Нягледзячы на тое, што ініцыятыва "Хамяк, суслік і палятуха: выратаваць супергрызуноў!" заканчваецца, пошукі не спыняюцца.☝🏻 Мы, вядома, не кінем гэтых незвычайных звяркоў, іх носікі, вушкі і вочкі і будзем далей іх ахоўваць. 🤗❤️

Мы падрыхтавалі патрэбныя дакументы для перадачы пад ахову амаль 100 месцаў пражывання палятухі і рабога сусліка. Цяпер адміністрацыі раёнаў павінны прыняць гэтыя ахоўныя дакументы, а землекарыстальнікі – узяць месцы пражывання супергрызуноў пад ахову.

👉 Мы шукаем і захоўваем гэтых звяркоў у межах ініцыятывы "Хамяк, суслік і палятуха: выратаваць супергрызуноў!" праекта "Экаманіторынг", што фінансуецца Еўрапейскім саюзам і рэалізуецца ПРААН у партнёрстве з Мінпрыроды. #супергрызуны #ЕСдляБеларусі

🦇Кажаны могуць жыць як у гарадах, так і ў старых лясах: там яны арандуюць "кватэры" у дуплах ці пад карой дрэў.

Еўрапейская шыракавушка – адзін з самых рэдкіх відаў кажаноў ва ўсёй Еўропе. Замест дуплаў яна аддае перавагу расколінам ці адпластаванням кары. 🌲 Пасля начнога палявання шыракавушка можа не вярнуцца на тое ж месца і "арандуе" ўжо новае жыллё. Так робяць усе кажаны, звычайна ў іх цэлая сетка кватэр, найчасцей у адным раёне.😯

Кажаноў мы вывучаем у межах Прыродаахоўнага праекта для Белавежскай пушчы. Кальцуем, а таксама ўмацоўваем на іх перадатчыкі, якія дапамагаюць даведацца, як далёка ад месца днёўкі адлятаюць кажаны ды ў якіх менавіта дрэвах і колькі асобін жыве.

😮 Пардва (белая куропатка) усё ж пакуль засталася на тэрыторыі Беларусі!
Від вымірае, ён уключаны ў нацыянальную Чырвоную кнігу.

☝🏻Пардву не бачылі ў Беларусі 7 гадоў, але цяпер у нас ёсць сведчанні, што яна яшчэ жыве ў нашай краіне. Дзяніс Лагун сфатаграфаваў мёртвую птушку ў заказніку "Ельня", яе забіў драпежнік. Але мы не публікуем гэтых фотаздымкаў з этычных меркаванняў.

Пардва – настолькі рэдкая птушка, што нават пачуць яе голас – вялікі поспех.

📷 Фота ілюстрацыйнае, аўтар – Markus Varesvuo.

Усім, хто сумаваў па фотабёрдынгу: 7 лістапада – час новага чэмпіянату!🙋‍♀️

Запрашаем гэтую суботу правесці сярод птушак з фотаапаратамі ў руках. Птушкі – выдатныя фотамадэлі: акрамя сваёй прыгажосці яны часам дораць цікавыя сюжэты і нечаканыя ракурсы.

Падавай заяўку ptushki.org/news/693581.html і лаві птушак у аб’ектыў! 📷😉

Палятуха трапіла на фотапастку ўдзень – нарэшце! 😍

Амаль год таму мы знялі першае відэа з гэтым "чырванакніжным" грызуном для нашай краіны. Але ўсе кадры з ім былі начныя. Цяпер жа палятуха трапіла ў аб’ектыў аўтаматычнай фотакамеры ў светлы час сутак.

😊 Толькі паглядзі на гэтага рэдкага і вельмі цікавага звярка!

👉🏻 Відэа знята ў межах ініцыятывы АПБ "Хамяк, суслік і палятуха: выратаваць супергрызуноў!" праекта "Экаманіторынг", што фінансуецца Еўрапейскім саюзам і рэалізуецца ПРААН у партнёрстве з Мінпрыроды. #супергрызуны #ЕСдляБеларусі

⚡️⚡️Неверагодная навіна і неверагодны падарунак у год глушца для гэтай птушкі!

