А якім будзе твой 2025 год? 🎄

Пішы ў каментарах, што табе выпала!

Для тых, хто любіць галаваломкі – у квадраце схавана 21 слова, паспрабуй знайсці іх усе. 😉

Навагодняя казка пра барсука Яся

🌲У густым лесе, які нават зімой здаваўся жывы і поўны жыцця, жыў мудры барсук Ясь. Звычайна ў снежныя месяцы Ясь спаў у сваёй глыбокай і ўтульнай нары, але гэты год быў адметны. Зіма прыйшла мяккая, без лютых маразоў, і ў навагоднюю ноч лес дыхаў цёплым спакоем.

Ясь прачнуўся, адчуўшы нешта асаблівае. Зоры зазірнулі ў яго нару, нібы запрашалі на шпацыр. "Хіба можна прапусціць такую ноч?" — падумаў Ясь і выбраўся на паветра.

❄️Лес сустрэў яго мірным і чароўным: снег мякка пакрываў зямлю, а бясконцае зорнае неба здавалася бліжэйшым, чым калі-небудзь. Ясь адправіўся на свой любімы пагорак, адкуль адкрываўся самы прыгожы від на лес.

Калі ён дайшоў да вяршыні, перад ім адкрылася чараўніцтва. Дрэвы, нібы зачараваныя, свяціліся адбіткамі зорак, і ў паветры лунала цішыня, напоўненая нейкім няўлоўным гучаннем — нібыта сама прырода спявала навагоднюю песню.

⭐ Ясь сеў на снег і пачаў глядзець на зоркі. У гэты момант адна з іх, самая яркая, нібы адгукнулася на яго позірк, сарвалася з неба і мякка апусцілася яму проста пад лапы.

— Добры вечар, Ясь! — прамовіла зорка тонкім, але цёплым голасам. — Ты прачнуўся ў гэтую ноч не выпадкова. Свята прынясе табе і ўсяму лесу шчасце і супакой. Але тваё сэрца — ключ да гэтай радасці. Раскажы ўсім жывёлам, што ёсць час для цудаў, каб ніхто не баяўся марыць.

🦡 Ясь усміхнуўся і пачаў сваё падарожжа па лесе. Ён сустракаў вавёрак, ліс, зайцаў і нават статак аленяў. Кожны, да каго ён звяртаўся з простымі словамі пра навагоднюю ноч, адчуваў у сэрцы цяпло і веру ў лепшае.

Калі ж ноч наблізілася да раніцы, Ясь вярнуўся на пагорак, паглядзеў у неба і ціха прамовіў:

— Дзякуй табе, зорка, за тое, што нагадала пра важнасць марыць і дзяліцца святлом з іншымі.

💫 І калі першыя прамяні сонца дакрануліся да зямлі, лес прачнуўся ў новым годзе, поўны спакою, радасці і ўдзячнасці за такую чароўную ноч. А Ясь, стомлены, але шчаслівы, вярнуўся ў сваю нару, каб зноў сніць сны пра зоркі і чароўны лес.

Ці мерзнуць у мышэй хвасты?

Дзікія мышы, такія як мышы лясныя і палявыя, зімой вымушаны шукаць ежу нават у маразы. Але іх тонкія хвасты, якія амаль не пакрытыя поўсцю, пры гэтым не абмярзаюць. Як такое магчыма?

🔬 Польскія навукоўцы даследавалі гэты феномен у натуральных умовах. Яны ўсталявалі эксперыментальныя боксы з камерамі і тэрмометрамі, а каб прывабіць у гэтыя пасткі-лабараторыі мышэй, выкарыстоўвалі… арэхава-шакаладны крэм.

📉 Выявілася, што тэмпература хвастоў мышэй у марозныя дні можа апускацца да -5°C, не выклікаючы пашкоджання тканак. Калі тэмпература робіцца крытычнай, мышы інстынктыўна абгортваюць хвасты вакол цела, каб абагрэць іх.
Такі механізм адаптацыі дазваляе грызунам эканоміць энергію. Пры ўмераным холадзе яны не марнуюць рэсурсы на награванне хваста, паколькі страты цяпла ў гэтым участку мінімальныя.

