#МіфыЛегендыБеларусі

Вялес, Велес, Волас — у славянскай і, у прыватнасці, беларускай міфалогіі — бог палявання, жывёлагадоўлі і багацця.

Хаця ён не ўспамінаецца ў апісанні Кіеўскага пантэону («Аповесць мінулых часоў»), шматлікія паданні сведчаць пра тое, што Вялес быў адной з ключавых постацей язычніцкага светаўляўлення.

Уласна язычніцкіх міфаў пра яго не захавалася, але фалькларысты зафіксавалі шэраг пазнейшых паданняў, песень і казак пра персанажы з падобнымі рысамі.

#МоваНашаРодная

Стажары - скопішча зорак ў сузор'і Цяльца. У некаторых мясцовасцях так называлі сузор'е Вялікай Мядзведзіцы.

У паэме Я Коласа "Сымон-музыка" чытаем:

Грэе сонца, ходзяць хмары,
Носяць снег, i дождж, i гром,
Ночкай вынiкнуць Стажары,
А бяздонныя амшары,
Зоркi высцелюць руном.

А наогул, "стажары" гэта агульна славянскае слова, сустракаецца не толькі ў беларускай мове

#КазкіДзецям

Снежная Каралева

Гісторыя пятая
Маленькая разбойніца

Ганс Хрысціян Андэрсан

Пераклад Міхася Пазнякова

ДА ДНЯ РОДНАЙ МОВЫ.
#МАРАФОНКАХАННЯ12.
ДЗЕНЬ ПЯТНАЦЦАТЫ.

ГАЙД ПА ПРАКТЫЧНАМУ БЕЛАРУСКАМОЎЮ.

Памылкі : сорамна ці карысна ?

Чаму мы баімся быць недасканалымі ?
Было,у Беларусі панаваў наратыў, што беларуская мова — гэта мова культуры,музейны экспанат, якому месца толькі ў кніжках класікаў ці на ўроках белмовы. Мы чулі ідэальна пастаўленыя галасы дыктараў на радыё, чыталі адрэдагаваныя кніжкі і калі нехта побач казаў па-беларуску з памылкамі, то яму хутка "зачынялі рот":куды ты, "каўгаснік" ?!Не псуй сапраўдную беларускую мову.

Цяпер шмат што змянілася. Нават у Сацсетках модна паказваць сваё натуральнае жыццё, а не ідэальную карцінку. Маладыя мамы, немаладыя бабулі - далёка "незоркі", ужо не саромеюцца быць неідэальнымі, сцвярджаюць, што для іх - крута проста жыць сваімі інтарэсамі.
Пара ўжо падхапіць гэты трэнд,дазволіць сабе быць звычайнымі добрымі беларусамі,якія пакрысе вывучаюць родную мову.Шмат глядзіце, чытайце і слухайце, лезце ў слоўнік,калі ўзнікаюць сумневы — і з цягам часу памылак стане меней.

Дзед-Барадзед. Цеплыні ўсім. ❤️💚

Добрай раніцы, добрыя людзі!



https://youtu.be/SlRkKDzfoV0?si=xoO9iJSrA6Ic206e

#КухняБеларусі

Камы

Гарохавыя камы — страва немудрагелістая. З моцна разваранага гароху таўкуць пюрэ, дадаюць соль, спецыі, тлушч (або, напрыклад, знакамітыя беларускія скваркі), часам пасераваную цыбулю, смажаныя грыбы, змазваюць алеем ці таплёным тлушчам і потым або запякаюць у печы, або смажаць на патэльні.

Калі пры гэтым дамагчыся хрумсткай скарыначкі (для чаго, мабыць, камы лепш запаніраваць у сухарах), атрымаецца нешта накшталт кракетаў.

Варыянт са скваркамі мае цалкам мясны смак, але нават і зусім нішчымны варыянт — патраўны і досыць смачны, прынамсі, не горш за ўсякія экзатычныя прадукты з японскай соі, невядома як генетычна мадыфікаванай.

Камы гадоў 100-150 таму рабілі яшчэ і з бобу, а таксама з бульбы (бульбяное пюрэ і было вядомае нашым продкам перадусім у выглядзе “камоў”), часам з сумесі бульбы і бабовых (звараных асобна).

#СучаснаяБеларусь

Факты пра Беларусь

Продкамі-беларусамі могуць пахваліцца многія знакамітасці. Напрыклад, Ліза Кудроў, Скарлет Ёхансан, Харысан Форд, Майкл Дуглас і Льюіс Мэер.

