#ДумкіЎслых

Божухна, зберажы наш Беларускі свет ад гэдакіх ідэй і помыслаў! Няхай ніколі беларусы не будуць імкнуцца да чужога, няхай галоўнай мэтай нашага народа назаўжды будзе сяброўства, роўнасць, узаемапавага і супрацоўніцтва!

Дзякуй Богу, што беларусы - не такія вось рускія! Што наша галоўная рыса - талерантнасць. А ўсе нашы амбіцыі зводзяцца да захавання і абароны свайго, а нікаліва не на пагрозу іншым!

Зоя С

#СучаснаяБеларусь

Міністэрствам інфармацыі ў рамках паўнамоцтваў, устаноўленых заканадаўствам, на пастаяннай аснове вядзецца работа па выяўленні і недапушчэнні распаўсюджвання дэструктыўнай літаратуры, у тым ліку якая ўплывае на духоўна-маральную сферу як важны складнік нацыянальнай бяспекі.

У цяперашні час у кнігарнях, буйных гандлёвых сетках і інтэрнэт-крамах маюцца ў продажы друкаваныя выданні, якія скажаюць гістарычную праўду і справядлівасць, прапагандуюць нетрадыцыйныя сэксуальныя адносіны, рэлігійную нецярпімасць, гвалт, жорсткасць і парнаграфію, якія распальваюць варожасць і нянавісць, папулярызуюць нетрадыцыйныя для беларускага грамадства субкультуры, а таксама выданні аб палавым выхаванні дзяцей, здольныя аказаць негатыўны ўплыў на іх фізічнае і псіхічнае развіццё, сказіць уяўленне аб сапраўдных сямейных каштоўнасцях.

Прымаючы пад увагу вышэйпададзенае, а таксама з мэтай захавання маральных каштоўнасцяў і традыцый беларускага народа, Міністэрства інфармацыі патрабуе: распаўсюднікам друкаванай прадукцыі самастойна правесці рэвізію друкаваных выданняў, якія рэалізуюцца арганізацыяй, і выключыць з продажу друкаваныя выданні, распаўсюджванне якіх здольна нанесці шкоду нацыянальным інтарэсам Рэспублікі Беларусь.

Крыніца

Паэтка-самародак пра рэнтабельнасць жывёлагадоўлі

Крыніца відэа ў тыкток

13 лістапада адбылася прэс-канферэнцыя "Духоўнасць нацыі ў мастацтве: спадчына і новыя праекты мастакоў Брэсцкага рэгіёну", зладжаная Прэс-цэнтры сумесна з Беларускім саюзам мастакоў.

Зайшла паслухаць - ні адзін спікер ні слова па-беларуску не прамовіў! Вось вам і духоўнасць нацыі! 🤷🏻‍♀️

Ізноў на памяць прыходзіць пісьмо Якуба Коласа пра стан беларускай мовы


https://www.youtube.com/live/7l7BbCOiRgg?si=QGGDD8Dv5i6Fzd-

📘 "Беларускія народныя строі"

Прыгожы тэматычны каляндар на 2025 г. прысвечаны народным строям выйшаў у выдавецтве "Тэхналогія".
Каляндар распрацавала дызайнерка Кацярына Аракчэева. Адзенне на мадэлях - аўтэнтычныя строі з уласнай калекцыі Аляксандры Навіцкай.🔥🔥🔥

Каляндар насценны на спружыне. 👍👍👍

👉 Замовіць тут

Гэты герб падобны да герба Мінска. Але насамрэч ён належыць Мар'інай Горцы.

Паходжанне назвы горада Мар’іна Горка сягае ў дахрысціянскія часы. Паводле легенды, на ўзвышшы знаходзілася паганскае капішча. Тут пакланяліся нявесце Сонца, багіні-маці, апякунцы нараджэння дзяцей Марэ.

Пазней на гэтым месцы была пабудавана царква. Храм быў вядомы старажытнай іконай «Маці Божая», якую мясцовыя жыхары асабліва шануюць. Гэтая ікона і стала прататыпам гарадскога герба.

Дарэчы, выява Дзевы Марыі даволі распаўсюджаная ў геральдыцы. Сярод беларускіх гарадоў яна сустракаецца на гербах Мінска, Маладзечна, Кобрына і Бялынічаў.

https://yangx.top/Gigin_Vadim/2624

Паважаны Вадзім Францавіч, а растлумачце нам цёмным, у чым тут гераізм беларускага народа ў барацьбе з уніяй? А ўнія і ўніяты - гэта хто і што? Не беларускі народ?
Унія, як паказала гісторыя, аказалася няўдалым праектам. Унія раскалола грамадства, падзяліла нашых продкаў на сваіх і чужых. Продкі беларусаў змагаліся паміж сабой. У чым тут гераізм, незразумела....

#МіфыЛегендыБеларусі

Скарб у Азярыйскім гарадзішчы

Аднойчы позна ўвечары ў вёску Мястэчка прыехаў нейкі пажылы чалавек. Спыніўся на беразе возера і папрасіў рыбака перавезці яго на востраў ды паказаць старадаўняе Азярыйскае гарадзішча.

Тым часам зусім сцямнела. Рыбак доўга не згаджаўся, але калі незнаёмец даў яму срэбраны рубель, пакіраваў лодку да вострава. І толькі яны падняліся на вяршыню гарадзішча, як раптам з грукатам адны за адным рассунуліся трое жалезных дзвярэй і паказаўся патаемны склеп.
Незнаёмец і рыбак ступілі ў яго і ўбачылі на крэсле невыказнай прыгажосці князёўну. Каля яе ног ляжалі два харты, а па абедзве рукі стаялі куфры, паўнюткія залатых і срэбраных грошай.

