​​Складана, праўда? Але дзякуй за ўдзел у віктарыне! ❤️🐥

А мы нагадваем, у Беларусі – разгар сезона подлеткаў. Птушаняты вучацца лётаць. Калі ты ўбачыш такіх птушанят, як на фота раней, не забірай іх дадому! ❌ За імі прыглядваюць бацькі, якія працягваюць іх карміць.

‼️ Важна! Калі ты выпадкова знойдзеш гняздо, найлепшае, што ты можаш зрабіць, – гэта не фатаграфаваць яго, а адразу ж ціха сысці і пакінуць яго ў спакоі. За чалавекам у лесе і на лузе назіраюць вароны і сойкі, яны прыкмячаюць, дзе чалавек спудзіў з гнязда птушку, і спусташаюць потым гэта гняздо.

Будзь добрым бёрдвочарам, не турбуй птушанят і іх бацькоў.🙏

😍 Гэта ўнікальнае спалучэнне дзікай некранутай ракі, непралазных лясоў і адкрытых поймавых балот і лугоў – планаваны заказнік "Пойма ракі Льва" ў Столінскім раёне.

🙌🏻 Менавіта цяпер у рамках праекта "Палессе – дзікая прырода без межаў" мы вядзем актыўную працу па стварэнні новага заказніка, які будзе адзіным ахоўным комплексам са славутымі "Альманскімі балотамі". #wildpolesia

Усе птушкі "Жывой вясны" – белы бусел, вясковая ластаўка, чорны свіргуль, зязюля, шчурка-пчалаедка, ластаўка-зямлянка і вялікі зуёк – вярнуліся ў Беларусь! 🤗👏🏻

✅ Пазначай на карце месца сваёй першай сёлетняй сустрэчы з кожнай на http://www.springalive.net/be-by/migrations/addnew.

❓А табе таксама гэтая вясковая ластаўка нагадвае сэрцайка? ❤️
📷 Фота Іны Субоцінай.

Кампанія "Жывая вясна" ажыццяўляецца дзякуючы падтрымцы HeidelbergCement. #жываявясна2021

Чужыя дзеткі растуць хутка, праўда?🐣

☺️ Птушаняты сокала-пустальгі на першым гняздзе з пухнатых камячкоў ужо ператварыліся ў сапраўдных падлеткаў. Пёры хутка растуць, пух выпадае і птушаняты робяць першыя трэніроўкі, выпростваюць крылы!

Ад учора самка ўжо не разбірае і не дзеліць здабычу. Усё самі!

👋🏻 Глядзі трансляцыю тут: birdwatch.by/pustalga-brest2021.

Такога ты яшчэ дакладна ніколі не бачыў(ла)!
Ляляк (козодой) – птушка 2021 года – спіць на чаплі! Пачакай, пачакай... на пластыкавай чаплі! 😳

Ваў! 😂 #птушкагода

📷 Фота: Доктар Шон МакКормак.

☺️ Подлетак сіняй сініцы (обыкновенной лазоревки) ўжо гатовы вылецець з дуплянкі, але бацькоў усё адно кліча, каб не забывалі карміць. 🐛😅

❗️А мы нагадваем – калі ты знойдзеш на зямлі або ў траве птушаня-подлетка, не забірай яго дадому. Чаму, тлумачым тут 👉🏻 ptushki.org/news/699880.html.
Не падыходзь блізка да гнёзд і не разглядвай іх доўга: можаш прыцягнуць увагу драпежнікаў.

📷 Відэа: Іна Шкурко, @ptushkafota.

Некаторыя віды птушак звонку вельмі падобныя, а колькі скрытных птушак, якіх лягчэй пачуць, чым убачыць! 🎶
Іх голас – добрая падказка, каб вызначыць від.

Анлайн-школа "Галасы птушак" навучыць настройвацца на спевы птушак і ўпэўнена бёрдвочыць "на слых". 🎵

Школа ўключае 5 тэарэтычных анлайн-заняткаў, на якіх ты вывучыш галасы 70 птушак. ☺️

Пачынаем 21 чэрвеня. Запіс на курс 👉🏻 http://birdingbelarus.by/lectures-excursions-workshops/birdwatching-school-voices/.

🤞🏻Хай у цяперашняй навіннай стужцы ў цябе застанецца астравок спакою – старонка АПБ, дзе ты можаш паглядзець на птушак і звяроў і ўсміхнуцца.

🦊 Лісяняты зычаць табе добрых выходных.❤️

📷 Фота: instagram wildlife.group.

🦇Сябры! Вось і прыйшло лета – напружаны і складаны сезон для кажаноў. Вясной цяжарныя самкі ўжо сфармавалі мацярынскія калоніі і засялілі свае летнія сховішчы – гарышчы і іншыя цёплыя месцы.

У чэрвені ў самак роды, кожная нараджае 1-2 кажанят. Калонія – гэта невялікі радзільны дом, і там бывае шумна. Не хвалюйцеся і не турбуйце кажаноў! Ад іх няма ніякай пагрозы.

❗️Памятай: у чэрвені, падчас родаў і выхавання дзіцянят, кажаны вельмі ўразлівыя і безабаронныя. Любы непакой можа прывесці да гібелі значнай колькасці кажаноў і іх малянятак.

Узніклі праблемы? Тэрмінова тэлефануй у Кажанаполіс, валанцёры абавязкова дапамогуць! Кантакты: Аляксей Шпак, +375 29 2139257 (МТС, Viber).

Беларускі "папугайчык" – чаромашнік (чечевица).😍

На вочы гэтыя прыгажуны трапляюцца рэдка, бо хаваюцца ў густым лісці, але часта выдаюць сябе меладычным свістам, падобным да фразы "Витю видел?". ☺️

❓А табе даводзілася бачыць калі-небудзь гэтую птушку?

