#үйэтитии

💢 I Өспөх нэһилиэгин бастакы баһылыгын сырдык кэриэһигэр турнир алтыс төгүлүн волейболу таптааччылары түмтэ

I Өспөх нэһилиэгин бастакы баһылыга Петр Стрекаловскай Уһун Күөл туспа нэһилиэк буоларыгар, төрөөбүт нэһилиэгин туһугар элбэхтик сүүрэн-көтөн сыратын биэрбит, бэйэтин билиитин-сатабылын нэһилиэгэр анаабыт дьиҥнээх патриот киһи этэ. Кини быһаччы салайыытынан нэһилиэк социальнай олох-дьаһах инфраструктурата сайдар суолга киирэн, нэһилиэк кэҥээбитэ, тупсубута. Быйыл Петр Михайлович баара буоллар 65 сааһын туолуо этэ. Кини сырдык кэриэһигэр анаан волейболга үгэскэ кубулуйбут күрэхтэһии алтыс төгүлүн үрдүк таһымнаахтык буолан ааста.

Пандемия кэмигэр тэрээһиннэр бобулланнар, уһуннук кэтэспит күрэхтэһиибит буолбутуттан күрэхтэһээччилэр да, көрөөччүлэр да бары сүргэбит көтөҕүллэн, санаабыт кэлэн, икки күнү быһа күрэхтэһии олус сэргэхтик уонна хатыһыылаахтык ааспытыттан олус үөрдүбүт, астынныбыт. Эрдэттэн бэлэмнэнэн, ох курдук оҥостон Баатаҕай, Бээди, Майаҕас, Окоемовка, Тулуна, Уһун Күөл, Чараҥ, Чэриктэй бөһүөлэктэриттэн барыта аҕыс хамаанда (эр дьон, дьахталлар) кэлэн күөн көрүстүлэр, илин-кэлин туһүстүлэр.

Уопсай түмүккэ, бастакы миэстэҕэ Уһун Күөл хамаандата тахсан 50 000 солк. харчынан Петр Михайлович бииргэ төрөөбүттэрин анал бириистэрин ыллылар. Иккис миэстэ буолбут Тулуна хамаандата Петр Михайлович бырааттарын, балыстарын 30 000 солк. суумалаах анал бириистэрин туттулар. Үһүс миэстэҕэ Окоемовка хамаандата тахсан, олохтоох дьаһалта олохтообут 10 000 солк. суумалаах анал бирииһигэр тигистэ.

Маны таһынан, волейболунан үлүһүйэн оонньооччуларга, бастыҥнарга уонна кэскиллээх оонньооччуларга анал сыаналаах бириистэр туттарылыннылар.

✍️ Валентина Стрекаловская, Уһун Күөл орто оскуолатын учуутала

☑️ Сиһилии: https://мюрюгазета.рф/article/94765

✅ t.me/murusahargata @ulusmedia

#үйэтитии

💢 "Эр санаа" уордьан кавалера Максим Колодезников аата үйэтитилиннэ

Бүгүн, муус устар 12 күнүгэр, Бэрт Ууһун нэһилиэгэр биир дойдулаахпыт, "Эр санаа" уордьан кавалера Максим Колодезников сырдык аатын үйэтитэргэ, кэлэр кэнчээри ыччакка патриотическай өйү-санааны иитэр-иҥэрэр аналлаах мемориальнай дуоска арылынна.

Мемориал арыллыытыгар Бэрт Ууһун нэһилиэгин дьаһалтата, Максим Колодезников бииргэ сулууспалаабыт ОМОН "БИЗОН" этэрээтин уолаттара, бииргэ үөрэммит доҕотторо, кэргэнэ Екатерина Колодезникова, төрөппүт аҕата Семен Колодезников уонна олохтоохтор кытыннылар.

Бииргэ сулууспалаабыт доҕотторо Максимы истиҥ доҕор быһыытынан олус сыаналыылларын кэпсээн, чугас дьонун долгуттулар. Итиэннэ мемориальнай дуосканы, Максим мөссүөннээх баннеры, герой паартатын бэлэх уунан доҕордорун аатын үйэтитиигэ дьоһун көмөнү оҥордулар.