‼️ Уведзены мараторый на здабычу глушца ў Брэсцкай і Гродзенскай абласцях на 5 гадоў – фактычна забаронена паляванне на заходнееўрапейскі падвід глушца! У Беларусі іх засталося каля 500 асобінаў.

Глушэц прымае віншаванні! #птушкагода

📷 Чароўны фотаздымак ад Паўла Лычкоўскага birdwatch.by/gallery/palych/petukh-s-zolotym-khvostom

Колеры! 😍
Вось так выглядае восень для бёрдвочаркі Анастасіі Сяргеевай – зялёная жаўна і залатое лісце.🐦🍂 Мы зайздросцім такому віду з акна! 💛

Ням! 😋 Амялушкі (свиристели) бясконца любяць ягады! ❤️
Гэтыя аматары рабіны з'яўляюцца ў гарадах і мястэчках неяк раптоўна. І знаёмыя дрэвы разам робяцца голымі, без сваіх пунсовых гронак.

Прарэдзіўшы ўраджай у паўночных раёнах Беларусі, амялушкі зрушваюцца на поўдзень, дзе ахвотна ядуць і ягады амялы – адсюль і беларуская назва гэтай птушкі.😄

📷 Аўтар фота – Markus Varesvuo.

Ёсць добрыя навіны і для рабых суслікаў! 2 калоніі гэтых прыгожых звяркоў у Капыльскім раёне ўзяты пад ахову! 👏🏻🤗

Гэтыя калоніі ўдалося знайсці дзякуючы ініцыятыве АПБ "Хамяк, суслік і палятуха: выратаваць супергрызуноў!" праекта "Экаманіторынг", што фінансуецца Еўрапейскім саюзам і рэалізуецца ПРААН у партнёрстве з Мінпрыроды. #супергрызуны #ЕСдляБеларусі

📷 Фота: Аляксандр Вінчэўскі (АПБ).

Чым частаваць птушак? 👇🏻

Самы ўніверсальны корм – несалёныя нясмажаныя семкі сланечніка. Смачна, карысна, даступна! 😋 Разнастаіць меню можна насеннем рапсу, лёну, гарбузовымі семкамі, арахісам, кавалачкамі яблыка ды ягадамі. Калі хочаш зрабіць асаблівы падарунак для сініц і дзятлаў, прычапі на галінку кавалак несалёнага нясмажанага сала. 👍

А вось Валер Пясецкі зрабіў кармушку з какоса з самымі рознымі прысмакамі для птушак.
❓Хочаш убачыць майстар-клас па вырабе такой кармушкі? Стаў + ! 🤗

💥 Сустракай птушку 2021 года ў Беларусі – леляка (обыкновенного козодоя)!
Яго абралі галасаваннем сябры нашай арганізацыі на З’ездзе АПБ.

🐦 Што гэта за птах, чым ён адметны і што яму пагражае – чытай па спасылцы ➡️ ptushki.org/news/693707.html

⚡️Вось гэта восень! Яшчэ адзін новы для Беларусі від птушак адзначылі пад Наваградкам – шэрага жаўрука (серого жаворонка)! 👏🏻

Назіранне новага для краіны віду зрабілі Наталля Капорыкава, Юры Шашэнька і Генадзь Ардзюк. Віншуем! 🎉

Шэры жаўрук – паўднёвы від, найбліжэйшыя ад нас гняздуюцца ў азоўскіх і саратаўскіх стэпах. Гэта адзін з самых маленькіх па памеры жаўрукоў.

📷 Фота: Юры Шашэнька.

Шукаем фатографаў у экспедыцыю! 📷

🐺 Калі ты цікавішся дзікай прыродай і маеш свабодны час, падавай заяўку на ўдзел у адловах ваўка. Рэдкія фотаздымкі драпежніка для цябе і добрай справы па захаванні ваўка як віду.

📍Падрабязней тут: http://vouk.by/post/shukaem-fatografa-yaki-maryc-znyac-vaka

Фотаздымак ад Александра Пекача.

🦉Барадатая кугакаўка (бородатая неясыть) выклікае трапятанне...

