Дар Памор'я

Адной з самых папулярных тэматык у нумізматыцы з'яўляецца тэматыка караблёў. Таму, з 2008 па 2011 год, Нацыянальны Банк Беларусі ўвёў у зварот серыю "Ветразныя караблі", якая складаецца з 6 манет.

Другой у серыі стала манета прысвечаная трохмачтаваму польскаму караблю "Дар Памор'я", тыраж якой дасягае да 25.000 срэбных і 5.000 медна-нікелевых манет.

На сённяшні дзень кошт гэтай манеты дасягае 250 рублёў за срэбную і да 70 за медна-нікелевую. Поўны камплект манет гэтай серыі абыдзецца ў ~1500 рублёў.

#Беларусь #нумiзматыка
VKN

Старыя Дарогі, са Святам! 500 год!
#дразды #беларусь

У Беларусі з'явілася яшчэ адна турыстычная жамчужына-Палацава-паркавы комплекс "Вялікі Свяцк Валовічаў"

Рэканструяваны палац, які некалі належаў магнацкаму роду Валовічаў-гэта новы турыстычны аб'ект, які, падобна, стане ў адзін шэраг з такімі інфраструктурнымі комплексамі, як Нясвіжскі і Мірскі замкі. Комплекс ужо называюць яркім турыстычным брэндам Гродзеншчыны.
Свяцк - невялікая вёска каля Гродна, размешчаная ў 8 км ад Аўгустоўскага канала. Тут захаваўся прыгожы помнік архітэктуры канца XVIII стагоддзя - палацава-паркавы ансамбль, пабудаваны па замове прадстаўнікоў роду Валовiчаў - шляхецкiх магнатаў Вялікага Княства Літоўскага.
Пачаткам будаўніцтва Палацава-паркавага комплексу лічыцца 1779 год, калі па ініцыятыве Гродзенскага маршалка Юзафа Валовіча, ідэйнага натхняльніка праекта, да яго ўвасаблення ў жыццё прыступіў вядомы, таленавіты і вельмі папулярны ў той час італьянскі архітэктар Джузэпэ Сака. Менавіта дзякуючы яго лёгкай руцэ палац і паўстаў перад людзьмі ва ўсёй яго пышнасці, злучыўшы ў сабе найбольш характэрныя рысы адразу трох стыляў: барока, класіцызму, а ва ўнутраным строі – рамантызму. Пасля смерці ў 1779 годзе Юзафа Валовіча справу бацькі па ўзвядзенні Палацава-паркавага комплексу працягнуў яго сын Антоній. Да працы былі прыцягнутыя лепшыя-вядомыя мастакі Смуглевіч і Манькоўскі, італьянскі жывапісец Тамбары. Цэлая каманда талентаў працавала над стварэннем гэтай жамчужыны для таго, каб яна стала не проста рэзідэнцыяй выхаднога дня, а сапраўдным радавым маёнткам, радавым гняздом вядомага беларускага роду Валовічаў.
Лёс палацава-паркавага ансамбля – не просты. У канцы XIХ стагоддзя магнат Валовіч прайграў радавы маёнтак у більярд. Пазней яно за даўгі перайшло да дзяржавы. У 30-я гады ХХ стагоддзя палац часткова рэканструявалі і прыстасавалі пад медыцынскую клініку. З ўнутранага ўбрання палаца да нашых дзён захаваліся каміны, абрамленне дзвярэй і часткова лепка.

#размовынапрызбе #история #Беларусь #Наследие

Пайшла, ніколі ўжо не вернешся, Алеся.
Бывай, смуглявая, каханая, бывай.
Стаю на ростанях былых, а з паднябесся
Самотным жаўранкам звініць і плача май.
А. Куляшоў

6 лютага споўнілася 111 год з дня нараджэння народнага паэта Беларусі Аркадзя Куляшова.
Аркадзя Куляшова называюць беларускім паэтам-вундэркіндам. І небеспадстаўна — свае першыя вершаваныя спробы ён робіць у чатырохгадовым узросце.
Тады ж пачаў збіраць першыя творы ў імправізаваныя зборнікі — усяго ў юнага паэта назбіралася вершаў на два сшыткі, якія ён аб’яднаў пад назвай "Собрание сочинений Кулешова-Несчастного".
Аркадзь Куляшоў — адзін з тых, хто вывеў беларускую паэзію, а, разам з тым, і ўсю літаратуру на міжнародны ўзровень – яшчэ пры жыцці паэта на беларускай, рускай і замежных мовах было выдадзена 93 яго кнігі.

Аркадзь Куляшоў нарадзіўся на ўсходняй ускраіне Беларусі – у мястэчку Саматэвічы
Сам ён часцей за ўсё называў яе Саматэевічамі.
Першая кніга вершаў Аркадзя Куляшова выйшла, калі яму споўнілася 16 гадоў, а ўжо ў 20 год малады паэт стаў сябрам Саюза пісьменнікаў. Гэта і праўда фантастычны ўзлёт для вясковага хлапчука.

Свае творы Аркадзь Куляшоў абдумваў звычайна лежачы. Гэтую яго творчую манеру добра ведалі родныя і стараліся не перашкаджаць: рабочы кабінет паэта ў такія моманты заўсёды быў зачынены, а ў іншых пакоях панавала цішыня. Першыя вершы Аркадзь Куляшоў пісаў па-руску, так як родная веска да 1924-га была ў складзе Расіі. Бацькі паэта былі вясковымі настаўнікамі. У іх доме было шмат літаратуры, найперш расійскіх паэтаў.