Ачышчэнне жоўцевага пузыра (желчный пузырь) ад застойнай жоўці (желчи)

▪️Неабходна змяшаць па адной сталовай лыжцы кветак рамонка і трава мацярдушкі (душица, орегано), атрыманую сумесь варта заліць літрам кіпеню, даць настаяцца паўгадзіны, пасля чаго працадзіць. Прымаць гаючы адвар па 200 мл тройчы ў дзень за паўгадзіны да прыёму ежы.

Чароўнай сілай валодаюць кнігі...
Ты адкрываеш іх, а яны цябе.

🎨 Малюнак Hans de Beer

Выстава і майстар-класы па завязванні наміткі і слуцкіх паясоў пройдуць у Вялікім тэатры

Перад паказам нацыянальнай оперы «Сівая легенда» 13 лютага гледачы ўбачаць выставу традыцыйнага беларускага касцюма, а таксама майстар-класы па завязванні намёткі і слуцкіх паясоў.

У экспазіцыі, якая разгорнецца ў фае тэатра, будуць прадстаўлены традыцыйныя беларускія жаночыя касцюмы з розных рэгіёнаў Беларусі. Кожны з убораў мае свае асаблівасці і ўнікальныя элементы, але ўсе разам яны расказваюць пра культурную спадчыну і традыцыі беларускага народа.

З традыцыяй асаблівага завязвання слуцкіх паясоў пазнаёміць загадчык аддзела старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі Барыс Лазука. На выставе будуць прадстаўлены копіі слуцкіх паясоў.

Затым гледачы пачуюць «Сівую легенду» — оперу Дзмітрыя Смольскага, лібрэта да якой напісаў Уладзімір Караткевіч.

Крыніца

Заўтра Бялынічы!

Тэрыторыя раёна была заселена людзьмі яшчэ ў мезаліце ​​(9-5 тысячагоддзя да н. э.). У V-X павеках н. э. тут рассяліліся славянскія плямёны дрыгавічоў.

У сярэднія вякі бялыніцкая зямля ўваходзіла ў склад Полацкага княства. У 1071 годзе каля мястэчка Галоўчын адбылася бітва паміж Полацкім князем Усяславам Брачыславічам і Яраполкам Ізяславічам, князем Валынскім і Тураўскім.

У другой палове XII стагоддзя бялыніцкая зямля ўвайшла ў склад Друцкага княства.

Бялынічы ж, як вёска ў Аршанскім павеце Віцебскага ваяводства Вялікага княства Літоўскага, вядомыя з сярэдзіны XVI стагоддзя. Самае ранняе згадванне аб Бялынічах адносіцца да XVI стагоддзя, калі Вялікі гетман Літоўскі Леў Сапега набыў іх ва ўласнасць. Маюцца таксама шматлікія легенды, што Бялынічы ўзніклі ў XII стагоддзі. Па адной з легенд, паселішча заснавана славянінам Бялынам або яго сынамі і нашчадкамі - бялынічанамі. Паводле іншай легенды, заснаванне паселішча ў 1240 годзе звязана з цудоўным ззяннем пасярод ночы (Бялынічы — «белыя ночы») святой выявы Багародзіцы, прынесенай на землі Беларусі кіеўскімі манахамі (на гербе Бялыніч намалявана Божая Маці з немаўлём на руках у залатых адзеннях).

#дразды

Берагіня - гэта захавальніца ў старажытнай Русі.

Яна ўмела засцерагаць сябе, сям'ю, Род ад благога і прыцягваць дабро.
Берагіня - гэта цнатлівая дзяўчына ці жанчына, якая за ўсё жыццё можа належаць толькі аднаму мужчыну. Менавіта чысціня давала ёй магутную ахоўную энергетыку.
Адзенне, якое яна сцірала свайму мужчыну і дзецям, станавілася магутным абярэгам, а ежа прыгатаваная яе рукамі была гаючымі зёлкамі ад усякай хваробы.
Спакойны і дабратворны розум Берагіні тварыў цуды, ён аберагаў ад няшчасця блізкага проста энергетыкай , якую выпраменьваў. Цяплыня яе чыстага кахаючага сэрца валодала велізарнай сілай, якое ахоўвала яе каханага мужчыну ў бітвах з захопнікамі, робячы яго практычна непаражальным.

Намеснік начальніка аддзела прававой, аналітычнай і метадычнай работы апарата Цэнтральнай выбарчай камісіі Іван Тоўкач расказаў, якую гранічную суму з выбарчага фонду можа патраціць кандыдат у дэпутаты, перадае БелТА.

«Калі размова ідзе аб кандыдаце ў дэпутаты Палаты прадстаўнікоў, то памер фонду складае 2 тыс. базавых велічынь. Але гэта мяжа расходавання грашовых сродкаў. Сабраць можна і больш — і 3, і 4, і 5 тыс. базавых велічынь. Але патраціць можна толькі 2 тыс.», — паведаміў Іван Таўкач.

