#ochiq_muloqot

📢 JAMOATCHILIK VAKILLARI BILAN OCHIQ MULOQOT OʻTKAZILDI

🔝 Raqobatni rivojlantirish va iste’molchilar huquqlarini himoya qilish qo‘mitasi tomonidan Sirdaryo viloyati hududiy boshqarmasida jamoatchilik bilan ochiq muloqot o‘takazildi. Unda Qo‘mita rais maslahatchisi O.Usmanov, hududiy boshqarma boshlig‘i v.b. Q.Yuldashev va boshqa tegishli tashkilot vakillari hamda 10 ga yaqin ommaviy axborot vositalari, blogerlar ishtirok etishdi.

🔝 Unda jismoniy va yuridik shaxslardan 20 ga yaqin murojaatlar qabul qilindi. Ochiq muloqotda E.Jo‘rabekov Boyovut tumanida joylashgan savdo do‘konlari (noturar bino)ning kadastr hujjati yo‘qligi sababli, 10 kun davomida elektr ta’minotidan uzib qo‘yilgani va O.Najimovning xususiy klinikalar va ularda ko‘rsatilayotgan xizmatlar, narxlari haqida va bir qator murojaatlar qabul qilindi. Ushbu murojaatlar yechim topishi borasidagi ishlar nazoratga olindi.

👥 Shuningdek, tadbirda Qo‘mita ochiqligini ta’minlash yuzasidan e’lon qilinishi lozim bo‘lgan ma’lumotlar ko‘lamini kengaytirish va dolzarbligini ta’minlash yuzasidan OAV vakillari va blogerlarning taklif hamda tavsiyalari tinglandi.

📄 Murojaatchilardan O.Ahmedovning ikki yil davom etgan uy-joy muammosi yechib berilgani, N.Ummatov “XOVOS TUMANI YO‘LLARDAN FOYDALANISH” DUKning gaz bo‘yicha 130 mln so‘mdan ortiq asossiz qarzdorligi va S.O‘rolovaning foydalanishga topshirilgan uyning ta’mirtalabligi bo‘yicha murojaatlari qisqa vaqtda ijobiy yechim topganligi uchun hududiy boshqarmaga o‘z minnatdorchiliklarini bildirishdi.

ℹ️ Ma’lumot o‘rnida. Sirdaryo hududiy boshqarmasiga 2023-yilda jismoniy va yuridik shaxslardan jami 1000 ga yaqin murojaatlar kelib tushgan bo‘lib, 170 mingdan ortiq iste’molchilarning huquqlari tiklangan vа ular hisobiga 3 mlrd so‘mga yaqin mablag‘ qayta hisob-kitob qilinishi ta’minlangan.

Kanalga ulanish 🔝 https://yangx.top/RaqobatGovUz

🔝 website |🔝 facebook | 🔝 telegram | 🔝 youtube | 🔝 instagram | 🔝 twitter

#ochiq_muloqot

🎛 Raqobatni rivojlantirish va iste'molchilar huquqlarini himoya qilish qoʻmitasida Qo‘mita rahbariyati A.Qayumov va F.Karabayev boshchiligida respublikamizda faoliyat yuritayotgan benzin importi savdosi bilan shug‘ullanuvchi xo‘jalik yurituvchi subyektlar bilan sohadagi mavjud tizimli muammolarni aniqlash va import imkoniyatlarni oshirish bo'yicha aniq takliflarni ishlab chiqishga bag'ishlangan “ochiq muloqot” o‘tkazildi.

🔝 Uchrashuvda sohada mavjud tizimli muammolarni aniqlash va ularni bartaraf etish yuzasidan takliflar ishlab chiqish, xususan avtomobil benzini importini oshirish masalalari muhokama qilindi.

👥 Jumladan tadbirkorlar quyidagi muammolarni aytib o'tishdi.

🔘 Avtomobil benzini importi bilan shug‘ullanuvchi tadbirkorlik subyektlari uchun banklar tomonidan ajratilgan kredit yuklamasi yuqoriligi.

