Каля ізалятару на Акрэсьціна затрымалі журналістаў, якія чакалі вызваленьня калегі

Затрымалі фатографа Tut.bу і БелаПАН Дзяніса Жука, журналістаў Onliner.bу Аляксандра Ружачку, Ігара Дземянкова і Ўлада Барысевіч. Яны чакалі вызваленьня журналісткі Onliner Дар’і Сьпевак, асуджанай за яе працу.

UPD: Каля 13.30 затрыманых журналістаў вызвалілі без складаньня пратаколаў, пазьней зь ЦІП выпусьцілі і Дар'ю

Акцыя салідарнасьці ідзе таксама ля Акадэміі мастацтваў

...і ня толькі ў двары. Акцыя салідарнасьці на праспэкце Незалежнасьці перад Акадэміяй мастацтваў

Ля БДУІР таксама сабралася масавая акцыя салідарнасьці

Новая порцыя пагрозаў Лукашэнкі. Дзьве галоўныя цытаты:

👴🏻 «Калі хтосьці дакранецца да вайскоўца, ён павінен пайсьці адтуль як мінімум бяз рук»

👴🏻 «Тыя, хто сёньня выходзіць на чыгунку, хто вешае фашысцкія сьцягі на лініі электраперадачы, словам, хто спрабуе разбурыць, дэстабілізаваць інфраструктуру дзяржавы, павінны ведаць: ад сёньняшняга дня, асабліва ў кватэрах грамадзян, куды яны хаваюцца, мы ў палон нікога не бяром»

🤔 Навошта Лукашэнка спрабуе рэанімаваць «дружыньнікаў»?

Севярын Квяткоўскі разважае:

➖ Лукашэнка так і ня здолеў стварыць уласную ўнікальную ідэалёгію, а «дружыньнікі» — адна з ідэалягічных саломінак.
➖ Яму вельмі важна лічыцца «народным прэзыдэнтам» і цяпер, і пасьля свайго сыходу. Але выказваньні Лукашэнкі прынцыпова не ўплываюць на хаду пратэсту.

Чытаць далей >>

З горадзенскага драмтэатру звольненыя цяпер 12 чалавек

Дырэктар драмтэатру раніцай Ігар Гедзіч папярэдзіў, што звольніць яшчэ двух артыстаў: Анастасію Мучко і Марыю Мялешку, якія далучыліся да страйку.

Пазьней стала вядома, што звальняюць яшчэ 6 артыстаў па артыкуле, нібыта яны не выконвалі свае працоўныя абавязкі без уважлівых прычынаў

Галіна Казіміроўская, кіраўніца хору Concordia, засталася за кратамі

Галіну забралі проста з працы 29 кастрычніка. Цяпер справу накіравалі на дапрацоўку. Ні адвакат, ні муж — Зьміцер Вайцюшкевіч — ня ведаюць, у чым яе вінавацяць