Седзячы на купіне або дрэве, кугакаўка падпільноўвае здабычу. 👀 Палюе пераважна на дробных грызуноў, часам на вавёрак і дробных птушак. Робіць гэта ў прыцемках, зрэдку днём, аблятаючы адкрытыя ўчасткі балот, рачныя поймы і лясныя высечкі.

📷 Гэтую рэдкую "чырванакніжную" птушку атрымалася зняць Раману Чалею ў Пружанскім раёне.

👉🏻 Калі ты таксама хочаш дзяліцца сваімі фотаздымкамі і відэа птушак для нашых публікацый – далучайся: @ptushkafota!

🐦 Зімародкі манагамныя, хоць сярод самцоў сустракаюцца такія, якія заводзяць некалькі сем'яў. Каб стаць парай, самец падае самцы злоўленую рыбку. Калі самка прыме дарунак, то прапанова прынята. 💞

☝🏻Пара ствараецца толькі на цёплую пару года. Узімку зімародкі разлятаюцца и жывуць асобна, але ўвесну вяртаюцца да старога гнязда, дзе пара зноўку яднаецца.
#птушыныяцікавосткі

🤗🐦 Яшчэ не сустракаў(ла) шчыгела? З гэтай прыгожай птушкай прасцей за ўсё пазнаёміцца якраз увосень ці ўзімку. Пусткі па ўскраінах гарадоў з зараснікамі чартапалоху – улюбёныя месцы шчыглоў.

😋 Іх любімы корм у гэты час – насенне пустазелля: дзядоўніку, чартапалоху, лопуху, асоту, васілька, цыкорыя, дзьмухаўца і шмат якіх іншых. Чародка шчыглоў, якая корміцца на кусце чартапалоху – гэта вельмі прыгожа! 😍

📷 Аўтар фота – Вольга Жмура.

Сям'я – самае важнае, што ў нас ёсць. Трэба яе цаніць, асабліва цяпер. Патэлефануй сваім блізкім, будзь заўсёды побач. ❤️

📷 Аўтар фота з палявымі вераб'ямі – Вольга Жмура.

Якая прыгажосць і свабода! ❤️ Лебедзь-шыпун пралятае над Волмай.

Многія захапляюцца хараством лебедзяў і любяць пачаставаць птушку батонам. Але гэтага рабіць нельга: хлеб і батон ім шкодныя. 🥖🙅‍♂️ Лепш проста назірай за птушкамі ў натуральных умовах!

📷 Фота з нашага чата "Птушкі з фотастужкі", аўтар – Раман Чалей.

Калі ты таксама хочаш дзяліцца сваімі фотаздымкамі птушак для нашых публікацый – далучайся @ptushkafota!

Ты ўжо ведаеш, што лебедзяў і качак не варта частаваць хлебам і батонам.

А ці ведаюць пра гэта твае сябры і суседзі?🤔

Мы падрыхтавалі плакат, які ты можаш раздрукаваць і павесіць у сваім пад’ездзе, двары ці каля вадаёму.

Раздрукаваць яго можна на звычайным аркушы А4 або фарматам А3.

У файле 2 старонкі – адна з карцінкамі, другая без, каб было эканомней друкаваць дома.

Давай клапаціцца пра птушак разам! 🙏🏻

Пампуй плакат тут: https://ptushki.org/wp-content/uploads/693764/Ne-kormi-utok_Raspechataj-plakat.pdf

Дзяліся ў сяброўскіх чатах😉.

Шуляк-карагольчык (Перепелятник) – адна з самых дробных нашых драпежных птушак. Даўжыня цела ўсяго 30-40 см. Самкі, як і ў іншых птушак-драпежнікаў, большыя за самцоў.

Цяпер лёгка можна адрозніць маладых: у іх афарбоўцы больш карычневых адценняў, а не шэрых, як у дарослых.

Шуляк-карагольчык – драпежнік-арнітафаг. 96% рацыёну складаюць птушкі і толькі 4 – мышападобныя грызуны.

У халодны час карагольчыкі качуюць і часцей сустракаюцца ў населеных пунктах, дзе болей птушак, на якіх можна паляваць.

На фота Віталя Некрашэвіча – дарослы самец шуляка-карагольчыка.

Факты пра птушак жывуць у канале па хэштэгу #птушыныяцікавосткі 😉