#ПобытБеларусаў

Падрыхтоўка да Куцці

Пішыце, як у вашай сям'і праходзіць Бедная Куцця перад Калядамі?

#КухняБеларусі

У дапамогу вам

#ГісторыяБеларусі
#Паўстанне1863
#ЛюдзіБеларусі

Удзельнікі паўстання 1863-1864 гг.

Усім журналістам, прапагандыстам і гісторыкам, якія лічуць, што гэта паўстанне не мае ніякага дачынення да беларусаў, прысвячаецца.

Станіслаў Антоній Прушынскі, (Антоній Антоніевіч Прушынскі) – мінскі  фатограф. Адзін з пачынальнікаў беларускай фатаграфіі. У 1850-я гады меў дачыненне да дзейнасці Мінскага гарадскога тэатра, у 1856 г. выступаў на ягонай сцэне ў оперы Станіслава Манюшкі «Рэкруцкі набор». 9 лютага 1852 г. Прушынскі выканаў ролю «Караля Лятальскага» у часе прэм’еры спектакля «Сялянка» ў Мінску. У перадпаўстанцкі перыяд далучыўся да «чырвоных» Мінскага паўстанцкага камітэта.

Фелікс Ражанскі - беларускі паэт, мемуарыст, удзельнік рэвалюцыйнага руху 1860-х гг. У 1861 г. увайшоў у Гродзенскую рэвалюцыйную арганізацыю К. Каліноўскага. Удзельнічаў у выданні і распаўсюджванні газеты «Мужыцкая праўда», вёў агітацыю сярод сялян. Аўтар паўстанцкіх песень на беларускай мове «Гэй-га разам, хлопцы…», «Ах ты, мая чарнабрыва…» і інш., успамінаў «3 Гродзенскага ваяводства» (1903), якія з’яўляюцца каштоўнай крыніцай па гісторыі рэвалюцыйнага руху 1860-х г. на Гродзеншчьше, утрымліваюць важныя факты з біяграфіі К. Каліноўскага.
Паэтычную спадчыну Ф. Ражанскага апублікаваў Ігнацій Арамовіч, настаўнік Беластоцкай гімназіі і ўдзельнік паўстання, у кнізе «Летуценні: дзённік аб партызанскім руху ў Гродзенскім ваяводстве ў 1863—1864 гг.». У гонар Фелікса Ражанскага названая вуліца ў Вялікай Бераставіцы.

Працяг будзе...

#ЛюдзіБеларусі

80 гадоў з дня смерці Магдалены Радзівіл

Мецэнатка і дзяячка беларускага культурніцкага руху Марыя Магдалена Радзіві́л (дзяв. 3авіша) нарадзілася 26 чэрвеня (8 ліпеня) 1861, Варшава — памерла 6 студзеня 1945, Фрыбур, Швейцарыя).

📌 Фінансавала выдавецтва «Загляне сонца і ў наша аконца», Беларускае выдавецкае таварыства, газету «Беларус», таварыствы цвярозасці, шпіталі, сельскія крамы і інш.

Падтрымлівала газету «Biełarus» (1913—1916).

У 1917 г. ахвяравала дыяментавае калье на заснаванне беларускай грэка-каталіцкай калегіі ў Рыме.

Цікавы факт: у ліпені 2017 г. прах Магдалены Радзівіл быў вернуты ў Мінск і 17 лютага 2018 г. перапахаваны ў касцёле Найсвяцейшай Тройцы на Залатой Горцы ў Мінску.

#ЛюдзіБеларусі

6 студзеня 1920 года нарадзілася Ганна Іванаўна Маслоўская, Герой Савецкага Саюза.

У Вялікую Айчынную вайну з чэрвеня 1941 г. у Чырвонай Арміі; трапіўшы ў акружэнне, наладзіла сувязь з партызанамі.

У 1942 годзе па заданні падпольнай арганізацыі ўладкавалася ў Паставах у швейную майстэрню, якая абслугоўвала гітлераўцаў. Збірала звесткі аб ворагу. З яе дапамогай падпольшчыкі знішчылі фашысцкага генерала фон Цуга.

Удзельнічала ў разгроме фашысцкіх гарнізонаў у Залессі, Лынтупах, Камаях, у падрыве трох эшалонаў ворага; знішчыла некалькі дзясяткаў салдат і афіцэраў праціўніка, вынесла з поля бою дзясяткі параненых партызан.

Пасля вайны стала прыёмнай маці 15 сірот, бацькі якіх загінулі ад рук фашыстаў.

