#МіфыЛегендыБеларусі

“Часам, людзі якія не бачылі і не вераць у нячысцікаў пытаюць мяне: "Ян, а ці не звар’яцеў ты? Дзе ж яны, нячысцікі? Пакажы!"
Я заўжды такім адказваю, што і яны іх таксама бачылі і добра ведаюць. Вось узяць звычайнага камара - гэта той яшчэ нячысцік, і кроў п'е, і чалавеку з жывёлай зло робіць.

Паводле старой беларускай легенды, калі Бог стварыў пчол, то Чорт яму пазайздросціў і вырашыў зрабіць сваіх. Плюнуў ён у дупло, а адтуль на яго шэршні ды восы паляцелі. Чорт пачаў іх секчы кіпцюрамі, а тыя на камароў, мошак і іншы гнюс распаліся. Так гэтыя чортавы крывапіўцы і дагэтуль у людзей кроў п'юць…”

З нататкаў нячысціказнаўца Яна Клікста Лашкевіча

#КазкіДзецям

Хто больш з'есць

Шведская народная казка

Пераклад Віктара Гардзея

🔥 Сённяшнюю раніцу нам дапамог пачаць наш падпісчык:

✔️ "Адна з найвядомейшых беларускіх фолк песняў "Што й па мору" ў выкананні гурта VOENA.

VOENA - унікальны акапэльны дзіцячы калектыў у раёне заліва Сан-Францыска. Іх місія - аб'яднаць свет і пашырыць магчымасці будучых лідэраў праз музыку.

Яны 5 разоў спявалі ў Белым доме для прэзідэнтаў Клінтана і Буша, спявалі для Папы ў Ватыкане, прадстаўлялі ЗША на Сусветнай выставе ў Японіі, фестывалі ў Саўэта ў Паўднёвай Афрыцы, а таксама на Алімпійскіх гульнях у Лондане ў 2012 годзе.

Відэа выйшла 8 гадоў таму але гэта ўсё роўна выдатны прыклад пашырэння беларушчыны на Захадзе"

👉 Калі ў вас ёсць што расказаць пра Беларусь, беларускі свет, калі раптам знаходзіце якія цікавыя матэрыялы - дзяліцеся з чытачамі канала праз бот або пішыце ў прыват адміну @zoya_serada

https://youtu.be/-wU0BSJNC1Y

#КухняБеларусі
#СтарадаўняяКухня

ГАРЧЫЧНЫ ХАЛОДНЫ СОУС

Некалькі лыжак сухой гарчыцы заліць халоднай вадой, паставіць на агонь, памешваючы, закіпяціць і аставіць студзіць.

Расцерці некалькі ўкрутую звараных жаўткоў, дадаць пару лыжак цукру, дзве
лыжкі алею і змяшаць усё гэта з гарчыцай.

Пасля развесці воцатам і
перацерці на сіта.

Гарчычны соус павінен быць густым.

Можна ў соус укінуць трохі кропу.

Падпісвайся на нас @verashchaka_by

🌞 Спякота ў Беларусі трымаецца з аўторка, і на выхадныя прагноз не мяняецца

У сувязі з гэтым Мінлясгас увёў абмежаванні на наведванне лясоў па ўсёй Беларусі.

Сядзіце дома або шпацыруцце на пляж!
І беражыце сябе!

#ГісторыяБеларусі
#ЛюдзіБеларусі


28 чэрвеня 1931 года адбылося ўрачыстае адкрыццё кургана Адама Міцкевіча ў Навагрудку.

Насыпаны курган па ініцыятыве Міцкевічаўскага камітэта на пляцы, які быў выкуплены за 6 тысяч злотых, што былі сабраны добраахвотнымі ахвяраваннямі.

Пагорак атрымаў назву Курган Бессмяротнасці пісьменніка.
Ён быў закладзены 27 мая 1924 года. Пастанову пра гэта, напісаную на пергаменце, змясцілі ў алавяную скрыначку і забетанiравалi ля падножжа будучага помніка. Першую жменю зямлі на месца будучага кургана кінуў кіраўнік Мiцкевiчскага камітэта прафесар Станіслаў Вайцяхоўскі, а затым - жыхары Навагрудчыны, Літвы і Польшчы. Так пачаў расці пагорак ў Навагрудку.

На працягу 7 гадоў сюды прыязджалі землякі А.Міцкевіча, а таксама простыя прыхільнікі яго таленту, каб прывезці на Навагрудчыну трохі зямлі са сваёй радзімы. Хто не мог прыехаць, дасылаў яе поштай: «Навагрудак. Зямля для ўвекавечання памяці Адама Міцкевіча». Курган рос і рос.

Чэрвень 1830 года быў абвешчаны «Днямі Мiцкевiча». Улады абвясцілі аб хуткім завяршэнні будаўніцтва. Гэтае рашэнне выклікала наплыў турыстаў у Навагрудак - кожны хацеў паспець прыняць удзел ва ўзвядзенні кургана. Некаторыя сем”і да гэтага часу захоўваюць памятны значок аб гэтай падзеі, які ўручаўся кожнаму ўдзельніку. 28 чэрвеня 1931 пасля службы ў Фарным касцёле, дзе хрысцілі А.Міцкевіча, помнік быў урачыста перададзены гораду.
З той пары стала традыцыяй праводзіць у Наваградку штогадовыя святы песні і танца, прысвечаныя А. Міцкевічу. Сярод мясцовых жыхароў жыве паданне: менавіта ў гэтыя дні душа паэта пакідае кракаўскі Вавель і накіроўваецца ў Навагрудак, каб з кургана любавацца роднымі прасторамі.

У 1998 годзе стэла з надпісам-прысвячэннем, што ўстаноўлена ля падножжа кургана, была заменена на валун.

Падпісвайся на нас @verashchaka_by

#Літаратура

Перакладаю шэпт дажджу,
пагляд вачэй,
трымценне гаю...
Кранаю,
слухаю,
гляджу,
я не пішу - перакладаю.

Алесь Разанаў

Расклад прыпынку "Бальніца" цяпер па-беларуску! Усім дзякуй, хто спрычыніўся да напісання зваротаў.

🔥 Хоць невялікая, але перамога беларускай мовы!

🔥 Расіянін адгадаў палову беларускіх слоў.

А беларусы як, усе словы змаглі адразу перакласці?

У тыкток @vladmaddyson