22 лістапада 1801 года нарадзіўся Уладзімір Іванавіч Даль, рускі пісьменнік, этнограф і лексікограф, ваенны ўрач. Член-карэспандэнт Пецярбургскай акадэміі навук па фізіка-матэматычным аддзяленні, ганаровы член Акадэміі па Аддзяленні прыродазнаўчых навук.
Адзін з дванаццаці членаў-заснавальнікаў Рускага геаграфічнага таварыства.

Найбольшую славу яму прынёс непераўзыдзены па аб’ёме «Толковый словарь живого великорусского языка», на складанне якога спатрэбілася 53 гады.

😁 Дзякуючы гэтаму слоўніку мы з вамі ведаем, што руская мова не з'яўляецца дыялектам беларускай, а існуе як асобная самастойная мова рускага народа.

#КухняБеларусі

Зуцы з лясных грыбоў

Зуцы – гэта катлеты з лясных грыбоў.

З прадуктаў спатрэбяцца: грыбы лясныя (баравікі, махавікі, падбярозавікі), цыбуля, сала салёнае, яйка курынае, паніровачныя сухары, чабор сухі, перац чорны молаты, соль і алей – для смажання.

Лясныя грыбы могуць быць як свежыя, так І замарожаныя.

Грыбы адварыць 10-15 хвілін у падсоленай вадзе. Адкінуць на друшляк. Невялікі кавалачак салёнага сала парэзаць як мага драбней, цыбулю нацерці на тарцы. Грыбы, пасля таго як з іх сцякла вада, змяльчыць у блендары (або праз мясарубку). Змяшаць цыбулю, сала, грыбы і яйка ў місцы. Пасаліць, папярчыць, пацерушыць у фарш дробку чабора.
Старанна ўсё перамяшаць.

Каб грыбны фарш стаў больш густы, можна дадаць 2-3 сталовыя лыжкі паніровачных сухароў.
Сфармаваць катлеты з грыбнога фаршу і абкачаць кожную ў паніровачных сухарах з усіх бакоў.

Выкласці катлеты на патэльню. Смажыць зуцы на ўмераным агні да румянай коркі з двух бакоў.

Зуцы смачныя як у гарачым, так і ў халодным выглядзе.

#Падарожжа
#Архітэктура

Самыя старажытныя храмы

Касцёл Святога Казіміра ва Ўселюбе

Гэты касцёл, хутчэй за ўсё, з'явіўся ў мястэчку Уселюб, што пад Навагрудкам, у першай палове XV стагоддзя.

Пабудаваны ў гатычным стылі і ахрышчаны ў гонар Яна Хрысціцеля, касцёл лічыцца адным з самых ранніх каталіцкіх храмаў на тэрыторыі Беларусі.

Заклаў яго альбо Ян Няміра, альбо яго сын-князь Андрэй Уселюбскі.

У архітэктуры касцёла адбіліся ўсе наступныя эпохі і напластаванні: мінімалізм і практычнасць Рэфармацыі, пышнасць і размах барока, веліч готыкі.

У цяперашні час касцёл дзейнічае-асвечаны ў гонар Святога Казіміра.

🔥 Чыста беларускі падыход! Калі звер, то зубр, калі аўтамабіль, то Белаз, калі кот, то леў!)))

.

#МоваНашаРодная

🔥 Русский язык па-беларуску!

Ціскайце падабайку, у каго прыкладна такая ж гаворка! 😁

Крыніца відэа ў тыкток

🔥"У нас самабытная беларуская гісторыя. У нас самабытная беларуская мова..."

Ігар Аляксандравіч Марзалюк у перадачы "Скажи не молчи"

Поўнае відэа тут

#МоваНашаРодная

☀️☁️ Беларускіх слоўцаў вам па тэме надвор'я.

Папаўняйце свой уласны слоўнік і дзяліцеся з іншымі

⭐️ Вечарына да дня народзінаў Уладзіміра Караткевіча

26 лістапада (аўторак) у Дзень народзінаў Уладзіміра Караткевіча Літаратурны музей Максіма Багдановіча запрашае на музычна-паэтычную праграму “Нельга забыць, альбо Леаніды не вернуцца да зямлі…” у выкананні Міхала Бараноўскага.

❗️Пачатак а 19-й гадзіне.

❗️❗️Уваходны квіток 10 рублёў.

👉Вул. М.Багдановіча, 7а

🤪 Калі шмат дарадцаў ды загадчыкаў, то ладу няма.

#прымаўкі

#ДумкіЎслых

Якое шчасце, што навуку і адукацыю ў нас Ігар Аляксандравіч курыруе, а не Вадзім Францавіч з рацыяналізатарам Дзюкавым 🤦🏻‍♀️
Наўрад ці прыйшлося б нам тады разважаць пра ўласную дзяржаўнасць наогул.

Зоя С

https://yangx.top/Gigin_Vadim/2791

«Я хачу, каб мы былі ў добрых стасунках і з палякамі, і з расіянамі. Але жылі ў сваёй кватэры».

Прэзідэнт пра будучыню Беларусі 🇧🇾

Часам так хочацца, каб цябе нехта проста абняў і сказаў: "Я ведаю, табе цяжка, але ўсё будзе добра! Вось табе шакаладка і восем мільёнаў даляраў!"

