#Telegram ❤🇺🇦

ዩክሬን የቴሌግራም የመልእክት መላላኪያ መድረክን ለመንግስት እና ወታደራዊ ሰራተኞች እንዲሁም ለመከላከያ ሴክተር እና ወሳኝ የመሠረተ ልማት ሰራተኞች በተሰጡ ኦፊሴላዊ መሳሪያዎች ላይ አገልግሎት ላይ እንዳይውል አግዳለች።

እገዳው የግል የሞባይል ስልኮችን አያካትትም ተብሏል።

እግዱ የወጣው በ2022 በዩክሬን ላይ ሙሉ ወረራ በጀመረችው ሩሲያ የሚፈጠረውን ስጋት “ለመቀነስ” ነው ሲል የሀገሪቱ ኃያል የብሄራዊ ደህንነት እና መከላከያ ምክር ቤት ተናግሯል።

የደህንነት ምክር ቤቱ "ጠላት ቴሌግራምን ለሳይበር ጥቃት፣ለተንኮል አዘል ሶፍትዌሮች ስርጭት፣ለሚሳኤል ጥቃት ቦታ ጥቆማ በንቃት ይጠቀማል" ሲል ለእገዳው ምክንያቱን አስቀምጧል።

ቴሌግራም የዩክሬን እና የሩሲያ የመንግስት እና የጦር ባለስልጣናት በስፋት የሚጠቀሙት የመረጃ መለዋወጫ መተግበሪያ ነው።

እገዳው ተግባራዊ እንዲሆን በዩክሬን ከፍተኛ የመረጃ ደኅንነት ባለሥልጣናት፣ ወታደራዊ እና የህግ አውጭዎች ባደረጉት ስብሰባ ከስምምነት ላይ መደረሱን ምክር ቤቱ በሰጠው መግለጫ ተናግሯል።

የወታደራዊ መረጃ ሃላፊው ኪሪሎ ቡዳኖቭ እንደገለጹት የተሰረዙ መልእክቶችን እና የተጠቃሚዎችን ግላዊ የመልእክት ልውውጦችን የሩስያ ሃይሎች ማግኘት መቻላቸውን የሚያሳዩ ተአማኒ ማስረጃዎች አሉ ብሏል።

"የመናገር ነፃነትን ሁሌም እደግፋለሁ ነገር ግን የቴሌግራም ጉዳይ የመናገር ነፃነት ጉዳይ አይደለም፣ የብሄራዊ ደህንነት ጉዳይ ነው" ሲል ቡዳኖቭ ተናግሯል።

ቴሌግራም መጠቀም የስራቸው አካል የሆኑ ባለስልጣናት ከእገዳው ነፃ ይሆናሉ ተብሏል።

ቴሌግራም ለቢቢሲ በሰጠው መግለጫ "ሩሲያን ጨምሮ ለየትኛውም ሀገር ምንም አይነት የመልዕክት መረጃ አላቀረበም" ብሏል።

አክሎም አንድ ጊዜ የተሰረዙ መልእክቶች ከተሰረዙ በኋላ ዳግም የሚታዩበት በቴክኒክ ደረጃ ምንም አይነት መንገድ የለም ሲልም ገልጿል።

@tikvahethmagazine