Нічога сабе! Егіпецкая гусь (нильский гусь) у Скідзелі.

🪿Пару незвычайных птушак сфатаграфаваў Аляксандр Пахутка 21 студзеня ў Скідзелі пад Гродна. Аказалася, што гэта пара егіпецкіх гусей, другая рэгістрацыя для нашай краіны.

Скідзельцы сцвярджаюць, што гусі прылятаюць сюды ўжо другі год запар і займаюць гняздо гракоў. Але невядома, ці было ў іх летась патомства.

🌍Егіпецкая гусь паходзіць з Афрыкі, дзе гняздуецца амаль ва ўсіх краінах. Від звычайны. Птушак сотні гадоў трымаюць у прыватных калекцыях у Заходняй Еўропе. Са збеглых з няволі птушак паходзяць сучасныя моцныя папуляцыі ў Вялікабрытаніі, Нідэрландах, Бельгіі, Германіі, Даніі і Польшчы. Але і гэтыя, і нават некаторыя суседнія краіны ўжо пакутуюць ад егіпецкіх гусей. Гэты від стварае гібрыды з качкамі і гусямі іншых відаў, напрыклад, з крыжанкай.

Від агрэсіўны ў адносінах да іншых птушак. Гэта можа абмежаваць даступнасць месцаў здабычы ежы, што асабліва важна падчас лінькі (летам), калі многія віды вадаплаўных птушак не могуць лётаць.

У Нідэрландах і Бельгіі ёсць доказы таго, што егіпецкія гусі могуць выклікаць скарачэнне колькасці іншых вадаплаўных птушак праз свае агрэсіўныя паводзіны. Яны нават праганялі шулякоў-галубятнікаў і канюхоў-мышаловаў з іх гнёздаў.😳

Егіпецкія гусі могуць пачаць размнажэнне ўжо ў лютым, заняўшы найбольш прыдатныя месцы для гнездавання раней за іншых птушак.

Жорсткая тэрытарыяльнасць прыводзіць да таго, што егіпецкія гусі могуць затапіць іншых птушак: вядомыя выпадкі з качкай-крыжанкай, чаротніцай, дамавым вераб’ём, шпаком, сарокай і чорным драздом. У ПАР, Вялікабрытаніі і Нідэрландах від прызнаны шкоднікам сельскай гаспадаркі.

У Беларусі гэты від зарэгістраваны ўпершыню ў 2020 годзе ў Бераставіцкім раёне Гродзенскай вобласці. Там была адзначана пара. Магчыма, гэта тая самая пара. Гэтыя гусі жывуць 15+ гадоў.

Працяг 👇🏻

Не ўсім новым відам трэба радавацца. Егіпецкая гусь – патэнцыяльна небяспечны від для беларускай прыроды. У ЕС від уключаны ў Спіс найбольш небяспечных інвазійных інтрадуцэнтаў.

Падзяліся гэтым допісам з сябрамі! 🙌🏻

📷 Фота Кацярыны Хведанцэвіч.

#інвазіўныявіды

Уключы гук і глядзі да канца!

Вясна ляціць! У Беларусь вяртаюцца птушкі.

Жыццё кіпіць: на поўдні і захадзе Беларусі на палях і балотах танцуюць шэрыя жураўлі. У небе пралятаюць чароды шэрых і белалобых гусей, гусей-гуменніц. Прыляцелі і першыя палявыя жаўрукі, і кулікі – кнігаўкі (чибисы) і залацістыя сеўкі (золотистые ржанки).

Пачалася вясновая міграцыя птушак – адна з самых цікавых з’яў прыроды. ❤️

Выбірайся на прыроду, любуйся птушкамі і слухай іх песні і гоман. Побач са звычайнымі відамі ўвесну можна ўбачыць і сапраўдныя рэдкасці. 🐦

Падзяліся гэтым відэа з сябрамі! Няхай і яны адчуюць радасць і натхненне ад вясновага гімну птушак. ☺️

А ў каментарах падзяліся, хто ўжо прыляцеў у твае мясціны.

🎥 Дзякуем за відэа Яўгену Місіюку.

❓ Адгадай, што робіць на гэтым здымку Мікалай Чэркас?

Падказка: тут ён у экспедыцыі ў Казахстане. 😉

☝🏻 Нагадаем: ужо ў сераду 28 лютага Мікалай правядзе першую дзікую лекцыю ў гэтым сезоне. Лекцыя эксклюзіўная, толькі для ўдзельнікаў “Дзікага клуба”. Яны змогуць задаць яму пытанні і даведацца з першых рук цікавосткі пра нашы нацпаркі і запаведнікі.

🌿 Мікалай – паляшук з возера Князь (Чырвонае) асоба харызматычная і з гумарам. Сапраўдны лясны жыхар, ведае лес так, як мала хто. Нарадзіўся ён на лесапасадцы, дзе працавала яго матуля, і там правёў першыя месяцы жыцця.

У сярэдзіне 1980-х гадоў далучыўся да арніталагічнага таварыства і студэнцкай дружыны аховы прыроды.

Падаў з дрэваў, тануў у балоце, вяз у зыбучых пясках – але выбраўся з усіх нягод і нясе агмень асветы! Не прапусці лекцыю, далучайся да клуба!

А адгадку да фота пішы ў каментарах. 🙂

Адказы апублікуем заўтра ў сторыз у нашым Інстаграм. 🙌🏻

📷 Фота з архіву Мікалая Чэркаса.

🐦 Гэта будзе шыкоўная лекцыя – раскажы пра яе сябрам, падзяліся гэтым відэа!

