#ДумкіЎслых

Маёй маме 72 гады. Калі паслухалі віншаванне Прэзідэнта, яна першая задала пытанне: "А чаму ён не па-беларуску выступае?"
Не думаю, што на гэтую загадку ёсці адказы.

Каб хоць неяк выправіць сітуацыю, апублікуем навагодняе віншаванне ад Прэзідэнта ў беларускім варыянце 👇

#ДумкіЎслых

Цэлыя суткі па тэлевізары ні адной беларускай песні. Адкрыла тыкток, а там у мяне беларускі свет у ленце! Душа адпачывае і сэрца радуецца.

Мне ўдалося зрабіць так, што ў ленце тыктока з большага паказваецца беларускамоўны кантэнт. І так файна! Апошнім часам палюбіла гэту пляцоўку менавіта з гэтай прычыны!

А што ў вас у ленце? Ёсць беларускае?

Крыніца відэа ў тыкток

#ДумкіЎслых

Тым больш смешна чытаць дурніц-абшчэсівенніц пра тое, што некага прапіхваюць, а некага засуваюць.

Ну кіньце шэдэўры свайго Прахіна на Ютуб ці каго там яшчэ з вашых засунулі і паглядзім выбар народа.

Ці вы лічыце, што і прагляды ім "свае" падкруцілі? 😁

Паверце, любоў народа ні за якія грошы, ні за якія плечы і ні за якія кумпякі не купіш!

Спявайце песні на беларускай мове і рвіце рэйтынгі Ютуба! 💪

Зоя С

#ДумкіЎслых


🤔 Пры аналізе інфармацыі ў інтэрнэце першай справай стаўлю сабе пытанне: "Каму гэта выгадна і навошта?"
Дык вось, наконт таго ганення на падзеі і асобы паўстання 1863, якое пачалося прыкладна з 2021 года. Каму гэта выгадна і якая ў гэтага мэта?

Варыянт 1
Проста "падлавіць" на падмане апазіцыю і даказаць, што іх варыянт гісторыі маніпулятыўны. Калі мэта такая, то гэта смешна. -

Па-першае, гэта надае вес самой апазіцыі, ад якой засталіся адны ашмёткі на сённяшні дзень.

Па-другое, у маніпуляцыях гістарычнымі падзеямі цяпер натуральна можна вінаваціць і другі бок.

Варыянт 2
Спробы дагадзіць саюзніку і падцерці "непрыемныя" моманты гісторыі. Тут таксама бздур атрымоўваецца.

Па-першае, выглядае гэта як "падлізванне", прычым не цалкам саюзніку, а той плыні ў яго палітычным руху, якую можна назваць белай, або антысавецкай.

Па-другое, гэта супярэчыць нашай уласнай "чырвонай" ідэалогіі і парушае заяўленні аб шанаванні савецкага перыяду нашай гісторыі.

Па-трэцяе, у людзей, якія крытычна мысляць і могуць пашукаць розныя крыніцы інфармацыі, а не ўжываць толькі тое, што нясуць прапагандысты, проста губляецца давер да апошніх.

Ну і чацвёртае, на мой погляд самае важнае. Саюзнік - справа часовая, сёння саюзнік адзін, заўтра ён можа быць другі. І калі мы пад кожнага пачнём сваю гісторыі крамсаць, то проста страцім павагу да сябе. Ды і самі сябе страцім.

На мой погляд, вучыцца трэба ў савецкіх гісторыкаў і ў савецкай ідэалогіі, якія сумелі захаваць і павагу да нацыянальных герояў усіх народаў і рэспублік, і супярэчнасці па трактаванню падзей знялі, і давер у людзей да інфармацыі быў непарушальны.

👉 Спадарства, прытрымлівайцеся інфармацыйнай гігіены і збірайце інфармацыю з розных крыніц. Не давярайце ўсялякім псеўда-гісторыкам і рацыяналізатарам!

Зоя С

#ДумкіЎслых
#Паўстанне1863

Разважанне пра паўстанне 1863г

Ухіл на нацыянальныя інтарэсы таго паўстання істотна перабольшаны. Усё ж, як ні круці, паўстанне адбывалася пад польскім сцягам - у той час па-іншаму і не магло быць.

Але пры гэтым агучваліся прагрэсіўныя на той час мэты - сацыялістычныя ідэі, роўнасць для кожнага грамадзяніна, незалежна ад паходжання, нацыянальнасці і веравызнання, зямля - сялянам, права народаў на самавызначэнне, федэратыўная пабудова дзяржавы.

Мала хто з хэйтараў паўстання адзначае яўны падзел паўстанцаў на белых і чырвоных, што вельмі важна. Нават тагачасныя расійскія гісторыкі адзначалі гэты факт.

Ну, а самога Каліноўскага ў параўнанні з многімі яго паплечнікамі сапраўды можна назваць героем.
Ён дастойна прыняў сваё пакаранне, з гонарам, і не адрокся ад сваіх ідэй і намераў, пры гэтым адмовіўся ад свайго шляхецкага паходжання: "у нас няма дваран, у нас усе роўныя".

Каліноўскі трохі апярэдзіў свой час, як паказала далейшая гісторыя

#ДумкіЎслых

Тут супраць нацыянальных інтарэсаў выступаюць абодва бакі.

Адны, нацыяналісты і змагары, робяць акцэнт на нацыянальны і русафобскі ўхіл.

Другія, прарасійскія і праімперскія неазаходнерусісты - дзеля адданасці Расіі гатовыя ўтаптаць сваю гісторыю.

А ў выніку і адны, і другія займаюцца распальваннем варожасці паміж народамі на нацыянальнай глебе. І забываюцца пра іншыя важныя аспекты паўстання, выдзяляючы толькі русафобію і палонафобію з усяго кантэксту

#ДумкіЎслых

Часам дробязі робяцца для нас нечым важкім і значным. Цікава, чаму так?

Чаму нейкія рэчы могуць абуджаць у нас асаблівыя пачуцці, выцягваць з глыбінь падсвядомасці ўспаміны, кранаць нейкія струны, гукі якіх разыходзяцца ўнутры, як разыходзяцца кругі ад каменьчыка ўпаўшага ў ваду?...

Будзь гэта засохшая кветка сярод старонак старой кнігі, пажоўклая паштоўка з кароткім віншаваннем, нічым непрыкметны каменьчык, які захоўваецца ў пушцы ад манпасье, або проста пах, гук, ці прадмет які ўзнікае перад намі ў навакольнай прасторы і нагадвае пра нейкую падзею, якая была знакавай і важнай для нас ...

І для ўсіх людзей на свеце гэта проста сухая кветка, проста камень, проста старая паштоўка, проста гук, пах, прадмет... А для некага аднаго гэта абуджальнік успамінаў, якія імгненна круцяцца кінастужкай перад вачыма.

Мне падарылі вожыкаў. Для ўсіх вас гэта проста фігуркі са смалы, прычым нафіг вам не патрэбныя. А для мяне гэта напамін пра час, калі тут у тэлеграм я была Ожык )))

Усё! Ваша Зоя С 😁

#ДумкіЎслых

Дарэчы, сёння дзяўчына прадавец ужо не перапытвала ў мяне што такое запалкі, а падала адразу. Прыемна

Мяккая беларусізацыя знізу працягваецца. Далучаймася!)))

Зоя С

#ДумкіЎслых

Думаю, у гэту хвіліну выпалі з рук французскія булкі ў тых, хто мроіць аб адраджэнні Расійскай Імперыі.... )))

Зоя С