#НамПішуць

Выказванне падпісчыка:

У савецкі час да падпісантаў ужо выехаў бы спецаўтмабіль з Навінак з моцнымі санітарамі. А зараз не ведаю.

"Шыш" — лясная пачвара. 🌲

Але пачвара, у адносінах да яго, гучыць занадта жорстка. Гэта звычайная лясная істота, якая ўжо шмат пабачыла за сваё жыццё і ўсё, што яна робіць — ходзіць там-сям па лесе. З-за ўзросту гэта рабіць цяжкавата, таму яму ў гэтым дапамагае Магічны посах, які пераносіць яго туды, куды ён падумае👀 Але думкі ў Шыша ўжо блытаюцца і таму бывае так, што ён выпадкова задае не тыя каардынаты і падае вам на галаву, калі вы шпацыруеце з сабакам і дзедам па лесе. Не трымайце крыўды на Шыша, бо ён не спецыяльна!

Варта адзначыць, што рогі Шыш звычайна хавае, каб не зламаць🤕 А дастае іх па святам. На Вялікдзень або Арэхавы спас, напрыклад🌰

Шыш — істота добрая🙂

Добрага дня ўсім жадаем!

Нашы "Дразды"

#КухняБеларусі

Рыба ў таматным марынадзе

800 г рыбы (любой),
2 ст. лыжкі мукі,
2 цыбуліны,
2 морквы,
2 ст. лыжкі тамату-пюрэ, 0,5 шклянкі алею,
соль, перац, лаўровы ліст.

Ачышчаную і прамытую рыбу нарэзаць кавалкамі, пасыпаць соллю, перцам, укачаць у муку, абсмажыць на алеі з абодвух бакоў.

Цыбулю дробна нарэзаць, моркву змяльчыць на буйной тарцы, разам абсмажыць на алеі, дадаць тамат-пюрэ, соль, перац, лаўровы ліст, уліць трошкі вады і тушыць 5-6 хвілін.
Пакласці ў марынад кавалкі смажанай рыбы і добра прагрэць.

Рыбу ў таматным марынадзе можна падаць як у гарачым, так і ў халодным выглядзе.

#ДумкіЎслых

Прабачце мяне, але хіба тое, што вы пішаце, не рускі нацыяналізм?
Прыкладна тое ж я чытаю на канале Тутэйшага і Мірсалімавай: "Беларусы - частка рускіх"

Ваша права, таварыш Аляксей, адчуваць сябе кім заўгодна, а асабіста я не лічу, што беларусы - частка некага. Для мяне беларусы - паўнавартасны народ, народ са сваёй гісторыяй, культурай, традыцыямі, мовай і са сваім характарам.
Народ, які на сённяшні дзень мае сваю суверэнную дзяржаву і права выбара саюзнікаў.

Не, рэальна, гэтыя нацыяналісты - зло!

Зоя С

https://yangx.top/kab_skvirchala/36917

#ДумкіЎслых

А можа гэта не выпадковасць і так задумана? 🤔
Проста прачытаўшы апошні пост Аляксея Дзерманта розныя думкі лезуць у галаву ....

Зоя С

#ДумкіЎслых

Дадам яшчэ, што даўно хацела....
Не разумею, чаму, на думку асобных філосафаў і палітолаг, калі Расія наш саюзнік, то нам трэба змяняць сваю самаідэнтычнасць?
Сёння саюзнік Расія і мы павінны адчуваць сябе рускімі. А калі праз колькі гадоў саюзнікам стане Кітай ці Польшча, нам што, сябе часткай кітайскай цывілізацыі скажуць быць ці Каралеўства польскага?

Не, ну рэальна! Я не супраць Саюзнай дзяржавы, не супраць саюза з Расіяй, больш таго, народы Расіі гістарычна нам блізкія і родныя. Але ж навошта вось гэта катавасія з нейкай рускасцю?
Тым больш, а што гэта нам дае? З рускімі мы блізкія. А астатнія народы куды? Я за саюзныя адносіны з усёй Расіяй, а не толькі рускімі!
І адчуваю я сябе толькі беларускай, без ніякіх частак!

Зоя С

#ПобытБеларусі

Каб было....

З праекта "Нататнік"
У тыкток @natatnik