🤞🏻Хай у цяперашняй навіннай стужцы ў цябе застанецца астравок спакою – старонка АПБ, дзе ты можаш паглядзець на птушак і звяроў і ўсміхнуцца.

🦊 Лісяняты зычаць табе добрых выходных.❤️

📷 Фота: instagram wildlife.group.

🦇Сябры! Вось і прыйшло лета – напружаны і складаны сезон для кажаноў. Вясной цяжарныя самкі ўжо сфармавалі мацярынскія калоніі і засялілі свае летнія сховішчы – гарышчы і іншыя цёплыя месцы.

У чэрвені ў самак роды, кожная нараджае 1-2 кажанят. Калонія – гэта невялікі радзільны дом, і там бывае шумна. Не хвалюйцеся і не турбуйце кажаноў! Ад іх няма ніякай пагрозы.

❗️Памятай: у чэрвені, падчас родаў і выхавання дзіцянят, кажаны вельмі ўразлівыя і безабаронныя. Любы непакой можа прывесці да гібелі значнай колькасці кажаноў і іх малянятак.

Узніклі праблемы? Тэрмінова тэлефануй у Кажанаполіс, валанцёры абавязкова дапамогуць! Кантакты: Аляксей Шпак, +375 29 2139257 (МТС, Viber).

Беларускі "папугайчык" – чаромашнік (чечевица).😍

На вочы гэтыя прыгажуны трапляюцца рэдка, бо хаваюцца ў густым лісці, але часта выдаюць сябе меладычным свістам, падобным да фразы "Витю видел?". ☺️

❓А табе даводзілася бачыць калі-небудзь гэтую птушку?

📷 Віталь Некрашэвіч, @ptushkafota. #птушыныяцікавосткі

7 чэрвеня – Сусветны дзень свіргуля (стрижа).
Свіргуль – майстар палёту, але на зямлі бездапаможны.😔

❓Як дапамагчы свіргулю, які ўпаў, і пры гэтым не нашкодзіць птушцы? ☝🏻

📍 Захоўвай памятку ptushki.org/news/703341.html і дзяліся з сябрамі: гэта дапаможа выжыць многім птушкам.

📷 Фота Мікалая Вараб'я.
Кампанія "Жывая вясна" ажыццяўляецца дзякуючы падтрымцы HeidelbergCement. #жываявясна2021

І так заўсёды. 🙈😅
#птушкажарт

Да сярэдзіны чэрвеня яшчэ можна пачуць спевы салаўя, потым ён будзе заняты іншымі справамі. 😉

🎶 Дзе паслухаць – глядзі на карце ptushki.org/nightingales. Карта інтэрактыўная – занось на яе свае салаўіныя месцы!

🐦 У траўні ў шмат якіх гарадах Беларусі прайшлі салаўіныя экскурсіі. Каму ўдалося ўбачыць крылатага спевака і якіх яшчэ птушак змаглі паназіраць і пачуць экскурсанты? Чытай і натхняйся на ўласны шпацыр 👉🏻 ptushki.org/news/703410.html.

Проста цяпер наш прыродаахоўны спецыяліст Сямён Левы праводзіць улікі лелякоў – птушкі 2021 года – і назіраў, як аднаго ледзь не падбіла машына. 😔

🚘 На дарогах штогод гіне шмат лясных і палявых птушак. Калі ты бачыў_ла за горадам на дарогах збітых машынамі птушак, занясі, калі ласка, на карту гэтыя месцы ptushki.org/roads. 🙏🏻

Гэта дапаможа зразумець, дзе птушкам на дарогах пагражае самая вялікая небяспека. Па выніках акцыі плануем звярнуцца ў ДАІ, каб там паставілі дадатковыя дарожныя знакі. ⛔️ Гэта патрэбна і для бяспекі саміх вадзіцеляў, бо раптоўнае з'яўленне птушкі на дарозе можа стаць прычынай аварыі.