📷 Віталь Некрашэвіч, @ptushkafota. #птушыныяцікавосткі

7 чэрвеня – Сусветны дзень свіргуля (стрижа).
Свіргуль – майстар палёту, але на зямлі бездапаможны.😔

❓Як дапамагчы свіргулю, які ўпаў, і пры гэтым не нашкодзіць птушцы? ☝🏻

📍 Захоўвай памятку ptushki.org/news/703341.html і дзяліся з сябрамі: гэта дапаможа выжыць многім птушкам.

📷 Фота Мікалая Вараб'я.
Кампанія "Жывая вясна" ажыццяўляецца дзякуючы падтрымцы HeidelbergCement. #жываявясна2021

І так заўсёды. 🙈😅
#птушкажарт

Да сярэдзіны чэрвеня яшчэ можна пачуць спевы салаўя, потым ён будзе заняты іншымі справамі. 😉

🎶 Дзе паслухаць – глядзі на карце ptushki.org/nightingales. Карта інтэрактыўная – занось на яе свае салаўіныя месцы!

🐦 У траўні ў шмат якіх гарадах Беларусі прайшлі салаўіныя экскурсіі. Каму ўдалося ўбачыць крылатага спевака і якіх яшчэ птушак змаглі паназіраць і пачуць экскурсанты? Чытай і натхняйся на ўласны шпацыр 👉🏻 ptushki.org/news/703410.html.

Проста цяпер наш прыродаахоўны спецыяліст Сямён Левы праводзіць улікі лелякоў – птушкі 2021 года – і назіраў, як аднаго ледзь не падбіла машына. 😔

🚘 На дарогах штогод гіне шмат лясных і палявых птушак. Калі ты бачыў_ла за горадам на дарогах збітых машынамі птушак, занясі, калі ласка, на карту гэтыя месцы ptushki.org/roads. 🙏🏻

Гэта дапаможа зразумець, дзе птушкам на дарогах пагражае самая вялікая небяспека. Па выніках акцыі плануем звярнуцца ў ДАІ, каб там паставілі дадатковыя дарожныя знакі. ⛔️ Гэта патрэбна і для бяспекі саміх вадзіцеляў, бо раптоўнае з'яўленне птушкі на дарозе можа стаць прычынай аварыі.

Едзь уважліва, калі ласка!

🦅 Арлан-белахвост зноў буяніць на гняздзе вялікага арляца (большого подорлика). Фотапастка зняла, як кіпцюры арлана ўжо ўпіваюцца ў цела самкі Дзянісы. Яна дзівам засталася жывая. 😰

Ужо праз 20 хвілін пасля інцыдэнту Дзяніса вярнулася на пустое гняздо. Яйка знікла. За дзень да гэтага знікла першае яйка – хутчэй за ўсё, прапажа таксама на сумленні арлана. 😟

Паўторную кладку самка вялікага арляца вырашыла не рабіць. Цяпер яна трымаецца на гнездавой тэрыторыі. Магчыма, падшуквае зацішак для новага гнязда. #wildpolesia

Калі пасля працы набыў(ла) ласункаў і ляціш дамоў глядзець улюбёны серыял. 😋 Пятніца! 🎉

📷 На фота чорны дрозд, аўтар – Андрэй Віктаравіч.

😋 Пячураўка-трашчолка (пеночка-трещотка) – зусім маленькая птушачка, нашмат драбнейшая за вераб'я, але вельмі любiць паесцi.

За светлавы дзень (17-18 гадзiн) у пік кармлення бацькi прыносяць ежу да гнязда, у якім знаходзіцца 6-7 птушанят, каля 280-400 разоў! 😳
I куды толькi гэта ўсё дзяваецца? 😅

А на відэа Іны Шкурко можна паслухаць, як пячураўка-трашчолка спявае.
❓Прыгожа, праўда?🥰 #птушыныяцікавосткі

😳 Ого! Свіргулі паставілі новы хуткасны рэкорд!

Сачэнне з дапамогай мініятурных геалакатараў паказала, што яны пралятаюць у сярэднім 570 км за дзень падчас міграцыі. 👏🏻 Максімальная зарэгістраваная дыстанцыя ў даследаванні склала больш за 830 км за дзень на працягу дзевяці дзён! 🚀

❓А ты бачыў(ла) сёлета гэтых летуноў? Занось назіранне на карту http://springalive.net/be-by/migrations/addnew.

📷 Фота Мікалая Вараб'я.
Кампанія "Жывая вясна" ажыццяўляецца дзякуючы падтрымцы HeidelbergCement. #жываявясна2021 #птушыныяцікавосткі

🛶 Сапраўдны марафон на каяках зрабілі захавальнікі дзікай прыроды Палесся – яны адправіліся ўлічваць птушак уздоўж берагоў Случы і Прыпяці!

Маршрут у 65 кіламетраў пераадолелі за дзень – уражвае! Але яшчэ больш уражвае дзікая прырода поймаў і самі дзікія рэкі Палесся.💚

Праўда, прыгожай Прыпяці пагражае патэнцыйнае будаванне воднага шляху E40. Раку плануюць ператварыць у канал!
❗️ Ты можаш падпісаць петыцыю супраць гэтага 👉🏻 https://bit.ly/2QwS4KN.

🙋‍♀️ І далучыцца да акцыі "Прыпяць, дай пяць", каб прыцягнуць увагу да праблемы будаўніцтва Е40. Маршруты, па якіх можна сплавіцца, знойдзеш тут: ptushki.org/news/691149.html.
#savepolesia #stop_e40 #wildpolesia