Завод па перапрацоўцы смецця адкрыюць у Мінску ў 2025 годзе ♻️

У новым корпусе прадугледзяць паўаўтаматычнае сартаванне смецця, што дасць магчымасць істотна скараціць эксплуатацыйныя затраты аб’екта.

☝🏻Дадасца амаль 500 працоўных месцаў.

zviazda.by

#ДумкіЎслых

Дарэчы, сёння дзяўчына прадавец ужо не перапытвала ў мяне што такое запалкі, а падала адразу. Прыемна

Мяккая беларусізацыя знізу працягваецца. Далучаймася!)))

Зоя С

#КанфесійныяПытанніВКЛ
#ГісторыяБеларусі

Гісторыя міжканфесійных пытанняў у ВКЛ і РП.

Нажаль, кніга "Гісторыя рускай царквы" Мітрапаліта Макарыя заканчваецца на XVII ст. Можна сказаць, на самым цікавым. Таму будзем вывучаць гісторыю міжканфесійных пытанняў на нашых землях па іншых крыніцах.

Так, я знайшоў працу Філарэта Чарнігаўскага пад той жа самай назвай - "Гісторыя рускай царквы". Гэтая праца аказалася не цікавай, вельмі сціснутай. Самае цікавае на скрыне:

Да сярэдзіны XVIII ст. адукацыя царкоўных устаноў у Расіі абапіралася на Кіеўскую акадэмію, якая ў сваю чаргу была створана па ўзору польскіх навучальных устаноў. Пры гэтым амаль усе архіпастыры праваслаўнай царквы вучыліся менавіта ў Кіеўскай акадэміі.

Вечарына беларускага нацыянальнага мастацтва пройдзе сёння ў Віцебску

Святочную праграму «Прыйшла Каляда — адчыняй варата!» падрыхтаваў ансамбль танца, музыкі і песні «Талака».

Напярэдадні Калядаў калектыў падорыць гледачам вечар беларускага нацыянальнага мастацтва. Хрысціянскія звычаі будуць цесна пераплецены з даўнімі абрадамі продкаў, у прадстаўленні ярка і вобразна раскрыецца дух беларускага народа.

🕰 Гледачоў запрашаюць у абласную філармонію на выступленне ў 19:00.

zviazda.by

Адкуль беларусы раней бралі разынкі і рыс, каб зварыць куццю?

А можа гэта быў не рыс і не разынкі!?
А тады што? Пішыце ў каментарах!)))

❄️ КАЛЯДНЫЯ ЦУДЫ

Дзяржаўны музей гісторыі беларускай літаратуры запрашае на зімовых вакацыях дзетак да ўдзелу ў святочнай інтэрактыўна-пазнавальнай праграме “Калядныя цуды”!🎅🏻

Праграма прысвечаная традыцыям святкавання Калядаў на Беларусі. 👍👍👍

Удзельнікі даведаюцца, чаму ў гадавым коле народных абрадаў Каляды займалі першае месца, як варажылі, якія песні спявалі і якія стравы гатавалі на свята іх продкі. А яшчэ падчас праграмы будзе магчымасць патрапіць у “калядную майстэрню” і ўласнаручна зрабіць незвычайную елачную цацку-сюрпрыз.🔥🔥🔥

❗️Час працы: 3-19 студзеня.

❗️❗️Абавязковы папярэдні запіс: +375 17 363-56-21.

👉 Адрас: г. Мінск, вул. М. Багдановіча, 13.

#ФальклорБеларусі
#ПобытБеларусаў

Народная прымаўка

Прыйшла Куцця - наеліся хаця!

Куцця завяршала калядны пост. І нягледзячы на тое, што гэта вячэра складалася выключна з посных страў, наядаліся дастаткова сытна, як кажуць, ад пуза.
А назаўтра раніцай з печы ўжо пахла мясам і каўбасамі

З Калядамі ўсіх!

https://youtu.be/vZfmGbeNcBA?si=VnisPMoveG0FAeeB

#КухняБеларусі

Лазанкі

У беларускай кухні лазанкі  вядомы з ХVІ стагоддзя. Аснова гэтай смачнай стравы – кавалачкі цеста з пшанічнай, жытнёвай або грэцкай мукі, таму беларускія лазанкі і італьянскую лазанню можна лічыць сваякамі.

У Беларусі квадрацікі (трохвугольнікі) з раскатанага крутога цеста варылі і залівалі смажаным салам з цыбуляй, у пост – перамешвалі з цёртым макам або расцёртымі ягадамі.

Акрамя таго, лазанкі запякалі ў гаршчочках з мясам або капустай, тушылі са смятанай.

