#መቄዶንያ

ልክ መቄዶንያ በር ላይ ስትደርሱ በፈገግታ የሚቀበሏችሁ አዛውንቶች በሰላምታቸው ያጠግቧችኋል ትንሽ ገባ ስትሉ ደግሞ የሰውን ፍቅር የሚፈልጉ አይን አይናችሁን የሚያዩ የአዕምሮ ህመምተኞች ትኩረታችሁን ይስቡታል።

በመቄዶንያ የሚያስደንቅ መልካምነት ገዝፎ ይታያል ሁሉም የአቅሙን ይሰራል በማእከሉ ገብተው ህይወታቸው የተቀየረ ሰዎች ጭምር በቻሉት አቅም ተቋሙን ለማገዝ በትጋት ሲንቀሳቀሱ ትመለከታላችሁ።

ሌላኛው የመቄዶንያ ገጽታ የስዕል ተሰጥኦ ያላቸው እራሳቸውን የሚያበቁበት ስፍራ፤ የቆረቡ እናቶች ብቻ ተሰብስበው የሚኖሩበት፤ ጥጥ የሚፈትሉ የተፈተለውን የሚሸምኑበት ስፍራ፤ ለተለያዩ ፕሮግራሞች ምግብ የሚሰራበት ስፍራ እና ሌሎችም በማዕከሉ ያሉ የሚጠቀሙበት ስፍራ መኖሩ ይበልጥ ማዕከሉን አስውበውታል።

ሜቄዶኒያ ያስጀመረው ባለ 12 ወለል ሕንፃ ከሁለት ነጥብ ሶስት ቢሊዮን ብር በላይ የሚፈጅ ሲሆን፤ በርና መስኮት ለመግጠም 151 ሚሊየን ብር ያስፈልግ ነበር።

ታዲያ ይህ ማዕከል ለሚያሰራው ህንጻ የሚሆን በር እና መስኮት ለማስገጠም ይረዳው ዘንድ በዶንኪ ትዩብ አማካኝነት እሁድ ከቀኑ 9 ሰዓት ተጀምሮ ማክሰኞ ለሊት 6:35 በተጠናቀቀው የቀጥታ ስርጭት የገቢ ማሰባሰቢያ የታሰበው እቅድ መሳካቱ ተነግሯል።

በመጨረሻም የክብር ዶክተር ቢንያም የተናገረው ንግግር የብዙዎችን ቀልብ ስቧል፦

"ቀኑን ሙሉ ለሚተኛ ሰው ማጨብጨብ አይከብዳችሁም? ለእኔ ማልቀስ ነው ያለባችሁ። ትጋት ከእሸቱ መማር አለብን። ስለራሴ ድክመት ነው ማውራት ያለብኝ። እንደ መቄዶንያ እኛ ዜሮ ነን። ከዜሮ በታች ታውቃላችሁ? የሞት ፍርድ የሚገባው ሰው ማለት እኔ ነኝ።"

ይሁንና የህንጻ ስራውን ለማጠናቀቅ አሁንም ተጨማሪ ገንዘብ ስለሚያስፈልግ ሁሉም የአቅሙን ያክል ጥረት እንዲያደርግና ጎዳና ላየ ያሉ አረጋውያንን እንዲታደግ ጥሪ ቀርቧል።

@tikvahethmagazine

የኢትዮጵያ አየርመንገድ የሴቶች ቀንን በማስመልከት ሙሉ በሙሉ በሴቶች የሚመራ በረራ አደረገ።

የኢትዮጵያ አየር መንገድ የሴቶች ቀንን በማስመልከት ለ7ኛ ጊዜ ሙሉ በሙሉ በሴቶች የሚመራ በረራ ወደ ዛንዚባር አድርጓል። በረራው የአየርመንገዱ የመጀመሪያ ሴት አብራሪ በሆኑት ካፒቴን አምሳል ጓሉ የተመራ ነው።

አየርመንገዱ ወደ ዛንዚባር የሚያደረገውን በረራ ከዋና አብራሪዋ ጀምሮ ረዳት አብራሪ፣ የበረራ አስተናጋጆች እና ቴክኒሽያኖች ሴቶች ናቸው።

ከዚህም ባለፈ የአየር ትራፊክ፣ የበረራ ደህነነትና የጭነት ቁጥጥር፣ የበረራ መለኪያ እስከ አውሮፕላኑ መነሻ ድረስ ሙሉ በሙሉ በሴቶች የተመራ ነው። (EBC)

@tikvahethmagazine

የቅዱስ ጴጥሮስ አጠቃላይ ስፔሻላይዝድ ሆስፒታል ለህጻናት የነርቭ ቀዶ ህክምና የሚውል ማሽን ተበርተለት።

የቅዱስ ጴጥሮስ አጠቃላይ ስፔሻላይዝድ ሆስፒታል እስከ መቶ ሺህ ዶላር የሚገመት ለህጻናት የነርቭ ቀዶ ህክምና አገልግሎት የሚውል ኢንዶሰኮፒክ ሰርድ ቨንትሪከሎስቶሚ (ኢቲቪ) ማሽን ከሪች አናዘር ፋውንዴሽን ተበርክቶለታል፡፡