🎨  Малюнак Natalia Shaloshvili

#НамПішуць

Малюнак вышэй натхніў нашага падпісчыка і ён даслаў работы сваёй дачкі

"Зайцы"
Аўтар работ: Ліліана, 4г., пластылін.

#ДумкіЎслых

Хрэн табе, Міша, у вочы і патніцу на дупу!

Беларусы, украінцы і рускія - гэта часткі Усходне-Еўрапейскай цывілізацыі.

З усімі астатнімі выдуманымі цывілізацыямі, трыадзінствам і іншай хераценню можаце ісці лесам!

Зоя С.

#МіфыЛегендыБеларусі

Халера

Самая страшная халера была ў трыццатым годзе. Рады не маглі ёй даць. Што ні рабілі людзі, як ні сцерагліся, а яна рэжа ўсіх, быццам нажом.

Спачатку пайшлі чуткі, што дзесьці ў мястэчку халера скруціла мешчаніна і мяшчанку. Суседзі, каб уратавацца, запхнулі іх у глыбокую яму і закапалі жыўцом, а ўсе іхнія хатнія транты пакідалі ў рэчку. Вада разам з дабром вынесла за мястэчка і халеру.

Паплыла яна ўніз па рацэ і давай касіць людзей па прыбрэжных вёсках. Усіх касіла, нікога не мінала. Ідзе чалавек у поле здаровы, быццам рэпа, а халера перапыніць яго ды як шасне! Пакачаецца, пакачаецца небарака — і дух з яго вон.

Але дзякаваць Богу аднаго дня наскочыла гадаўка на жаўнера-маскаля.
— Прылёг я на сенажаці адпачыць, — расказваў жаўнер потым людзям, — і, мабыць-такі, задрамаў. Праз гадзіну-другую прахапіўся, прадзёр вочы, гляджу, а каля мяне схілілася высокая, худая, як жэрдка, кабеціна, апранутая ва ўсё чорнае. Твар сіні, быццам курыны пуп. Вядома, спалохаўся я, аж мову адняло. Адразу здагадаўся, што за цётачка каля мяне спынілася. Потым думаю сам сабе: ці пан, ці прапаў! Падхапіў гадаўку на рукі — і папёр да ракі. Прывалок на высокі бераг рачны, а ўнізе глыбіня бездонная, чорны вір круціць.

Бачыць чорная паненка, што я не жартую, давай прасіцца ды маліцца:
— Адпусці мяне! Не губі! Больш я ніводнай душы не зачаплю!..
Хацелася мне боўтнуць яе, каб ажно бурбалкі пайшлі. А тады разважыў сам з сабою: «Якая будзе карысць, калі яе загублю? А як замест яе новае ліха зробіцца? Лепш адпушчу — не забудзе маёй навукі…»

— Добра, адпушчу цябе, — кажу ёй, — але пабажыся, што ніколі сюды не прыдзеш і не будзеш губіць людзей.
Прысягнула паганка, нават укленчыла, за зямлю схапілася, абяцаючы не паказвацца на белы свет. Адпусціў гадаўку, гляджу, куды яе панясе. А яна — проста на сухі лес, ажно трэск пайшоў. Толькі яе і бачыў.

3 таго часу халера знікла, забылася дарогу ў нашы ваколіцы.

Добрага суботняга дня вам, беларусы!

#КухняБеларусі

Поліўка беларуская

50 г жытняга хлеба
25 г сушаных грыбоў
1 морква
1 цыбуліна
1 ст. лыжка тлушчу
1 ч. лыжка тамату-пюрэ 1,2 л мяснога булёну
0,5 шклянкі смятаны, соль.

Загадзя замочаныя грыбы адварыць, булён працадзіць праз складзеную ўдвая тканіну, грыбы нашынкаваць.

Жытні хлеб нарэзаць лустачкамі, падсушыць у духоўцы, змяльчыць, заліць невялікай колькасцю гарачага булёну, накрыць, пачакаць, пакуль астыне. Пасля гэтага хлебную масу працерці праз сіта, змяшаць з рэштай мяснога булёну, уліць грыбны адвар.

Абсмажыць на тлушчы дробна парэзаныя моркву і цыбулю разам з таматам-пюрэ, пакласці ў булён, які кіпіць.

Дадаць падрыхтаваныя грыбы, соль, варыць 7-10 хвілін.

Падаць поліўку са смятанай.

#Падарожжа
#Архітэктура

Траецкі касцёл у Ішкальдзі

Траецкі касцёл у мястэчку Ішкальдзь недалёка ад Баранавічаў знешне захаваў аблічча, якое яму надалі архітэктары XV стагоддзя.

Масіўны храм з умацаванымі сценамі быў закладзены ўладальнікам тутэйшых месцаў Мікалаем Неміровічам.

Ёсць верагоднасць, што на месцы касцёла некалі існавала паганскае капішча, а меркавана ў XII стагоддзі тут пабудавалі першы хрысціянскі храм.
Яго падмуркі затым паслужылі падставай для ўзвядзення новай святыні.

Пабудаваны як каталіцкі Касцёл, храм у Ішкальдзі служыў і кальвінісцкім зборам, і праваслаўнай царквой. Частыя змены канфесій, аднак, не адбіліся на яго архітэктуры.

Сёння Траецкі касцёл у Ішкальдзі, будучы каталіцкай святыняй, адпавядае свайму першапачатковаму статусу і як помнік архітэктуры, уключаны ў многія экскурсійныя маршруты, адкрыты для турыстаў рознага веравызнання.