🇷🇺 Пасол Расеі выступіў на БТ 🇧🇾

Што сказаў, сьціслы пераказ:

➖ Пра беларускі пратэст: «Выходзяць жа ня ўсе пэнсіянэры, ня ўсе студэнты».
➖ Масавыя пратэсты скіраваныя супраць «саюзнай дзяржавы».
➖ «Гэтая старонка будзе перагорнутая».
➖ Пра канстытуцыйную рэформу: «Важна, каб людзі паглядзелі на тыя прапановы, якія дае сёньня ўлада»

🌎 Сусьветны кангрэс беларусаў пройдзе праз інтэрнэт ужо заўтра. Што кажуць арганізатары

«Гэта надзвычайны кангрэс, ён выкліканы абставінамі, якія здарыліся на радзіме і аб’ядналі нас». Запрашалі Пазьняка (не пагадзіўся) і Макея (не адказаў).

Відэа гутаркі, 26 хвілін >>
Тэкст, тэзісна >>

🧑🏻‍🏫 «Настаўнікі ня маюць права маўчаць»

Беларускія школьныя настаўнікі запісалі новы відэазварот супраць гвалту і беззаконьня. Іх зварот падтрымалі каля 700 пэдагогаў, збор подпісаў працягваецца

⛏ Новыя ўдзельнікі страйку на «Беларуськаліі» таксама запісалі відэазварот

🚧 Сытуацыя на мяжы: грамадзян Беларусі прапускаюць, аўтобусныя рэйсы аднавілі

Іншаземцаў — каго як, некаторых нібы пускаюць. Як мінімум Літву пра закрыцьцё мяжы не папярэджвалі.

Калі ведаеце, што цяпер адбываецца на мяжы, раскажыце ў камэнтарах 👇

👮🏻 Новым начальнікам менскай міліцыі Лукашэнка прызначыў экс-начальніка віцебскай абласной міліцыі Міхаіла Грыба

Папярэдні начальнік менскай міліцыі Кубракоў учора стаў міністрам унутраных справаў.

Міхаіл Грыб атрымаў пасаду на Віцебшчыне паўтара года таму, да таго быў намесьнікам менскай міліцыі грамадзкай бясьпекі

Каго пазбавілася адміністрацыя мэдычнага ўнівэрсытэту: «Адлічылі найлепшых»

З БДМУ выключылі 22 студэнтаў. Стараста патоку пэдыятрычнага факультэту ня можа стрымаць сьлёз

🇵🇱 Ініцыятарка «Жаночага страйку» ў Польшчы адказала Лукашэнку наконт «Дуда перамог у Польшчы, сфальсыфікаваўшы выбары»

«Людзі як у Польшчы, так і ў Беларусі паўстаюць і супраціўляюцца аўтарытарным лідэрам. Арганізоўваючыся ў супраціў, мы ў Польшчы ідзём па сьлядах беларусак і беларусаў. Цяпер паводле беларускага узору ствараецца Каардынацыйная рада, якая пачне працаваць у нядзелю», — сказала Марта Лемпарт

🎶 Студэнты сьпяваюць «Муры» пад юрыдычным факультэтам БДУ

🔧 На БелАЗе рабочыя зладзілі сход з прычыны звальненьня калег за ўдзел у страйку

📲 Ці маеце фота і відэа таго, што там адбываецца, або кантакты ўдзельнікаў сходу? Прышліце нам: @SvabodaBelarus (публікуем ананімна, але можам пазначыць аўтарства, калі захочаце)

✊ Два работнікі БМЗ далучыліся да страйку

29 кастрычніка апэратар трубапракатнага цэху БМЗ Сяргей Анісімаў абвясьціў пра страйк. 30 кастрычніка яго звольнілі — і ў той жа дзень да страйку далучыўся сьлесар-рамонтнік БМЗ, 25-гадовы Аляксей Аўдзееў (на фота)

❓ Што сёньня адбываецца ў беларускіх унівэрсытэтах? Ці выключаюць студэнтаў, ці звальняюць выкладчыкаў? Ці пойдуць на прапанаваныя Ціханоўскай акцыі салідарнасьці?

📲 Калі маеце фота і відэа, прышліце нам: @SvabodaBelarus (публікуем ананімна, але можам пазначыць аўтарства, калі захочаце)

(на фота вышэй — графіці «ад Велазаводу»)

«Далі ў калена берцам — нага сагнулася ў адваротны бок»

«Дзесьці на другім паверсе людзі крычалі „Выпускай!“. Як лёзунг, — згадвае падзеі на Акрэсьціна 9 жніўня 43-гадовы інжынэр-будаўнік Віталь Паўлючэнка. — Хвілін пяць крычалі. Праходзіць начальнік праз калідор, мянтоў дзесьці 30-40, кожны з дубінкай. Нас з крэсламі — у камэру да хлопцаў. І чуем: выводзяць гэтых хлопцаў, ставяць на калені. І як аддубасілі іх... Крычалі, бедныя [...] Я бачыў белыя сьцены, калі выйшаў — усе ў крыві».

Гісторыі гвалту сілавікоў пасьля выбараў >>

❗️ Прарэктар Акадэміі мастацтваў і больш за 60 супрацоўнікаў запатрабавалі аднавіць адлічаных студэнтаў

Увечары 27 кастрычніка ў телеграм-каналах зьявіліся фота загаду аб адлічэньні трох студэнтаў БДАМ. Як мінімум аднаго зь іх — за ўдзел у акцыі пратэсту. За іх заступіліся

Студэнты БДЭУ выйшлі на марш салідарнасьці з адлічанымі навучэнцамі