АЛАҔАРДАР БИИР ДОЙДУЛААХТАРЫГАР ДЬИЭ ТУТАН БИЭРДИЛЭР
Чурапчы улууһун Алаҕар нэһилиэгин биир бастыҥ уопсастыбанньыгар, ыспарсымыаныгар, уран тарбахтаах иистэнньэҥэр, култуура эйгэтигэр дьоһун кылаатын киллэрсэ сылдьар соҕотох олорор инбэлииккэ Александра Алексеевна Андрееваҕа саҥа дьиэ күлүүһэ туттарылынна. Олохтоохтор бииргэ түмсэн, дьиэ тутуутугар күүс-көмө буоллулар.
Улуу Кыайыы 75 сылыгар уонна биир дойдулаахпыт аатырбыт артиллерист Г.Д.Протодьяконов төрөөбүтэ 110 сылын көрсө, 2020 сыл Алаҕар нэһилиэгэр «75 Үтүө дьыала сыла» биллэриллэн турар. Онуоха олохтоохтор нэһилиэктэрин туһугар араас хабаннаах дьаһаллары ыыталлар.
Алаҕар олохтооҕо Александра Андреева хас эмэ сыл устата олус эргэ, хаарбах туруктаах дьиэҕэ олорон кэллэ. Ыарахаттары этинэн-хаанынан көрүстэ. Дьиэтэ өрөмүөннээһин, “Хаарбах дьиэттэн көһөрүү” бырагыраамаларыгар хапсыбат этэ.
Онуоха уустук балаһыанньаны туоратар сыалтан, нэһилиэк баһылыга Ньургун Петрович Попов саҥа дьиэни тутууга этии киллэрбитин олохтоохтор бука бары өйөөбүттэрэ. Онон саҥа канадскай технологиянан 6х6 иэннээх дьиэ аҕыйах күн иһигэр дьэндэйдэ.
Тутууну Дьокуускай куоракка олорор Алаҕартан төрүттээх И.К.Мохначевскай салайааччылаах Чыаппара уолаттара туттулар. Дьиэ акылаатын маһын ытыктыыр киһилэрэ А.С.Мохначевскай биэрдэ. Буор үлэтигэр, тэрээһэни тутууга олохтоох дьон, тэрилтэлэр эр дьоно, Александра Алексеевна үөлээннээхтэрэ кытыннылар. Кырааскалааһыҥҥа, обуойдааһыҥҥа кэрэ аҥардар үлэлээтилэр. Нэһилиэк олохтоохторо, биир дойдулаахтара харчынан көмөлөстүлэр. Онон Александра Андреева үөрүүтэ муҥура суох.
Алаҕардар куруук даҕаны баһылыктарын Нь.П.Попов тула түмсэн үтүө дьыалаҕа олус көхтөөхтүк кытталлар. Ити курдук бары түмсэн саҥа таас кулуубу дьэндэтэн олоххо киллэрбиттэринэн киэн тутталлар, астыналлар.
Бар дьоҥҥо үтүөнү баҕарыы, кыһалҕалаах кэмҥэ көмө-тирэх, өйөбүл буолуу – бу олоххо киһи буолуу үрдүк чыпчаала. Дьиҥэр, ханнык даҕаны аат-суол, харчы үтүө дьыалаҕа тэҥнэспэт.
#УлусМедиа #благотворительность #Чурапчинскийулус #новости #75лет Победы #
Чурапчы улууһун Алаҕар нэһилиэгин биир бастыҥ уопсастыбанньыгар, ыспарсымыаныгар, уран тарбахтаах иистэнньэҥэр, култуура эйгэтигэр дьоһун кылаатын киллэрсэ сылдьар соҕотох олорор инбэлииккэ Александра Алексеевна Андрееваҕа саҥа дьиэ күлүүһэ туттарылынна. Олохтоохтор бииргэ түмсэн, дьиэ тутуутугар күүс-көмө буоллулар.
Улуу Кыайыы 75 сылыгар уонна биир дойдулаахпыт аатырбыт артиллерист Г.Д.Протодьяконов төрөөбүтэ 110 сылын көрсө, 2020 сыл Алаҕар нэһилиэгэр «75 Үтүө дьыала сыла» биллэриллэн турар. Онуоха олохтоохтор нэһилиэктэрин туһугар араас хабаннаах дьаһаллары ыыталлар.
Алаҕар олохтооҕо Александра Андреева хас эмэ сыл устата олус эргэ, хаарбах туруктаах дьиэҕэ олорон кэллэ. Ыарахаттары этинэн-хаанынан көрүстэ. Дьиэтэ өрөмүөннээһин, “Хаарбах дьиэттэн көһөрүү” бырагыраамаларыгар хапсыбат этэ.
Онуоха уустук балаһыанньаны туоратар сыалтан, нэһилиэк баһылыга Ньургун Петрович Попов саҥа дьиэни тутууга этии киллэрбитин олохтоохтор бука бары өйөөбүттэрэ. Онон саҥа канадскай технологиянан 6х6 иэннээх дьиэ аҕыйах күн иһигэр дьэндэйдэ.
Тутууну Дьокуускай куоракка олорор Алаҕартан төрүттээх И.К.Мохначевскай салайааччылаах Чыаппара уолаттара туттулар. Дьиэ акылаатын маһын ытыктыыр киһилэрэ А.С.Мохначевскай биэрдэ. Буор үлэтигэр, тэрээһэни тутууга олохтоох дьон, тэрилтэлэр эр дьоно, Александра Алексеевна үөлээннээхтэрэ кытыннылар. Кырааскалааһыҥҥа, обуойдааһыҥҥа кэрэ аҥардар үлэлээтилэр. Нэһилиэк олохтоохторо, биир дойдулаахтара харчынан көмөлөстүлэр. Онон Александра Андреева үөрүүтэ муҥура суох.
Алаҕардар куруук даҕаны баһылыктарын Нь.П.Попов тула түмсэн үтүө дьыалаҕа олус көхтөөхтүк кытталлар. Ити курдук бары түмсэн саҥа таас кулуубу дьэндэтэн олоххо киллэрбиттэринэн киэн тутталлар, астыналлар.
Бар дьоҥҥо үтүөнү баҕарыы, кыһалҕалаах кэмҥэ көмө-тирэх, өйөбүл буолуу – бу олоххо киһи буолуу үрдүк чыпчаала. Дьиҥэр, ханнык даҕаны аат-суол, харчы үтүө дьыалаҕа тэҥнэспэт.
#УлусМедиа #благотворительность #Чурапчинскийулус #новости #75лет Победы #