#слоўнік_мядзельшчыны
📖Спіс праклёнаў, зафіксаваных на мядзельшчыне, карыстайцеся:

-А каб цябе Дундар свіснуў!
-Бадай ты галаву скруціў!
-Бадай ты летца не даждаў!
-Бадай ты не ўзрос!
-Гаручка яго бяры!
-Доля б яго не знала!
-Каб вас каршун падзёр!
-Каб па табе яма зявала!
-Каб табе галава адсохла!
-Каб табе духі заняло!
-Каб табе морду сабакі лізалі!
-Каб табе так лёгка было ўміраць, як мне лёгка жыць!
-Каб табе язык навек выперла!
-Каб твая магілка травой зарасла!
-Каб ты выхварэў!
-Каб ты ў плеўцы заліўся!
-Каб цябе бог не множыў!
-Каб цябе бура панесла!
-Каб цябе распёрла!
-Каб цябе сонейка не грэла!
-Каб яго сырыца ўзяла!
-Каб яму бог здароўя не даў!
-Ляці на скрут шыі!
-О, каб це каршун!

А калі нехта праклінае вас, тады скарыстайцеся наступнымі адкляццямі:

-Каб твае кляты ды табе ў пяты!
-Каб твае кляты на сухі лес!

Крыніца:
"Выслоўі" М. Я. Грынблат, 1979

#слоўнік_мядзельшчыны
#міфалогія
Адзін з праклёнаў які бытаваў на Мядзельшчыне гучыць так:
"А каб цябе Дундар свіснуў!"

Дундар/Дундаль — гэта рэгіянальная назва Перуна на Мядзельшчыне і Слонімшчыне. Слова паходзіць ад літоўскага Dundulis, якое значыць "гром". Таксама яно роднаснае з англ. Thunder і ням. Donner “гром”.

Ілюстрацыя: інстаграм belarusian_monsters