ማሽኑ ለህጻናት የነርቭ ቀዶ ህክምና በተለይም የነርቭ ዘንግ ክፍተት ህመም (ሃይድሮሴፋለስ) ላለባቸው ህጻናት በእጅጉ አጋዥ እንደሆነ የሆስፒታሉ ዋና ስራ አስፈጻም  ዶ/ር መታሰቢያ መስፍን ገልጸዋል።

የሪች አናዘር ፋውንዴሽን ካንትሪ ዳይሬክተር የሆኑት አቶ ያቆብ ሰማን በበኩላቸው ለህፃናት የነርቭ ቀዶ ህክምና አገልግሎት የሚውል ማሽን እንደ ሀገር #በዘውዲቱና #ጎንደር ሆስፒታሎች ብቻ ይገኝ የነበረ ሲሆን በአሁኑ ሰዓት ደግሞ የቅዱስ ጴጥሮስ ሆስፒታል በሶስተኝነት ተረክቦ አገልግሎት ለመስጠት በሂደት ላይ ይገኛል ብለወላል፡፡

የሆስፒታሉ የነርቭ ቀዶ ህክምና ክፍል ኃላፊ  ዶ/ር አብዲ ኤሪሜሎ ማሽኑ ለህጻናት የነርቭ ቀዶ ህክምና በተለይም የነርቭ ዘንግ ክፍተት ህመም (ሃይድሮሴፋለስ) ላለባቸው ህጻናት በእጅጉ አጋዥ እንደሆነ እና ለህጻናቱ ከጭንቅላት ወደ ሆድ በሚዘረጋ ቱቦ ይደረግ የነበረውን ህክምና በማስቀረት የተሻለ ህክምና እንዲያገኙ የሚያስችል ማሽን መሆኑን ተናግረዋል፡፡

ኃላፊው  አክለውም የህክምና ማሽኑ ለህጻናቱ የተሻለ ህክምና ከመስጠቱ ባሻገር ይህንን ህክምና ለማግኘት የነበረውን ብዙ ወረፋ በማስቀረት እና የአስታማሚ ወላጆችን እንግልት በመቀነስ እንዲሁም በህመሙ ምክንያት ህጻናቱ ላይ የሚደርሱትን ውስብስብ ችግሮችን የሚቀርፍ መሆኑን አስረድተዋል፡፡

@tikvahethmagazine

የጣና በለስ ስኳር ፋብሪካ ነጭ ስኳር ማምረት ጀመረ

ጣና በለስ ስኳር ፋብሪካ የካቲት በትላንትናው ዕለት ከምሽቱ 1 ስዓት ጀምሮ ነጭ ስኳር ማምረት መጀመሩን አሳውቋል።

ነገር ግን ፋብሪካው በዘላቂነት ስራውን እንዲያከናውን የጣና በለስ ኤሌክትሪክ ሃይል ማመንጫ ሳብሰቴን መስመር ስራ ማቆም እንቅፋት ሊሆን ሰለሚችል የሚመለከተው አካል ጉዳዩን በመከታተል አፋጣኝ መልስ ሊሰጠው እንደሚገባ ድርጅቱ ጠቅሟል፡፡

@tikvahethmagazine

የኦሮሚያ ህብረት ስራ ባንክ በአዲስ አበባ ከተማ ባለ 65 ወለል ህንፃ ሊያስገነባ ነው።

የኦሮሚያ ህብረት ስራ ባንክ በትላንትናው ዕለት በአዲስ አበባ ከተማ ባለ 65 ወለል ህንፃ ዋና መስሪያ ቤት ለመገንባት ከኳታሩ Engineering Consulting Group(ECG) ጋር ስምምነት ፈፅሟል።

በተጨማሪም ፋይናንሻል ዲስትሪክት የተሰኘ ባለ 47 ፎቅ ህንፃ በአዲስ አበባ ለመገንባትም እንቅስቃሴ መጀመሩንም አስታውሷል።

ባንኩ 18ኛ ዓመት የምስረታ በዓሉን በማክበር ላይ ሲሆን 699 ቅርንጫፎችን በመክፈት ከ10.4 ሚሊየን በላይ ደንበኞችን አፍርቷል። የተቀማጭ ገንዘብ መጠኑ 112 ቢሊየን ብር፤ አጠቃላይ ሀብቱ ደግሞ 137 ቢሊየን ብር መሆኑ ተጠቅሷል።

የኢትዮጵያ ንግድ ባንክ አዲስ ያስመረቀው ዋና መስሪያቤቱ ባለ 48 ወለል ያለውና 198 ሜትር ርዝመት አለው። አቢሲኒያ ባንክ በቅርቡ ሜክሲኮ አደባባይ ዋቢ ሸበሌ ሆቴል ጎን ላይ ከፍታው 270 ሜትር የሆነ ባለ 60 ወለል ህንጻ ለመንባት ውል መግባቱ ይታወሳል። አሁን ላይ የኦሮሚያ ህብረት ስራ ባንክ ለመገንባት ያቀደው ባለ 65 ወለል ህንጻ በመዲናዋ ትልቁ ህንጻ እንዲሆን ያስችለዋል።

@tikvahethmagazine