Аркадзь Куляшоў меў iтальянскiя каранi. Яго прадзед па бацькавай лiнii, Фелiкс Мiльта, быў сынам арганiста-iтальянца, якога пан Галынскi прывёз з Польшчы ва ўнiяцкую царкву вёскi Стараселле, што на Магiлёўшчыне. Паэт быў вялікім аматарам шахмат, у 1946 годдзе ўвайшоў у кіраўніцтва шахматна-шашачнай секцыі пры спорткамітэце БССР.

Пры жыцці паэт не афішаваў паходжанне сваёй маці Кацярыны.
У дзявоцтве яна была Ратабыльская. Яна паходзіла са здрабнелага шляхецкага роду. У 1924-м. годзе ягоная маці трапіла ў турму. Бацька не падтрымаў маці, падаў на развод і пераехаў з дзецьмі ў іншы дом. Хлопчык не змірыўся з гэтым і вярнуўся ў стары дом. Там і жыў, пакуль вучыўся ў школе-сямігодцы. У хату пусціў жыць іншых вучняў, так утварылася імправізаваная дзіцячая камуна. Пра яе паэт напіша ў аўтабіяграфічнай паэме "Далёка да акіяна", у раздзеле "Восем і адна". Восем хлапчукоў і адна дзяўчынка. Старэйшая за Куляшова на два гады Аляксандра Карыткіна, ягонае першае каханне. У 1928-м у часопісе "Полымя" выйшаў ягоны верш "Бывай…", які амаль праз паўстагоддзя ляжа ў аснову песні Ігара Лучанка "Алеся".
Так, тая самая "Алеся", якая ў 1970-я ў выканні "Песняроў" стане хітом у СССР.

У апошнія гады жыцця Куляшоў пісаў пра Каліноўскага.
Легендарнаму паўстанцу ён прысвяціў паэму "Хамуціус". Такім было адно з канспіратыўных прозвішчаў Каліноўскага. Над паэмай паэт працаваў у Нясвіжы. Там у Нясвіжы, ў ноч з 3 на 4 лютага, за два дні да свайго 65-годдзя, Аркадзь Куляшоў памёр.
#размовынапрызбе #Беларусь #интересныеистории

Алена Бархаткова🎨

Нарадзілася ў Слуцку. Скончыла Мінскае мастацкае вучылішча. Член Саюза Мастакоў Беларусі. Карціны мастачкі ўпрыгожваюць фонд Міністэрства культуры РБ і Беларускага Саюза Мастакоў, Магілёўскі музей імя П. Масленікава, Музей ім. Бялыніцкага-Бірулі і інш., прыватныя калекцыі Беларусі, Германіі, Францыі, Бельгіі, Італіі, Іспаніі, Ізраіля, Арменіі, Польшчы, Галандыі, Канады і ЗША.

Піша карціны, якія аб'ядноўваюць у сабе два жанры: гэта і вясковы пейзаж, і нацюрморт. Амаль заўсёды вельмі маляўнічыя, яркія краявіды роднай беларускай прыроды. Упадабанай тэмай мастачкі з'яўляюцца нацюрморты з вазамі, якія абавязкова упрыгожваюцца фонам з жывых дрэў і прамянямі сонца.

Усе гэтыя маляўнічыя куткі - тое, што акружае мастачку ў жыцці, яе сад, любімыя кветнікі. Жыве і працуе ў вёсцы Харужы Мінскай вобласці.

#жывапіс #Бархаткова #пейзаж #нацюрморт #Беларусь

Вікторыя Ільіна🎨

Нарадзілася ў Гродне. Скончыла Мінскае мастацкае вучылішча імя Глебава, Беларускую Акадэмію мастацтваў (аддзяленне станковага жывапісу). Жыве і працуе ў Гродне. Выкладае ў дзіцячай мастацкай школе. Работы знаходзяцца ў калекцыі Музея сучаснага мастацтва (Мінск), Гродзенскім гісторыка-археалагічным музеі, музеі М. Багдановіча (Гродна), у прыватных калекцыях і галерэях.

Тэхнічнае абсталяванне мастачкі разнастайнае. Яе работы выкананы і ў змяшанай тэхніцы, і алеем, і акрылам, і акварэллю. На палотнах і на паперы.

Карціны не з'яўляюцца поўным адлюстраваннем рэальнасці, у тым ліку і па прычыне таго, што мастачка аддае перавагу працы ў майстэрні, а не на пленэры. Рэальнасць (уражанне або старая фатаграфія) дапаўняецца фантазіяй.

#жывапіс #Ільіна #пейзаж #Гродна #Беларусь

Натан Воранаў🎨

Нарадзіўся ў сям'і мастака з Магілёва. Вучыўся ў Віцебскім мастацкім тэхнікуме ў Ахрэмчыка і Фогта. Франтавік. Доўгі час быў дацэнтам інстытута мастацтваў у Менску. Працаваў у галіне гістарычнай карціны, лірычнага і індустрыяльнага пейзажа, партрэта, нацюрморта.

#жывапіс #Воранаў #Беларусь