❄️ Гэтыя назіранні — першы зафіксаваны выпадак, калі ў сысуноў, якія не гібернуюць, тэмпература перыферыйных частак цела апускаецца ніжэй за нуль. Гэта яшчэ адзін доказ геніяльнасці прыродных механізмаў выжывання.

Сачыце за намі, каб даведацца больш пра дзікую прыроду! 🌿

Паводле Ludwika Tomala, Nauka w Polsce

📷 Дзякуем за фота палявой мышы Віталю Некрашэвічу.

#Дзікіфакт

Навошта зімой косяць балота Дзікое?

Нацыянальны парк “Белавежская пушча” з верасня выкасіў 47 га балота і плануе расчысціць больш за 1000 га! 👍

🌿 Хмызняк, трыснёг, дрэвы і старая асака выцясняе вяртлявую чаротаўку (вертлявая камышовка) — самую рэдкую з пеўчых птушак кантынентальнай Еўропы, якой пагражае глабальнае знікненне.

🐦 Менавіта на асаковых балотах Беларусі гняздуецца адна з самых вялікіх у свеце папуляцый вяртлявай чаротаўкі. Але ў апошнія гады колькасць птушак скарачаецца праз зарастанне балотаў дрэвамі і хмызняком.

Касіць балота дазволена з 1 верасня па 1 сакавіка, а потым любая гаспадарчая дзейнасць забараняецца на час гнездавання птушак. Заказнік “Дзікое” быў некалі ўключаны ў нацыянальны парк дзякуючы грамадскім птушкаахоўным арганізацыям.

Рэспект нацыянальнаму парку і ўдалага гнездавання чаротаўкам! 💚

📷 Дзякуем за фота Сяргею Зуёнку

А да цябе на кармушку прылятае таўстадзюб (дубонос)? 😅

📷 Дзякуем за фота Вользе Котавай.

Маеш забаўныя здымкі птушак і звяроў? Дасылай у чат @ptushkafota. Найлепшае апублікуем у нашых сацсетках!

#птушкажарт

А ты бачыў_ла леляка (козодоя) зблізку?

🐦 Маладую птушку са зламаным крылом некалькі гадоў таму падабраў каля дарогі супрацоўнік кампаніі “Дзікая прырода” Аляксандр Вінчэўскі. Ветэрынары не здолелі вылечыць крыло. Аляксандр атрымаў неабходны дазвол ад Мінпрыроды на ўтрыманне птушкі і цяпер яна жыве ў офісе “Дзікай прыроды”. Вясной ляляк прыгожа пяе.

Хочаш пазнаёміцца з леляком, даведацца, чым яго кормяць узімку? Заходзь у госці!

Заадно ў нашым офісе можна паглядзець ды прыкупіць сабе размалёўкі, значкі і кубкі з птушкамі, плакат з драпежнымі птушкамі і іншае. А таксама забраць раней купленую прадукцыю ад "Дзікай прыроды".

Офіс тут

Незвычайна цёплы снежань у Беларусі

Снежань 2024 года стаў адным з самых цёплых і сухіх за ўсю гісторыю назіранняў у Беларусі!

🌡 Сярэдняя тэмпература месяца месцамі аказалася на 5,0°C вышэй за норму. У асобных рэгіёнах дзённыя тэмпературы даходзілі да +12°C!

💧 Ападкаў было ўдвая менш, чым звычайна, а на Брэстчыне месцамі іх зусім не было, у выніку і вясновае разводдзе можа быць кароткім і нізкім, што дрэнна для каляводных і водных птушак і іншай біёты.

Вучоныя папярэджваюць: калі чалавецтва не знойдзе спосаб глабальна скараціць выкіды парніковых газаў, клімат будзе працягваць біць гістарычныя рэкорды і выклікаць усё больш экстрэмальных з'яў стыхіі і незвычайнага надвор'я. 😢

#зменыклімату

А ты таксама ясі, як птушка?

