Калі пакрыўдзіўся і ўжо гатовы прабачыць, але чакаеш ад другога чалавека першага кроку. 👀

📷💛 Жоўтагаловы каралёк, Віталь Некрашэвіч.

🦉З халадамі ў гарады падцягваюцца совы. У некаторых парках, у тым ліку мінскіх, іх ужо можна выглядаць на дрэвах. У Лошыцкім парку мінулую зіму правялі больш за дзясятак вушатых соў. Шукаць іх – цікавы спорт.

☝🏻Улічвай, што турбаваць соў нельга. Спудзіш удзень – іх могуць заўважыць і пакрыўдзіць крумкачовыя.

📷 Фота Сямён Левы зрабіў у Кобрыне. На ім больш за адну вушатую саву.
❓Колькі налічыш ты?

Больш цікавостак пра птушак на зімоўцы – у матэрыяле Onliner people.onliner.by/2021/10/11/ptichku-zhalko. #птушыныяцікавосткі

Нашы фотапасткі цэлы год здымалі жыццё дзікіх лясоў Палесся. 🌳

Каго “лавілі” гэтым разам? У цэнтры ўвагі – капытныя жывёлы. 🦌 Яны – асноўная крыніца харчавання для буйных драпежнікаў Палесся, такіх як воўк і рысь, а да таго ж моцна ўплываюць на лясныя экасістэмы. Таму вельмі важна вывучаць колькасць і паводзіны капытных у ахоўных прыродных зонах.

👀 Капытныя пазбягаюць сустрэч з чалавекам, часта хаваюцца ў цяжкадаступных мясцінах. Фотапасткі ж дазваляюць сачыць за жывёламі удзень і ўночы, не турбуючы іх.

Якую інфармацыю ўдалося здабыць пры дапамозе фотапастак гэтым разам – пакуль сакрэт нават для саміх даследчыкаў. Мы вельмі чакаем вынікаў і абавязкова раскажам пра іх. 🙌

Вывучэнне папуляцый капытных на Альманскіх балотах ажыццяўляецца спецыялістамі АПБ ў межах праекта “Палессе - дзікая прырода без межаў”. #wildpolesia

🦉На фатаграфіі схавалася 6 вушатых соў!

Гэтыя модныя крыклівыя птушкі могуць з'яўляцца ў гарадах ужо з кастрычніка. Яны натоўпамі сядзяць на рабінах, нешта горача абмяркоўваюць. І кожны раз – ужо дзясяткі гадоў – гараджане, убачыўшы іх, нязменна пачынаюць высвятляць, што за дзіва такое прыляцела. 🤔

Расказваем! Амялушкі (свиристели) гняздуюць у паўночнай тайзе і лесатундры Еўропы і Азіі. З надыходам восені адкачоўваюць у больш паўднёвыя рэгіёны, у тым ліку і Беларусь.

Ляцяць туды, дзе засталіся рабіны, каліны, амяла. Абʼелі дрэва – паляцелі далей. Птушкі нармальна пераносяць нізкую тэмпературу. Асноўная прычына міграцый – гэта не халады самі па сабе, а пагоня за кармавой базай.

Ходзяць легенды пра тое, што амялушкі ўмеюць пʼянець, падʼеўшы закіслых ягад. Пачынаюцца праблемы з каардынацыяй, валяцца з галінак… Потым адыходзяць, сорамна за ўчорашняе.😄 Убачыш такое – раскажы нам.

Больш цікавостак пра птушак на зімоўцы – у матэрыяле Onliner people.onliner.by/2021/10/11/ptichku-zhalko. #птушыныяцікавосткі
📷 Фота: Markus Varesvuo.

Чорная пятніца, чорная пятніца… Паслухай зялёную жаўну – зрабі сваю пятніцу зялёнай! 🐤💚

Ахвяруй на ахову дзікай прыроды – падтрымай птушак, якія так радуюць цябе. 😉
👇🏻
ptushki.org/helpus/how_to_pay

📷 Фота: Donatas Vidutis.

😍 Вось такую рэдкую і прыгожую птушку – белашчокую казарку – Пётр Мамчыц адзначыў у вёсцы Забор'е Лагойскага раёна!

Белашчокая казарка – насельнік арктычных узбярэжжаў і астравоў Еўропы. У Беларусі рэдка сустракаецца падчас міграцыі. Першая рэгістрацыя віду ў нас была ў 1983 г.

У палявых умовах птушка лёгка распазнаецца сваёй двухколернасцю. Рэзка вылучаюцца белыя бакі галавы, лоб і горла.

👀 Назірай уважліва, цяпер птушкі на міграцыі, і магчыма, менавіта табе пашчасціць убачыць які-небудзь рэдкі від. ☺️

📷 Дзякуй за фота Іне Субоцінай!

