#Update: ከሚያዚያ 04 ቀን 2016 ዓ.ም ጀምሮ እየተከናወነ በሚገኘው በሳዑዲ ዓረቢያ በችግር ውስጥ የነበሩ ዜጎችን ወደ ሀገር የመመለስ ስራ እስካሁን ከ84 ሺህ 700 በላይ ኢትዮጵያውያንን መመለስ ተችሏል። (MOWSA)

@tikvahethmagazine

#Update

ከጥቅምት 1 እስክ ህዳር 30 በሁሉም ክፍለ ከተሞች በሚገኙ ጤና ጣቢያዎች የሚካሄደውን የ2017 ዓ.ም የማህበረሰብ አቀፍ ጤና መድህን የአባልነት የምዝገባ አስመልክቶ የአዲስ አበባ ጤና ቢሮ ኃላፊ ዶክተር ዮሐንስ ጫላ መግለጫ ሰጥተዋል።

ኃላፊው፥ በዘንድሮው ዓመት አዳዲስ አባላቶችን ጨምሮ በአጠቃላይ ከ2.5 ሚሊዮን በላይ የከተማዋን ነዋሪዎች ተጠቃሚ ለማድረግ እቅድ መያዙን ነው የገለጹት።

ክፍያው ስንት ነው ?

በከተማ አስተዳደሩ በጸደቀው መዋጮ መጠን መሠረት መደበኛ መዋጮ መጠን አንድ ሺህ 500 ብር ሲሆን የድሀ ድሃ ለሆኑ የህብረተሰብ ክፍሎች ሙሉ በሙሉ በከተማ አስተዳደሩ እንደሚሸፈን ተናግረዋል።

ይህ ማለት - ነባር አባል መዋጮ 1,500 ብር፣ አዲስ አባል መዋጮ 1,500 ብር እና የመመዝገቢያ 200 ብር በአጠቃላይ 1,700 ብር አመታዊ መዋጮ ይክፍላል ነው ያሉት፡፡

ዕድሜያቸው ከ18 ዓመት በላይ ለሆነ ልጆች እና በአባሉ ጥላ ስር ለሚኖሩ ተጨማሪ ቤተሰብ 750 ብር ይከፈላል ብለዋል።

በኢ-መደበኛ ክፍለ ኢኮኖሚ የተሰማሩ የህብረተሰብ ክፍሎች የተቀመጠውን መዋጮ በመክፈል ዓመቱን ሙሉ በሁሉም ውል በተገባባቸው የጤና ተቋማቶች አገልግሎት ማግኘት እንደሚችሉም ተናግረዋል።

በ2016 ዓ.ም ከ2 ነጥብ 3 ሚሊዮን ዜጎች በላይ በማህበረሰብ አቀፍ ጤና መድህን አባል የሆኑ ሲሆን ከ2 ነጥብ 5 ሚሊየን በላይ አባላትና ቤተሰቦቻቸው በተመላላሽ እና በተኝቶ ህክምና ከጤና ጣቢያ ጀምሮ እስከ ፌደራል ሆስፒታሎች ባሉት የጤና ተቋሞች የጤና አገልግሎት ተጠቃሚ ሆነዋል ተብሏል።

#ማስተካከያ : ቢሮው ከቀናት በፊት በይፋዊ የፌስቡክ ገጹ በአዲስ አበባ መደበኛ የጤና መድህን የመዋጮ መጠን 1,500 ብር እንደሆነ እንዲሁም 500 ብር በከተማ አስተዳደሩ የሚሸፈን የገለጸ ቢሆንም በዛሬው መግለጫ ተስተካክሏል።

