Беларускі фальклор 📖

Нядаўна я трошкі больш азнаёміўся з беларускімі казкамі, якія ўразілі мяне сваёй красой. Вядома, я не меў шмат матэрыяла для параўнання з фальклорам іншых краін і ўвогуле раблю дылетантскую працу. Са знаёмага я глядзеў часта на рускія казкі, спрабуючы выявіць, што паміж імі рознае і аднолькавае. 

👁 Першае, што я заўважыў – сэнс і маральныя прынцыпы, якія перадаюцца па-рознаму. Рускія казкі, на мой погляд часта перадаюць важнасць хітрасці. Яскравы прыклад – калабок. Які збег ад усіх. Хоць і ў канцы ён не пазбег смерці, але ў ёй падкрэсліваецца моц хітрасці. Усё такі з дапамогі яе ён пазбег смерці некалькі раз. У беларускіх казках я заўважыў больш акцэнт на прыняцця абставін і змагання з імі. Спробу змагання праўдай, нават калі яна дапаможа менш, чым падман.

🍎 Мяне ўразіла вартасць прыроды ў беларускім фальклору, фаталізм некаторых гісторый і іх сінтэз (напрыклад легенда пра возера Нарач). Моцнасць прыроды і яе святую аўру ў паданнях немагчыма не падкрэсліць. У беларускіх казках і паданнях яна часта займае цэнтральнае месца. Лес, поле, рэкі і азёры — не проста дэкарацыі, а жывыя ўдзельнікі падзей. Напрыклад, Дрымучыя Лясы, Святыя Крыніцы ці Балоты часта апісваюцца як месцы містычнай сілы. У гэтых апавяданнях чалавек ніколі не супрацьстаіць прыродзе, а жыве ў гармоніі з ёй або спрабуе заслужыць яе прыхільнасць. Часта героем беларускага фальклору з’яўляецца селянін. Ён шмат бярэ ад прыроды і не забывае, хто яго корміць. Ён не забывае пра павагу зямлі, жывёл. Тая асаблівасць нашых казак, якую я хачу падкрэсліць. Гэта асвячае прытокі ў беларусаў паганства, якое і зараз засталося, толькі ўжо як культурная частка нас.

🍎Таксама заслугоўвае ўвагі пытанне дабра і зла. На мой погляд, у беларускіх казках не так падкрэсліваецца, што дабро павінна заўсёды перамагаць, як тое, што дабро і зло ў жыцці не дзве крайнасці. Яны змешываюцца, ствараючы шэрую мараль. І гэтая барацьба падкрэсліваецца ў нас больш як барацьба з самім сабою, або з знешнімі фактарамі. На мой погляд нашыя казкі вельмі прыгожа і рэалістычна паказваюць важнае правіла нашага жыцця – свет не пра змаганне з абстаркцыяй, а пра цяжкасць выбару, у якога няма правільнага канца.

🍎 Ўвогуле беларускі фальклор — гэта вялікая частка Беларусі, якая, магчыма мала асвечана намі. Гэта містычная старонка нашай культуры, якая зачароўвае адной толькі формай. А калі пачаць глядзець паміж радкоў...