ЛЕБЕДЗІ НЕ ЗЛЯЦЕЛІ Ў ВЫРАЙ? НЕ ПАНІКУЙ!

✔️Многія вадаплаўныя застаюцца на зімоўку.
✔️Лебедзі не скалеюць ад холаду: у іх вельмі тоўсты слой тлушчу.
✔️Калі лебедзь не рухаецца, ён проста эканоміць энергію – не спрабуй яго разварушыць!
✔️Не кармі вадаплаўных птушак – не адвучвай іх шукаць корм самастойна.
✔️Хлеб і батон небяспечныя: даюць адчуванне сытасці, але не даюць энергіі і вітамінаў.
✔️Калі лебедзю стане некамфортна, ён лёгка пераляціць на новае месца, нават за сто кіламетраў.
✔️Не турбуй птушак – проста назірай за імі!

❗️Увага: калі ў лебедзя траўма, паведамі пра гэта ў тэрытарыяльныя органы Мінпрыроды, Міністэрства па надзвычайных справах або міліцыю.
👫 Перадай памятку сябрам!
📷 Фота: Аксана Казакова, t.me/ptushkafota.

Лістапад, холадна, няўтульна, вось бы з-пад коўдры не выбірацца, праўда? 🍂
А захавальнікі дзікай прыроды Палесся нават у пахмурную нядзелю шчыравалі ў заказніку “Сярэдняя Прыпяць”.

Маляўнічыя мясціны на Століншчыне вабяць мясцовых жыхароў і шматлікіх прыезджых “аматараў прыроды”. Чаму ў двукоссі? А ты паглядзі, што яны пакідаюць пасля сябе ў папулярных месцах адпачынку. 😥😥 Нашы актывісты вывезлі два прычэпы смецця!

🌳 Чысціня куды больш пасуе краявідам і ахоўнаму статусу заказніка. Спадзяёмся, што госці гэтых мясцін пагодзяцца з намі і больш не будуць ператвараць лес і ўзбярэжжа ракі ў сметнік!

Прыборка прайшла ў рамках праекта “Палессе – дзікая прырода без межаў”. #wilpolesia

🦆 А ты ведаеш, што качкі-крыжанкі (кряквы) ў прыродзе не павінны даваць нырца?

Але нашыя качкі вывучыліся здабываць ежу са дна. На 10-20 секундаў могуць занырнуць, каб адарваць ад дна смачных малюскаў. 😋

📷 Відэа: Іна Шкурко, t.me/ptushkafota.

​​У нас атрымалася адрамантаваць 4 платформы на балоце Дзікое, дзе гняздуюцца барадатыя кугакаўкі! 🦉
Дзякуй усім, хто ахвяраваў грошы на гэтую добрую справу! ❤️

Працу выканалі Рабочая група АПБ па сокалападобных і совападобных і захавальнік ТВП "Балота Дзікое" Сяргей Сідарук.

Драўляныя скрыні вырашылі замяніць на платформы, максімальна падобныя да натуральных гнёзд. Каб канструкцыі праслужылі даўжэй, у іх аснову закладалася металічная сетка. Мяркуецца, такія гнёзды павінны правісець каля 10 гадоў. ☝🏻

Барадатая кугакаўка – рэдкі від соў Беларусі, які гняздуецца ў асноўным на балотах. Сама яна гнёздаў не будуе, а займае чужыя. Але такіх прыдатных для кугакаўкі гнёздаў няшмат.

🙌🏻 Каб мы маглі працягваць будаваць штучныя гнёзды і барадатыя кугакаўкі паспяхова выводзілі птушанят, падтрымай ініцыятыву, пералічы любое ахвяраванне на рахунак BY70BPSB31351049261149330000.

Гэта можна зрабіць праз пошту і/ці банк, таксама як адвольны (произвольный) плацеж праз інтэрнэт-банкінг.
Увага! Пазначай правільна прызначэнне плацяжу: “ахвяраванне”, па-руску – “пожертвование”. Інакш мы не зможам скарыстацца гэтымі сродкамі.

👉🏻 УНП: 101546170. Получатель: АПБ. Региональная Дирекция № 700 по г. Минску и Минской области ОАО «Сбер Банк», БИК BPSBBY2X, г. Минск, пр-т Машерова, 80.

📷 Фота: Дзяніс Кіцель.

Новае даследаванне птушак, якія гняздуюцца ў краінах ЕС, паказвае, што кожная шостая птушка за амаль 40-гадовы перыяд была страчана. У цэлым, з 1980 года колькасць такіх птушак зменшылася прыблізна на 600 мільёнаў асобін. 😔

Значная частка гэтых страт – вынік істотнага скарачэння колькасці звычайных і распаўсюджаных відаў птушак, а найбольшае падзенне папуляцыі назіраецца ў дамавога вераб’я – яго стала на 247 мільёнаў асобін менш (з 1980 года ён страціў 50% сваёй папуляцыі 😯), за ім ідуць жоўтая пліска – на 97 млн, шпак на 75 млн і палявы жаўрук – на 68 млн асобін менш.

