👍 Олоҥхо декадатын чэрчитинэн бүгүн улуус таһымнаах «Дьиэрэй» фольклорнай күөн-күрэс олоҥхону толорооччу уонна олоҥхону суруйааччы, оһуохай Аар Дархан этээччитэ, спорт үтүөлээх үлэһитэ, СӨ үөрэҕириитин уонна култууратын туйгуна, "Во славу и пользу республики" М.Е.Николаев  Фондатын лауреата Семен Черноградскай 75 сааһыгар ананан ыытылынна.

Күөн-күрэс үгэс быһыытынан толоруллар фольклор көрүҥнэрин тарҕатар, саҥа талааннары арыйар, үйэтитэр, үүнэр көлүөнэ ыччакка саха норуотун уус-уран айымньыларын билиһиннэрэри, үөрэтэр, кылыһахтаах кэрэ куоластаах, уус-уран тыллаах-өстөөх ырыаһыттары киэҥ эйгэҕэ таһаарар сыаллаах ыытылынна. Барыта 17 биирдиилээн толорооччуттан, 5 бөлөхтөн тойукка, дэгэрэҥ уонна норуот ырыаларыгар, чабырҕахха, төрүт дорҕооҥҥо бастыҥнары быһаардылар.

​Дьүүллүүр сүбэ үлэлиир кэмигэр Үөһээ Дьааҥы улууһуттан библиотека үлэһитэ, олоҥхону толорооччу, чинчийээччи Саргылана Слепцова үгэ, таҥалай ырыатын толорон көрөөччү кутун тутта.

Чабырҕах: ​
​I үрдэл – “Чобуо” бөлөх, сал. Майя Аржакова (Бэйдиҥэ).

Төрүт дорҕоон: ​
​I үрдэл – “Дьүрүскэн” бөлөх, сал. Анисия Гаврильева (Найахы).
​II үрдэл – Федот Винокуров (Бэйдиҥэ).
​III үрдэл – Милена Рязанская (Курбуһах).

Тойук: ​
​I үрдэл – Устиния Борисова (Суотту).
​II үрдэл – Алевтина Уразбахтина (Мындааба).
​III үрдэл – Марта Ушницкая (Баатаҕай).

Дэгэрэҥ уонна норуот ырыата:
​Биирдиилээн толоруу:
​I үрдэл – Александра Портнягина (Сыырдаах).
​II үрдэл – Николай Лыткин (Өнөр).
​III үрдэл – Игнатий Слепцов (Бэйдиҥэ).

​Бөлөҕүнэн толоруу:
​I үрдэл – “Долун” бөлөх, сал. Милена Рязанская (Курбуһах).
​II үрдэл – “Сайылык далбардара”, сал. Зоя Петрова (Сыырдаах).
Кылаан Чыпчаал: “Татыйык” бөлөх, сал. Татьяна Габышева (Тумул).
Семен Ильич Черногадскай анал бирииһэ – Иван Карпов (Мүрү).

✅ @uamurusahargata @UAkultura

#БАРЫБИИРГЭ

⏺Бүгүн Майаҕаска СВО-ҕа сылдьар уоллаах Матрена Иванова дьиэтигэр киинтэн ититии киирдэ.

Бу туһунан Хоро нэһилиэгин баһылыга Алексей Ушницкай иһитиннэрдэ: "Матрена Афанасьевна уола Николай Иванов СВО-ҕа хантараагынан сулууспалыы сылдьар. Ийэтэ Майаҕаска соҕотоҕун олорор. Бүгүн кини дьиэтин киинтэн ититиигэ холбооммут, ийэ барахсан дьиэтэ сылыйан үөрдэ.

Бу иннинэ мууһун хааччыйбыппыт уонна муҥха балыгыттан бэрсибиппит".

✅ @uamurusahargata @ulusmedia

👍 И.В. Пухов аатын сүгэр Окоемовка ситэтэ суох орто оскуолатыгар үөрэнээччилэри “Орлята России” хамсааһыҥҥа киллэрии үөрүүлээх чааһа ыытылынна.

Манна бөһүөлэк 1970–1980-нус сыллардааҕы пионердара кэлэн кыттыыны ылбыттара сонун буолла, тэрээһин ис хоһоонун дириҥэттилэр, суолтатын өйдөттүлэр.

Урукку пионердар кырачааннарга “Орлята России” хамсааһын хаалтыһын уонна значогун ииллилэр, үөрэхтэригэр ситиһиилээх, бэрээдэктээх дьон буола улааталларыгар кэс тылларын эттилэр. Онон көлүөнэ ситимэ быстыбат.

Тэрээһин бу күннэргэ оскуолаҕа  биллиилээх биир дойдулаахтарыгар Николай Окоемовка аналлаах тематическай нэдиэлэҕэ сөп түбэспитэ эмиэ ураты суолталанна.
Нэдиэлэ чэрчитинэн государственнай диэйэтэл, сэбиэскэй-партийнай салайааччы Николай Окоемов төрөөбүт күнүгэр Окоемовскай кылаас чаастара ыытыллыбыттара, кини пааматынньыгар сибэкки уурбуттара. Онон оҕолор сүдү киһи аатын өйдүүллэрин туһугар, кининэн киэн туттуохтаахтарын уонна кини курдук олоҕу таптыырга, норуот туһугар үлэлииргэ кыһаллыахтаахтарын өссө төгүл өйдөөтүлэр.

✍️ Мария Аммосова, уопсас. кэрэсп.

🏃 Саайтка👈

✅ @uamurusahargata @ulusmedia