Для лазанак:
мука
вада
соль і цукар на смак
алей

Для начынкі:
70 г свіной вэнджана-варанай грудзінкі
100 г паляўнічых каўбасак
1 сярэдняя цыбуліна
алей
50-70 г вяршкоў
50 г цёртага цвёрдага сыру

Гатаванне:
Цеста для лазанак падобнае да пельменнага. У прасеянай горкай муцэ зрабіць заглыбленне, дабавіць соль і цукар, крыху алею для эластычнасці і, паступова даліваючы ваду, замясіць цеста, пакуль яно не стане “цвёрдым” і пластычным.

Раскатаць цеста таўшчынёй 1-1,5 мм, нарэзаць ромбамі. Калі ёсць час – даць загатоўкам высахнуць пры пакаёвай тэмпературы, калі часу мала – падсушыць у разагрэтай да 100-120 ºС духоўцы. Лазанкі адварваць у падсоленай вадзе 5-7 мінут.

Тым часам прыгатаваць начынку. Грудзінку нарэзаць кубікамі і абсмажыць, пакуль не пачне вытаплівацца тлушч. Дабавіць дробна нарэзаную цыбулю, прадаўжаючы пасіраваць да залацістага колеру, пакласці кружочкі каўбасак і смажыць яшчэ 3-4 мінуты.

Да гатовай начынкі дабавіць адварныя лазанкі з невялікай колькасцю вады, у якой яны варыліся, вяршкі і сыр, патушыць, пастаянна памешваючы.

Калі сыр стане цягучым – зняць з пліты, выкласці на талерку і ўпрыгожыць зелянінай.

Лазанкі можна падаць і запечанымі. Для гэтага ў керамічны гаршчочак выкласці слаямі адварныя лазанкі і начынку, дабавіць вяршкі, пасыпаць сырам і паставіць у духоўку падрумяніцца да залацістай скарыначкі.

Гальшанскі замак, 1982 год.

Фатаздымак зроблены студэнткамі Гомельскага ўнівэрсытэту гісторыка-філялягічнага факультэту падчас вандроўкі па мясцінах кнігі нарысаў Уладзімера Караткевіча «Зямля пад белымі крыламі».

#ашмяншчына

НАША ВЕРА.
КАТАЛІЦКІ КАЛЯНДАР.

ТРЫ КАРАЛІ.

6 студзеня ва ўсім свеце Каталіцкі Касцёл адзначае ўрачыстасць Аб’яўлення Пана, якую яшчэ называюць святам Трох Каралёў. У гэты дзень у касцёлах благаслаўляюцца крэйда, кадзіла, вада і золата.

Зместам урачыстасці з’яўляецца аб’яўленне таямніцы збаўлення ў Езусе Хрысце. Божае Нараджэнне больш канцэнтруецца на прыніжэнні Сына Божага да людской натуры, падкрэсліваючы зямное нараджэнне Божага Слова. Урачыстасць Аб’яўлення Пана скіроўвае наш позірк на Божую веліч Нованароджанага.

На працягу стагоддзяў сфармаваліся шматлікія звычаі, звязаныя з гэтай урачыстасцю. Да найважнейшых з іх належаць: абвяшчэнне даты Вялікадня, благаслаўленне золата, кадзіла і міра, благаслаўленне водаў Ярдана, а таксама благаслаўленне жылых дамоў.

У нас найбольш распаўсюджаны апошні звычай. У Беларусі, гэты звычай узбагачаны надпісам на дзвярах літар С+М+В, а таксама датай бягучага года (католікі пішуць яго благаслаўлёнай крэйдай).

Такім чынам, сёлета гэты надпіс выглядае так: С+М+В 2025.

#КухняБеларусі

Папулярны партал пра ежу і падарожжах taste Atlas прадставіў спіс лепшых гастранамічных краін на 2024-2025 гады.

У першую сотню трапіла і Беларусь, на што звярнуў увагу рэспубліканскі саюз турыстычных арганізацый.

Беларусь заняла 75-е месца - паміж Іарданіяй і Эквадорам. Характэрна, што наша краіна апярэдзіла такія гастранамічныя дзяржавы, як Латвія (79-е месца), Ізраіль (87-е) і Арменія (93-е).

Сярод самых папулярных беларускіх страў у рэйтынгу пазначаны калдуны, сырнікі і мачанка.

Цудоўная цішотка, на мой погляд. Я б яшчэ і білбордаў некалькі штук па гарадах расцягнула, бо за 30 гадоў нават не ўсе беларусы назву краіны запомнілі.

Зоя С