Незнаёмец нагроб у мех як падняць срэбра і выйшаў. Рыбак таксама падаўся за ім. «Прыбягу сюды заўтра днём. — падумаў ён, — і стану першым багацеем ва ўсёй ваколіцы…»

Назаўтра на світанні ён быў на гарадзішчы. Аднак ні золата, ні срэбра, ні нават муроў каменных з жалезнымі дзвярыма не знайшоў.
Перад ім, як і раней, маўкліва горбіўся старадаўні земляны насып, шмат дзе ўскапаны шукальнікамі зачараваных скарбаў.

Вітаем, спадарства!
Нейкіх во непрызнаных талентаў для вас знаходжу!

У тыкток https://www.tiktok.com/@maks_enigma?_t=8rJNaWBVQAi&_r=1

#КухняБеларусі

Мазурка

Для дэсерту спатрэбіцца:
міндаль абсмажаны – 250 г
яйкі свежыя – 3 шт.
масла сметанковае – 120 г
мука – 140 г
цукар – 100 г

Гатаванне:
Расцерці масла з цукрам да аднароднасці, дабавіць здрабнёны блэндарам абсмажаны міндаль, муку і яйкі.

Добра вымесіць, пакласці ў ёмістасць, пакрыць харчовай плёнкай і пакінуць у халадзільніку на 30 хвілін.

Выкласці цеста ў змазаную форму таўшчынёй каля 1 см і выпякаць пры t 180 ºC на працягу 25-30 мінут.

За 5 мінут да гатоўнасці паверхню мазуркі можна змазаць цукровым сіропам. Або пасля астывання заліць глазурай з сумесі яечнага бялку і цукровай пудры.

Падаваць мазурку са сметанковым соусам, свежымі ягадамі, марожаным.

#МоваНашаРодная

Германізмы – запазычанні з нямецкай мовы.

Спецыялісты кажуць, што колькасць такіх слоў у сучаснай беларускай мове – не меней за тысячу. Германізмы траплялі ў беларускую мову, пачынаючы ўжо з ХІІІ-ХІV стагоддзяў. Гэта перыяд, калі развіваліся актыўныя гандлёвыя стасункі паміж паўночнымі гарадамі Беларусі і насельніцтвам Рыгі і Гоцкага берага.

Хацелася б адзначыць, што нягледзячы на блізкасць беларускай мовы з рускай, працэнт нямецкіх запазычанняў у апошняй значна ніжэйшы.

Топ-10 слоў, запазычаных з нямецкай мовы

Мытня
Першым задакументаваным нямецкім словам у мове, якое потым стала беларускай, з’яўляецца «мыто» ў значэнні «пошліна». Яго можна сустрэць у дагаворнай грамаце 1229 года смаленскага князя Мсціслава Давыдавіча з Рыгай і Гоцкім берагам. У сучаснай беларускай мове маем словы ад гэтага кораня: «мытня», «мытны».

Дах
Беларускі дах паходзіць ад нямецкага слова das Dach. Тое слова ўтворана ад дзеяслова decken – накрываць. У розных старажытных летапісах ВКЛ слова дах сустракаецца вельмі часта.

Цукар
Яшчэ адно вельмі папулярнае і салодкае слова мае нямецкі адпаведнік der Zucker. Відаць беларусам жыццё саладзілі купцы, якія прывозілі цукар з Караляўца (сучасны Калінінград).

Кошт
Гэтае слова паходзіць ад нямецкага kosten — каштаваць. Купцы, якія вазілі тавары па Нёмана з Прусіі і назад відаць таксама прывезлі і «кошт» на нашыя землі.

Гандаль
Яшчэ адно слова ад старажытных бізнесменаў – der Handel (гандаль) і handenl (дзейнічаць). Прычына, напэўна, у тым, што гандаль з’яўляўся прафесійным заняткам купцоў, якія прыязджалі з Германіі на беларускія землі.

Фарба
Слова farbe некалі спадабалася відаць нашым продкам. І яно дасюль ззяе і размалёўвае нашае жыццё і наваколле.

Пэндзаль
Калі ты купіў у купцоў нямецкую фарбу, дык відаць даводзілася купляць і «pinsel». Бізнес ёсць бізнес.

Агурок
Нямецкае слова gurke таксама трывала ўвайшло ў беларускі лексікон і дасюль расце на градах і ў парніках.

Шпацыраваць
Гэта слова спадарожніка – Spazieren. Калі не было цягнікоў і самалётаў, мала хто мог дазволіць сабе падарожжы на курорты і акіяны. Затое запрасіць дзяўчыну на шпацыр па ваколіцах мястэчка, было прыемна і амаль бяспечна.

Шынка
На свята беларусы калолі кабанчыка і рыхтавалі з яго розныя смачныя стравы. Слова «шынка» так трывала ўвайшло у беларускі быт, што мала хто здагадаецца, пра нямецкі адпаведнік – Schinken.

Адзначым, што нямецкія карані маюць яшчэ шмат іншых ловаў, такіх як шуфлядка, рахунак, труна, хабар, гармідар, малюнак, ланцуг, абцас, махляр, кафля.

Крыніца