Sardorlar saylovining Toshkent viloyati bosqichi bo‘lib o‘tdi

✅Xabaringiz bor, shu kunlarda respublikamizning barcha hududlarida “O‘zbekiston yoshlari forumi 2024” doirasida O‘zbekiston bolalar tashkiloti “Bolalar harakati” sardorlar saylovlari tashkil etilmoqda.

Jumladan, Toshkent viloyatining Oqqo‘rg‘on tumanidagi “Ishga marhamat” monomarkazida sardorlar saylovining hududiy bosqichi bo‘lib o‘tdi.

✅Yoshlar ishlari agentligi, O‘zbekiston Bolalar tashkiloti hamda tegishli tashkilotlar bilan hamkorlikda tashkil etilgan jarayonlarda nomzodlar o‘zlarining “Men sardor bo‘lsam” mavzusidagi taqdimotlari bilan ishtirok etdi. Taqdimot davomida nomzodlar yoshlar ishtirokida amalga oshirishni reja qilgan tashabbus va loyihalari, shu vaqtgacha erishgan yutuqlari to‘g‘risida ma’lumot berdi.

Saylov yakuniga ko‘ra, 22 ta tuman-shaharlardan kelgan 154 nafar yosh sardorlar orasidan eng iqtidorli 6 ta yo‘nalish sardori va 1 nafar bosh sardor saylandi.

#Yoshlarforumi2024 #Sardorlarsaylovi

Bizning sahifalarimiz:
🕊Telegram 📱Instagram 📱Facebook 📺YouTube

Yangi avlod sardorlari poytaxtda!

⚡️ “Yoshlar forumi – 2024” doirasida o‘tkazilayotgan O‘zbekiston bolalar tashkiloti “Bolalar harakati” sardorlar saylovi yakuniy bosqichiga yetib keldi.

Respublika bosqichida hududlardan saralangan eng iqtidorli va tashabbuskor sardorlar o‘zining ilg‘or g‘oyalar bilan yangi marralarni zabt etish uchun ishtirok etmoqda.

⭐️Agentlik binosida bo‘lib o‘tgan ochilish marosimida Yoshlar ishlari agentligi va O‘zbekiston bolalar tashkiloti rahbariyati saylovning ahamiyatini alohida ta’kidladi. Ushbu saylov bolalar uchun o‘z g‘oya va tashabbuslarini amalga oshirish hamda yangi imkoniyatlar eshigini ochish yo‘lida muhim imkoniyatdir.

✊Barcha ishtirokchilarga omad tilaymiz! Biz yangi avlod sardorlariga ishonamiz!

#Yoshlarforumi2024 #Sardorlarsaylovi

Bizning sahifalarimiz:
🕊Telegram 📱Instagram 📱Facebook 📺YouTube

Sardorlar saylovi qizg‘in pallaga kirdi!

⚡️“Yoshlar forumi – 2024” doirasidagi “Bolalar harakati” sardorlar saylovi final bosqichi qizg‘in davom etmoqda. Kuni kecha sardorlarimiz poytaxtimizdagi Yoshlar ijod saroyida “Media va IT” hamda “Yashil makon” yo‘nalishlarida kreativ yondashuv va bilimlarini sinovdan o‘tkazishdi.

Bugun esa sardorlar saylovi “Sport va salomatlik”, “Ta’lim”, “Imkon”, “San’at” va “Bosh sardor” yo‘nalishlarida davom etadi.

📺Qizg‘in bellashuvlarga boy jarayonlarni “Mening yurtim” telekanalining YouTube sahifasi orqali jonli efirda kuzatishingiz mumkin!

📹 https://www.youtube.com/watch?v=a9-8bkH1dC8

#Yoshlarforumi2024 #Sardorlarsaylovi

Bizning sahifalarimiz:
🕊Telegram 📱Instagram 📱Facebook 📺YouTube

Respublika sardorlari aniqlandi!

⚡️“Yoshlar forumi-2024” doirasida tashkil etilgan O‘zbekiston bolalar tashkiloti “Bolalar harakati” Respublika sardorlari saylovi final bosqichi o‘z nihoyasiga yetdi.

Mazkur tanlovda hududlardan kelgan sardorlarimiz ikki bosqichdan iborat uchta shartni bajarib, o‘z bilim va salohiyatlarini namoyish etdilar.

👏Yakuniy natijalarga ko‘ra, 14 nafar yosh iste’dod egasi Respublika sardori sifatida saylandi. Ularga Yoshlar ishlari agentligi va O‘zbekiston bolalar tashkiloti tomonidan “Ishonch yorlig‘i”, “Sardorlik belgisi” hamda esdalik sovg‘alari topshirildi.

Batafsil: gov.uz/yoshlar

#Yoshlarforumi2024 #Sardorlarsaylovi

Bizning sahifalarimiz:
🕊Telegram 📱Instagram 📱Facebook 📺YouTube