Едзь уважліва, калі ласка!

🦅 Арлан-белахвост зноў буяніць на гняздзе вялікага арляца (большого подорлика). Фотапастка зняла, як кіпцюры арлана ўжо ўпіваюцца ў цела самкі Дзянісы. Яна дзівам засталася жывая. 😰

Ужо праз 20 хвілін пасля інцыдэнту Дзяніса вярнулася на пустое гняздо. Яйка знікла. За дзень да гэтага знікла першае яйка – хутчэй за ўсё, прапажа таксама на сумленні арлана. 😟

Паўторную кладку самка вялікага арляца вырашыла не рабіць. Цяпер яна трымаецца на гнездавой тэрыторыі. Магчыма, падшуквае зацішак для новага гнязда. #wildpolesia

Калі пасля працы набыў(ла) ласункаў і ляціш дамоў глядзець улюбёны серыял. 😋 Пятніца! 🎉

📷 На фота чорны дрозд, аўтар – Андрэй Віктаравіч.

😋 Пячураўка-трашчолка (пеночка-трещотка) – зусім маленькая птушачка, нашмат драбнейшая за вераб'я, але вельмі любiць паесцi.

За светлавы дзень (17-18 гадзiн) у пік кармлення бацькi прыносяць ежу да гнязда, у якім знаходзіцца 6-7 птушанят, каля 280-400 разоў! 😳
I куды толькi гэта ўсё дзяваецца? 😅

А на відэа Іны Шкурко можна паслухаць, як пячураўка-трашчолка спявае.
❓Прыгожа, праўда?🥰 #птушыныяцікавосткі

😳 Ого! Свіргулі паставілі новы хуткасны рэкорд!

Сачэнне з дапамогай мініятурных геалакатараў паказала, што яны пралятаюць у сярэднім 570 км за дзень падчас міграцыі. 👏🏻 Максімальная зарэгістраваная дыстанцыя ў даследаванні склала больш за 830 км за дзень на працягу дзевяці дзён! 🚀

❓А ты бачыў(ла) сёлета гэтых летуноў? Занось назіранне на карту http://springalive.net/be-by/migrations/addnew.

📷 Фота Мікалая Вараб'я.
Кампанія "Жывая вясна" ажыццяўляецца дзякуючы падтрымцы HeidelbergCement. #жываявясна2021 #птушыныяцікавосткі

🛶 Сапраўдны марафон на каяках зрабілі захавальнікі дзікай прыроды Палесся – яны адправіліся ўлічваць птушак уздоўж берагоў Случы і Прыпяці!

Маршрут у 65 кіламетраў пераадолелі за дзень – уражвае! Але яшчэ больш уражвае дзікая прырода поймаў і самі дзікія рэкі Палесся.💚

Праўда, прыгожай Прыпяці пагражае патэнцыйнае будаванне воднага шляху E40. Раку плануюць ператварыць у канал!
❗️ Ты можаш падпісаць петыцыю супраць гэтага 👉🏻 https://bit.ly/2QwS4KN.

🙋‍♀️ І далучыцца да акцыі "Прыпяць, дай пяць", каб прыцягнуць увагу да праблемы будаўніцтва Е40. Маршруты, па якіх можна сплавіцца, знойдзеш тут: ptushki.org/news/691149.html.
#savepolesia #stop_e40 #wildpolesia

Рамантычная жураўліная гісторыя на досвітку.💫❤️

📷 Alla Erdmann, больш фота на birdwatch.by/gallery/alla-erdmann/na-dosvitku.

Прыгажун таўстадзюб (дубонос)! ☺️

Гэтая птушка цалкам апраўдвае сваю назву. У яе масіўная, вострая i моцная дзюба шырынёй амаль з галаву! Дзякуючы ёй таўстадзюб лёгка раскрывае костачкі чаромхі, вішні, алычы і нават слiвы! 😯 #птушыныяцікавосткі

📷 Фота: Іна Шкурко, Бараўляны, @ptushkafota.

