📰📰📰

⭕ Сөбүлээн ааҕар «Мүрү саһарҕата» улууһум хаһыатын нөҥүө үөрүүбүн, махталбын үллэстээри суруйабын. Баатаҕайдааҕы «Түмэн» сынньалаҥ киинин дириэктэрэ Людмила Готовцеваҕа уонна олохтоох бибилэтиэкэ сэбиэдиссэйэ Августина Пермяковаҕа, кэлэктиип үлэһиттэригэр истиҥ махталбын тиэрдэбин.

⭕ Эйэлээх, түмсүүлээх үлэһиттэр бэтэрээннэригэр мэлдьи болҕомтолоохтук сыһыаннаһаллар, өрүүтүн көмөлөһөллөр, үөрэ-көтө кэпсэтэллэр, кыһалҕабытын ыйыталаһаллар. Нэһилиэккэ, улууска ыытыллар тэрээһиннэргэ илдьэ сылдьаллар, Сааһырбыттар күннэригэр ыҥыран эҕэрдэлииллэр.

⭕ Кырдьаҕас киһи икки атаҕым сүһүөхтэрэ ыалдьан, Дьокуускайга көрдөрүнэн, эпэрээссийэлэнэн кыстаатым. Ол тухары кулуубум кыргыттара өрүүтүн төлөпүөннээн доруобуйабын сураһан, сонуннарын кэпсээн, санаабын сүрдээҕин көтөхтүлэр, ыарыым да түргэнник оһор курдук этэ.

⭕ Куоракка кыстаан олорор кэммэр кулууп үлэһиттэрэ дьиэм таһын ыраастаан, харбаан-хомуйан сайылыы кэлэрбэр бэлэмнээн тоһуйаллара наһаа абыраллаах көмө. Хамсык ыарыы бүрүүкээн, ордук саастаах дьон дьиэҕэ олорор кэммитигэр нэһилиэк волонтёрдары сыһыараннар, Леонид Готовцев бородуукта атыылаһан, култуура үлэһитэ Василий Садовников оттук маспын хайытан-саһааннаан биэрэн, күүс-көмө буолбуттарыгар ис сүрэхпиттэн махтанабын.

⭕ Түгэнинэн туһанан, Уус Алдан култуураҕа управлениетын начаалынньыгар Иннокентий Аммосовка, кини салайар кэлэктиибигэр, өр сылларга кэтэспит «Культура Усть-Алданского улуса: истоки и современность» диэн дириҥ ис хоһоонноох, баай матырыйааллаах, улууспут култууратын үйэтитэр дьоһун кинигэни таһаарбыккытын бэлэх тутан үөрдүм, уйадыйдым.

⭕ Түбүктээх үлэҕит үрдүктүк сыаналаммытынан үлэлэспит Л.С. Павловаҕа, М.З. Сивцеваҕа, М.Н. Борисоваҕа, З.М. Белолюбскаяҕа махталбын, эҕэрдэбин тиэрдэбин. Өр сылларга үлэлээбит култуурам тэрилтэтигэр сырдыгы, үтүөнү-кэрэни тарҕатааччыларга ситиһиилээх үлэлэринэн, култуура салаата тэриллибитэ 75 сылын үрдүк тэрээһиннээхтик ыыппыккытынан үөрэн туран эҕэрдэлиибин. Барыгытыгар дьолу-соргуну, чэгиэн туругу, айар үлэҕитигэр үрдүктэн-үрдүк дабайыылары баҕарабын.

#уйгусирэуусалдан
#уусалданхаһыата
#мүрүсаһарҕата
#махтал
#баатаҕай
#кэрээйгэтэ
https://www.instagram.com/p/CPSPv8zsYyQ/?utm_medium=share_sheet

ЯКУТСК. Коллектив ЦД "Түһүлгэ" Суоттунского наслега Усть-Алданского улуса передал сахаволонтерам госпитальные подушки четырех видов в количестве 85 штук.

Гуманитарный груз доставлен из Соттинцев в Якутск и в ближайшее время будет отгружен фондом "Якутия с тобой" в город Москва.

#бииргэбит
#махтал
#помочьможеткаждый
#айыллаанвинокуров
#авиакомпанияякутия


https://yangx.top/volonterysakha