#ГісторыяБеларусі
#Год1917
#СтварэннеБеларускайДзяржаўнасці

Белнацкам і яго роля ў стварэнні ССРБ
(Пачатак тут)

Разлік бальшавікоў на тое, што польская нацыянальная буржуазія не зможа пратрымацца пасля адыходу нямецкіх акупацыйных войскаў, не апраўдаўся. Сталі вядомыя прэтэнзіі польскага боку на частку этнічна беларускіх зямель.
Было вырашана стварыць уздоўж заходняй мяжы Расіі своеасаблівы "санітарны кардон" з ліку прыбалтыйскіх рэспублік, Украінскай рэспублікі, а таксама Беларускай савецкай рэспублікі.

Далей падзеі разгортваліся даволі імкліва.
25 снежня, спасылаючыся на рашэнне ЦК, І.Сталін па асабістым указанні Леніна меў размову па тэлефоне з А.Мясніковым па беларускім пытанні.

У той жа дзень І.Сталін выклікаў да сябе адказных супрацоўнікаў Белнацкама і беларускіх секцый РКП(б) і ў ходзе нарады з імі прапанаваў скласці спіс кандыдатаў на замяшчэнне пасад у Часовым рабоча-сянскім урадзе Беларусі.

Праз два дні, 27 снежня 1918 года, на нарадзе работнікаў Цэнтральнага бюро беларускіх секцый РКП(б) і прадстаўніка Паўночна-Заходняга абкама РКП(б) такія прапановы былі выпрацаваны.
А.Чарвякову было даручана падрыхтаваць праект Маніфеста Часовага рэвалюцыйнага рабоча-сялянскага ўрада.

У той жа дзень, 27 снежня, І.Сталін правёў нараду ў Маскве з кіраўнікамі паўночна-заходняга абкама РКП(б) і Аблвыканкамзаха А.Мясніковым і М.Калмановічам, на якой была акрэслена тэрыторыя Беларускай рэспублікі з пяці губерняў: Гродзенскай, Мінскай, Магілёўскай, Віцебскай і Смаленскай, а таксама вызначаны склад новага ўрада (старшыня і 15 членаў) і паўнамоцтвы рэспублікі.

30 снежня 1918 года ў Смаленску пачала працу VI Паўночна-Заходняя абласная канферэнцыя РКП(б). У даклад старшыні Паўночна-Заходняга абкама РКП(б) А.Мясніковіча па пытанні "Бягучы момант" быў уключаны пункт "Беларуская Савецкая Рэспубліка".
Ён змяшчаў прапанову "абвясціць Заходнюю Камуну самастойнай Савецкай Сацыялістычнай Беларускай Рэспублікай".
Дэлегаты пагадзіліся з такой прапановай і без абмеркавання амаль аднагалосна прынялі яе.

У пастанове аб тэрыторыі рэспублікі асноўным яе ядром лічылася Мінская, Смаленская, Магілёўская, Віцебская і Гродзенская губерні з прылеглымі да іх мясцовасцямі суседніх губерняў, населеных пераважна беларусамі.

У якасці аргумента вылучаўся міжнародны фактар: "замкнуць ланцуг самавызначыўшыхся утварэнняў".

Канферэнцыя аб'явіла сябе І з'ездам Камуністычнай партыі (бальшавікоў) Беларусі - КП(б)Б.

1 студзеня 1919 года быў абнародаваны Маніфест Часовага рабоча-сялянскага ўрада Беларусі, які быў напісаны З.Жылуновічам

5 студзеня 1919 года Часовы ўрад ССРБ пераехаў у Мінск.

Для канчатковага завяршэння працэсу дзяржаўнага будаўніцтва было вырашана склікаць Усебеларускі з'езд Саветаў.

Абвяшчэнне савецкай беларускай дзяржаўнасці мела выключнае значэнне.
З'явілася жыццяздольная аснова пабудовы нацыянальнай дзяржавы.

#ДумкіЎслых

Цэлыя суткі па тэлевізары ні адной беларускай песні. Адкрыла тыкток, а там у мяне беларускі свет у ленце! Душа адпачывае і сэрца радуецца.

Мне ўдалося зрабіць так, што ў ленце тыктока з большага паказваецца беларускамоўны кантэнт. І так файна! Апошнім часам палюбіла гэту пляцоўку менавіта з гэтай прычыны!

А што ў вас у ленце? Ёсць беларускае?

