Вітаначкі-каханачкі! Што новенькага?

#КухняБеларусі

 Запяканка з рыбы

500 г рыбы (карп, лінь)
500 г бульбы
3-4 ст. лыжкі алею
0,5 шклянкі смятаны
1 цыбуліна
1 ст. лыжка мукі
соль, перац, зелень.

Падрыхтаваную рыбу парэзаць на кавалкі, пасыпаць соллю, перцам, укачаць у муку і абсмажыць на алеі з абодвух бакоў.

Памытую бульбу зварыць, абабраць, змяльчыць на буйной тарцы.

Асобна абсмажыць дробна нарэзаную цыбулю.
У жароўню, змазаную алеем, пакласці палову падрыхтаванай бульбы, на яе - кавалкі рыбы, пасыпаць яе цыбуляй, зверху - зноў слой бульбы. Усё паліць смятанай і рэштай алею. Запякаць у духоўцы 30 хвілін.

Пры падачы на стол запяканку парэзаць на кавалкі, пасыпаць дробна нарэзаным кропам.

#МоваНашаРодная

КОЎДРА і АДЗІЯЛА

Напэўна большасць з вас лічыць, што "коўдра" - па руску "одеяло"

Але не тое было! У нас на Мядзельшчыне коўдра і адзіяла - гэта крыху розныя рэчы.
А ў вас як?

👉 Дарэчы, палазіла па слоўніках. Сапраўды, коўдрай накрываліся зімой. А вось летам - коцам або адзіялай.
Дакладна напісана: "коц - баёвая адзіяла". Бо адзіялы яшчэ і тканыя былі.

#ГісторыяБеларусі

12 кастрычніка 1398 года адбылося падпісанне Салінскага міру — умовы, складзенай паміж Вялікім Княствам Літоўскім і Тэўтонскім ордэнам.

У гэты дзень адбыўся абмен адпаведнымі граматамі паміж вялікім князем літоўскім Вітаўтам і вялікім магістрам Ордэна Конрадам фон Юнгінгенам на востраве Саліне (р. Нёман).

Вітаўт заручыўся згодай ордэна са сваімі планамі дабівацца поўнай незалежнасці ад Польшчы; на святкаваннях у гонар падпісання Салінскага міру Вітаўт быў аднадушна абвешчаны фэадаламі ВКЛ «каралём Літвы і Русі». Гэта выклікала насцярожанае стаўленне да дагавора польскага караля Ягайлы, а планы захопу Ноўгарада і Пскова прывялі да пагаршэння дачыненняў ВКЛ з гэтымі рэспублікамі, а таксама Маскоўскім і Цвярскім вялікімі княствамі

https://yangx.top/belta_telegramm/272703

А хто памятае, сапраўды былі чэргі за хлебам і талоны? Я нешта такога не памятаю 🤔

Хлеб па талонах не помню. Проста ў адны рукі давалі абмежаваную колькасць, бо людзі прывыклі свіней ім карміць і мяхамі бралі раней.

Каб купіць пяць буханак, то прыходзілася некалькі разоў у чарзе стаяць. А калі толькі сабе адну купіць, то праблем не было.

А ў вас як?

#УспаміныПраДзяцінства

Як у вёсках куплялі хлеб

#УспаміныПраДзяцінства

Яшчэ пра хлеб і пра ласункі з Мінску і Вільні

Хто такія ЦЫРУЛЬНІКІ? Адказ на відэа.

Працягваем вас знаёміць з беларускамоўнымі блогерамі.

Знайшла акаўтэнт спадарыні Святланы, якая расказвае пра гісторыю Гродна, краіны і пра нашых гістарычных асоб.
https://www.tiktok.com/@spadarynia_svjatlana?_t=8qTbmuHpTIz&_r=1