Кандыдат у дэпутаты можа не ведаць загадзя, колькі грошай унясуць яго выбаршчыкі ў фонд. Таму сума можа перавысіць устаноўленыя 2 тыс. базавых велічыняў. «Вядзеннем гэтых рахункаў займаецца «Беларусбанк».
Справаздачы публікуюцца на сайце, гэта абсалютна адкрытая і празрыстая інфармацыя. На сайце «Беларусбанка» можна даведацца, якія кандыдаты стварылі фонды.
Самі кандыдаты, у сваю чаргу, даюць справаздачы ў адпаведныя выбарчыя камісіі аб тым, колькі грошай паступіла і колькі зрасходавана», — падкрэсліў Іван Таўкач.

Важнай умовай, дадаў ён, з’яўляецца тое, што платныя сродкі, якія выкарыстоўваюцца для агітацыі, павінны быць аплачаны толькі са сродкаў выбарчага фонду: «Гэта можа быць і СЕА-прасоўванне ў інтэрнеце, і нейкая рэклама, і час на тэлебачанні ці радыё . Але ўсё гэта павінна быць аплачана за кошт сродкаў выбарчага фонду».

КУЛЬТУРНАЯ ПАЛІТРА БЕЛАРУСІ. МІНСК.

Установлены️устаноўлены максімальна дапушчальныя тарыфы на ЖКП на 2024 год.

Павышэнне пройдзе ў два этапы

з 1 студзеня — на жыллёва-камунальныя паслугі, за выключэннем ацяплення і гарачага водазабеспячэння, на Br10, 35;

з 1 чэрвеня — на цеплавую энергію на мэты ацяплення і гарачага водазабеспячэння на Br9,65.

💰Адпаведна плацяжы для насельніцтва (у разліку на тыпавую двухпакаёвую кватэру) у ацяпляльны перыяд складуць прыкладна Br173,15 у месяц, у летні — Br132,86.

#ГісторыяБеларусі
#МоваНашаРодная
#Літаратура

Фарміраванне беларускай нацыянальнай ідэі
Частка 1

Беларускі нацыянальна-культурны рух, паводле аднаго вобразнага параўнання, узрастаў паміж спрэчкамі расійскіх і польскіх шавіністаў за ідэалагічна-культурнае і эканамічнае панаванне на тэрыторыі краю.

У асяроддзі выкладчыкаў і студэнтаў Віленскага ўніверсітэта ў 1810-я - пачатку 1820-х гг. пачалі з'яўляцца парасткі ідэі будучага нацыянальнага адраджэння.
Прафесары Віленскага ўніверсітэта М.Баброўскі, І.Даніловічтпаклалі пачатак збіранню і вывучэнню помнікаў беларускага пісьменства XVI - XVII стагоддзяў. Яны садзейнічалі абуджэнню цікавасці да гісторыі, культуры, вуснай народнай творчасці ў беларускіх студэнтаў - сяброў таварыстваў філаматаў і філарэтаў, перш за ўсё Я.Чачота, Т.Зана і інш. Беларуская інтэлігенцыя фарміравалася пераважна з выхадцаў духавенства і збяднелай шляхты.

У 1817 годзе з'явілася першая навуковая публікацыя, прысвечаная беларускай народнай культуры

У 1822 г. К.Калайдовіч надрукаваў артыкул "О белорусском неречии" у якім адзначыў асобнасць беларускай мовы ад рускай.

У 1842 г. вядомы чэшскі славіст П.Шафарык выдаў даследванне "Славянскі народапіс", дзе ўпершыню пазначыў тэрыторыю пашырэння беларускай мовы.

У кнізе "Путешествие по Полесье и Белорусскому краю" П.Шпілеўскі акрэсліў ідэю аб чысціні беларускай мовы, яе блізкасці да старажытнай славянскай, пазбаўленнасці іншамоўнага ўплыву.

У сярэдзіне XIX стагоддзя асобныя творы на беларускай мове стварылі Я.Чачот, Я.Баршчэўскі, А.Рыпінскі, У.Сыракомля. Беларуская мова стала асноўнай у творчасці В.Дуніна-Марцінкевіча.

У другой палове XIX - пачатку XX ст. з'явіліся грунтоўныя працы І.Насовіча, М.Нікіфароўскага, Е.Раманава, Я.Карскага, М.Доўнара-Запольскага і інш., з выдання якіх пачынаецца развіццё навуковага беларусазнаўства.

Працяг будзе

Ігар Аляксандравіч Марзалюк пра Івана Іванавіча Насовіча, выкладчыка Віленскага ўніверсітэта, славутага лексікографа і фалькларыста

https://youtu.be/6CYchslFVl0?si=AX_V0ElZUSImQBML