Крыніца відэа ў тыкток

#СучаснаяБеларусь

З 1 студзеня 2025 года Беларусь афіцыйна стала партнёрам БРІКС.

Да арганізацыі далучаюцца таксама Балівія, Інданезія, Казахстан, Куба, Малайзія, Тайланд, Уганда, Узбекістан.

🤔 Дарэчы, хто ведае, па-беларуску БРІКС так і будзе, ці неяк інакш?

#МоваНашаРодная

Як прывучыць сацыяльныя сеткі паказваць вам беларускамоўны кантэнт?

Проста на працягу пары тыдняў або месяца стаўце ❤️ кантэнту на беларускай мове і пакідайце пад ім каментары. А ўсё астатняе проста праліствайце. Мой тыкток абеларусіўся вельмі хутка. Цяпер там ацоткаў 70 кантэнту на нашай роднай мове.

Ляпніце падабайку, калі я маладзец 😁

Зоя С

Не такая гэта простая справа - хадзіць у госці!
Калі мы ідзём, галоўнае рабіць выгляд, што мы нічога не хочам!

🎨 Малюнак Jodie McCallum

Вітаем, сябры! Ну, як вам жывецца ў новым годзе?

Крыніца відэа ў тыкток

#КухняБеларусі

Бульба-гармонік

Склад:
● бульба,
● лустачкі бекону,
● сыр,
● шампіньёны.

Гатаванне
Бульбу ачысціць, пажадана выбраць не вельмі буйную, выцягнутай формы. Зрабіць надрэзы па ўсёй бульбачцы, не даразаючы да канца. У кожны разрэз уставіць лустачку бекону, можна чаргаваць бекон з сырам ці бекон з дзелькамі шампіньёнаў. Зверху паперчыць, загарнуць у фальгу (можна ў фальгу пакласці яшчэ зубчык часнаку) і адправіць у духоўку, хвілін на 40.

#ПобытБеларусаў
#Падарожжа

Як святкавалі Каляды ў палацы Горватаў у Нароўлі

Крыніца відэа

#Падарожжа

Калона Святога Рафаіла

Гэта калона стаіць на ўзвышшы, на месцы колішняга маёнтка роду Нямцэвічаў паміж вёскамі Скокі і Матыкалы Брэсцкага раёна.

У сярэдзіне 18 стагоддзя гэты слуп ўзвёў Марцэль Нямцэвіч — бацька пісьменніка і гісторка Юльяна Урсына Нямцэвіча (1758 – 1841).

Марцэль ад свайго бацькі Аляксандра атрымаў у спадчыну невялікую сядзібу з драўляным домам, дзе і нарадзіўся Юльян Урсын.
У Марцэля і яго жонкі Ядзвігі з Сухадольскіх было 16 дзяцей і палова з іх памерла ў малым узросце. Марцэль быў вельмі веруючым чалавекам, і каб спыніць смерць дзяцей, ён па аброку ўзвёў калону і наверсе змясціў скульптуру архангела Рафаіла, які лічыцца апекуном усіх жывых істот.

Калона дастаяла да нашага часу, толькі без скульптуры. Але ў народзе захавалася памяць пра яе лекавую моц і нават гэту калону па-мясцоваму называюць Рахвал (Рафаіл).

Згодна з павер’ямі, каб не хварэць, трэба дакрануцца да калоны і крыху пастаяць каля яе.

#ЛюдзіБеларусі

💉 2 снежня 1925 года нарадзіўся Яўген Паўлавіч Дзямідчык, вучоны ў галіне хірургіі і анкалогіі, доктар медыцынскіх навук, прафесар, акадэмік НАН Беларусі, заслужаны ўрач Рэспублікі Беларусь.

Быў галоўным хірургам Мінскага гарздададдзела, загадчыкам кафедры анкалогіі, кіраўніком Рэспубліканскага навукова-практычнага цэнтра пухлін шчытападобнай залозы Міністэрства аховы здароўя Рэспублікі Беларусь.

Аўтар больш за 300 навуковых прац, у т. л. 13 манаграфій і даведнікаў па хірургіі, эндакрыналогіі і гастраэнтэралогіі, 11 патэнтаў на вынаходніцтвы.

Асноўныя працы прысвечаны праблемам у галіне хірургіі і анкалогіі.

За дапамогу пацярпелым ад радыеактыўнага апрамянення, удасканаленне метадаў лячэння і навуковыя дасягненні ўзнагароджаны Міжнароднай мемарыяльнай прэміяй міру імя доктара Нагаі.