Падрабязней пра даследаванне 👉🏻 ptushki.org/news/708906.html.

Калі клічуць на вечарынку, але ты інтраверт. 👀

📷 Фота: папаўзень (поползень), Валер Пясецкі.

​​Дабранач, сустрэнемся вясной! 💤😴
Як у жывёл атрымліваецца ўпадаць у спячку і перажываць зіму? Расказваем!👇🏻

Паўнавартасная гібернацыя ўласцівая толькі для некаторых беларускіх відаў – гэта вожыкі, соні, суслікі і большасць кажаноў. 🦔🦇

У іх зімовы сон бесперапынна працягваецца ўсе зімовыя месяцы. Навуковыя даследаванні паказалі, што асноўная прычына гэтай з’явы ўсё ж не праблема тэрмарэгуляцыі, а немагчымасць здабываць звыклую ежу.

Каб пераадолець нізкія зімовыя тэмпературы, жывёлы паніжаюць тэмпературу цела – яна можа апускацца ніжэй за 10 градусаў. Запавольваецца пры гэтым і сардэчны рытм – да 5-10 удараў за хвіліну, што для некаторых відаў можа складаць амаль 90 %. Узровень метабалізму, які вымяраецца ў спажыванні кіслароду і выдзяленні вуглекіслаты, можа зніжацца да 5 % ад звычайнага ўзроўню. Ну і, нарэшце, "энергетычнае дэпо" ў выглядзе так званага бурага тлушчу – своеасаблівай тканкі, расшчапленне якой адбываецца адмыслова для ўтварэння цяпла.

Высветлілася, што, нягледзячы на амаль нулявы метабалізм, нервовая сістэма жывёл падчас зімовай спячкі ўсё ж застаецца ў дзеяздольнай і арганізм можа рэагаваць на моцныя вонкавыя ўздзеянні.

Да гэтай групы адносяцца некаторыя віды кажаноў і грызуноў, з нашых відаў гэта звычайны хамяк. 🐹 Ён нават робіць на зіму запасы ежы, якая падчас абуджэнняў аказваецца вельмі запатрабаванай. 🌾

🐻🦡 А вось барсукі, янотападобныя сабакі і мядзведзі ўпадаюць толькі ў лёгкае, так званае факультатыўнае, здранцвенне, якое можа з лёгкасцю перапыняцца, а жывёла ў пошуках ежы нават выходзіць са свайго сховішча на паверхню.

Між іншым, працягласць цяжарнасці барсукоў у выпадку, калі самка спароўвалася зімой, а не летам, павялічваецца з 9 да 15 месяцаў – такая вось своеасаблівая "кансервацыя". 😯 Самкі ж мядзведзяў, наадварот, не марнуюць час і нараджаюць медзведзянят менавіта падчас сваёй зімовай і дакладна факультатыўнай спячкі.

Зелянушка – самая зялёная птушка, якую можна пабачыць на кармушцы! 💚 Любіць ласавацца семкамі сланечніка.

🐦 Адрозніваецца ад іншых птушак зялёным колерам пёраў з жоўтымі плямамі на крылах і хвасце.

❓А да цябе на кармушку завітваюць зелянушкі?

У сэнсе ў мяне занадта экстравагантная прычоска? 🤨

📷 Амялушка (свиристель) , Ekaterina Chernetsova, Wikimedia Commons.

💙 А ты ведаеш, што зімародак падчас заляцання да самкі падносіць ёй злоўленую рыбку, і калі падарунак прыняты – птушачкі становяцца парай? ☺️

🙋‍♀️ Запісвайся на Дзікую анлайн-лекцыю АПБ з крутым экспертам і даведайся шмат цікавых фактаў з жыцця гэтых "сініх" птушак.

❓ Вось толькі некалькі пытанняў, на якія адкажа Віталь Кашчэеў:
🔹 Ці такі сіні зімародак, якім здаецца? (Спойлер – не, ён зусім іншага колеру!)
🔹 Якая частка цела служыць зімародку рыдлёўкаю?
🔹 Як дапамагчы зімародку загнездаваць?
🔹 Навошта зімародку белыя шчокі?
🔹 Ці можа зімародак патануць?

Для ўдзелу трэба атрымаць бясплатны квіток. Рэгіструйся 👉🏻 ptushki.org/wildlecture.

