#МіфыЛегендыБеларусі

"Паміж вуліцай Францысканскай і Падгорнай у Менску стаіць невялікі шляхецкі дом, у якім раней жыла вельмі прыгожая паненка. Была яна, праўда, шалапутнай і вельмі разбэшчанай. Любіла дурыць галовы маладым шляхціцам, якія да яе заляцаліся, а такіх гавораць было шмат.

Адзін малады і не надта багаты шляхціц ужо вельмі доўгі час быў закаханы ў паненку. Тая добра гэта ведала і гуляла з ім, як котка з дурненькім мышаняткам.

Аднойчы яна пажадала, каб ён прынёс ёй самыя прыгожыя кветкі ў свеце, якія будуць вартыя яе прыгажосці. Калі шляхціц выканае загад, то паненка выйдзе за яго замуж. Паненка намякнула, што кветкі гэтыя растуць у парку побач з Нясвіжскім замкам.

Працяг далей 👇

#МіфыЛегендыБеларусі

(Працяг)

Шляхціц адправіўся ва ўладанні Радзівіла і змог у таго выпрасіць запаветны букет кветак. Аднак, вярнуўшыся ў Менск, шляхціц знайшоў паненку ў абдымках іншага. Ён ашалеў ад злосці.

Звар’яцеўшы шляхціц рассек шабляй свайго суперніка, схапіў паненку і выбег у двор, дзе бушаваў дождж. Ён дабег да Ляхавіцкага маста і ў гэты момант да юнака вярнуўся розум. Але раптам маланка ўдарыла ў тое месца, дзе ён спыніўся і абодва паляцелі ўніз, ў раку Свіслач.

Менавіта пасля гэтай гісторыі ў тым самым месцы ракі час ад часу пачалі знікаць мужчыны. Гавораць, гэта Свіслацкая Русалка ў вясельнай сукенцы топіць прыгожых юнакоў. Часам побач з гэтай Русалкай могуць убачыць і Вадзяніка..."

З нататкаў Яна К. Лашкевіча

#КазкіДзецям

Пану навука

Беларуская народная казка

Апрацоўка Алеся Якімовіча

Фолк-група "Росквіт"

Добрай раніцы, сябры!

#КухняБеларусі
#СтарадаўняяКухня

МЯСА ПЕРАКЛАДАНАЕ

Стушыць трохі цёртага хрэну ў масле і смятане, сцерці на тарцы некалькі звараных бульбін, пасаліць, уліць крыху растопленага масла і перамяшаць з трыма добра ўзбітымі яйкамі.

Мяса, зваранае з карэннем, пакроіць на кавалкі і пакласці ў посуд, пераклаўшы кожны
кавалачак тушаным хрэнам.

Зверху прыкрыць цёртай бульбай, абсыпаць сухарамі, падрумяненымі ў масле, і запячы ў печы.

Смачна есці!

БЕЛАРУСКІ ЦЫТАТНІК.
МАКСІМ ТАНК.