❄️ Хаар биллибэтинэн халыҥыыр. Бэҕэһээ эмиэ кыраһалаабыта.

☀️ Сарсыарда 6 чааска 31 кыраадыс тымныы этэ. Күнүс 29-30 кыраадыс тымныы буолуо диэн күнү-дьылы кэтээн көрөр сулууспа иһитиннэрэр. Эмиэ кыратык кыраһалыыр. Тыал арҕааттан мөлтөхтүк үрэр.

🌬 Арҕааттан үрэр тыал тымныы "тыыннаах" буолар. Ол сиэринэн, күн-дьыл улам тымныйан аргыарданан эрэр.

📸 Варвара Бурцева

✅ @uamurusahargata @ulusmedia

Күннээҕи гороскоп💫✨

Сэтинньи 24 күнэ

Хой♈

Бэйэҥ кыаххын уйунар дьыалаҕын ылса сатаа. Күүскүн, энергияҕын бэйэ сайдыытыгар, саҥа үктэлгэ ыытарга холонуҥ

Оҕус♉

Юридическай боппуруостарга, докумуоннарга ситиһиилэниэххит. Ол аата билигин эһиги илиигитигэр тутаах кумааҕыларга сөбүлэһиилэри, дуогабардары, илии баттааһыннары ситиһэр кыахтар баар буолуохтара.

Игирэлэр♊

Эһиги урут куттана сылдьыбыт дьыалаҕытыгар уларыйыыларга хайдах эрэ наадалаах, сөптөөх түгэҥҥэ түбэһиэххит. Баҕар, тоҕоостоох кэми күүппүккүт буолуо, ол иһин олох кыаллыбатах түгэннэри тулуйаҕыт да, билигин барыта уларыйыа

Рак♋

Эһиги олоххутугар тугу эрэ саҥалыы сөргүтэр кыахтааххыт. Баҕар, ити саҥа таһымҥа тахсыа, үлэ-хамнас эбэтэр үп-харчы өттүнэн.

Хахай♌

Эһиги быһаарыылаах хардыыгытын кэм-кэрдии балачча тутар курдук эбит. Саарбахтыыр буоллаххытына, сэниэҕитин харыстааҥ уонна кэлин бу дьыалаҕа уруккутааҕар быдан улахан суолталаах быһаарыыны ылыаххытын сөп этэ.

Кыыс♍

Эһиги тугу эрэ гынаргытыттан аккаастанар кэм кэллэ. Билиҥҥи кэмҥэ бары өттүнэн чугас дьоҥҥор көмөлөһөр суолу тутуһуоххутун наада.

Ыйааһын♎

Тула туох буола турарын, информацияны иҥэриниҥ. Эһиги олоххутугар үтүөнү эрэ баҕарар дьон сүбэҕэ болҕомто уураллар.

Скорпион♏

Эһиги кризиһи көрсүөххүтүн сөп, тоҕо диэтэххэ, быһылааннар бары эйигин бэйэҕиттэн  таһаарыахтара. Ол эрээри, бу эһиги олоххутугар үтүө түмүктээх буолуоҕа уонна сөптөөх быһаарыыга тириэрдиэҕэ.

Охчут♐

Эһиги өрдөөҕүттэн киллэрбит кылааккыт түмүктээх буолуо. Эппиэтинэстээх түгэн кэлбитин билэҕит эрээри, барытын кэнникигэ түмэ сылдьаҕыт, ол үчүгэйгэ тириэрдиэ суоҕа.

Чубуку♑

Баары барытын бэрээдэктиир, сааһылыыр кэм кэллэ. Барыта эһиги санааҕытыттан саҕаланар, онон кинилэргэ үтүөнү оҥоруҥ, өйгүтүн-санааҕытын ситиһиҥ.

Күрүлгэн♒

Улахан сыалы-соругу туруорунуҥ уонна аҥаара олоххо киирдэҕинэ, ол хайы-үйэ үчүгэй түмүктээх уонна матыыптаах буолуоҕа.

Балыктар♓

Уһун тургутуу кэнниттэн табыллыы кэлиэ. Бу улахан сыра буолбатах, ситиһиилээх сайдыыга туһаайыылаах улахан хардыы буоларын билиэххит.

💐 Ийэ үрдүк наҕараадатын туппут Туяра Федорова бар дьонугар махтанар

I Хоро нэһилиэгиттэн төрүттээх Туяра Федорова аҕыс оҕону төрөтөн, иитэн күн-күбэй ийэ буолан, алаһа дьиэтин араҥаччылаан, көмүс бүөбэйдэрин көрөн-истэн Чараҥ бөһүөлэгэр ыал буолан олорор. Кини бэҕэһээ Дьокуускай куоракка СӨ Ил Дархан Айсен Николаев илиититтэн «Ийэ Албан аата» III ст. бэлиэни туппутун истэн биир дойдулаахтара эҕэрдэбитин тиэрдэбит уонна бу дьиэ кэргэн туһунан сиһилии билиһиннэрэбит.

