#ДумкіЎслых

Як можна не падтрымліваць і не паважаць гэта хлапчанё, калі ў 21 год ён робіць для беларушчыны столькі, колькі не зробіць які сталы чалавек са сваім жыццёвым вопытам!?

Прычым, робіць гэта лёгка, нібыта гуляючы, мімаходам. І вось ужо 100К яго падпісчыкаў ведаюць Караткевіча і Быкава, ведаюць яго песні па-беларуску і спрабуюць размаўляць на беларускай мове хаця б у нейкіх пэўных сітуацыях жыцця. Хіба гэтага мала?

Харошая ў нас з вамі моладзь! Дае надзею, што не згінее беларускі свет, што будзе жыць!

Акаунт Ільі тут
https://www.tiktok.com/@shynkarenka?_t=ZS-8tbJ8JFSlbm&_r=1

#ДумкіЎслых

Сарока на хвасце прынесла, што гоп-патрыётам нашыя пасты пра беларускую мову бачацца нейкай дыверсіяй і варожым элементам. Маўляў, навязвае Верашчака гэту сваю мову ўсім!

Даражэнькія мае, а хто вас прымушае тую Верашчаку чытаць!? Ідзіце чытайце свае "Руские Грамоты" і не дурыце нам галаву!

А калі вы рускую мову любіце гэтак жа, як мы любім сваю беларускую, дык пішыце на сваіх каналах пра гэта пасты. Усё лепш, чым той бруд, што вы цяпер пішаце!

Толькі мяркуючы па ўзроўню вашай граматнасці, вы рускую мову шануеце менш за нас! Пра Дзень народзін Пушкіна Верашчака вунь пісала, а вы не! Вось і ўся ваша любоў!

Пра такіх, як вы, у народзе кажуць: "І сам не гам, і другім не дам". Фу такімі быць!

Зоя С

#ДумкіЎслых

Перакінула гэты пост, бо ён адлюстроўвае мае ўласныя адчуванні.
Сапраўды, калі ты думаеш і размаўляеш цалкам па-беларуску, то нешта змяняецца ўнутры, змяняецца светаўспрыманне. Гэта немагчыма перадаць словамі, гэта трэба перажыць самому.

А яшчэ, беларускамоўны свет - гэта як нейкая асобная паралель, дзе людзі ўсміхаюцца адзін аднаму, дзякуюць, робяць падарункі, падтрымліваюць проста за тое, што чалавек побач гаворыць гэтак жа, як і ты. Нібыта паміж імі існуе асаблівая сувязь, нібыта яны сустрэлі свайго сярод мноства іншых. Неверагодныя адчуванні, паверце!

Зоя С

#ДумкіЎслых
#АнекдотДня

👉 Вызваляюцца ад вывучэння беларускай мовы ТОЛЬКІ замежныя грамадзяне і ТОЛЬКІ на два гады.

То-бок, калі юнак не вывучаў беларускую мову на ІІ ступені сярэдняй адукацыі, то на ІІІ ступені яго вызваляюць ад яе вывучэння.
Калі ж замежны грамадзянін паступае на ІІ ці І ступень навучання, то ён вучыць беларускую мову і атэстуецца па гэтаму прадмету.

👉 Такім чынам, нейкая Юлія, з'яўляючыся грамадзянкай НЕ Беларусі, каторы год скавыча аб тым, як яе тут "беларусы сваёй мовай праз вушы гвалцяць" (с), бо яна гэту беларускую мову не вывучала.

І спачувае ёй хто? Студэнтка БДПУ, якая вучыцца на факульцеце беларускай мовы! 👍

Замест таго, каб тры гады скавытаць і спачуваць, Бондарава магла ўжо сваю куляжанку тым-сім беларускім словам навучыць, каб яна свой прыпынак не праязджала. Ну і цётухну Юлькі, якая захрасла ў нейкім горадзе, бо не змагла пачытаць шыльды, можна было за гэты час вывезць куды там ёй трэба.

👉 Паважанае спадарства, не будзьце такімі як Юлька! Калі вы пераязджаеце нават на часовае жыхарства ў іншую краіну, то вывучыце хаця б некалькі самых неабходных словаў і фраз дзеля таго, каб не блукаць гадамі ў метро ў пошуку патрэбнай станцыі! 😁


https://yangx.top/bondareva_bez_kupjur/40768

#ДумкіЎслых

А наогул, калі адкінуць сарказм, то сітуацыя выходзіць такая сабе....

Уявіце, што гэта адбываецца не ў Беларусі, а ў нейкай іншай краіне. Прыехаў чалавек у Германію, Расію, Францыю, яшчэ куды і заяўляе, што ён не вучыў ніколі нямецкую, рускую, французскую мову і ведаць яе не абавязаны. Пішыце для яго шыльды і рабіце аб'явы на той, якую ён разумее і няма чаго тыкаць у нос сваёй мовай. Нармальна будзе? Як на яго адрэагуюць?

Чаму беларусы ўвесь свой век дазваляюць сябе шпуняць і прыніжаць нават такім вось Юлькам і ніякай адказнасці за гэта няма?! Колькі яшчэ мы будзем лічыць сябе нейкімі не такімі як іншыя людзі ў свеце?!

У Беларусі дзве дзяржаўныя мовы. І хоць карыстацца можна любой з іх, ведаць кожны павінен дзве мовы.
Нават калі ты замежнік і не вывучаў беларускую мову ў школе, то будзь ласкавы пайсці на курсы або вучы самастойна, каб не трындзець потым, што прозвішчы ў бюлетэні не змог вычытаць!

Наогул, пара нам ужо быць як усе цывілізаваныя краіны і прымаць экзамен па мове і гісторыі перад выдачай грамадзянства і віда на жыхарства, як гэта нармальныя людзі робяць.

👉 Што ж датычыць таго, што ўчора ў Рыгора закранулі гэта пытанне, то трохі смешна. Тры гады падшыванцы па-ўсялякаму абражаюць беларускую мову, культуру і гісторыю, тры гады людзі пра гэта пішуць і просяць звярнуць увагу, а ўбачылі толькі калі на ЦВК наехалі.

Ну што ж, трындзець можна бясконца. Паглядзім, ці будуць вынікі гэтага трындзёжу

Зоя С

#ДумкіЎслых

Я б пытанне сфармуліравала крыху інакш:

- Чаму нашай прапагандзе дазваляюць цягнуць у інфармацыйную прастору Беларусі ўсялякую шваль у выглядзе прыхільнікаў Ільіна, Саланевіча і іншых фашысцкіх прыслужнікаў!?

Зоя С

https://yangx.top/dzermant/9922

#ДумкіЎслых

На чые грошы працуюць апазіцыйныя рэсурсы - гэта мы даўно ведаем.

Куды больш цікава, на чые грошы працуюць рэсурсы, якія прызываюць перамагчы ідэалогію камунізма? Вось гэта б хто расказаў людям!

Зоя С

https://yangx.top/AzarenokCTV/44717

#ДумкіЎслых

Час ідзе, а нічога не змяняецца. Мусіць адна Беларусь шукае не хто яе вораг, а хто нам сябар....

Зоя С