🔘Logistika narxlari yuqoriligi, Rossiyadan Keles chegarasigacha bo‘lgan masofa (1700 km) uchun bir tonnasi uchun 150 doll bo‘lgan bir paytda ichki temir yo‘l orqali tashish xizmati 8-10 km uchun 15-20 dollni tashkil etishi.

🔘Import qilingan va Rossiya tomonidan benzin mahsuloti barcha standartlarga to‘g‘ri kelishi va sifati talabga javob berishi yuzasidan hujjatlar borligiga qaramay, respublikaga olib kirganda qo‘shimcha majburiy sertifikatlashdan o‘tkazish.

🔘Import qilingan benzin mahsuloti uchun QQS to‘lovini to‘lash muddati qisqaligi.

🔝Batafsil

Kanalga ulanish 🔝 https://yangx.top/RaqobatGovUz

🔝 website |🔝 facebook | 🔝 telegram | 🔝 youtube | 🔝 instagram | 🔝 twitter

#Ochiq_muloqot

🔎 HUDUDLARDA JAMOATCHILIK BILAN OCHIQ MULOQOTLAR DAVOM ETMOQDA

🔝 Joriy yilning 26-mart kuni Raqobatni rivojlantirish va iste’molchilar huquqlarini himoya qilish qo‘mitasi tomonidan Samarqand viloyati hududiy boshqarmasida jamoatchilik vakillari bilan ochiq muloqot bo'lib o'tdi. Unda Qo‘mita raisi maslahatchisi O.Usmanov, hududiy boshqarma rahbariyati M.Xamrayev va boshqa tegishli tashkilot vakillari hamda ommaviy axborot vositalari, blogerlar ishtirok etdi.

➡️ Tadbirda Qo‘mita ochiqligini ta’minlash yuzasidan e’lon qilinishi lozim bo‘lgan ma’lumotlar ko‘lamini kengaytirish va dolzarbligini ta’minlash yuzasidan OAV vakillari va blogerlarning takliflari hamda O'zbekiston iste'molchilar huquqlarini himoya qilish jamiyatlari federatsiyasi vakillarining hamkorlik qilishi bo'yicha tavsiyalari tinglandi.

📄 Hududiy boshqarmaga murojaat qilgan fuqaro  Sattarov Temur Naimjonovich foydasiga “SAM ROS STORY LUX” MCHJ tomonidan 254 825 000 so‘m pul mablag’lari sudning hal qiluv qarori bilan undirilishi ta’minlab berildi. Murojaatchi ijobiy yechim topgan masalasi uchun hududiy boshqarmaga o‘z minnatdorchiligini bildirdi.

✍️ Shuningdek, Yuldasheva Gulchexra Muratovna “LLP SCM GROUP” MCHJ tomonidan 10 mln soʻm qaytarib berishda amaliy yordam berganini ta’kidlab o‘tdi hamda Abduramanova Elmaz Serverovna “LLP SCM GROUP” MCHJdan “FIJI” vibromassajchisi uchun 21 million so‘mdan ortiq to‘lovi to‘liq qaytarib berilishida amaliy yordam bergan hududiy boshqarmaga o‘z minnatdorchiliklarini bildirdilar.

ℹ️ Ma’lumot o‘rnida. Qo‘mitaning Samarqand viloyati hududiy boshqarmasiga 2023-yil davomida jismoniy va yuridik shaxslardan ikki mingga yaqin murojaatlar kelib tushgan.

✅ Murojaatlarni o‘rganish davomida 10 mlrd so‘mdan ortiq mablag'lar fuqarolar foydasiga qayta hisob-kitob qilinishi ta'minlangan.

Kanalga ulanish 🔝 https://yangx.top/RaqobatGovUz

🔝 website |🔝 facebook | 🔝 telegram | 🔝 youtube | 🔝 instagram | 🔝 twitter