Ыал аҕата Дмитрий Николаевич Мэҥэ Хаҥалас Лоомтука бөһүөлэгиттэн төрүттээх. Кини автосервис арыйан үлэлээн, билигин улууспутугар биир биллэр, дьон махталынан угуттанар мэхээнньик буолар. Федоровтар алта уол, икки кыыс оҕолоохтор. Улахан уоллара Игорь 20 саастаах, Аллараа Бэстээххэ транспортнай техникумҥа үөрэнэр. Иккис уол Игнат Дьокуускайга поварынан үлэлиир. Түөрт оҕо оскуолаҕа үөрэнэллэр: Денис 9-с “а”, Ринат 7-с “а” кылааска “Уолан” гимназияҕа, улахан кыыс Нарияна “Кэнчээри” ансаамбылга ыллыыр буолан, Мүрү 1-гы №-дээх орто оскуолатыгар көһөн, 6-с “а” кылааска, кыра кыыс Ньургуйаана Чараҥ орто оскуолатыгар 4-с кылааска үөрэнэр. Онтон алта саастаах Дима Чараҥнааҕы “Кэрэчээн” оҕо саадын иитиллээччитэ уонна саамай кыралара Коля 1,5 саастаах.

Оҕолор бары ким волейболунан, ким оҕунан ытыыга, улахан кыыс ырыанан дьарыктанар, кыра кыыс английскай тылы олус сэҥээрэр. Ыал ийэтэ улууска биир бастыҥ уопсастыбанньык, нэһилиэгэр эдэр ийэлэр түмсүүлэрин бэрэссэдээтэлэ. Нэһилиэгэр 2019 сыллаахха «Сыл бастыҥ уопсастыбанньыга» аатын ылбыта.

Туяра Гаврильевна үөрүүтүн бу курдук үллэстэр: “Маннык үрдүк наҕарааданы саҥа ыллаҕым дии, наһаа долгуйдум, үөрдүм. Бэҕэһээ наҕараадабын үөрүүлээх быһыыга-майгыга туппутум. Бүгүн култуурнай тэрээһиннэри көрө, сэргэхсийэ сылдьабын. Биһиэхэ анаан наһаа үчүгэй тэрээһиннээх, киэҥ программалаах күннэри тэрийбиттэр, олус диэн астынным. Маннык чиэскэ-бочуокка таһаарбыт дьоммор-сэргэбэр уонна ийэ аатын чиэстээхтик сүгэн этэҥҥэ олорорбор дьиэ кэргэммэр, аймахтарбар махтанабын”.

🏃 Саайтка👈

✅ @uamurusahargata @ulusmedia

Барҕарыы суолун батыһан, саҥа аартыктары арыйарга!

Мүрү нэһилиэгин баһылыгын быыбарыгар кандидат
Семен БОЧКАРЕВ программата

Бэйэтин туһунан: төрөөбүт сирэ – Бороҕон сэлиэнньэтэ. Кэргэннээх, икки оҕолоох.

Үөрэҕэ: 2011 с. М.К. Аммосов аатынан Хотугулуу-Илиҥҥи федеральнай университет Медицинскэй институтун бүтэрбитэ. «Анестезиолог-реаниматолог быраас» идэтигэр интернатураны ааспыта. 2019 с. Саха сирин Баһылыгын инновационнай менеджмеҥҥа Үрдүкү оскуолатын «Судаарыстыбаннай уонна муниципальнай салайыы» салаатын бүтэрбитэ. 2020 с. М.К. Аммосов аатынан Хотугулуу-Илиҥҥи федеральнай университет Медицинскэй институтугар «Доруобуйа харыстабылын тэрээһин үлэтэ уонна уопсастыба доруобуйата» салаатын бүтэрбитэ.
Үлэтэ: студенныыр кэмигэр 5-с разрядтаах тутууга пиломатериал укладчига. 2011 с. Г.Г. Никифоров аатынан Уус Алданнааҕы улуус киин балыыһатыгар анестезиолог-реаниматолог быраас. 2019 с. Г.Г. Никифоров аатынан Уус Алданнааҕы улуус киин балыыһатын кылаабынай бырааһын солбуйааччы.
Уопсастыбаннай үлэтэ: 2011-2013 сс. – Мүрү нэһилиэгин «Сайдыы» эдэр ыччат түмсүүтүн чилиэнэ. 2013-2014 сс. – Уус Алдан улуустааҕы проф­союһун эдэр ыччат Сэбиэтин бэрэссэдээтэлэ. 2014-2019 сс. – Уус Алдан улууһун доруобуйа харыстабылын үлэһиттэрин профсоюһун бэрэссэдээтэлэ. 2022 с. Мүрү нэһилиэгин Сэбиэтин депутата.

Уопсай соруктар
1. Нэhилиэк социальнай-эко­номическай сайдыытын программатыгар саҥалыы тыын киллэрэн, экономикабыт уонна дьон олоҕо тупсарыгар үлэлэһии.
2. Федеральнай уонна рес­публикатааҕы программалартан нэһилиэккэ сөптөөҕү талан, олоххо киллэрэргэ күүстээх үлэни ыытыы.
3. Чугас сытар нэһилиэктэри, улуус дьаһалтатын, общественнай тэрилтэлэри, Саха сирин бырабыыталыстыбатын уонна министиэристибэлэри кытта ыкса бииргэ үлэлэһии. (программалары эбии, ППМИ, КРСТ).
4. Нэһилиэкпит бюджетын дохуоттаах чааһын элбэтэргэ бы­лааннаах үлэни ыытыы.
5. Мүрү нэһилиэгин түөлбэлэригэр сытыытык турар проблемаларга үлэлэһии, 5 сыл иһигэр үмүрүтүү.

Салгыы комментарийдарга👇

✅ Матырыйаал баһылыкка кандидат С.С. Бочкарев фондатыттан төлөннө