Гэты ролік ўжо быў на канале, але ён сёння вельмі дарэчы, мне здаецца.

Асабліва рэжа сэрца, калі адна і тая ж песня спяваецца на розных мовах....

💔💔💔

🕊️ У Беларусі праваслаўныя вернікі 22 чэрвеня 2024 года адзначаюць Траецкую, або Усяленскую радзіцельскую суботу напярэдадні Тройцы. Менавіта Траецкая субота ў царкве лічыцца адным з галоўных памінальных дзён у годзе.

НАПЯРЭДАДНІ Тройцы прынята маліцца аб супакаенні душ усіх памерлых хрысціян, уключаючы сваіх родных і блізкіх. Вернікі просяць Бога упакоіць душы "ўсіх ад веку спачылых".

У гэты дзень і перад ім прынята наведваць храмы, каб папрысутнічаць на Боскай Літургіі. Пасля яе пачынаецца паніхіда - памінальнае набажэнства. У храме можна падаць запіскі аб спачынку, паставіць свечкі, пакінуць прадукты на памінальным стале. Потым іх раздаюць усім жадаючым для памінання.

Таксама ў Траецкую суботу ездзяць на могілкі. Пасля наведвання храма і могілак можна накрыць дома памінальны стол.

На памінальны стол можна падаць розныя стравы, таму што паста няма. Традыцыйнымі з'яўляюцца такія пачастункі, як бліны, кісель, куцця. Дапускаецца выпіць крыху віна.

У Траецкую радзіцельскую суботу і свята Троіца не прынята займацца цяжкай фізічнай працай.

У памінальны дзень не наведваюць забаўляльныя мерапрыемствы.

Нельга лаяцца і брыдкасловіць ў Траецкую суботу, адмаўляць у дапамозе людзям якія жывуць у нястачы.

Падчас Першай Сусветнай Вайны ў храме Святога Іллі ў Кабыльніку знаходзіўся нямецкі лазарэт, аб чым сведчыць фотаздымак з radzima.org

#СучаснаяБеларусь

Дунін-Марцінкевіч у Валожыне

Вялікі мурал з выявай Вінцэнта Дуніна-Марцінкевіча з’явіўся на будынку Валожынскай раённай бібліятэкі. Выбар асобы невыпадковы - класік беларускай літаратуры жыў і працаваў на валожыншчыне ў фальварку Люцынка.👍

Акрамя таго, у Валожыне з'явіўся мурал у гонар беларускага мастака Фердынанда Рушчыца і прысвечаны яго карціне «Ля касцёла».

Аўтар абодвух графіці — валожынскі майстар Уладзімір Сайко, які займаецца прафесійным манументальным роспісам сцен.🔥

Па 23 чэрвеня працягваецца марафон «Кіламетры без тытуню».

Удзельнікам яго можа быць любы жадаючы: дастаткова ездзіць на веласіпедзе, рабіць прабежкі, гуляць пешшу.

❤️ Мне пашанцавала, таму што з маёй сям'і на вайне ніхто не загінуў. Праўда, дзед быў цяжка паранены і пасля Перамогі яшчэ доўга ляжаў у шпіталі. Дома яго ўжо не чакалі, думалі, што няма жывога. І калі зайшоў у хату, то пазнала адна бабка, ягоная жонка, так ён змяніўся за гэты час.

Гэта ж бабка з малымі дзецьмі зімавала ў зямлянцы, бо вёску спалілі немцы. Як яшчэ людзей не папалілі, далі збегчы ў лес! Хаця пазней іх пагналі да возера на расстрэл, але выратаваў раптоўны наступ Чырвонай арміі. Сярод немцаў пачалася паніка і людзі разбегліся.

Другая бабка ў 14-гадовым узросце, разам з бацькамі і малодшым братам, апынулася ў Германіі, спачатку ў лагеры пад Франкфуртам-на-Майне, а пазней яе ўзяла ў прыслугі нейкая фрау.
Вось так і выжылі... Дзякуй Богу!

👉 Калі вам ёсць што расказаць пра сваіх - пішыце ў бот або ў прыват @zoya_sereda Будзем удзячныя калі вы падзеліцеся сваімі гісторыямі.

#МіфыЛегендыБеларусі

Белапаль - сын легендарнага князя Бая, родапачынальнік старажытных беларускіх плямёнаў.

Паводле легенды, ад іскраў бога грома Пяруна стварыліся першыя людзі і галоўным сярод іх быў князь Бай. Князь быў умелы паляўнічы і мудры кіраўнік, у яго было некалькі жонак і шмат дзяцей, але як і ўсе людзі ён быў смяротны.

Перад сваёй смерцю ён падзяліў свае ўладанні паміж дзецьмі - так з'явіліся розныя плямёны і народы, якія рассяліліся па ўсёй зямлі. І толькі малодшы сын Белаполь быў у гэты час на паляванні з двума сабакамі свайго бацькі Стаўрамі і Гаўрамі.

#МіфыЛегендыБеларусі

Белаполю не дасталася зямлі, але дасталіся ў спадчыну сабакі і наказ. Ён павінен быў пусціць іх па волі і тая адлегласць, якую яны прабягуць, стане для яго і яго сям'і домам. Белапаль злавіў дзвюх птушак - адну з паўднёвага мора, а другую з заходняга - і выпусціў, а сабакі пабеглі за імі. Па слядах гэтых сабак пацяклі дзве ракі - Дзвіна і Дняпро. У міжрэччы і пасяліўся Белапаль, заснаваўшы першыя старажытныя плямёны сучасных беларусаў: крывічоў, дрыгавічоў і радзімічаў. А сабакі дабеглі аж да Залатой гары і Сусветнага дрэва, дзе сталі ахоўваць вароты ў царства мёртвых, а кіруе ім першы памерлы на зямлі чалавек - князь Бай.

Ранішняй песні сёння не было, дык няхай будзе вячэрняя ....

Настальгіі па дзяцінству вам. Добрай ночы, беларусікі!

Мой дзед звальняў Прагу. Быў паранены пры фарсаванні Валтавы. Маляваў і дужа чытаў. Быкава