🦇 Санаторый для кажаноў зноў адчыніў дзверы – Кажанаполіс пачынае чацвёрты сезон! Тут прымаюць кажаноў, знойдзеных людзьмі, і дапамагаюць ім перазімаваць. ❄️
У мінулым сезоне паспяхова перазімавалі 42 “пастаяльцы”.🙌🏻

☝🏻Позняй восенню жыццё кажаноў складанае і напружанае. Гэта час міграцый, размнажэння, а таксама пошуку месцаў для зімоўкі. Няўстойлівая тэмпература прымушае кажаноў раз-пораз рабіць спробы ўладкавацца на спячку, але гэтая спячка перарываецца праз чарговае пацяпленне. Таму ў гэты час кажаны пачынаюць часта з’яўляцца ў пад’ездах, кватэрах і на балконах шматпавярховікаў.

‼️ Калі знойдзеш кажана ў Мінску ці каля яго або калі хочаш быць валанцёрам па дакорме рукакрылых, тэлефануй у Кажанаполіс: +375 29 213 92 57 (А1, Viber, Telegram, WhatsApp).

Звярка забяруць, узважаць, пакормяць і адправяць зімаваць у халадзільнік: гэта надзейнае месца для зімоўкі нашых кажаноў, бо там тэмпература для іх прыдатная і стабільная.

📷 Фота: Makoto Miharu.

Прыгожае фотапрывітанне з Польшчы ад маладога вялікага арляца з Бярэзінскага запаведніка! 🙂🦅

Вялікі арлец другога года жыцця з каляровым кольцам FM адзначаны ў траўні на захадзе ад Варшавы. Летась яго ж знялі ў Ізраілі. Вось бываюць такія шчасліўчыкі, якія трапляюць толькі на добрых фатографаў! 😍

📷 Аўтар фота: Stanisław Turowski https://turowskifoto.pl/portfolio/.

Кніга – найлепшы падарунак! А такая прыгожая, ды яшчэ і з птушкамі – удвая! 😍

Вызначальнік птушак ад Водна-балотнага цэнтра АПБ стане цудоўным падарункам да хуткіх святаў для блізкіх ці для сябе любімай_га! 🎄🎅

🐦 229 відаў птушак, якія найчасцей сустракаюцца ў Беларусі;
🐦 691 якасная і арыгінальная фатаграфія;
🐦 248 старонак;
🐦 інфармацыя пра статус, сезоннасць, месцы пражывання, адметныя прыкметы і галасы кожнага віду;
🐦 невялікі фармат – зручна браць з сабой (11,3х16,6 см).

❓Дзе набыць?
🔹На oz.by/books/more10991632.html
🔹На tn.by/product/vyznachalnik-ptushak-opredelitel-ptic/
🔹У Акадэмкнізе – Мінск, пр-т Незалежнасці, 72.

​​Убачыць поймавыя дубровы падчас разліву – гэта нешта неверагоднае, можна плаваць на лодцы паміж дрэвамі, быццам у лесе на вадзе! 💧😍

🌳 Поймавыя дубровы Палесся – гэта дубовыя гаі, якія растуць у пойме ракі Прыпяць. Пойма – гэта месца, якое затапляецца вадой падчас паводкі. Поймавыя дубы прыстасаваліся да такіх умоў: іх вегетацыя пачынаецца пасля паводкі, то бок увесну яны ажываюць пасля разліву.

Палескія дубровы – найбольш захаваныя ў натуральным стане поймавыя лясы ва ўсёй Еўропе. Гэта ўнікальны прыродны комплекс, дзе сустракаюцца рэдкія віды раслін і жывёл. 🌱

Поймавыя дубы шырокія, з разгалістымі кронамі. Ствалы некаторых дубоў дасягаюць метра ў дыяметры! У дуплах гэтых дрэваў любяць сяліцца "чырванакніжныя" птушкі: пугач (филин), сіваграк (сизоворонка), белая сініца (белая лазоревка). 🦉 З сысуноў можна сустрэць розныя віды кажаноў і "чырванакніжніка" соню-палчка. У дубровах растуць рэдкія віды раслін: шпажнік чарапіцавы, касач сібірскі.

❗️Будаўніцтва воднага шляху E40 нанясе непапраўную шкоду гэтым дубровам, якім патрэбен натуральны гідралагічны рэжым, каб вада прыходзіла і сыходзіла. Калі Прыпяць зарэгулююць – ператвораць у канал, то ўнікальны рэгіён, які і існуе дзякуючы разлівам гэтай ракі, знікне.

🙌🏻 Мы выступаем за захаванне Палесся і за яго альтэрнатыўнае развіццё. Спадзяёмся, што менавіта такім шляхам будзе развівацца гэты рэгіён 👉🏻 ptushki.org/news/700793.html

📷 Фота: Вольга Каскевіч. #savepolesia #wildpolesia #stop_e40