👉🏻 А падрабязнасці пра лекцыю чытай тут!

💚У гэтую нядзелю 3 сакавіка – Сусветны дзень дзікай прыроды. Як яго адзначыць і дапамагчы дзікай прыродзе?

🌿Далучайся да "Дзікага клуба" і атрымаеш эксклюзіўную інфармацыю і знойдзеш сяброў апантаных прыродай.
🌿Набывай вызначальнік дзікіх птушак Беларусі і вясновыя значкі-піны з птушкамі і кветкамі https://birdingbelarus.by/products/
🌿Удзельнічай у лекцыі Святланы Грышкевіч пра птушак у беларускай міфалогіі 5 сакавіка (глядзі замацаваны пост)

Увесь прыбытак ад клуба, лекцыі і кніг ці значкоў ідзе на захаванне дзікай прыроды!

А яшчэ ты можаш:

🌿далучыцца да чату беларускіх птушкароў @ptushkachat
🌿схадзіць на прагулку паназіраць за дзікай прыродай і птушкамі, а назіранні занесці на observation.org
🌿падзяліцца гэтым допісам, каб больш людзей даведаліся, як падтрымаць прыроду

Беражы і цані дзікую прыроду не толькі 3 сакавіка, але і ўсё жыццё. 🕊❤️

Дзякуем за фота з ваўком Таццяне Алешка🙌

💙 Добрыя навіны з Белавежскай пушчы. Тут абваднілі асушаныя балоты – ўрочышча Зубрыца і Галева балота, што ў Камянецкім раёне. А гэта значыць, што цяпер гэтыя важныя ўчасткі змогуць накопліваць ваду і жывіць ёй лясныя экасістэмы.

Забалочаныя ўчасткі знаходзяцца на тэрыторыі Сусветнай спадчыны ЮНЕСКА, да таго ж іх значная частка месціцца ў запаведнай зоне. А вакол іх знаходзяцца высокаўзроставыя лясы, найбольш багатыя экасістэмы пушчы.🌲

Агульная плошча забалочвання – 540 гектар. Супрацоўнікі нацпарку пабудавалі на каналах каля 80 глухіх земляных перамычак-плацін.

На гэтым пушчанцы спыняцца не збіраюцца: у планах – знайсці грошы, каб аднавіць гідралагічны рэжым балот Глыбокае і Дзікое.👏

Наша павага!

Дзякуем за добрыя навіны навуковаму супрацоўніку Белавежскай пушчы Антону Кузьміцкаму.

🐦 У Беларусі вясновая міграцыя птушак набірае абароты.

Ужо вярнуліся шэрыя жураўлі, гусі, кнігаўкі, жаўрукі, шпакі. Ці не рызыкуюць гэтыя птушкі замерзнуць, калі вясной удараць маразы?

❓ Чаму самцам важна заняць тэрыторыю? Якія птушкі пачынаюць гнездавы сезон самымі першымі, і хто з птушак размнажаецца ў Беларусі круглы год? У інтэрв'ю Smartpress расказвае арнітолаг Аляксандр Вінчэўскі https://smartpress.by/idea/zoo/62559

📷 На фота шэрыя жураўлі, архіў ТАА "Дзікая прырода".

👋 Вітаем усіх новенькіх падпісчыкаў нашага канала!

Мы – кампанія “Дзікая прырода”. Мы ствараем цікавыя прадукты і ўвесь прыбытак ад іх накіроўваем на ахову прыроды Беларусі.

У нас на старонцы ты знойдзеш:

🌿 цікавыя факты пра дзікую прыроду Беларусі
🌿 анонсы нашых і партнёрскіх актыўнасцяў, звязаных з дзікай прыродай: лекцыі, конкурсы, выставы
🌿 прыгожых птушак і звяроў, тэставанкі і інтэрактыў у сторыз
🌿 важныя памяткі і парады ў вечных сторыз.

👉🏻 Як жа мы ахоўваем прыроду? Чытай матэрыялы па хэштэгу #ДзікіяЭкспедыцыі

Як ты можаш дапамагчы дзікай прыродзе Беларусі?

🌱 Далучыцца да "Дзікага клуба"
🌱 Набыць наш мерч з варонай
🌱 Набыць нашы значкі-піны з птушкамі
🌱 Набыць запіс анлайн-лекцыі "Топ-10 птушак-рэкардсменаў Беларусі" з арнітолагам Віталём Кашчэевым

Сёлета ў продажы з’явяцца іншыя цікавыя прадукты! Stay wild! 😉

Падзелішся, чым цябе прывабіла нашая старонка?🥰

Барсук Ясь, натхняльнік кампаніі

У Беларусі ўжо прачнуліся першыя суслікі! 😊

📆 Сёлета гэта здарылася 27 лютага – амаль на месяц раней, чым у мінулым годзе! Можа, беларусам трэба ўвесці свой Дзень сусліка накшталт Дня сурка? Паглядзім, наколькі дакладны прагноз надвор’я на вясну выдалі суслікі. 😁 Назіраннем падзяліўся Сяргей Шакала на сваёй старонцы ў Facebook.

Рабы суслік уключаны ў Чырвоную кнігу Беларусі. Апошнія калоніі суслікаў ахоўваюцца дзяржавай, зацікаўленымі арганізацыямі і мясцовымі энтузіястамі.

📷 Фота Дзмітрыя Іванова.

Калі ты таксама хочаш дзяліцца з намі сваімі фотаздымкамі птушак і звяроў або проста любіш разглядаць прыгожыя фота з імі, далучайся да чату @ptushkafota