ይህ መረጃ እስከወጣበት ድረስ ግን ቀድሞ የወጣው መረጃ በተቋሙ የፌስቡክ እንዲሁም የቴሌግራም ገጽ ላይ ይገኛል።

credit : EPA

@tikvahethmagazine

#Update

ኢትዮ ቴሌኮም የአክሲዮን ሽያጩ ሁለት ዙር እንዳለው አስታውቋል።

በመጀመሪያው ዙር የመደበኛ አክሲዮን ሽያጭ፦

- በ2016 በወጣው የሂሳብ ሪፖርት የድርጅቱ ካፒታል = 100 ቢሊዮን ብር

- በአለም አቀፍ የ3ተኛ ወገን የገበያ ተመን መሰረት ድርጅቱ የሚያወጣው ዋጋ = 300 ቢሊዮን ብር

- በመጀመሪያው ዙር መደበኛ የአክሲዮን ሽያጭ የቀረበው = 100 ሚሊዮን

- የአንድ ሼር ዋጋ 300 ብር

- 100 ሚሊዮን ሼር በ300 ብር ሲሸጥ ኢትዮ ቴሌኮም ከሼር ሽያጭ 30 ቢሊዮን ብር ያገኛል።

- ዝቅተኛ መግዛት የሚቻለው የሼር መጠን  = 33 ሼር ሲሆን ይህን በገንዘብ ሲቀመጥ 9,900 ብር ይሆናል።

- ከፍተኛው መግዛት የሚቻለው የሼር መጠን 3,333 ሲሆን ይህን በገንዘብ ሲቀመጥ 999,900

- መግዛት የሚቻለው ከዛሬ ጥቅምት 6 እስከ ታህሳስ 25 ድረስ ይሆናል።

- የሼር አባላቱ የሚታወቁት = ጥር 23/2017

- ሽያጩ በቴሌብር ብቻ የሚደረግ ይሆናል።

- ክፍያውን በ48 ሰዓት ውስጥ መክፈል ይቻላል።

- አንድ አክሲዮን ገዢ ሲፈጸም ከአክስዮኑ ዋጋ በተጨማሪ 1.5% የአገልግሎት ክፍያ እና ተጨማሪ እሴት ታክስ የሚከፍል ይሆናል።

- ከከፍተኛው የአክሲዮን መጠን በላይ መግዛት አይቻልም።

- ግብይቱ የሚካሄደው በኢትዮጵያ ብር ብቻ ነው።

#Note: ይህ ዜና ማስተካከያ ተደርጎበት የወጣ ነው።

@tikvahethmagazine

#Update: በናይጄሪያ ነዳጅ ጫኝ ቦቴ ላይ በደረሰው ፍንዳታ የሟቾች ቁጥር ከ150 አልፏል

አደጋው የተከሰተው ሹፌሩ በአገሪቱ የማጂያ ከተማ አቅራቢያ ሊደርስ ሲል ተሽከርካሪውን መቆጣጠር ባለመቻሉ መሆኑን የፖሊስ ቃል አቀባይ ላዋን ሺዩ አደም ለአናዱሉ ተናግረዋል።

በተከሰተው አደጋ ቦቴው የያዘውን ነዳጅ ማፍሰስ መጀመሩ ሲስተዋል፤ ቦቴው የያዘው ነዳጅ መፍሰስ መጀመሩን የተመለከቱ ነዋሪዎች ነዳጁን ለመቅዳት ሲሞክሩ ፍንዳታ በመከሰቱ ምክንያት በርካታ የአንድ አካባቢ ነዋሪዎች ለህልፈት ተዳርገዋል።

በፍንዳታው ለሞቱ ከ150 በላይ ሰዎች የጅምላ የቀብር ስነስርአት መካሄዱን አልጀዚራ ዘግቧል። የሟቾች ቁጥር የጨመረውም በርካቶች በመንገድ ላይ የፈሰሰውን ቤንዚን ለመቅዳት ሲሞክሩ በመሆኑ ነው።

በዛሬው እለት በአደጋው ​​የሞቱት ሰዎች ቁጥር 157 መድረሱን የዘገበው አልጀዚራ በጂጋጋ ግዛት የሚገኙ የጤና ባለሙያዎች ከ100 በላይ ተጎጂዎች በሆስፒታሎች ህክምና እየተደረገላቸው መሆኑን ተናግረዋል። የሟቾች ቁጥር ሊጨምር እንደሚችልም ተነግሯል።

አሽከርካሪው ጉዳት እንዳልደረሰበት ሲገለፅ ፖሊስ ምርመራ ለማድረግ ወደ እስር ቤት ወስዶታል።

የሀገሪቱ ምክትልፕሬዝዳንት ካሺም ሼቲማ ለተጎጂ ቤተሰቦች የሐዘን መግለጫ ያስተላለፉ ሲሆን በናይጄሪያ የነዳጅ ትራንስፖርት ደህንነት ፕሮቶኮሎችን በተመለከተ አጠቃላይ ግምገማ እንዲደረግ ጠይቀዋል።

@tikvahethmagazine

#Update

ወደ ሶማሊያ የባህር ዳርቻ የተላከችው ኦሩክሪየስ (Oruç Reis) የተሰኘችው የቱርክዬ የአሰሳ መርከብ በሶማሊያ ሞቃዲሾ ወደብ ደርሳለች።

መርከቧ የሶማሊያው ፕሬዚዳንት ሀሰን ሼክ መሀሙድ፤ የቱርክ ኢነርጂ ሚኒስትር አልፓርስላን ባይራክታር ጨምሮ የሀገሪቱ ከፍተኛ አመራሮች በተገኙበት አቀባበል ተደርጎላታል።

የቱርክ ኢነርጂ ሚኒስትር አልፓርስላን ባይራክታር በዚሁ ወቅት "በዚህ ስምምነት በሶማሊያ ግዛት ላይ የነዳጅ እና ጋዝ ፍለጋ ስራዎችን እንሰራለን" ሲሉ ተናግረዋል።

በዕለቱ መርከቧ አሰሳ ታከናውንበታለች ተብሎ የተቀመጠ ካርታ በፎቶ ከወጣ በኋላ የፑንት ላንድ አመራሮች ካርታው "ማዱድ" የተሰኘውን የፑንት ላንድን ግዛት የድንበር ውዝግብ ያለበት በሚል ማስቀመጡን ተችተዋል።

@tikvahethmagazine