Нейкая суворая мімімішка. 😠😅

У птушаняці яшчэ пух на галаве не вылез, не адраслі пёры хваста, але цвыркае і прысядае, як дарослая птушка. Маленькая, але ўжо сапраўдная рудахвостка-чарнушка! 👍🏻

Нагадваем, цяпер у Беларусі разгар сезона подлеткаў. Птушаняты вучацца лётаць: не забірай іх дадому! ptushki.org/news/699880.html ❌

📷 Фота: Кацярына Раханская, @ptushkafota.

😍 Уключай гук, пачуеш голас гіля (снегиря)! Ён прыляцеў сказаць, што засталося літаральна некалькі месцаў у анлайн-школу "Галасы птушак", ты яшчэ можаш паспець запісацца! 🎶

Мы ўпэўненыя, што навучыцца адрозніваць галасы птушак можа кожны, і для гэтага не патрэбны музычны слых! Школа ўключае ў сябе 5 тэарэтычных анлайн-заняткаў, на якіх ты вывучыш галасы 70-ці птушак.☺️

Падрабязнасці і запіс на курс 👉🏻 http://birdingbelarus.by/lectures-excursions-workshops/birdwatching-school-voices/.

📷 Відэа Іны Шкурко, @ptushkafota.

Шмат хто дбае пра кармушкі, аднак мала хто ўзгадвае, наколькі важны для птушак сталы доступ да чыстай вады.💧

У гарачае, сухое надвор’е не забывай пра птушак – зрабі для іх паілку ці купальню! 💦 Мы падрыхтавалі інструкцыю 👉🏻 ptushki.org/dzikaya-pryroda-pobach/help_birds/ptushki-i-vada-pailki-i-kupalni.

Гэта будзе радаваць не толькі птушак, але і цябе: ты зможаш паназіраць за тым, як птушкі смешна купаюцца! 🐦😇

📷 Дамавыя вераб'і, аўтар – Мікалай Варабей.

Шматгадовае даследаванне, праведзенае ў двух лясах у Вялікабрытаніі, паказала, што прыкладна палову ўсіх дрэваў там пасадзілі не ўладальнікі зямлі, не леснікі і не актывісты прыродаахоўных арганізацый, а... сойкі! 😯

Падрабязней на birdwatch.by/news/16265. Фота Уладзіміра Бондара.

🐦 Папаўзень (поползень) – маленькая птушка і мае кароткія ногi, але пальцы ў яе доўгія ды ўчэпістыя! 😉

Дзякуючы iм папаўзень здольны, аглядаючы кару дрэваў, перасоўвацца па ствалах не толькі ўгару, як паўзунок (пищуха), але і ўніз галавой! 😯 #птушыныяцікавосткі

📷 Фота: Віталь Некрашэвіч, @ptushkafota.

Даследчыкі прыродаахоўнага праекта АПБ “Палессе — дзікая прырода без межаў” адправіліся на пошукі еўрапейскай норкі. У Беларусі яе не бачылі 20 гадоў, нават казалі, што зусім знікла.

🙋‍♂️ Але нашы навукоўцы не здадуцца, пакуль не правераць усе зацішныя куткі краіны. У адзін з такіх на Альманскіх балотах і выправіліся ў пачатку чэрвеня тры біёлагі і сабака.

Шукальнікі прыгод, гэта для вас 👉 ptushki.org/news/704129.html! #wildpolesia

📷 Фота: Яўген Гасцюхін.

Смачна есці! 😍

Вераб'і – усёедныя птушкі. Хоць аснову іх харчавання складае насенне розных траў, яны ахвотна здзёўбваюць таксама насякомых і іх лічынак, павукоў, ядуць мякаць пладоў, ягады, розныя харчовыя адкіды. #птушыныяцікавосткі

📷 Дамавыя вераб'і, аўтар – Мікалай Варабей.