Росгвардия этэрээтин командирын солбуйааччы, полиция подполковнига Алексей Иванов, спецназ капитана, СӨ физическэй култууратын туйгуна, Максим тириэньэрэ Егор Елисеев, СӨ Росгвардия управлениетын спецнаһын  начальнигын  көмөлөһөөччүтэ, Максим үөлээннээҕэ Тимур Кутуков, РФ үөрэҕириитин туйгуна, учууталлар Учууталлара, Бэрт Ууһун  нэһилиэгин бочуоттаах олохтооҕо Семен  Румянцев, бииргэ үөрэммит доҕотторо нэһилиэк баһылыгын солбуйааччы Василий Петров, Наталья Стрекаловская, оскуола оҕолорун аатыттан 11 кылаас үөрэнээччитэ Максим Садовников ахтан-санаан ыллылар, кэнчээри ыччакка баҕа санааларын тиэртилэр.

Бүгүҥҥү тэрээһин Ийэ дойдуларын таптыыр-ытыктыыр, көмүскүүр кэнчээри ыччаппыт үүнэн-сайдан тахсыытыгар күүс-көмө буолуо диэн эрэнэбит✊

✍️ Анна Неустроева, Сыырдаахтааҕы "Айылгы" СК уус-уран салайааччыта

✅ t.me/murusahargata @ulusmedia

#үйэтитии

💢 Быйылгы "Победа" байыаннай-патриотическай оонньуу Василий Данилов сырдык кэриэһигэр ананна

Биир дойдулаахпыт, Мүрү 1-гы №-дээх орто оскуолатын выпускнига, байыаннай дьайыыга олоҕун хорсуннук толук уурбут гвардия старшай сержана Василий Данилов сырдык кэриэһигэр «Победа-2023» өрөпүүбүлүкэтээҕи байыаннай-спортивнай оонньуу буола турар.

Манна сэттэ хамаанда сэттэ түһүмэххэ күрэхтэһэллэр. Ол курдук, Мэҥэ Хаҥаластан икки хамаанда, Чурапчы, Мүрү 2-с №-дээх, Мындааба, уонна Мүрү 1-гы №-дээх орто оскуолатыттан икки хамаанда байыаннай хаамыыга, АК-74 сааны түргэнник ыһыыга-таҥыыга, ботуруону түргэнник иитиигэ, таба ытыыга, бальнай үҥкүүгэ, патриотическай ырыаҕа, канат тардыһыытыгар күрэхтэһэллэр.

✍️ Мария Аргунова

☑️ Күрэхтэһии туһунан Мүрү 1-гы №-дээх орто оскуолатын юнкордарын суруйууларын Үрүйэчээн страницатыгар аах https://vk.com/wall-219778198_19

✅ t.me/murusahargata @ulusmedia

#үйэтитии

💢 «Победа-2023» байыаннай-спортивнай күрэс кыайыылааҕа – «MYPY» БПК

Өрөспүүбүлүкэттэн мустубут сэттэ хамаанда илин-кэлин түсүһэн бастыҥнары тургуттулар. Кыайыылаах үрдүк аатын Мүрү 1-гы №-дээх орто оскуолатын «MYPY» БПК ситистэ. Оттон «MYPY-2» БПК хамаандата төрдүс миэстэҕэ таҕыста. Оҕолорбут ОБЖ биридимиэтин учуутала, байыаннай-патриотическай кулууп салайааччыта Александр Николаев салалтатынан утумнаахтык бэлэмнэммиттэрэ көстөн, кыайыы өрөгөйүн биллилэр.

Бүгүҥҥү «Победа» күрэспит оскуолабыт выпускнига, Украинаҕа байыаннай дьайыыларга кытта сылдьан сырдык тыына быстыбыт гвардия старшай сержана Василий Данилов сырдык кэриэһигэр ананна. Онон Василий чугас дьоно, однополчаннара кыттыыны ыланнар, бириис туруораннар тэрээһиммит ураты тыыннаах ааста.

✍️ Дайаана Степанова, Ньургуйаана Бурнашева, Мүрү 1-гы №-дээх орто оскуолатын юнкордара

☑️ Сиһилии Үрүйэчээҥҥэ: https://vk.com/wall-219778198_20

✅ t.me/murusahargata @ulusmedia