы корм у гэты час – насенне пустазелля: дзядоўніку, чартапалоху, лопуху, асоту, васілька, цыкорыя, дзьмухаўца і шмат якіх іншых. 😋

#Дзікіфакт: Лацінская назва гэтай птушкі "Carduelis" паходзіць ад слова "чартапалох".

❓ А табе ўжо давялося сустрэць гэтую яркую прыгожую птушку?

📷 Дзякуем за фота Віктару Выскварку.

Калі ты таксама хочаш дзяліцца сваімі здымкамі для нашых публікацый, далучайся да чату "Птушкі з фотастужкі" @ptushkafota.