МУОМАҔА КУОЛАСТААҺЫН САҔАЛАННА
Бэс ыйын 25 күнүгэр Муома оройуонугар 7 быыбардыыр учаастакка олохтоох бириэмэнэн сарсыарда 10 чаастан Төрүт сокуоҥҥа көннөрүүлэри киллэриигэ Бүтүн Арассыыйатааҕы куоластааһын саҕаланна.
Муома оройуонун киинигэр – Хонууга бырааһынньыктыы киэргэммит арочнай саалаҕа куоластааһыны территориятааҕы быыбардыыр хамыыһыйа бэрэссэдээтэлэ Иннокентий Минаев үөрүүлээх быһыыга-майгыга аста, куоластааһын саҕаламмытын биллэрдэ: “Быйылгы куоластааһын, биллэрин курдук, уратылаах. Дойду үрдүнэн коронавирус ыарыыта туран, биир күн кэлэн элбэх киһи алтыспатын туһугар санитарнай-эпидемиологическэй ирдэбиллэргэ олоҕуран тэрилтэлэр үлэһиттэрэ нэдиэлэ устата, от ыйын 1 күнүгэр диэри, анал кыраапыгынан куоластыыллара тэрилиннэ. Куоластааччылар уонна куоластааһыны ыытар хамыыһыйа чилиэннэрэ доруобуйаларыгар куттал суох буолуута хааччылынна”.
Анал кыраапык быһыытынан бары учаастактарга үөрэх тэрилтэлэрин үлэһиттэрэ куоластааһыны саҕалаатылар.
Кырдьык, куоластааһын бары кыттыылаахтара, хамыыһыйа чилиэннэрэ, кэтээн көрөөччүлэр тус харыстанар сириэстибэлэринэн – мааскаларынан, бэрчээккэлэринэн, санитайзердарынан толору хааччыллыбыттар. Куоластыыр сир дезинфекцияламмыт, дьон бэйэ-бэйэлэриттэн икки миэтэрэ тэйиччи тураллара тутуһуллар. Куоластааччы киирэр-тахсар ааннара тус-туһунан буолбут. Хамыыһыйа чилиэннэрэ анал халааты, маасканы, бэрчээккэни кэтэн олороллор. Куоластааччы ыраахтан туран докумуонун көрдөрөр, хамыыһыйа чилиэнэ бэлиэтээн бүлүтүөнү, уруучуканы биэрэр.
Чахчы даҕаны биһиги дойдубут, биһиги Конституциябыт, биһиги быһаарыыбыт диэн санаанан салайтаран кэлбит дьон сүргэлэрэ көтөҕүллэн куоластаатылар, көхтөөхтүк кытыннылар.
#сахапечать #улусмедиа #новости #общероссийскоеголосование #момскийулус
Бэс ыйын 25 күнүгэр Муома оройуонугар 7 быыбардыыр учаастакка олохтоох бириэмэнэн сарсыарда 10 чаастан Төрүт сокуоҥҥа көннөрүүлэри киллэриигэ Бүтүн Арассыыйатааҕы куоластааһын саҕаланна.
Муома оройуонун киинигэр – Хонууга бырааһынньыктыы киэргэммит арочнай саалаҕа куоластааһыны территориятааҕы быыбардыыр хамыыһыйа бэрэссэдээтэлэ Иннокентий Минаев үөрүүлээх быһыыга-майгыга аста, куоластааһын саҕаламмытын биллэрдэ: “Быйылгы куоластааһын, биллэрин курдук, уратылаах. Дойду үрдүнэн коронавирус ыарыыта туран, биир күн кэлэн элбэх киһи алтыспатын туһугар санитарнай-эпидемиологическэй ирдэбиллэргэ олоҕуран тэрилтэлэр үлэһиттэрэ нэдиэлэ устата, от ыйын 1 күнүгэр диэри, анал кыраапыгынан куоластыыллара тэрилиннэ. Куоластааччылар уонна куоластааһыны ыытар хамыыһыйа чилиэннэрэ доруобуйаларыгар куттал суох буолуута хааччылынна”.
Анал кыраапык быһыытынан бары учаастактарга үөрэх тэрилтэлэрин үлэһиттэрэ куоластааһыны саҕалаатылар.
Кырдьык, куоластааһын бары кыттыылаахтара, хамыыһыйа чилиэннэрэ, кэтээн көрөөччүлэр тус харыстанар сириэстибэлэринэн – мааскаларынан, бэрчээккэлэринэн, санитайзердарынан толору хааччыллыбыттар. Куоластыыр сир дезинфекцияламмыт, дьон бэйэ-бэйэлэриттэн икки миэтэрэ тэйиччи тураллара тутуһуллар. Куоластааччы киирэр-тахсар ааннара тус-туһунан буолбут. Хамыыһыйа чилиэннэрэ анал халааты, маасканы, бэрчээккэни кэтэн олороллор. Куоластааччы ыраахтан туран докумуонун көрдөрөр, хамыыһыйа чилиэнэ бэлиэтээн бүлүтүөнү, уруучуканы биэрэр.
Чахчы даҕаны биһиги дойдубут, биһиги Конституциябыт, биһиги быһаарыыбыт диэн санаанан салайтаран кэлбит дьон сүргэлэрэ көтөҕүллэн куоластаатылар, көхтөөхтүк кытыннылар.
#сахапечать #улусмедиа #новости #общероссийскоеголосование #момскийулус
June 25, 2020