🐦 Жоўтагаловы каралёк важыць усяго 5 грамаў.

Як гэтым малюпасам удаецца перажыць зіму ў Беларусі?

#Дзікіфакт: Праз свой малы памер каралёк мае высокую хуткасць абмену рэчываў, таму каралькі вымушаны няспынна шукаць корм, асабліва ўзімку, калі дзень кароткі. І ядуць яны шмат. Раўнацэнная колькасць ежы для чалавека склала б каля 27 вялікіх піц за дзень! 🍕

📷 Дзякуем за фота Алегу Аляксевічу, чат “Птушкі з фотастужкі” @ptushkafota

Хочаш дапамагчы дзікай прыродзе?

Я спецыяльна прачнуўся пасярод зімы, каб запрасіць цябе ў Дзікі клуб-2025! 🦡

Сёлета мы абнавілі клубны пакет: будзе больш экскурсій і новая катэгорыя абанемента “Honey Badger”.

Традыцыйна цябе чакаюць не менш за восем анлайн-лекцый ад экспертаў, афлайн-сустрэчы ў коле аднадумцаў, зніжкі на тавары, каляндар, а таксама доступ да запісаў клубных лекцый за 2023 і 2024 гады.

🎁 Клубны абанемент можна набыць і ў падарунак.

Падрабязнасці глядзі тут.

💚 Увесь прыбытак ад клуба ідзе на прыродаахоўныя справы. Мы ўдзячныя ўсім пакупнікам абанемента. Пра нашы дасягненні можна пачытаць па хэштэгу #ДзікіяЭкспедыцыі.

Да сустрэчы ў клубе, сябра! Stay wild! Твой барсук Ясь

Аб чым можа расказаць крык жаўны?

🐦 Чорная жаўна — самы буйны ў Еўропе дзяцел, які насяляе высакаствольныя лясы па ўсёй Беларусі. Птушкары часцей чуюць яго, чым бачаць. А крыкі яго чутны за сотні метраў.

🎶 Чуеш “кьююю”, “«кры-кры-кры...»? Гэта ён!

У лесе, дзе крычыць чорная жаўна, могуць пражываць і іншыя птушкі — касматаногі сыч (мохноногий сыч), клінтух, шэрая кугакаўка (серая неясыть). Гэтыя віды ахвотна займаюць вялікія дуплы, якія выдзёўбвае чорная жаўна.

Прыслухоўвайся да гукаў дзікай прыроды — чорная жаўна можа стаць тваім правадніком у свет лясных птушак! 💚

📷 Дзякуем за фота Валеру Пясецкаму.

#галасыптушак

А ў цябе ёсць такая птушка-мара? ✨🐦

У Беларусі адзначылі рэдкую птушку!

Караткапальцага паўзунка (короткопалая пищуха) знайшоў 12 студзеня ў старым парку г. Высокое Брэсцкай вобласці птушкар Яўген Місіюк.

Яўген звярнуў увагу на доўгую дзюбу паўзунка і западозрыў, што гэта, магчыма, караткапальцы.

🐦 У Еўропе пражываюць два віды паўзункоў – звычайны і караткапальцы. Звычайны паўзунок  у Беларусі  сустракаецца паўсюль. А вось караткапальцага апошні раз у нас бачылі больш за 100 гадоў таму назад. У 21 стагоддзі было толькі некалькі галасавых рэгістрацый гэтага віду, але не выключаны памылкі.

👉 Адрозніць гэтыя віды паўзункоў у прыродзе няпроста – яны выглядаюць амаль аднолькава. Надзейныя спосабы для птушкара – добры фотаздымак ці запіс голасу.

Цікава, ці загняздуецца ён у Высокім? Яго гнёзд яшчэ ні разу не знаходзілі ў Беларусі.

📷 Дзякуем за фота Іне Субоцінай.